कुलवानकु.कामि 8
8
1साउल उनी रआ गोगोच रे सहमत तहिकेनाय।
कलीसिया रे सताहट
उना हिलोः जरुसलेम रआ कलीसिया रे मरंग झमेला एटेच एना, अरो कुलवानकु के बागीकेते सुबिन एते सुबिन जहुदिया पोरदेस अरो समरिया दिसुम रे छितिर-बितिर एनाकु। 2हुडिञगन भक्तकु ता स्तेफनुस के मरघाटी रे तोपा एदेयाकु अरो उनी कथिर बेचोट इयाम्मेताकु 3#कु.कामि 22:4,5; 26:9–11साउल कलीसिया रेन के सताव कुकनकेनाय। उनी ओड़ाः-ओड़ाः बोलोकेते हेरेल अरो एरा के ओर-ओर अगु केते जेहेल ओड़ाः रे सन्जो कुकनकेनाय।
सामरिया रे फिलिप्पुस रआ परचार
4जे बिसवासिकु छितिर-बितिर केनाकु, उनकु बुगिन खभेर होनोर-होनोर ते ओनाव वकुकेनाकु। 5अरो फिलिपुस समरिया दिसुम रआ मियाः चट्टी रे सेनकेते ओन्डो मसी रआ परचार एकेनाय। 6होर फिलिपुस रआ सिखाव रे बुगिन एते धेयान एम एकेनाकु, चिलिमेनचि सुबिन उनी रआ दोवासते देखाव वनाः चिनहा-चकरीत कामि रआ चरचा अयुम आर उनी के अकु गी नेलेय केनाकु। 7चिलिमेनचि बेचोट होरकु एते घिन रावा जोड़ राव एते कुर्री वते उडुङएनाकु अरो बेचोट एते लकवा रोगी अरो लंगड़ा के हों बुगी वेःकुवाय। 8अरो उना चट्टी रे मरंग आनाद पेड़ेच्चेना।
जादू वनीः सिमोन
9इनाते पहिल उना चट्टी रे सिमोन लुतूम मिहोर होर तहिकेनाय, जे जादू-टोना केते समरिया रेन होरकु के चकित कुकनकेनाय अरो आच-आच तिगी मिहोर मरंग हेरेल बयुः केनाय। 10हुडिञ एते मरंग तक सुबिन उनी के माइन एय केनाकु, “नोंय होर परमेसर रिई उनी बोल हेकेय, जे महान गमुः कनाय।” 11सिमोन बेचोट हिलोः एते आच रआ जादू रआ कामि एते चकित केते दोहो लेःकुवाय, इनाते उनकु उनी रआ गानाम बेचोट मनाः केनाकु, 12मुदा जोब उनकु ता फिलिपुस रआ बिसवास एताकु जे परमेसर रआ राइज अरो ईसु मसी रआ लुतूम बुगिन खभेर ओनाव वकुकेनाय दो होर, कयेय हेरेल, कयेय एरा, बतिसमा अगु हेलावेनाकु। 13तोब सिमोन ता आच हों बिसवास एताय अरो बतिसमा अगु केते फिलिपुस लोः तहीः हेलावेनाय। उनी चिनहा अरो मरंग-मरंग सोमोर्थ रआ कामि कराव एते नेल केते चकित वोःकेनाय।
सामरिया रे पतरस अरो जोहन
14जोब कुलवानकु ता, जे जरुसलेम रे तहिकेनाकु, ओनाव एताकु चि समरियाकु रेन परमेसर रआ बचन मनाव एताकु दो पतरस अरो जोहन के उनकु ठिनुः कुलेःकिनाकु। 15उनकिन ता सेनकेते उनकु कथिर पराथना एताकिन चि पबितर रावा नाम्माकु। 16चिलिमेनचि पबितर रावा निमीः तक उनकु रे एते जहय रे का अरगु केना, उनकु ता सिरीफ परभु ईसु रआ लुतूम एते बतिसमा अगु लाःआकु। 17तोब उनकिन ता उनकु रे ती एते जोटेत वेःकुवाकिन आर उनकु ता पबितर रावा नाम्मेताकु 18जोब सिमोन ता नेलएताय चि कुलवानकु रआ ती दोहो रे पबितर रावा नमुः काना दो उनकिन ठिनुः टका अगु केते मेताःकिनाय, 19“नुवां सकती इञ केहों एमञबेन, चि जेकर रेहों ती एते जोटेतकुञ उनकु पबितर रावा नाम्माकु।” 20पतरस ता उनी के गामवादेयाय, “आम रआ टका आम लोः नरक रे सेन इरिवाम, चिलिमेनचि आम ता परमेसर रआ बरदान टका एते किरीञ कथिर बिचार एताम 21नुवां गानाम रे न आम रआ हिस्सा हेनाःआं न हटिञ वनाः चिलिमेनचि आम रआ मोन परमेसर रआ लहा सोझ बनुःआं। 22इनाते आम रआ नुवां पाप एते मोन रुवाड़ केते परभु एते पराथनायमी, होय सकाःका आम रआ मोन रआ बिचार माफि केयाय 23चिलिमेनचि इञ नेल कनिञ चि आम सुबिन लेकन रकमे-रकम रआ अधारम अरो अधरम रआ तोनोल रे तोल एकानाम।” 24सिमोन ता जबाब एमाःदेयाय, “आम इञ कथिर परभु एते पराथनायमी चि जे गानाम आम ता गाम्मेताम, उना रे एते जहन्नाः इञ रे ओलो हिजुःका।” 25इनाते उनकु गोवाही एम केते अरो परभु रआ बचन अयुम इरी केते जरुसलेम रे रुवाड़ एनाकिन अरो समरिया रआ बेचोट हातु रे बुगिन खभेर ओनाव वते तोराकिना।
फिलिप्पुस अरो कुस दिसुम रेन अधिकारी
26अरो परभु रिई मिहोर सोवारागदूत ता फिलिपुस एते गामवादेयाय, “बिरीतमी अरो दखिन रआ सोझ उना होरा एते सिनुःमी जे जरुसलेम एते गाजा सिनुःका।” नुवां निचुत सनसुन होरा हेके 27उनी बिरीत केते तोराया, अरो कुस दिसुम रिई मिहोर होर हिजुः केनाय, जे खोजा#8:27 न एरा न हेरेल रआ रुप हेनाकुवा उनकु के खोजा मेताकुकानाकु अरो कुसियों रिई रानी, कंदाके रिई मन्तीरी अरो मुध खजानची तहिकेनाय। उनी जरुसलेम रे आराधना कथिर हेच केनाय 28उनी आच रआ रथ रे दुरुप केनाय, अरो जसायाह परमेसर सोझ एते नधनी वनीः रआ पोथी पड़हाव वते रुवाड़ सिनुः केनाय। 29तोब पबितर रावा ता फिलिपुस एते गामवादेयाय, “हेनात सेन केते नुवां रथ रे कोःमी।” 30फिलिपुस उनी सोझ नीर इदी एताय अरो उनी के जसायाह परमेसर सोझ एते नधनी वनीः रआ पोथी पड़हाः एते अयुम एदेयाय, अरो कुलिएदेयाय, “आम जे पड़हाः कनाम चिलि उना सोमझाव वोः कनाम?” 31उनी ता गाम्मेताय “जोब तक जहय इञ के काकु सोमझाविञा दो इञ चिलका एते सोमझाव वोःओञ?” अरो उनी ता फिलिपुस के रथ रे आच लोः दुरुप कथिर होहो एदेयाय। 32#जसा 53:7,8 पबितर पोथी रआ जे अध्याय उनी पड़हाः केनाय,
उना नुवां तहिकेना, “उनी भेड़ी लेका गेत गोगोच कथिर इदिइ केनाकु,
अरो जेलेका भेड़ी होपोन आच रआ उप कटराप वनकु रआ हेनात हपे गी तहीः कनाय,
इनकागी उनी तहों काय गापाम केनाय।
33अरो नमर नेल केते, उनी के काकु नेयाय लेदेया।
उनी रेन खंदानकु रआ चरचा ओकोय कराव दड़िवाःआय
चिलिमेनचि ओते एते उनी रआ जीव उठाव इदी एताय।”
34नुवां रे खोजा ता फिलिपुस के कुलिएदेयाय, “इञ आम के गोहराव मिकानिञ, नुवां उदुःएम चि परमेसर सोझ एते नधनी वनीः नुवां ओकोय रआ बबेत रे गाम कनाय, आम रआ बङ रेदो जहय एटाः होर रआ बबेत रे?” 35तोब फिलिपुस ता गागाम एटेच एताय अरो नियां पबितर पोथी एते ईसु रआ बुगिन खभेर उदुःवादेयाय 36होरा रे सेसेन-सेसेन लोः गी उनकिन जहन दाः ठिनुः तेबाः एनाकिन। तोब खोजा ता मेताःदेयाय, “नेलमी नोन्डो दाः मेनाःआं निमीः इञ के बतिसमा अगु रे चिलि रोक मेनाःआं” 37फिलिप्पुस ता गामवादेयाय, “जदि आम पुरा मोन एते बिसवास कनाम रेदो अगु सकाव कनाम।” उनी जबाब एमाःदेयाय “इञ बिसवास कनिञ चि ईसु मसी परमेसर रिई होपोन हेरेल हेकेय।”#8:37 नुवां पद पहिल रआ पोथी रे बनुःआं 38तोब उनी ता रथ तिंगु कथिर हुकूम एमाःदेयाय, अरो फिलिपुस अरो खोजा बनार दाः रे अरगु एनाकिन, अरो उनी ता खोजा के बतिसमा एमाःदेयाय। 39जोब उनकिन दाः एते उडुङ केते चेतान हेच्चेनाकिन, दो परभु रआ रावा फिलिपुस के रिम इदी एदेयाय, अरो खोजा ता उनी के अरो काय नेल दड़ी वदेयाय, अरो उनी आनाद मनाव वते आच रआ होरा एते तोराया। 40फिलिपुस असदोद#8:40 असदोद नुवां चट्टी गाजा चट्टी रआ बतीस किलोमीटर अरो जरुसलेम चट्टी रआ छप्पन किलोमीटर रे हेनाःआं। रे उडुङ हेच्चेनाय, अरो जोब तक कयसरिया रे काय तेबाः केना, तोब तक चट्टी-चट्टी बुगिन खभेर ओनाव इरी वते तोराया।
Currently Selected:
कुलवानकु.कामि 8: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
कुलवानकु.कामि 8
8
1साउल उनी रआ गोगोच रे सहमत तहिकेनाय।
कलीसिया रे सताहट
उना हिलोः जरुसलेम रआ कलीसिया रे मरंग झमेला एटेच एना, अरो कुलवानकु के बागीकेते सुबिन एते सुबिन जहुदिया पोरदेस अरो समरिया दिसुम रे छितिर-बितिर एनाकु। 2हुडिञगन भक्तकु ता स्तेफनुस के मरघाटी रे तोपा एदेयाकु अरो उनी कथिर बेचोट इयाम्मेताकु 3#कु.कामि 22:4,5; 26:9–11साउल कलीसिया रेन के सताव कुकनकेनाय। उनी ओड़ाः-ओड़ाः बोलोकेते हेरेल अरो एरा के ओर-ओर अगु केते जेहेल ओड़ाः रे सन्जो कुकनकेनाय।
सामरिया रे फिलिप्पुस रआ परचार
4जे बिसवासिकु छितिर-बितिर केनाकु, उनकु बुगिन खभेर होनोर-होनोर ते ओनाव वकुकेनाकु। 5अरो फिलिपुस समरिया दिसुम रआ मियाः चट्टी रे सेनकेते ओन्डो मसी रआ परचार एकेनाय। 6होर फिलिपुस रआ सिखाव रे बुगिन एते धेयान एम एकेनाकु, चिलिमेनचि सुबिन उनी रआ दोवासते देखाव वनाः चिनहा-चकरीत कामि रआ चरचा अयुम आर उनी के अकु गी नेलेय केनाकु। 7चिलिमेनचि बेचोट होरकु एते घिन रावा जोड़ राव एते कुर्री वते उडुङएनाकु अरो बेचोट एते लकवा रोगी अरो लंगड़ा के हों बुगी वेःकुवाय। 8अरो उना चट्टी रे मरंग आनाद पेड़ेच्चेना।
जादू वनीः सिमोन
9इनाते पहिल उना चट्टी रे सिमोन लुतूम मिहोर होर तहिकेनाय, जे जादू-टोना केते समरिया रेन होरकु के चकित कुकनकेनाय अरो आच-आच तिगी मिहोर मरंग हेरेल बयुः केनाय। 10हुडिञ एते मरंग तक सुबिन उनी के माइन एय केनाकु, “नोंय होर परमेसर रिई उनी बोल हेकेय, जे महान गमुः कनाय।” 11सिमोन बेचोट हिलोः एते आच रआ जादू रआ कामि एते चकित केते दोहो लेःकुवाय, इनाते उनकु उनी रआ गानाम बेचोट मनाः केनाकु, 12मुदा जोब उनकु ता फिलिपुस रआ बिसवास एताकु जे परमेसर रआ राइज अरो ईसु मसी रआ लुतूम बुगिन खभेर ओनाव वकुकेनाय दो होर, कयेय हेरेल, कयेय एरा, बतिसमा अगु हेलावेनाकु। 13तोब सिमोन ता आच हों बिसवास एताय अरो बतिसमा अगु केते फिलिपुस लोः तहीः हेलावेनाय। उनी चिनहा अरो मरंग-मरंग सोमोर्थ रआ कामि कराव एते नेल केते चकित वोःकेनाय।
सामरिया रे पतरस अरो जोहन
14जोब कुलवानकु ता, जे जरुसलेम रे तहिकेनाकु, ओनाव एताकु चि समरियाकु रेन परमेसर रआ बचन मनाव एताकु दो पतरस अरो जोहन के उनकु ठिनुः कुलेःकिनाकु। 15उनकिन ता सेनकेते उनकु कथिर पराथना एताकिन चि पबितर रावा नाम्माकु। 16चिलिमेनचि पबितर रावा निमीः तक उनकु रे एते जहय रे का अरगु केना, उनकु ता सिरीफ परभु ईसु रआ लुतूम एते बतिसमा अगु लाःआकु। 17तोब उनकिन ता उनकु रे ती एते जोटेत वेःकुवाकिन आर उनकु ता पबितर रावा नाम्मेताकु 18जोब सिमोन ता नेलएताय चि कुलवानकु रआ ती दोहो रे पबितर रावा नमुः काना दो उनकिन ठिनुः टका अगु केते मेताःकिनाय, 19“नुवां सकती इञ केहों एमञबेन, चि जेकर रेहों ती एते जोटेतकुञ उनकु पबितर रावा नाम्माकु।” 20पतरस ता उनी के गामवादेयाय, “आम रआ टका आम लोः नरक रे सेन इरिवाम, चिलिमेनचि आम ता परमेसर रआ बरदान टका एते किरीञ कथिर बिचार एताम 21नुवां गानाम रे न आम रआ हिस्सा हेनाःआं न हटिञ वनाः चिलिमेनचि आम रआ मोन परमेसर रआ लहा सोझ बनुःआं। 22इनाते आम रआ नुवां पाप एते मोन रुवाड़ केते परभु एते पराथनायमी, होय सकाःका आम रआ मोन रआ बिचार माफि केयाय 23चिलिमेनचि इञ नेल कनिञ चि आम सुबिन लेकन रकमे-रकम रआ अधारम अरो अधरम रआ तोनोल रे तोल एकानाम।” 24सिमोन ता जबाब एमाःदेयाय, “आम इञ कथिर परभु एते पराथनायमी चि जे गानाम आम ता गाम्मेताम, उना रे एते जहन्नाः इञ रे ओलो हिजुःका।” 25इनाते उनकु गोवाही एम केते अरो परभु रआ बचन अयुम इरी केते जरुसलेम रे रुवाड़ एनाकिन अरो समरिया रआ बेचोट हातु रे बुगिन खभेर ओनाव वते तोराकिना।
फिलिप्पुस अरो कुस दिसुम रेन अधिकारी
26अरो परभु रिई मिहोर सोवारागदूत ता फिलिपुस एते गामवादेयाय, “बिरीतमी अरो दखिन रआ सोझ उना होरा एते सिनुःमी जे जरुसलेम एते गाजा सिनुःका।” नुवां निचुत सनसुन होरा हेके 27उनी बिरीत केते तोराया, अरो कुस दिसुम रिई मिहोर होर हिजुः केनाय, जे खोजा#8:27 न एरा न हेरेल रआ रुप हेनाकुवा उनकु के खोजा मेताकुकानाकु अरो कुसियों रिई रानी, कंदाके रिई मन्तीरी अरो मुध खजानची तहिकेनाय। उनी जरुसलेम रे आराधना कथिर हेच केनाय 28उनी आच रआ रथ रे दुरुप केनाय, अरो जसायाह परमेसर सोझ एते नधनी वनीः रआ पोथी पड़हाव वते रुवाड़ सिनुः केनाय। 29तोब पबितर रावा ता फिलिपुस एते गामवादेयाय, “हेनात सेन केते नुवां रथ रे कोःमी।” 30फिलिपुस उनी सोझ नीर इदी एताय अरो उनी के जसायाह परमेसर सोझ एते नधनी वनीः रआ पोथी पड़हाः एते अयुम एदेयाय, अरो कुलिएदेयाय, “आम जे पड़हाः कनाम चिलि उना सोमझाव वोः कनाम?” 31उनी ता गाम्मेताय “जोब तक जहय इञ के काकु सोमझाविञा दो इञ चिलका एते सोमझाव वोःओञ?” अरो उनी ता फिलिपुस के रथ रे आच लोः दुरुप कथिर होहो एदेयाय। 32#जसा 53:7,8 पबितर पोथी रआ जे अध्याय उनी पड़हाः केनाय,
उना नुवां तहिकेना, “उनी भेड़ी लेका गेत गोगोच कथिर इदिइ केनाकु,
अरो जेलेका भेड़ी होपोन आच रआ उप कटराप वनकु रआ हेनात हपे गी तहीः कनाय,
इनकागी उनी तहों काय गापाम केनाय।
33अरो नमर नेल केते, उनी के काकु नेयाय लेदेया।
उनी रेन खंदानकु रआ चरचा ओकोय कराव दड़िवाःआय
चिलिमेनचि ओते एते उनी रआ जीव उठाव इदी एताय।”
34नुवां रे खोजा ता फिलिपुस के कुलिएदेयाय, “इञ आम के गोहराव मिकानिञ, नुवां उदुःएम चि परमेसर सोझ एते नधनी वनीः नुवां ओकोय रआ बबेत रे गाम कनाय, आम रआ बङ रेदो जहय एटाः होर रआ बबेत रे?” 35तोब फिलिपुस ता गागाम एटेच एताय अरो नियां पबितर पोथी एते ईसु रआ बुगिन खभेर उदुःवादेयाय 36होरा रे सेसेन-सेसेन लोः गी उनकिन जहन दाः ठिनुः तेबाः एनाकिन। तोब खोजा ता मेताःदेयाय, “नेलमी नोन्डो दाः मेनाःआं निमीः इञ के बतिसमा अगु रे चिलि रोक मेनाःआं” 37फिलिप्पुस ता गामवादेयाय, “जदि आम पुरा मोन एते बिसवास कनाम रेदो अगु सकाव कनाम।” उनी जबाब एमाःदेयाय “इञ बिसवास कनिञ चि ईसु मसी परमेसर रिई होपोन हेरेल हेकेय।”#8:37 नुवां पद पहिल रआ पोथी रे बनुःआं 38तोब उनी ता रथ तिंगु कथिर हुकूम एमाःदेयाय, अरो फिलिपुस अरो खोजा बनार दाः रे अरगु एनाकिन, अरो उनी ता खोजा के बतिसमा एमाःदेयाय। 39जोब उनकिन दाः एते उडुङ केते चेतान हेच्चेनाकिन, दो परभु रआ रावा फिलिपुस के रिम इदी एदेयाय, अरो खोजा ता उनी के अरो काय नेल दड़ी वदेयाय, अरो उनी आनाद मनाव वते आच रआ होरा एते तोराया। 40फिलिपुस असदोद#8:40 असदोद नुवां चट्टी गाजा चट्टी रआ बतीस किलोमीटर अरो जरुसलेम चट्टी रआ छप्पन किलोमीटर रे हेनाःआं। रे उडुङ हेच्चेनाय, अरो जोब तक कयसरिया रे काय तेबाः केना, तोब तक चट्टी-चट्टी बुगिन खभेर ओनाव इरी वते तोराया।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0