1 कुरुन्थी 2
2
कुरुस रे रकप इनीः मसी रआ बबेत रे संदेस
1ए बिसवासी बोयहा-मिसी जोब इञ अपे ठिनुः हेच किनिञ दो परमेसर रआ उकु वनाः खभेर इञ अपन चलांक गानाम ते चहे बेचोट बुधि ते काइञ उदुःलाःआ। 2चिलिमेनचि इञ निचित लाःइञ चि अपे ठिनुः तहीः वते ईसु मसी अरो कुरुस रे, उनी रआ गोनोच रआ सिवाय अरो जहय रआ बबेत रे काइञ नधनिया। 3#कु.कामि 18:9अरो इनाते इञ नमर केते बोरोय ते थरथराव वते, अपे ठिनुः हेच्चेनिञ। 4इञ रआ खभेर अरो इञ रआ परचार मनवां रआ गेयान आर लोभलोभोवन गानाम ते का तहिकेना, लिकिन परमेसर रआ रावा अरो सोमोर्थ एते सबिद इतिञ। 5इनाते चि अपे रआ बिसवास मनवांकु रआ गेयान रे बङा, मुदा परमेसर रआ सोमोर्थ रे टेकावेकाना।
परमेसर रआ गेयान
6रेहोंगी जे पहिल एते मसी रे बेरयार एकानाकु, इनकु किगी गेयान रआ गानाम सिखाव कुकानिञ। मुदा नुवां गेयान दुनिया रआ बङ कानाः अरो ना दुनिया रेन अधिकारिकु रआ हेके, उनकु नठावोः कनाकु। 7जे गेयान आबु उदुः कनाबुन उना परमेसर रआ उकु वनाः गेयान हेके। नुवां पहिल रेन होर एते उकु केना। मुदा नुवां गेयान आबु रआ महिमा कथिर हों परमेसर ता दुनिया सिरजाव लाःआय उना एते पहिल गी ठहराव लाःआय। 8नुवां गेयान नियां जुग रेन अधिकारिकु ता काकु सोमझावकेना, चि परमेसर चिलिकाः कराव लाःआय। जदि उनकु उनी के सारीइ रेदोकु महिमामय परभु के कुरुस रे काकु रकापिया होनांङ। 9#जसा 64:4 मुदा परमेसर रआ बचन रे नुंका ओल एकाना चि परमेसर अपन दुलार कराव वनकु कथिर जे तेयार एकाःआय
उना जहय तहों केहयो काकु नेल एकाःआ,
ना दो जहय ता ओनाव एकाःआकु
अरो ना मोन रे सोंचाव एकाःआकु।
10मुदा परमेसर ता उना गेयान ता अपन रावा रआ दोवासते आबु रे दिसतार एकाःआय। चिलिमेनचि रावा सुबिन जिनिस दंड़ाय कनाय, अरो परमेसर रआ भितरवांट रआ गानाम हों सारीइ कनाय। 11मिहोर मनवां रआ मोन जहय तहों काकु सारीइकाना मुदा उनी रआ रावा गी सारीइ कनाय। इनका गी परमेसर रआ बिचार जहय काकु सारीइकाना सिरीफ रावा गी सारीइ कनाय। 12अबुन नियां दुनिया रआ रावा कबुन नाम एकाःआ मुदा परमेसर एते पबितर रावा नाम एकाःआबुन ताकि अबुन उना गानाम सारी दड़ी वाःआबुन जे परमेसर ता मुफात रे एम एकाःआय। 13जे अबुन उदुः कनाबुन उना मनवांकु रआ गेयान एते सिखाव वनाः गानाम कबुन गाम काना, मुदा अबुन पबितर रावा एते सिखाव वनाः गानाम उदुः वकुकानाबुन। आत्मिक गानाम जे पबितर रावा अबुन के सिखाव बुन कनाय इनातिगी अबुन हों उदुः कनाबुन जेके पबितर रावा नाम एकाना। 14जेकर ठिनुः पबितर रावा बनुःआं, उनी होर, परमेसर रआ रावा रआ, गानाम रे काकु बिसवास काना, चिलिमेनचि उनी कथिर उना गानाम मुरुखता रआ बराबोइर हेनाःआं, उनी उना काय सोमझाव दड़िवाकानाय, चिलिमेनचि उनी रआ परखाव पबितर रावा एते गी होयुः काना। 15जेकर रे पबितर रावा हेनाःआं, उनी सुबिन गानाम परखाव कनाय। लिकिन उनी के जहय हों काकु परखाव दड़िवाया 16#जसा 40:13चिलिमेनचि परमेसर रआ बचन रे ओल्लेकाना,
“परभु रआ मोन ता ओकोय सारीइ कनाय?
ओकोय उनी के सलाह एम दड़िवाःआय”
मुदा अबुन रेदो मसी रआ मोन हेनाःआं।
Currently Selected:
1 कुरुन्थी 2: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
1 कुरुन्थी 2
2
कुरुस रे रकप इनीः मसी रआ बबेत रे संदेस
1ए बिसवासी बोयहा-मिसी जोब इञ अपे ठिनुः हेच किनिञ दो परमेसर रआ उकु वनाः खभेर इञ अपन चलांक गानाम ते चहे बेचोट बुधि ते काइञ उदुःलाःआ। 2चिलिमेनचि इञ निचित लाःइञ चि अपे ठिनुः तहीः वते ईसु मसी अरो कुरुस रे, उनी रआ गोनोच रआ सिवाय अरो जहय रआ बबेत रे काइञ नधनिया। 3#कु.कामि 18:9अरो इनाते इञ नमर केते बोरोय ते थरथराव वते, अपे ठिनुः हेच्चेनिञ। 4इञ रआ खभेर अरो इञ रआ परचार मनवां रआ गेयान आर लोभलोभोवन गानाम ते का तहिकेना, लिकिन परमेसर रआ रावा अरो सोमोर्थ एते सबिद इतिञ। 5इनाते चि अपे रआ बिसवास मनवांकु रआ गेयान रे बङा, मुदा परमेसर रआ सोमोर्थ रे टेकावेकाना।
परमेसर रआ गेयान
6रेहोंगी जे पहिल एते मसी रे बेरयार एकानाकु, इनकु किगी गेयान रआ गानाम सिखाव कुकानिञ। मुदा नुवां गेयान दुनिया रआ बङ कानाः अरो ना दुनिया रेन अधिकारिकु रआ हेके, उनकु नठावोः कनाकु। 7जे गेयान आबु उदुः कनाबुन उना परमेसर रआ उकु वनाः गेयान हेके। नुवां पहिल रेन होर एते उकु केना। मुदा नुवां गेयान आबु रआ महिमा कथिर हों परमेसर ता दुनिया सिरजाव लाःआय उना एते पहिल गी ठहराव लाःआय। 8नुवां गेयान नियां जुग रेन अधिकारिकु ता काकु सोमझावकेना, चि परमेसर चिलिकाः कराव लाःआय। जदि उनकु उनी के सारीइ रेदोकु महिमामय परभु के कुरुस रे काकु रकापिया होनांङ। 9#जसा 64:4 मुदा परमेसर रआ बचन रे नुंका ओल एकाना चि परमेसर अपन दुलार कराव वनकु कथिर जे तेयार एकाःआय
उना जहय तहों केहयो काकु नेल एकाःआ,
ना दो जहय ता ओनाव एकाःआकु
अरो ना मोन रे सोंचाव एकाःआकु।
10मुदा परमेसर ता उना गेयान ता अपन रावा रआ दोवासते आबु रे दिसतार एकाःआय। चिलिमेनचि रावा सुबिन जिनिस दंड़ाय कनाय, अरो परमेसर रआ भितरवांट रआ गानाम हों सारीइ कनाय। 11मिहोर मनवां रआ मोन जहय तहों काकु सारीइकाना मुदा उनी रआ रावा गी सारीइ कनाय। इनका गी परमेसर रआ बिचार जहय काकु सारीइकाना सिरीफ रावा गी सारीइ कनाय। 12अबुन नियां दुनिया रआ रावा कबुन नाम एकाःआ मुदा परमेसर एते पबितर रावा नाम एकाःआबुन ताकि अबुन उना गानाम सारी दड़ी वाःआबुन जे परमेसर ता मुफात रे एम एकाःआय। 13जे अबुन उदुः कनाबुन उना मनवांकु रआ गेयान एते सिखाव वनाः गानाम कबुन गाम काना, मुदा अबुन पबितर रावा एते सिखाव वनाः गानाम उदुः वकुकानाबुन। आत्मिक गानाम जे पबितर रावा अबुन के सिखाव बुन कनाय इनातिगी अबुन हों उदुः कनाबुन जेके पबितर रावा नाम एकाना। 14जेकर ठिनुः पबितर रावा बनुःआं, उनी होर, परमेसर रआ रावा रआ, गानाम रे काकु बिसवास काना, चिलिमेनचि उनी कथिर उना गानाम मुरुखता रआ बराबोइर हेनाःआं, उनी उना काय सोमझाव दड़िवाकानाय, चिलिमेनचि उनी रआ परखाव पबितर रावा एते गी होयुः काना। 15जेकर रे पबितर रावा हेनाःआं, उनी सुबिन गानाम परखाव कनाय। लिकिन उनी के जहय हों काकु परखाव दड़िवाया 16#जसा 40:13चिलिमेनचि परमेसर रआ बचन रे ओल्लेकाना,
“परभु रआ मोन ता ओकोय सारीइ कनाय?
ओकोय उनी के सलाह एम दड़िवाःआय”
मुदा अबुन रेदो मसी रआ मोन हेनाःआं।
© 2023 NLCI CC BY-NC-ND 4.0