कुलवानकु.कामि 15
15
जरुसलेम चट्टी रे पहिल पंचेत
1 #
लेवी 12:3
आधा होर जहुदिया पोरदेस एते अन्ताकिया चट्टी रे हेच्चेनाकु अरो बिसवासी बोयहा-मिसी के नुवां सिखाव चित तहिनाकु चि जदि मूसा एते सेसेन हिजुः आनाः रिति रआ मोताबिक अपे होरकु रआ खतना का होयुःआ, रेदो अपे के उद्धार का नमुःआं। 2नुवां बबेत रे पाउलुस अरो बरनाबस अरो उनकु होरकु रआ ताला रे बेचोट झगरा अरो रेनाटेटा होय्येना दो नुवां निचित एताकु, चि पाउलुस अरो बरनाबस अन्ताकिया चट्टी रेन हुडिञगन होरकु रआ गाति जरुसलेम सिनुःआकु अरो नुवां झामेला रे कुलवानकु एते अरो एगवाकु एते नधनी-गापम अकु। 3अन्ताकिया चट्टी रआ कलीसिया रेन उनकिन के बिदा कराव तयनोम पाउलुस अरो बरनाबस फिनीसिया चट्टी अरो समरिया चट्टी होयकेते तोराकिना, उना समेय बिसवासिकु के नुवां खभेर उदुःवाःकुवाकिन चि गइर-जहुदिकु हों परमेसर सोझ मोन रुवाड़ कनाकु, नियां गानाम ता ओनाव केते सुबिन बिसवासी बोयहा-मिसी बेचोट खुस एनाकु। 4जोब उनकिन जरुसलेम तेबाः एनाकिन, दो कलीसिया, कुलवानकु अरो एगवाकु ता उनकिन के माइन-दइन वेःकिनाकु। अरो उनकिन ता उदुःएताकिन चि परमेसर ता उनकिन दोवासते चिलि-चिलि कराव वाःकिनाय 5मुदा फरीसिकु दोल रेन हुडिञगन बिसवास बिरीत केते गाम्मेताकु, “गइर-जहुदिकु रआ खतना कराव अरो मूसा रआ नियम रआ मनाव रआ हुकूम एएम चही।” 6तोब कुलवानकु अरो एगवाकु नुवां गानाम रआ बबेत रे सलाह कराव कथिर जमाएनाकु। 7#कु.कामि 10:1–43तोब बेचोट झामेला होय्येना इना तयनोम पतरस ता तिंगु केते उनकु के मेताःकुवाय, “ए बोयहाकु, अपे सारी कनापे चि बेचोट हिलोः होय्येना परमेसर ता अपे रे एते इञ के सला एकाःदेञाय चि इञ एते गइर-जहुदी बुगिन खभेर रआ बचन अयुम केते बिसवासियाकु। 8#कु.कामि 10:44; 2:4परमेसर मनवां रआ मोन सारीइ कनाय। उनी ता उनकु होरकु के अबु लेका गी बराबोइर पबितर रावा एम केते गोवाही एम्मेताय, 9उनी ता जहुदिकु रे अरो गइर-जहुदिकु रे जहन्नाः भेद-भाव काय दोहो लाःआय। अरो बिसवास रआ दोवासते उनकु रआ मोन सुध एताय। 10चेलाकु रआ खांधी रे नुंकन जुवांठ चिलिमेन दोहो चहाः कनापे जेकर न अबु रेन आपु-आजाकु रिम दड़ी लाःआकु अरो न अबु रिम दड़िवाःआबुन। नुंका केते अपे चिलिमेन परमेसर के परीछाय कनापे? 11नुंका बङा! आले बिसवास कनाले चि परभु ईसु रआ दया एते अबु उद्धार नाम्मेताबुन जे लेका उनकु हों नाम्मेताकु।” 12तोब सुबिन हपे एनाकु अरो उनकु बरनाबस अरो पाउलुस रआ गानाम ओनाव चित तहिनाकु, जे उना चिनहा अरो चकरीत कामि देखाव एकेनाकिन जे के परमेसर ता उनकिन दोवासते गइर-जहुदिकु रआ ताला रे कराव लाःआकिन। 13जोब उनकिन नधनी मुडू ताकिन दो जाकूब ता गाम्मेताय, “ए बिसवासी बोयहा-मिसी! इञ रआ गानाम ओनावेपे। 14सिमोन ता आले के उदुःवाःलेयाय चि पहिल इसा परमेसर ता करा लेका गइर-जहुदिकु रे अपन कथिर मिहोर होर सला रआ किरपा एताय 15नुवां परमेसर सोझ एते नधनी वनीः रआ गानाम एते मेल जोम कनाय, चिलिमेनचि ओल एकाःआय,
16 #
आमो 9:11,12 “‘इना तयनोम इञ रुवाड़ केते दाऊद रआ राइज अरो बायिञ।
इञ उनी रआ तहस-नहस केना,
उना नवां बायिञ
केते तिंगुयिञ,
17इनाते सरेच वन गइर-जहुदिकु, जे इञ रआ लुतूम रेन गामुः कनाकु, परभु के दंड़ा रे लगाव तहीःपे,
नुवां गानाम उनी परभु रआ हेके, जे नुवां कामि पुराव कनाय।
18नोंय इनी परभु गाम कनाय, जे नंङ-सेदाय एते गी नियां गानाम दिसतार कराव अगु एकाःआय सारीः काना।’
19“इनाते इञ रआ फयसाला नुंका हेनाःआं चि जे गइर-जहुदिकु परमेसर रआ सोझ हिजुः कनाकु, अबु उनकु के दुख ओलोपे एमाकुवा, 20#उठ 34:15–17; लेवी 18:6–23; लेवी 17:10–16मुदा उनकु के चिट्ठी ओल केते हुकूम एमाकुपे चि उनकु मुरती रे रकाप आनाः जीलु एते अरो होटोः एंयठव गोच वन जनावार रआ जीलु अरो मयम एते अरो साप-जोटेत एते परहेज एपे। 21चिलिमेनचि पहिल एते चट्टी-चट्टी रे मूसा रआ नियम रआ परचार ओःकाना अरो मूसा रआ नियम हार जिराः हिलोः बिनती ओड़ाः रे पोड़हाव केते उदुःवाकु कनाकु।”
गइर-जहुदी बिसवासिकु के चिट्ठी
22तोब सुबिन कलीसिया रआ सलाह एते कुलवानकु अरो एगवाकु ता सलाह एताकु चि अबु रे हुडिञगन होरकु के सला केते पाउलुस अरो बरसबास लोः अन्ताकिया कुल कुवा। उनकु ता बार होर के सला वेःकिनाकु, जे बोयहा-मिसी रे मुध तहिकेनाकिन, बङ रेदो जहुदा के, जे बरनाबस गमुःकेनाय, अरो सिलास के, 23अरो नुंका चिट्ठी ओल केते उनकिन रआ ती रे एम कुल एताकु चि, “अन्ताकिया चट्टी सीरिया दिसुम अरो किलिकिया दिसुम रे तहीः वन गइर-जहुदी बोयहा-मिसी के, अपे रेन बोयहा, कुलवानकु अरो एगवाकु रआ सोझ एते जोहार। 24आले ओनाव कनाले चि आले ठिनुः रेन हुडिञगन होरकु ता, जे के आले जहन हुकूम काले एम लाःआ, अकु रआ गानाम एते अपे होरकु रे घबड़ाव काःपेयाकु अरो अपे रआ मोन ता हेन्दवाव कताकु। 25इनाते आले ता सुबिन रआ सहमत एते सलाह एताले चि हुडिञगन होरकु के सला केते आले रेन दुलार बरनाबस अरो पाउलुस लोः अपे ठिनुः कुलकुवाले। 26नोकु नुंकन होर हेकेकु जहय ता अबु रिई परभु ईसु मसी रआ सेवा कथिर अपन जीव जोखिम रे डलाव एकाःआकु। 27इनाते आले जहुदा अरो सिलास के अपे ठिनुः कुल किनकानाले। उनकिन हों अपे ठिनुः नुवां सुबिन अपन मोचा तिगी उदुः इयाकु जे आले ओल एकाःआले। 28पबितर रावा ता अरो अबु के नुवां उचित सरीना चि नियां जरुरेत गानाम बागी केते अरो जहन हम्बल अपे होर रआ चेतान ओलोपे लदिया। 29अपे मुरती रे रकाप आनाः जीलु एते, मयम, होटोः एंयठव वनकु जनावार रआ जीलु अरो साप-जोटेत एते परहेज एपे, इनाते अपन के बनचाव दोहो रे अपे रआ भला होयुःआ, माते बिदा मेन केते ओल कुल लआकु।” 30उनकु बिदा केते अन्ताकिया चट्टी तोराकुवा अरो ओन्डो तेबाः केते उनकु ता बिसवासिकु के मीः ठिनुः केते उना चिट्ठी एमाःकुवाकु। 31उनकु चिट्ठी पोड़हाव केते उना ढढस रआ गानाम एते बेचोट खुस एनाकु। 32जहुदा अरो सिलास अकिन हों परमेसर सोझ एते नधनी वनकिन तहिकेनाकिन उनकिन बिसवासी बोयहा-मिसी के बेचोट समेय तक सिखाव वते डिढ़ एमाःकुवाकिन अरो उनकु के मजगुत वेःकुवाकिन। 33उनकु आधा हिलोः तहिकेते बिसवासी बोयहा-मिसी एते सांति एते बिदा एनाकु चि अकु रेन कुलवान ठिनुः सिनुःआकु, 34(मुदा सिलास के ओन्डो तहीः बुगिन अटकारेना।) 35पाउलुस अरो बरनाबस अन्ताकिया चट्टी रिगी तहिएनाकिन अरो बेचोट एते एटाः होर लोः उनकिन परभु रआ बचन सिखाव अरो ओनाव इरी चित तहिएनाकिन।
पाउलुस अरो बरनाबस रआ झामेला
36थोड़ हिलोः तयनोम पाउलुस ता बरनाबस के गामवादेयाय, “हिजुःमी अलांङ जे-जे चट्टी रे परभु रआ बचन रआ परचार एतालांङ, ओन्डो अरो सेन केते बिसवासी बोयहा-मिसी लोः नपाम अलांङ अरो नेल कुवालांङ चि उनकु चिलकाःआकु।” 37बरनाबस चहाः केनाय चि अकिन लोः जोहन के हों, जे मरकुस गमुःकेनाय, इदिया होनांङ। 38#कु.कामि 13:13मुदा पाउलुस ता मरकुस के अकिन लोः काय इदी चहाः केनाय चिलिमेनचि उनी पहिल कामि रे मुडूः तक काय देंगा लेःकिनाय, मुदा पमफुलिया रिगी बागी केते रुवाड़ केनाय। 39नियां रे बनार लोः नुंका झामेला होय्येना चि उनकिन जुदा एनाकिन। बरनाबस मरकुस के आच लोः इदिकेते दाः जहाज रे कुपरुस तोराकिना 40पाउलुस ता सिलास के सलाएदेयाय, अरो बिसवासी बोयहा-मिसी ता उनकिन के परभु रआ दया सोंपाव केते बिदा वेःकिनाकु। 41पाउलुस ता सीरिया दिसुम अरो किलिकिया दिसुम एते होय वते तोराया अरो ओन्डो रेन कलीसिया रेन के मजगुत इदी वेःकुवाय।
Currently Selected:
कुलवानकु.कामि 15: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
कुलवानकु.कामि 15
15
जरुसलेम चट्टी रे पहिल पंचेत
1 #
लेवी 12:3
आधा होर जहुदिया पोरदेस एते अन्ताकिया चट्टी रे हेच्चेनाकु अरो बिसवासी बोयहा-मिसी के नुवां सिखाव चित तहिनाकु चि जदि मूसा एते सेसेन हिजुः आनाः रिति रआ मोताबिक अपे होरकु रआ खतना का होयुःआ, रेदो अपे के उद्धार का नमुःआं। 2नुवां बबेत रे पाउलुस अरो बरनाबस अरो उनकु होरकु रआ ताला रे बेचोट झगरा अरो रेनाटेटा होय्येना दो नुवां निचित एताकु, चि पाउलुस अरो बरनाबस अन्ताकिया चट्टी रेन हुडिञगन होरकु रआ गाति जरुसलेम सिनुःआकु अरो नुवां झामेला रे कुलवानकु एते अरो एगवाकु एते नधनी-गापम अकु। 3अन्ताकिया चट्टी रआ कलीसिया रेन उनकिन के बिदा कराव तयनोम पाउलुस अरो बरनाबस फिनीसिया चट्टी अरो समरिया चट्टी होयकेते तोराकिना, उना समेय बिसवासिकु के नुवां खभेर उदुःवाःकुवाकिन चि गइर-जहुदिकु हों परमेसर सोझ मोन रुवाड़ कनाकु, नियां गानाम ता ओनाव केते सुबिन बिसवासी बोयहा-मिसी बेचोट खुस एनाकु। 4जोब उनकिन जरुसलेम तेबाः एनाकिन, दो कलीसिया, कुलवानकु अरो एगवाकु ता उनकिन के माइन-दइन वेःकिनाकु। अरो उनकिन ता उदुःएताकिन चि परमेसर ता उनकिन दोवासते चिलि-चिलि कराव वाःकिनाय 5मुदा फरीसिकु दोल रेन हुडिञगन बिसवास बिरीत केते गाम्मेताकु, “गइर-जहुदिकु रआ खतना कराव अरो मूसा रआ नियम रआ मनाव रआ हुकूम एएम चही।” 6तोब कुलवानकु अरो एगवाकु नुवां गानाम रआ बबेत रे सलाह कराव कथिर जमाएनाकु। 7#कु.कामि 10:1–43तोब बेचोट झामेला होय्येना इना तयनोम पतरस ता तिंगु केते उनकु के मेताःकुवाय, “ए बोयहाकु, अपे सारी कनापे चि बेचोट हिलोः होय्येना परमेसर ता अपे रे एते इञ के सला एकाःदेञाय चि इञ एते गइर-जहुदी बुगिन खभेर रआ बचन अयुम केते बिसवासियाकु। 8#कु.कामि 10:44; 2:4परमेसर मनवां रआ मोन सारीइ कनाय। उनी ता उनकु होरकु के अबु लेका गी बराबोइर पबितर रावा एम केते गोवाही एम्मेताय, 9उनी ता जहुदिकु रे अरो गइर-जहुदिकु रे जहन्नाः भेद-भाव काय दोहो लाःआय। अरो बिसवास रआ दोवासते उनकु रआ मोन सुध एताय। 10चेलाकु रआ खांधी रे नुंकन जुवांठ चिलिमेन दोहो चहाः कनापे जेकर न अबु रेन आपु-आजाकु रिम दड़ी लाःआकु अरो न अबु रिम दड़िवाःआबुन। नुंका केते अपे चिलिमेन परमेसर के परीछाय कनापे? 11नुंका बङा! आले बिसवास कनाले चि परभु ईसु रआ दया एते अबु उद्धार नाम्मेताबुन जे लेका उनकु हों नाम्मेताकु।” 12तोब सुबिन हपे एनाकु अरो उनकु बरनाबस अरो पाउलुस रआ गानाम ओनाव चित तहिनाकु, जे उना चिनहा अरो चकरीत कामि देखाव एकेनाकिन जे के परमेसर ता उनकिन दोवासते गइर-जहुदिकु रआ ताला रे कराव लाःआकिन। 13जोब उनकिन नधनी मुडू ताकिन दो जाकूब ता गाम्मेताय, “ए बिसवासी बोयहा-मिसी! इञ रआ गानाम ओनावेपे। 14सिमोन ता आले के उदुःवाःलेयाय चि पहिल इसा परमेसर ता करा लेका गइर-जहुदिकु रे अपन कथिर मिहोर होर सला रआ किरपा एताय 15नुवां परमेसर सोझ एते नधनी वनीः रआ गानाम एते मेल जोम कनाय, चिलिमेनचि ओल एकाःआय,
16 #
आमो 9:11,12 “‘इना तयनोम इञ रुवाड़ केते दाऊद रआ राइज अरो बायिञ।
इञ उनी रआ तहस-नहस केना,
उना नवां बायिञ
केते तिंगुयिञ,
17इनाते सरेच वन गइर-जहुदिकु, जे इञ रआ लुतूम रेन गामुः कनाकु, परभु के दंड़ा रे लगाव तहीःपे,
नुवां गानाम उनी परभु रआ हेके, जे नुवां कामि पुराव कनाय।
18नोंय इनी परभु गाम कनाय, जे नंङ-सेदाय एते गी नियां गानाम दिसतार कराव अगु एकाःआय सारीः काना।’
19“इनाते इञ रआ फयसाला नुंका हेनाःआं चि जे गइर-जहुदिकु परमेसर रआ सोझ हिजुः कनाकु, अबु उनकु के दुख ओलोपे एमाकुवा, 20#उठ 34:15–17; लेवी 18:6–23; लेवी 17:10–16मुदा उनकु के चिट्ठी ओल केते हुकूम एमाकुपे चि उनकु मुरती रे रकाप आनाः जीलु एते अरो होटोः एंयठव गोच वन जनावार रआ जीलु अरो मयम एते अरो साप-जोटेत एते परहेज एपे। 21चिलिमेनचि पहिल एते चट्टी-चट्टी रे मूसा रआ नियम रआ परचार ओःकाना अरो मूसा रआ नियम हार जिराः हिलोः बिनती ओड़ाः रे पोड़हाव केते उदुःवाकु कनाकु।”
गइर-जहुदी बिसवासिकु के चिट्ठी
22तोब सुबिन कलीसिया रआ सलाह एते कुलवानकु अरो एगवाकु ता सलाह एताकु चि अबु रे हुडिञगन होरकु के सला केते पाउलुस अरो बरसबास लोः अन्ताकिया कुल कुवा। उनकु ता बार होर के सला वेःकिनाकु, जे बोयहा-मिसी रे मुध तहिकेनाकिन, बङ रेदो जहुदा के, जे बरनाबस गमुःकेनाय, अरो सिलास के, 23अरो नुंका चिट्ठी ओल केते उनकिन रआ ती रे एम कुल एताकु चि, “अन्ताकिया चट्टी सीरिया दिसुम अरो किलिकिया दिसुम रे तहीः वन गइर-जहुदी बोयहा-मिसी के, अपे रेन बोयहा, कुलवानकु अरो एगवाकु रआ सोझ एते जोहार। 24आले ओनाव कनाले चि आले ठिनुः रेन हुडिञगन होरकु ता, जे के आले जहन हुकूम काले एम लाःआ, अकु रआ गानाम एते अपे होरकु रे घबड़ाव काःपेयाकु अरो अपे रआ मोन ता हेन्दवाव कताकु। 25इनाते आले ता सुबिन रआ सहमत एते सलाह एताले चि हुडिञगन होरकु के सला केते आले रेन दुलार बरनाबस अरो पाउलुस लोः अपे ठिनुः कुलकुवाले। 26नोकु नुंकन होर हेकेकु जहय ता अबु रिई परभु ईसु मसी रआ सेवा कथिर अपन जीव जोखिम रे डलाव एकाःआकु। 27इनाते आले जहुदा अरो सिलास के अपे ठिनुः कुल किनकानाले। उनकिन हों अपे ठिनुः नुवां सुबिन अपन मोचा तिगी उदुः इयाकु जे आले ओल एकाःआले। 28पबितर रावा ता अरो अबु के नुवां उचित सरीना चि नियां जरुरेत गानाम बागी केते अरो जहन हम्बल अपे होर रआ चेतान ओलोपे लदिया। 29अपे मुरती रे रकाप आनाः जीलु एते, मयम, होटोः एंयठव वनकु जनावार रआ जीलु अरो साप-जोटेत एते परहेज एपे, इनाते अपन के बनचाव दोहो रे अपे रआ भला होयुःआ, माते बिदा मेन केते ओल कुल लआकु।” 30उनकु बिदा केते अन्ताकिया चट्टी तोराकुवा अरो ओन्डो तेबाः केते उनकु ता बिसवासिकु के मीः ठिनुः केते उना चिट्ठी एमाःकुवाकु। 31उनकु चिट्ठी पोड़हाव केते उना ढढस रआ गानाम एते बेचोट खुस एनाकु। 32जहुदा अरो सिलास अकिन हों परमेसर सोझ एते नधनी वनकिन तहिकेनाकिन उनकिन बिसवासी बोयहा-मिसी के बेचोट समेय तक सिखाव वते डिढ़ एमाःकुवाकिन अरो उनकु के मजगुत वेःकुवाकिन। 33उनकु आधा हिलोः तहिकेते बिसवासी बोयहा-मिसी एते सांति एते बिदा एनाकु चि अकु रेन कुलवान ठिनुः सिनुःआकु, 34(मुदा सिलास के ओन्डो तहीः बुगिन अटकारेना।) 35पाउलुस अरो बरनाबस अन्ताकिया चट्टी रिगी तहिएनाकिन अरो बेचोट एते एटाः होर लोः उनकिन परभु रआ बचन सिखाव अरो ओनाव इरी चित तहिएनाकिन।
पाउलुस अरो बरनाबस रआ झामेला
36थोड़ हिलोः तयनोम पाउलुस ता बरनाबस के गामवादेयाय, “हिजुःमी अलांङ जे-जे चट्टी रे परभु रआ बचन रआ परचार एतालांङ, ओन्डो अरो सेन केते बिसवासी बोयहा-मिसी लोः नपाम अलांङ अरो नेल कुवालांङ चि उनकु चिलकाःआकु।” 37बरनाबस चहाः केनाय चि अकिन लोः जोहन के हों, जे मरकुस गमुःकेनाय, इदिया होनांङ। 38#कु.कामि 13:13मुदा पाउलुस ता मरकुस के अकिन लोः काय इदी चहाः केनाय चिलिमेनचि उनी पहिल कामि रे मुडूः तक काय देंगा लेःकिनाय, मुदा पमफुलिया रिगी बागी केते रुवाड़ केनाय। 39नियां रे बनार लोः नुंका झामेला होय्येना चि उनकिन जुदा एनाकिन। बरनाबस मरकुस के आच लोः इदिकेते दाः जहाज रे कुपरुस तोराकिना 40पाउलुस ता सिलास के सलाएदेयाय, अरो बिसवासी बोयहा-मिसी ता उनकिन के परभु रआ दया सोंपाव केते बिदा वेःकिनाकु। 41पाउलुस ता सीरिया दिसुम अरो किलिकिया दिसुम एते होय वते तोराया अरो ओन्डो रेन कलीसिया रेन के मजगुत इदी वेःकुवाय।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0