जोहन 5
5
अड़तिस बरीस रिई हासु वनीः के बुगी देयाय
1इना गानाम तयोम जहुदिकु रआ मियाः पोरोब होय्येना, अरो ईसु जरुसलेम तोराया। 2जरुसलेम रे भेड़ी लुतूम दुवेर ठिनुः मियाः डोभा हेनाःआं, जे इबरानी भाखा रे बइतसयदा गमुःकाना, अरो उना रआ पांच गो ढाबा हेनाःआं, 3इना रे बेचोट एते हासु इकु, अंधरा लंगड़ा अरो रोहोड़ अंग वन (दाः हिलाः रआ आसरा रे) तहीः केनाकु।#5:3 आधा पोथी रे नुवां बचन का ओल एकाना 4(चिलिमेनचि परभु रिई दूत समेय-समेय रे कुंड रे अरगु केते दाः ता हिलाव वेकेनाय। अरो दाः हिलाव तागी जे पहिल अरगुः केनाय उनी बुगी कोःकेनाय चाहे जहन रोगी चिलिमेन का तहीःका।)#5:4 आधा पोथी रे नुवां बचन का ओल एकाना 5ओन्डो मिहोर मनवां तहिकेनय जे अड़तिस बरीस एते हासु केनाय, 6ईसु ता उनी के ओन्डो पोड़ाव नेल केते अरो नुवां सरिकेते चि उनी बेचोट हिलोः एते नियां लेका गी पोड़ाव एकानाय, उनी के कुलिदेयाय, “चिलि आम बुगिन ओः चहाः कनाम?” 7हासु इनीः ता जबाब एमाःदेयय, “हुजूर, इञ रेन जहय बनुः कुवा, चि दाः हिलाव ता इञ के डोभा रे अरगुञाकु। इञ रआ तेबाः एते पहिल उना रे एटाः होर अरगु कोःकानाकु।” 8ईसु ता उनी के मेताःदेयाय, “बिरीत केते तिंगुःमी, अपन परकोम उठावेम। अरो सेन-बेराय।” 9उनी मनवां इमिताः गी बुगी एनाय अरो अपन परकोम रिमकेते सेसेन हेलावेनाय, उना जिराः हिलोः तहिकेना।
10 #
नहे 13:19; जिरमि 17:21 इनाते जहुदिकु ता उनी एते जे बुगी केनाय, मेताःदेयाकु, “तिहिञ जिराः हिलोः हेके, परकोम उठाव आम के उचित बनुःआं।” 11उनी ता जबाब एमाकुवाय, “जे इञ के बुगी देञाय, इनिगी इञ के मेताःदेञाय, अपन परकोम उठाव केते सेन बेरायमी।” 12उनकु ता उनी के कुलिदेयाकु, “उनी ओकोय हेकेय, जे आम के मेताःमय, पेटया उठाव केते सेन बेरायमी?” 13बुगी नाय उनी मनवां काय सरिकेनाय चि उनी ओकोय हेकेय, चिलिमेनचि उना ठांव रे बेचोट होर भीड़ तहिकेनाकु इनाते ईसु ओन्डो एते उडुङ चुकाव केनाय। 14तयोम एते मरंग बिनती ओड़ाः रे नपाम्मेनाय रे ईसु ता उनी के मेताःदेयाय, “नेलमी, आम बुगिन्नाम। अरो ओलोम पाप इया। नुंका ओलो होयुःका चि नुवां एते हों भारी संकट आम रे हिजुःआ।” 15उनी मनवां ता सेन केते जहुदिकु के उदुः वाःकुवय चि जे इञ के बुगी एकाःदेञाय, उनी ईसु हेकेय। 16ईसु नुंकन कामि जिराः हिलोः रे कराव वेःकेनाय इनाते जहुदिकु ता सतावेय केनाकु। 17ईसु ता उनकु के जबाब एमाकुवाय, “इञ रिई आपुञ निमीः तक कामि कनाय अरो इञ हों कामिइ कनिञ।” 18इना चलते जहुदिकु, ईसु के गोगोच रआ उपाय अरोगी बेरयार इदिएताकु, चिलिमेनचि उनी ना सिरीफ जिराः हिलोः रआ नियम तोड़ाव कनाय, बलकी परमेसर के अपन निज आपु गाम केते परमेसर रआ बराबोइर गिनाः कनाय।
होपोन हेरेल रआ हक
19ईसु ता उनकु के मेताःकुवय, “इञ अपे एते सच-सच मेतापे कनिञ, होपोन हेरेल अपन एते जहन्नाः काय जहन दड़िवाःआय। मुदा उना कराव कनाय जे आपु के कराव एते नेलेय कनाय। जहन्नाः आपु कराव कनाय, उना होपोन हेरेल हों कराव कनाय, 20चिलिमेनचि आपु होपोन हेरेल के दुलार एय कनाय अरो खुद जहन्नाः कराव कनाय, उना होपोन हेरेल के उदुःवाय कनाय, उना, उनी के अरो महान कामि देखावायय, उना नेल केते अपे चकरीत रे पोड़ाव वोःओपे। 21जे लेका आपु गोच वनकु के बिरीत कुकानाय, अरो जुवेत कुकानाय, इना लेका गी होपोन हेरेल हों जेके चहाः कनाय, उनकु के जीवन एमा कुकानाय। 22अरो आपु जहय रआ काय नेयाय कनाय। उनी ता नेयाय कराव रआ सुबिन हक होपोन हेरेल के एम एकावादेयाय, 23जेकर एते सुबिन होर, जे लेका आपु के माइन एय कनाकु, इना लेका गी होपोन हेरेल केहों माइन एयपे। जे होपोन हेरेल के काकु माइन एयकाना, उनी आपु के काकु माइन एयकाना, जे ता होपोन हेरेल के कुल एकाःदेयाय। 24इञ अपे के सच-सच मेतापेकानिञ, जे इञ रआ सिख ओनाव कनाय अरो जे इञ के कुल एकाःदेञाय, उनी रे बिसवास कनाय, उनी का मुडूः जीवन नाम एकाःआय, उनी रे दंड रआ हुकूम काय ठहराव वियाय। उनी दो गोनोच ता परोम केते का मुडूः जीवन रे बोलो चुकाव एनाय।” 25इञ अपे के सच गामवापे कनिञ, “उना समेय हिजुः काना, हेच एकन गिया, जोब गोच वन परमेसर रिई होपोन हेरेल रआ राव ओनावियाकु, अरो जे ओनावियाकु, उनकु जीवन नाम्माकु। 26जे लेका आपु खुद जीवन रआ सोता हेकेय, इना लेका गी उनी ता होपोन हेरेल केहों जीवन रआ सोता बायेःदेयाय। 27अरो उनी के नेयाय कराव रआ हक हों एम एकावादेयाय, चिलिमेनचि उनी मनवा रिई होपोन हेरेल हेकेय। 28नियां रे ओलोपे चकरीत ओ:वो, चिलिमेनचि उना समेय हिजुः काना, जोब उनकु सुबिन, जे मरघाटी रेकुवा, उनकु ईसु रआ राव ओनाव केते उडुङ ओःओकु। 29#दानि 12:2जे बुगिन कामि एकाःआकु, उनकु का मुडूः जीवन कथिर जुवेत बिरीताकु अरो कठिक कामि वनकु नरक दंड ननाम कथिर जुवेत बिरीताकु।
ईसु रआ बबेत रे गोवाही
30“इञ अपन एते जहन्नाः हों काइञ कराव दड़िवाकाना। इञ जे ओनाव कनिञ, इनका गी नेयाय कुकानिञ अरो इञ रआ नेयाय सच हेनाःआं, चिलिमेनचि इञ अपन हिछा ता बङा, बलकी जे इञ के कुल एकाःदेञाय, उनी रआ हिछा पुराव चहाः कनिञ। 31जदि इञ अपन बबेत रे गोवाही एम कनिञ, दो इञ रआ गोवाही सच बनुःआं। 32मिहोर अरो हेनाया जे इञ रआ बबेत रे गोवाही एम कनाय अरो इञ सारीइ कनिञ चि इञ रआ बबेत रे जे गोवाही उनी एम कनाय, उना रे सच हेनाःआं। 33#जोह 1:19–27; 3:27–30अपे ता जोहन एते कुलि इरिएदेयापे अरो उनी ता सच रआ बबेत रे गोवाही एम्मेताय। 34इञ के जहय मनवां रआ गोवाही रआ दरकार बनुःआं। मुदा इञ नुवां इनाते गाम वपेकानिञ चि अपे उद्धार नाम दड़िवाःआपे। 35जोहन अपे कथिर मिहोर जुलूः अरो चमकाः वनीः डिबरी तहिकेनाय। उनी रआ मसकल रे थोड़ देरी तक अपे के आनाद मनाव, बुगिन अटकारेना। 36मुदा इञ ठिनुः जे गोवाही हेनाःआं, उना जोहन रआ गोवाही एते हों महान हेनाःआं, चिलिमेनचि जे कामि आपुञ ता इञ के पुराव कथिर जिमा कावादेञाय, अरो जे कामि इञ कराव कनिञ, इना कामि गी इञ रआ बबेत रे गोवाही एम कनाय चि इञ के आपुञ कुल एकाःदेञाय। 37#मती 3:17; मर 1:11; लूका 3:22आपुञ ता, जे इञ के कुल एकाःदेञाय, इञ रआ बबेत रे गोवाही एम एकाःआय। अपे ता ना दो केहयो उनी रआ राव ओनाव एकाःआपे अरो ना उनी रआ रुप गी नेल एकाःआपे। 38अरो उनी रआ बचन ता मोन रे थिर कपे दोहो दड़िवाकाना चिलिमेनचि अपे उनी रे कपे बिसवास काना, जेके उनी ता कुल एकाःदेयाय। 39अपे नुवां सोमझाव केते पबितर पोथी रे दंड़ाय कनापे चि उना रे अपे के का मुडूः जीवन नमुःआं। इना पबितर पोथी गी इञ रआ बबेत रे गोवाही एम कनाय। 40रेहों गी अपे का मुडूः रआ जीवन ननाम कथिर इञ ठिनुः हिजुः कपे चहाः काना। 41इञ मनवां सोझ एते मइन काइञ चहाः काना। 42इञ अपे रआ बबेत सारीइ कनिञ चि अपे परमेसर एते दुलार कपे दोहोय काना। 43इञ अपन आपुञ रआ लुतूम एते हेच एकानिञ, रेहों गी अपे इञ के कपे गरहन एञ काना। जदि जहय अपन लुतूम एते हिजुःआकु, दो अपे उनी के गरहन इयापे। 44अपे एटाःइकु एते मइन चहाः कनापे, मुदा उनी मइन काय चहाः कनाय, जे सिरीफ परमेसर रआ सोझ एते हिजुः कनाय। दो अपे चिलका एते बिसवास कराव दड़िवाःआपे? 45नुंका ओलोपे सोमझाव ओ:वो चि इञ आपु रआ लहा अपे रे दोस लगाविञ। अपे रे दोस लगाव इनीः, दो मूसा हेकेय, जेकर रे अपे आसरा दोहोय कनापे। 46जदि अपे मूसा रे बिसवास लेः रेदोपे, इञ रेहों बिसवास इयापे होनङ, चिलिमेनचि उनी ता इञ रआ बबेत रे ओल एकाःआय। 47जदि अपे उनी रआ ओल अनाः रे कपे बिसवास काना, दो इञ रआ गानाम रे चिलका एते बिसवास इयापे।”
Currently Selected:
जोहन 5: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
जोहन 5
5
अड़तिस बरीस रिई हासु वनीः के बुगी देयाय
1इना गानाम तयोम जहुदिकु रआ मियाः पोरोब होय्येना, अरो ईसु जरुसलेम तोराया। 2जरुसलेम रे भेड़ी लुतूम दुवेर ठिनुः मियाः डोभा हेनाःआं, जे इबरानी भाखा रे बइतसयदा गमुःकाना, अरो उना रआ पांच गो ढाबा हेनाःआं, 3इना रे बेचोट एते हासु इकु, अंधरा लंगड़ा अरो रोहोड़ अंग वन (दाः हिलाः रआ आसरा रे) तहीः केनाकु।#5:3 आधा पोथी रे नुवां बचन का ओल एकाना 4(चिलिमेनचि परभु रिई दूत समेय-समेय रे कुंड रे अरगु केते दाः ता हिलाव वेकेनाय। अरो दाः हिलाव तागी जे पहिल अरगुः केनाय उनी बुगी कोःकेनाय चाहे जहन रोगी चिलिमेन का तहीःका।)#5:4 आधा पोथी रे नुवां बचन का ओल एकाना 5ओन्डो मिहोर मनवां तहिकेनय जे अड़तिस बरीस एते हासु केनाय, 6ईसु ता उनी के ओन्डो पोड़ाव नेल केते अरो नुवां सरिकेते चि उनी बेचोट हिलोः एते नियां लेका गी पोड़ाव एकानाय, उनी के कुलिदेयाय, “चिलि आम बुगिन ओः चहाः कनाम?” 7हासु इनीः ता जबाब एमाःदेयय, “हुजूर, इञ रेन जहय बनुः कुवा, चि दाः हिलाव ता इञ के डोभा रे अरगुञाकु। इञ रआ तेबाः एते पहिल उना रे एटाः होर अरगु कोःकानाकु।” 8ईसु ता उनी के मेताःदेयाय, “बिरीत केते तिंगुःमी, अपन परकोम उठावेम। अरो सेन-बेराय।” 9उनी मनवां इमिताः गी बुगी एनाय अरो अपन परकोम रिमकेते सेसेन हेलावेनाय, उना जिराः हिलोः तहिकेना।
10 #
नहे 13:19; जिरमि 17:21 इनाते जहुदिकु ता उनी एते जे बुगी केनाय, मेताःदेयाकु, “तिहिञ जिराः हिलोः हेके, परकोम उठाव आम के उचित बनुःआं।” 11उनी ता जबाब एमाकुवाय, “जे इञ के बुगी देञाय, इनिगी इञ के मेताःदेञाय, अपन परकोम उठाव केते सेन बेरायमी।” 12उनकु ता उनी के कुलिदेयाकु, “उनी ओकोय हेकेय, जे आम के मेताःमय, पेटया उठाव केते सेन बेरायमी?” 13बुगी नाय उनी मनवां काय सरिकेनाय चि उनी ओकोय हेकेय, चिलिमेनचि उना ठांव रे बेचोट होर भीड़ तहिकेनाकु इनाते ईसु ओन्डो एते उडुङ चुकाव केनाय। 14तयोम एते मरंग बिनती ओड़ाः रे नपाम्मेनाय रे ईसु ता उनी के मेताःदेयाय, “नेलमी, आम बुगिन्नाम। अरो ओलोम पाप इया। नुंका ओलो होयुःका चि नुवां एते हों भारी संकट आम रे हिजुःआ।” 15उनी मनवां ता सेन केते जहुदिकु के उदुः वाःकुवय चि जे इञ के बुगी एकाःदेञाय, उनी ईसु हेकेय। 16ईसु नुंकन कामि जिराः हिलोः रे कराव वेःकेनाय इनाते जहुदिकु ता सतावेय केनाकु। 17ईसु ता उनकु के जबाब एमाकुवाय, “इञ रिई आपुञ निमीः तक कामि कनाय अरो इञ हों कामिइ कनिञ।” 18इना चलते जहुदिकु, ईसु के गोगोच रआ उपाय अरोगी बेरयार इदिएताकु, चिलिमेनचि उनी ना सिरीफ जिराः हिलोः रआ नियम तोड़ाव कनाय, बलकी परमेसर के अपन निज आपु गाम केते परमेसर रआ बराबोइर गिनाः कनाय।
होपोन हेरेल रआ हक
19ईसु ता उनकु के मेताःकुवय, “इञ अपे एते सच-सच मेतापे कनिञ, होपोन हेरेल अपन एते जहन्नाः काय जहन दड़िवाःआय। मुदा उना कराव कनाय जे आपु के कराव एते नेलेय कनाय। जहन्नाः आपु कराव कनाय, उना होपोन हेरेल हों कराव कनाय, 20चिलिमेनचि आपु होपोन हेरेल के दुलार एय कनाय अरो खुद जहन्नाः कराव कनाय, उना होपोन हेरेल के उदुःवाय कनाय, उना, उनी के अरो महान कामि देखावायय, उना नेल केते अपे चकरीत रे पोड़ाव वोःओपे। 21जे लेका आपु गोच वनकु के बिरीत कुकानाय, अरो जुवेत कुकानाय, इना लेका गी होपोन हेरेल हों जेके चहाः कनाय, उनकु के जीवन एमा कुकानाय। 22अरो आपु जहय रआ काय नेयाय कनाय। उनी ता नेयाय कराव रआ सुबिन हक होपोन हेरेल के एम एकावादेयाय, 23जेकर एते सुबिन होर, जे लेका आपु के माइन एय कनाकु, इना लेका गी होपोन हेरेल केहों माइन एयपे। जे होपोन हेरेल के काकु माइन एयकाना, उनी आपु के काकु माइन एयकाना, जे ता होपोन हेरेल के कुल एकाःदेयाय। 24इञ अपे के सच-सच मेतापेकानिञ, जे इञ रआ सिख ओनाव कनाय अरो जे इञ के कुल एकाःदेञाय, उनी रे बिसवास कनाय, उनी का मुडूः जीवन नाम एकाःआय, उनी रे दंड रआ हुकूम काय ठहराव वियाय। उनी दो गोनोच ता परोम केते का मुडूः जीवन रे बोलो चुकाव एनाय।” 25इञ अपे के सच गामवापे कनिञ, “उना समेय हिजुः काना, हेच एकन गिया, जोब गोच वन परमेसर रिई होपोन हेरेल रआ राव ओनावियाकु, अरो जे ओनावियाकु, उनकु जीवन नाम्माकु। 26जे लेका आपु खुद जीवन रआ सोता हेकेय, इना लेका गी उनी ता होपोन हेरेल केहों जीवन रआ सोता बायेःदेयाय। 27अरो उनी के नेयाय कराव रआ हक हों एम एकावादेयाय, चिलिमेनचि उनी मनवा रिई होपोन हेरेल हेकेय। 28नियां रे ओलोपे चकरीत ओ:वो, चिलिमेनचि उना समेय हिजुः काना, जोब उनकु सुबिन, जे मरघाटी रेकुवा, उनकु ईसु रआ राव ओनाव केते उडुङ ओःओकु। 29#दानि 12:2जे बुगिन कामि एकाःआकु, उनकु का मुडूः जीवन कथिर जुवेत बिरीताकु अरो कठिक कामि वनकु नरक दंड ननाम कथिर जुवेत बिरीताकु।
ईसु रआ बबेत रे गोवाही
30“इञ अपन एते जहन्नाः हों काइञ कराव दड़िवाकाना। इञ जे ओनाव कनिञ, इनका गी नेयाय कुकानिञ अरो इञ रआ नेयाय सच हेनाःआं, चिलिमेनचि इञ अपन हिछा ता बङा, बलकी जे इञ के कुल एकाःदेञाय, उनी रआ हिछा पुराव चहाः कनिञ। 31जदि इञ अपन बबेत रे गोवाही एम कनिञ, दो इञ रआ गोवाही सच बनुःआं। 32मिहोर अरो हेनाया जे इञ रआ बबेत रे गोवाही एम कनाय अरो इञ सारीइ कनिञ चि इञ रआ बबेत रे जे गोवाही उनी एम कनाय, उना रे सच हेनाःआं। 33#जोह 1:19–27; 3:27–30अपे ता जोहन एते कुलि इरिएदेयापे अरो उनी ता सच रआ बबेत रे गोवाही एम्मेताय। 34इञ के जहय मनवां रआ गोवाही रआ दरकार बनुःआं। मुदा इञ नुवां इनाते गाम वपेकानिञ चि अपे उद्धार नाम दड़िवाःआपे। 35जोहन अपे कथिर मिहोर जुलूः अरो चमकाः वनीः डिबरी तहिकेनाय। उनी रआ मसकल रे थोड़ देरी तक अपे के आनाद मनाव, बुगिन अटकारेना। 36मुदा इञ ठिनुः जे गोवाही हेनाःआं, उना जोहन रआ गोवाही एते हों महान हेनाःआं, चिलिमेनचि जे कामि आपुञ ता इञ के पुराव कथिर जिमा कावादेञाय, अरो जे कामि इञ कराव कनिञ, इना कामि गी इञ रआ बबेत रे गोवाही एम कनाय चि इञ के आपुञ कुल एकाःदेञाय। 37#मती 3:17; मर 1:11; लूका 3:22आपुञ ता, जे इञ के कुल एकाःदेञाय, इञ रआ बबेत रे गोवाही एम एकाःआय। अपे ता ना दो केहयो उनी रआ राव ओनाव एकाःआपे अरो ना उनी रआ रुप गी नेल एकाःआपे। 38अरो उनी रआ बचन ता मोन रे थिर कपे दोहो दड़िवाकाना चिलिमेनचि अपे उनी रे कपे बिसवास काना, जेके उनी ता कुल एकाःदेयाय। 39अपे नुवां सोमझाव केते पबितर पोथी रे दंड़ाय कनापे चि उना रे अपे के का मुडूः जीवन नमुःआं। इना पबितर पोथी गी इञ रआ बबेत रे गोवाही एम कनाय। 40रेहों गी अपे का मुडूः रआ जीवन ननाम कथिर इञ ठिनुः हिजुः कपे चहाः काना। 41इञ मनवां सोझ एते मइन काइञ चहाः काना। 42इञ अपे रआ बबेत सारीइ कनिञ चि अपे परमेसर एते दुलार कपे दोहोय काना। 43इञ अपन आपुञ रआ लुतूम एते हेच एकानिञ, रेहों गी अपे इञ के कपे गरहन एञ काना। जदि जहय अपन लुतूम एते हिजुःआकु, दो अपे उनी के गरहन इयापे। 44अपे एटाःइकु एते मइन चहाः कनापे, मुदा उनी मइन काय चहाः कनाय, जे सिरीफ परमेसर रआ सोझ एते हिजुः कनाय। दो अपे चिलका एते बिसवास कराव दड़िवाःआपे? 45नुंका ओलोपे सोमझाव ओ:वो चि इञ आपु रआ लहा अपे रे दोस लगाविञ। अपे रे दोस लगाव इनीः, दो मूसा हेकेय, जेकर रे अपे आसरा दोहोय कनापे। 46जदि अपे मूसा रे बिसवास लेः रेदोपे, इञ रेहों बिसवास इयापे होनङ, चिलिमेनचि उनी ता इञ रआ बबेत रे ओल एकाःआय। 47जदि अपे उनी रआ ओल अनाः रे कपे बिसवास काना, दो इञ रआ गानाम रे चिलका एते बिसवास इयापे।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0