जोहन 3
3
ईसु अरो निकुदिमुस
1निकुदिमुस लुतूम फरीसी जहुदिकु रिई नेता तहिकेनाय। 2उनी निदा ईसु ठिनुः हेच्चेनाय अरो मेताःदेयाय, “रबी इञ सारीइ कनिञ चि आम परमेसर रआ सोझ एते हेच वनीः गुरु हेकेम, चिलिमेनचि, जहय नियां चिनहा-चकरीत कामि ता जे आम देखाव कनाम, जदि परमेसर उनी लोः काय तहीः रेदोय, काय देखाव दड़ी वाःआय।” 3ईसु ता उनी के जबाब एमाःदेयय, चि “आम के सच-सच गाम वामकानिञ, जदि जहय नवां सिरीफ एते जनम काय अगुयाय दो उनी परमेसर रआ राइज काय नेल दड़िवाःआय।” 4निकुदिमुस ता उनी के कुलिएदेयाय, “मनवां हड़ाम कोःओय रे अरो मिसा चिलका एते जनम अगु दड़िवाःआय? चिलि उनी अपन एंगातेः रआ लहिच रे बोलो केते अरो मिसा जनम अगु दड़िवाःआय?” 5ईसु ता जबाब एमाःदेयय, “इञ आम के नुवां सच मेताम कनिञ, जोब तक जहय दाः अरो पबितर रावा एते जनम काय अगुयाय, रेदोय उनी परमेसर रआ राइज रे काय बोलो दड़िवाःआय। 6जे होड़मो एते जनम अगुइ कनाय, उनी होड़मो हेकेय, अरो जे रावा एते जनम अगुइ कनाय, उनी रावा हेकेय। 7ओलोम चकरीत ओःओ चि इञ नुवां गाम्मीतिञ, आम के अरो मिसा जनम अगु हेनाःआं। 8होयो जे सोझ चहाः काना, ओनतो सेसेन काना, आम होयो रआ सयसयाः साड़ीः ओनाव कनाम मुदा नुवां कम सारीइकाना चि होयो कारे एते हिजुः काना अरो करते सिनुः काना, जे परमेसर रआ रावा एते जनम अगु एकाःआय उनी निंका गी हेनाया।” 9निकुदिमुस ता ईसु के कुलिदेयाय, “नुवां चिलका एते होय सकाःका?” 10ईसु ता उनी के जबाब एमाःदेयय, “आम इसराइल रेन गुरु हेकेम अरो नुवां गानाम हों कम सोमझाःका! 11इञ आम एते नुवां सच गाम वामकानिञ, आले जे सरिकानाले, इनागी गाम कनाले अरो आले जे नेल एकाःआले, इना रआ गोवाही एम कनाले, मुदा आले रआ गोवाही कपे गरहन काना। 12इञ अपे के ओते रआ गानाम उदुःवापेकानिञ अरो अपे कपे बिसवास काना। जदि इञ अपे के सोवाराग रआ गानाम उदुःवापेयिञ दो अपे चिलका ते बिसवास इयापे? 13अरो जहय सोवाराग रे काकु देच एकाना, सिरीफ इनिगी जे सोवाराग एते अरगु वेकानाय, मनेकि मनवा रिई होपोन हेरेल। 14#लेखा 21:9जे लेका मूसा ता बुरु रे पीतर रिई बिञ के खम्भी रे रकाप लेदेयय इना लेका गी मनवा रिई होपोन हेरेल के हों चेतान रे रकाप जरुरेत हेनाःआं। 15जेकर एते जे उनी रे बिसवासियाकु, उनकु का मुडूः जीवन नाम्माकु।”
16परमेसर ता दुनिया एते नुंका दुलार एताय चि अपन जेठा होपोन हेरेल के एम कदेयाय ताकि जे उनी रे बिसवास कनाकु, उनकु काकु नास ओ:का, मुदा का मुडूः जीवन नाम्माकु। 17परमेसर ता अपन होपोन हेरेल के दुनिया रे इनाते काय कुल एकाःदेयाय, चि उनी दुनिया रेन होर के दोसी ठहरावकुवाय। परमेसर ता ईसु के इनाते कुल एकाःदेयाय चि दुनिया रेन होर उनी रआ दोवासते उद्धार नाम्माकु। 18जे होपोन हेरेल रे बिसवास कनाकु, उनकु के दोसी काय ठहरावकुवाय। जे काकु बिसवास काना, उनकु दोसी ठहराव चुकाव एकानाकु, चिलिमेनचि उनकु परमेसर रिई जेठा होपोन हेरेल रआ लुतूम रे काकु बिसवास काना। 19अरो दंड रआ हुकूम रआ कारन नुवां हेके चि मसकल दुनिया रे हेच चुकाव एकाना, मुदा मनवां ता मसकल एते लुबाः ता ढेर दुलार एताकु, चिलिमेनचि उनकु रआ कामि बुराय तहिकेना। 20जे बुराय कनाकु, उनकु मसकल एते बाइर दोहोय कनाकु अरो मसकल ठिनुः, इनाते काकु हिजुः काना, चि कहीं उनकु रआ कामि ओलो दिसतार वोःका। 21मुदा जे सचाय रे सेसेन कनाकु, उनकु मसकल ठिनुः हिजुः कनाकु, जेकर एते नुवां दिसतार ओःओ चि उनकु रआ कामि परमेसर रआ सोझ एते कराव वेकाना।
ईसु रआ बबेत रे जोहन रआ गोवाही
22इना तयोम ईसु अपन चेलाकु लोः जहुदिया पोरदेस हेच्चेनाय अरो ओन्डो उनकु लोः थोड़ हिलोः तक तहिएनाकु। अरो उनकु बतिसमा एमाकुकन केनाकु। 23जोहन हों सलिम चट्टी रआ हेनात एनोन हातु रे बतिसमा एमाकुकन केनाय, चिलिमेनचि ओन्डो बेचोट दाः तहिकेना। ओन्डो होर हेच केते बतिसमा अगुइ केनाकु। 24#मती 14:3; मर 6:17; लूका 3:19,20नुवां गानाम जोहन के जेहेल रे इदी एते पहिल रआ गानाम हेके। 25जोहन रेन चेलाकु अरो मिहोर जहुदी रे सुधिकरन रआ बबेत रे रेनाटेटा होय्येना, 26उनकु जोहन ठिनुः सेन केते गामवादेयाकु, “गुरु! नेलमी जे जरदन गाड़ा रआ उना अतोम आम लोः तहिकेनाय अरो जेकर बबेत रे अपन गोवाही एम लाःआय, उनी बतिसमा एमा कुकानाय अरो सुबिन होर उनी ठिनुः सिनुः कनाकु।” 27जोहन जबाब एमाकुवाय, “मनवां के इनागी नाम सकाः काना, जे उनी के सोवाराग सोझ एते एमायाय। 28#जोह 1:20अपे दो खुद गी इञ रआ गोवाह हेकेपे, इञ नुवां गाम लाःइञ, ‘चि इञ मसी बङ हेकेञ, इञ दो उनी एते पहिल कुल एकानिञ।’ 29कनयय, दुल्हा रिई गी होयुः कनाय, मुदा दुल्हा रिई लोतंगा, जे संघे तही केते दुल्हा रआ ओनाव कनाय, उनी रआ सबद रे अनादित कोःकनाय। इञ रआ आनाद निंका गिया अरो नेबरीक उना आनाद पुरावेना। 30नुवां दरकार हेनाःआं चि उनी बड़हाव इदीः काय अरो इञ घटाव इदीः काइञ।”
31जे चेतान एते हिजुः कनाय उनी सुबिन एते महान हेनाया। जे ओते रे हेनाया, उनी ओते रिई हेकेय अरो ओते रआ नधनिइ कनाय। जे सोवाराग एते हिजुः कनाय, उनी सुबिन एते चेतान रेयाय। 32उनी ता जे नेल एकाःआय, अरो ओनाव एकाःआय, इना रआ गी गोवाही एम कनाय, मुदा उनी रआ गोवाही जहय काकु गरहन काना, 33जेकु ता उनी रआ गोवाही मनाव एनाकु, उनकु ता नियां गानाम रे मरका लगावेता चि परमेसर सचा हेनाया। 34चिलिमेनचि जेके परमेसर ता कुल एकाःदेयाय, उनी परमेसर रआ गानाम गाम कनाय, चिलिमेनचि परमेसर उनी के रावा भोरपुर एमायय। 35#मती 11:27; लूका 10:22परमेसर आबा, होपोन हेरेल एते दुलार कनाय, अरो उनी ता सुबिन जिनिस उनी रआ ती रे एम एकाःआय। 36जे होपोन हेरेल रे बिसवास कनाय, का मुडूः जीवन उनी रआ हेके, मुदा जे होपोन हेरेल रआ काय मनाः कनाय, उनी जीवन ता काय नेलाय, मुदा परमेसर रआ कोरोध उनी रे तहीः काना।
Currently Selected:
जोहन 3: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
जोहन 3
3
ईसु अरो निकुदिमुस
1निकुदिमुस लुतूम फरीसी जहुदिकु रिई नेता तहिकेनाय। 2उनी निदा ईसु ठिनुः हेच्चेनाय अरो मेताःदेयाय, “रबी इञ सारीइ कनिञ चि आम परमेसर रआ सोझ एते हेच वनीः गुरु हेकेम, चिलिमेनचि, जहय नियां चिनहा-चकरीत कामि ता जे आम देखाव कनाम, जदि परमेसर उनी लोः काय तहीः रेदोय, काय देखाव दड़ी वाःआय।” 3ईसु ता उनी के जबाब एमाःदेयय, चि “आम के सच-सच गाम वामकानिञ, जदि जहय नवां सिरीफ एते जनम काय अगुयाय दो उनी परमेसर रआ राइज काय नेल दड़िवाःआय।” 4निकुदिमुस ता उनी के कुलिएदेयाय, “मनवां हड़ाम कोःओय रे अरो मिसा चिलका एते जनम अगु दड़िवाःआय? चिलि उनी अपन एंगातेः रआ लहिच रे बोलो केते अरो मिसा जनम अगु दड़िवाःआय?” 5ईसु ता जबाब एमाःदेयय, “इञ आम के नुवां सच मेताम कनिञ, जोब तक जहय दाः अरो पबितर रावा एते जनम काय अगुयाय, रेदोय उनी परमेसर रआ राइज रे काय बोलो दड़िवाःआय। 6जे होड़मो एते जनम अगुइ कनाय, उनी होड़मो हेकेय, अरो जे रावा एते जनम अगुइ कनाय, उनी रावा हेकेय। 7ओलोम चकरीत ओःओ चि इञ नुवां गाम्मीतिञ, आम के अरो मिसा जनम अगु हेनाःआं। 8होयो जे सोझ चहाः काना, ओनतो सेसेन काना, आम होयो रआ सयसयाः साड़ीः ओनाव कनाम मुदा नुवां कम सारीइकाना चि होयो कारे एते हिजुः काना अरो करते सिनुः काना, जे परमेसर रआ रावा एते जनम अगु एकाःआय उनी निंका गी हेनाया।” 9निकुदिमुस ता ईसु के कुलिदेयाय, “नुवां चिलका एते होय सकाःका?” 10ईसु ता उनी के जबाब एमाःदेयय, “आम इसराइल रेन गुरु हेकेम अरो नुवां गानाम हों कम सोमझाःका! 11इञ आम एते नुवां सच गाम वामकानिञ, आले जे सरिकानाले, इनागी गाम कनाले अरो आले जे नेल एकाःआले, इना रआ गोवाही एम कनाले, मुदा आले रआ गोवाही कपे गरहन काना। 12इञ अपे के ओते रआ गानाम उदुःवापेकानिञ अरो अपे कपे बिसवास काना। जदि इञ अपे के सोवाराग रआ गानाम उदुःवापेयिञ दो अपे चिलका ते बिसवास इयापे? 13अरो जहय सोवाराग रे काकु देच एकाना, सिरीफ इनिगी जे सोवाराग एते अरगु वेकानाय, मनेकि मनवा रिई होपोन हेरेल। 14#लेखा 21:9जे लेका मूसा ता बुरु रे पीतर रिई बिञ के खम्भी रे रकाप लेदेयय इना लेका गी मनवा रिई होपोन हेरेल के हों चेतान रे रकाप जरुरेत हेनाःआं। 15जेकर एते जे उनी रे बिसवासियाकु, उनकु का मुडूः जीवन नाम्माकु।”
16परमेसर ता दुनिया एते नुंका दुलार एताय चि अपन जेठा होपोन हेरेल के एम कदेयाय ताकि जे उनी रे बिसवास कनाकु, उनकु काकु नास ओ:का, मुदा का मुडूः जीवन नाम्माकु। 17परमेसर ता अपन होपोन हेरेल के दुनिया रे इनाते काय कुल एकाःदेयाय, चि उनी दुनिया रेन होर के दोसी ठहरावकुवाय। परमेसर ता ईसु के इनाते कुल एकाःदेयाय चि दुनिया रेन होर उनी रआ दोवासते उद्धार नाम्माकु। 18जे होपोन हेरेल रे बिसवास कनाकु, उनकु के दोसी काय ठहरावकुवाय। जे काकु बिसवास काना, उनकु दोसी ठहराव चुकाव एकानाकु, चिलिमेनचि उनकु परमेसर रिई जेठा होपोन हेरेल रआ लुतूम रे काकु बिसवास काना। 19अरो दंड रआ हुकूम रआ कारन नुवां हेके चि मसकल दुनिया रे हेच चुकाव एकाना, मुदा मनवां ता मसकल एते लुबाः ता ढेर दुलार एताकु, चिलिमेनचि उनकु रआ कामि बुराय तहिकेना। 20जे बुराय कनाकु, उनकु मसकल एते बाइर दोहोय कनाकु अरो मसकल ठिनुः, इनाते काकु हिजुः काना, चि कहीं उनकु रआ कामि ओलो दिसतार वोःका। 21मुदा जे सचाय रे सेसेन कनाकु, उनकु मसकल ठिनुः हिजुः कनाकु, जेकर एते नुवां दिसतार ओःओ चि उनकु रआ कामि परमेसर रआ सोझ एते कराव वेकाना।
ईसु रआ बबेत रे जोहन रआ गोवाही
22इना तयोम ईसु अपन चेलाकु लोः जहुदिया पोरदेस हेच्चेनाय अरो ओन्डो उनकु लोः थोड़ हिलोः तक तहिएनाकु। अरो उनकु बतिसमा एमाकुकन केनाकु। 23जोहन हों सलिम चट्टी रआ हेनात एनोन हातु रे बतिसमा एमाकुकन केनाय, चिलिमेनचि ओन्डो बेचोट दाः तहिकेना। ओन्डो होर हेच केते बतिसमा अगुइ केनाकु। 24#मती 14:3; मर 6:17; लूका 3:19,20नुवां गानाम जोहन के जेहेल रे इदी एते पहिल रआ गानाम हेके। 25जोहन रेन चेलाकु अरो मिहोर जहुदी रे सुधिकरन रआ बबेत रे रेनाटेटा होय्येना, 26उनकु जोहन ठिनुः सेन केते गामवादेयाकु, “गुरु! नेलमी जे जरदन गाड़ा रआ उना अतोम आम लोः तहिकेनाय अरो जेकर बबेत रे अपन गोवाही एम लाःआय, उनी बतिसमा एमा कुकानाय अरो सुबिन होर उनी ठिनुः सिनुः कनाकु।” 27जोहन जबाब एमाकुवाय, “मनवां के इनागी नाम सकाः काना, जे उनी के सोवाराग सोझ एते एमायाय। 28#जोह 1:20अपे दो खुद गी इञ रआ गोवाह हेकेपे, इञ नुवां गाम लाःइञ, ‘चि इञ मसी बङ हेकेञ, इञ दो उनी एते पहिल कुल एकानिञ।’ 29कनयय, दुल्हा रिई गी होयुः कनाय, मुदा दुल्हा रिई लोतंगा, जे संघे तही केते दुल्हा रआ ओनाव कनाय, उनी रआ सबद रे अनादित कोःकनाय। इञ रआ आनाद निंका गिया अरो नेबरीक उना आनाद पुरावेना। 30नुवां दरकार हेनाःआं चि उनी बड़हाव इदीः काय अरो इञ घटाव इदीः काइञ।”
31जे चेतान एते हिजुः कनाय उनी सुबिन एते महान हेनाया। जे ओते रे हेनाया, उनी ओते रिई हेकेय अरो ओते रआ नधनिइ कनाय। जे सोवाराग एते हिजुः कनाय, उनी सुबिन एते चेतान रेयाय। 32उनी ता जे नेल एकाःआय, अरो ओनाव एकाःआय, इना रआ गी गोवाही एम कनाय, मुदा उनी रआ गोवाही जहय काकु गरहन काना, 33जेकु ता उनी रआ गोवाही मनाव एनाकु, उनकु ता नियां गानाम रे मरका लगावेता चि परमेसर सचा हेनाया। 34चिलिमेनचि जेके परमेसर ता कुल एकाःदेयाय, उनी परमेसर रआ गानाम गाम कनाय, चिलिमेनचि परमेसर उनी के रावा भोरपुर एमायय। 35#मती 11:27; लूका 10:22परमेसर आबा, होपोन हेरेल एते दुलार कनाय, अरो उनी ता सुबिन जिनिस उनी रआ ती रे एम एकाःआय। 36जे होपोन हेरेल रे बिसवास कनाय, का मुडूः जीवन उनी रआ हेके, मुदा जे होपोन हेरेल रआ काय मनाः कनाय, उनी जीवन ता काय नेलाय, मुदा परमेसर रआ कोरोध उनी रे तहीः काना।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0