जोहन 7
7
ईसु अरो उनी रेन बोयहा
1इना तयोम ईसु गलील पोरदेस रिगी होनोर तहिएनाय। ईसु जहुदिया पोरदेस रे सिनुः काय चहाः केनाय, चिलिमेनचि जहुदी ईसु के गोगोच रआ ताक रे तहिकेनाकु। 2#लेवी 23:34; नियम 16:13जहुदिकु रआ झोपड़ी रआ पोरोब हेनात गी तहिकेना। 3इनाते ईसु रेन बोयहा तेः ता उनी के मेताःदेयाकु, “नुवां पोरदेस बगी केते जहुदिया पोरदेस सिनुःमी, जेकर एते आम जे कामि कनाम, उना आमरेन चेला नेल दड़िवाःआकु। 4जे लुतूम कामि चहाः कनाय, उनी उकु केते कामि कराव काय चहाः कनाय, जोब आम नुंकन कामि कराव कन गियाम, दो अपन के दुनिया रआ लहा दिसतार ओःमी।” 5चिलिमेनचि ईसु रेन बोयहा हों उनी रे काकु बिसवास एकेना। 6ईसु ता उनकु के मेताःकुवय, “निमीः तक इञ रआ समेय का हेच एकाना। अपे कथिर दो सोबदिन समेय हेनाःआं। 7दुनिया अपे एते बाइर काय दोहो दड़िवाःआय, मुदा दुनिया इञ एते बाइर कनाय, चिलिमेनचि इञ उनकु रआ बबेत रे नुवां गोवाही एम कनिञ चि उनकु रआ कामि कठिक गिया। 8अपे पोरोब रे सिनुःपे। निमीः नुवां पोरोब मनाव कथिर काइञ सिनुःआं, चिलिमेनचि इञ रआ समेय निमीः तक का पुराव एकाना।” 9ईसु नुवां गानाम गाम केते गलील रिगी तहिएनाय।
झोपड़ी रआ पोरोब रे ईसु
10जोब ईसु रेन बोयहा पोरोब मनव कथिर सेन चुकाव केनाकु, दो ईसु हों दिसतार रुप एते बङा, बलकी उकु केते तोराया। 11जहुदिकु ता पोरोब रे ईसु के दंड़ा वते गाम एकेनाकु, “उनी कारे इचाय?” 12होरकु रे ईसु रआ बबेत रे खावखेवाव वते बेचोट चरचा सेसेन केना। आधा होर गापाम एकेनाकु, “उनी बुगिन मनवां हेकेय।” आधा गापाम केनाकु, “बङा, उनी होरकु के बहकाव कुकानाय।” 13जहय हों उनी रआ बबेत रे खुइल केते काकु नधनी केना चिलिमेनचि उनकु जहुदी नेताकु एते बोरोय केनाकु।
पोरोब रे ईसु रआ सिख
14पोरोब रआ आधा बेरा बिताव रे ईसु मरंग बिनती ओड़ाः सेन केते सिख एमाकुकन केनाय। 15तोब जहुदिकु ता चकरीत केते गाम्मेताकु, “चि नोय के बिन पड़हाव रे, सिख चिलका एते हेच्चेना?” 16ईसु ता जबाब एमाकुवाय चि, “इञ रआ सिख इञ रआ बङ कानाः मुदा परमेसर रआ हेके, जे इञ के कुल एकाःदेञाय। 17जदि जहय परमेसर रआ हिछा रे सेसेन चहाःआय, दो उनी नियां उपदेस रआ बबेत रे सारी केयाय चि नुवां परमेसर रआ सोझ एते हेनाःआं, चाहे इञ अपन सोझ एते गाम कनिञ। 18जे अपन सोझ एते गाम कनाय, उनी अपन कथिर मइन चहाः कनाय, मुदा जे उनी कथिर मइन चहाः कनाय, जे उनी के कुल एकाःदेयाय, उनी सचा हेकेय अरो उनी रे जहन अधरम बनुःआं। 19चिलि अपे के मूसा ता नियम काय एम एकावाःपेयाय? रेहों गी अपे रे एते जहय नियम ता कपे पालन काना। अपे इञ के गोगोच रआ ताक रे चिलिमेन तहीः कनापे?” 20होर ता जबाब एमाःदेयाकु, “आम रे मुवां रावा हेनाया। ओकोय आम के गोगोच कथिर वोः कनाय!” 21ईसु ता जबाब एमाकुवाय, इञ ता मियाः कामि एकाःइञ, अरो अपे सुबिन चकरीत वोः कनापे। 22#लेवी 12:3; एटे 17:10मूसा अपे के खतना रआ नियम एम एकावाःपेयाय (मनेकि उना मूसा एते बङा, बलकी पुरखाकु एते निंकागी कराव अगुइ केनाकु) अरो अपे जिराः हिलोः, हेरेल रआ खतनाय कनापे। 23#जोह 5:9जिराः हिलोः, हेरेल रआ खतना कराव कनापे, ताकि मूसा रआ नियम हुकूम ओलो टलाव वोःका, दो अपे इञ एते नियां गानाम रे चिलिमेन कोरोध वोःकानापे, चि इञ जिराः हिलोः मिहोर मनवां के पुरा रुप एते बुगी एदेयिञ। 24मुह देखा ओलोपे नेयाय कुवा, सचाय एते नेयाय एपे।
चिलि ईसु गी मसी हेकेय
25जरुसलेम चट्टी रेन तहीः इकु आधा होर नुवां गाम एकेनाकु, “चिलि नोय इनिगी बङ हेकेय, जेके नेताकु गोगोच कथिर वोः केनाकु? 26नेलेयपे नोय दिसतार रुप एते गापाम कनाय अरो उनकु नोय के जहन्नाः काकु गाम वयकाना चिलि उनकु ता सरिगी मनाव एनाकु चि नोय मसी हेकेय? 27रेहों गी अबु सारीइ कनाबु चि नोय कारे रिई हेकेय, मुदा जोब मसी दिसतार वोःओय, रेदो जहय केहों नुवां का पाता सेसेन्ना चि उनी कारे रिई हेकेय।” 28ईसु ता मरंग बिनती ओड़ाः रे सिख एमवाते, जोड़ राव एते गाम वाःकुवाय, “अपे इञ केहों सरिञ कनापे अरो नुवां हों सारी कनापे चि इञ कारे रिई हेकेञ। इञ अपन हिछा एते काइञ हेच एकाना। जे इञ के कुल एकाःदेञाय, उनी सचा हेनाया। अपे उनी के कपे सरिइ काना। 29इञ उनी के सारीइ कनिञ, चिलिमेनचि इञ उनी ठिनुः एते हेच एकानिञ अरो इनिगी इञ के कुल एकाःदेञाय।” 30नियां रे उनकु ईसु के सासप कथिर एनाकु, रेहों गी जहय ता उनी के काकु सापलेदेया, चिलिमेनचि उनी रआ समेय निमीः तक का हेच केना। 31रेहों गी भीड़ रे एते बेचोट होर ईसु रे बिसवास एताकु, अरो गापाम हेलावेनाकु, “मसी जोब हिजुःआय, दो चिलि नुवां एते ढेर चिनहा-चकरीत कामि देखावियाय जे ईसु ता देखाव लाःआय?”
ईसु के सासप रआ उपाय
32जोब फरीसिकु ता नुवां ओनाव एताकु चि होरकु रे ईसु रआ बबेत रे खावखेवाव केते नियां लेका चरचा सेसेन काना, दो फरीसिकु अरो मुध जाजककु ता ईसु के सासप कथिर सिपाहिकु के कुलेःकुवाकु। 33इमिन रे ईसु ता मेताःकुवय, “निमीः इञ थोड़ घरीक गन तक अपे लोः तहिनोःओञ। इना तयोम इञ उनी ठिनुः सेन जोनिञ, जे इञ के कुल एकाःदेञाय। 34अपे इञ के दंड़ाञापे, मुदा कपे नमेञा। जे ठिनुः इञ हेनाञा, अपे ओन्डो कपे हेच दड़िवाःआ।” 35इना रे जहुदिकु ता अकु-अकु रे गापाम एनाकु, “नोय के कारे सिनुः हेनाःआं, जे अबु नोय के काबु नाम दड़िवाया? चिलि नोय जूनानिकु ठिनुः बोसिंदा जहुदिकु ठिनुः सिनुःआय अरो जूनानिकु के सिख एमाकुवाय? 36नुवां चिलि गानाम हेके जे उनी ता गाम्मेताय चि अपे इञ के दंड़ाञापे, मुदा कपे नमेञा, अरो जे ठिनुः इञ हेनाञा, ओन्डो अपे कपे हेच दड़िवाःआ?”
जीवन दाः रआ गाड़ा
37 #
लेवी 23:36
पोरोब रआ मुडूः आर मुध हिलोः ईसु तिंगु एनाय अरो उनी जोड़ राव एते होहो केते मेताःकुवय, “जदि जहय तेंतगआपे, दो इञ ठिनुः हिजुःपे, अरो नुयपे। 38#हेज 47:1; जक 14:8जे इञ रे बिसवास कनाय, जे लेका परमेसर रआ बचन रे ओल एकाना, जीवन दाः रआ गाड़ा उनी रआ हिरदय एते अतु उडुङ वोःओ।” 39ईसु ता नुवां गानाम पबितर रावा रआ बबेत रे गाम्मेताय, जे उनी रे बिसवासियाकु उनकु नाम्माकु। उना समेय तक पबितर रावा काय एमाःकुकेनाय चिलिमेनचि ईसु निमीः तक महिमामय काय होय केना।
40नुवां गानाम ओनाव केते भीड़ रे एते आधा होर ता गाम्मेताकु, “नोय सरिगी इनी परमेसर सोझ एते नधनी वनीः हेकेय।” 41एटाः होर ता गाम्मेताकु, “नोय मसी हेकेय।” मुदा आधा होर ता गाम्मेताकु, “चिलि मसी गलील पोरदेस एते हिजुःआय? 42#2 समु 7:12; मीका 5:2चिलि परमेसर रआ बचन रे का ओल एकाना चि दाऊद रेन बोंस एते अरो दाऊद रआ हातु बयतुलम एते मसी के हिजुः हेनाःआं?” 43नियां लेका ईसु रआ बबेत रे होरकु रे फुट होय्येना। 44आधा होर ईसु के सासप कथिर वोः केनाकु, मुदा जहय ता उनी के काकु सापलेदेया।
जहुदी नेताकु रआ अबिसवास
45जोब सिपाही अरो मुध जाजककु अरो फरीसिकु ठिनुः रुवाड़ हेच्चेनाकु, दो नोकु ता दरबान एते कुलिवेःकुवाय, “अपे उनी के चिलिमेन कपे अगु लेदेया?” 46सिपाहिकु ता जबाब एमाःकुवाकु, “जे लेका उनी मनवां गाम कनाय, उनका केहयो जहय काकु गाम लाःआ।” 47नियां रे फरीसिकु ता गाम वाःकुवाकु, “चिलि अपे हों ईसु रआ बहकाव रे हेच एकानापे? 48चिलि नेताकु अरो फरीसिकु रे जहय ता ईसु रे बिसवास एकाःआकु? 49भीड़ मूसा रआ नियम काकु सारीकाना अरो उनकु सापित हेनाकुवा।” 50#जोह 3:1,2निकुदिमुस, जे पहिल ईसु एते नपाम हेच केनाय, उनकु रे एते मिहोर तहिकेनय, ईसु के मेताःदेयाय, 51“चिलि अबु रआ नियम, जहय होर के, जोब तक पहिल उनी रआ काकु ओनवा केया, अरो नुवां काकु पता लगाव केया चि उनी चिलिकाः चिलि एकाःआय, तोब जहय के दोसीदार ठहराव इयाकु।” 52उनकु ता जबाब एमाःदेयाकु, “चिलि आम हों गलीली रिई हेकेम? दंड़ाय अरो नेल केम चि गलील एते जहय परमेसर सोझ एते नधनी वन जनम काकु अगुइ काना।”
53इना तयोम सुबिन अपन-अपन ओड़ाः तोराकुवा।
Currently Selected:
जोहन 7: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
जोहन 7
7
ईसु अरो उनी रेन बोयहा
1इना तयोम ईसु गलील पोरदेस रिगी होनोर तहिएनाय। ईसु जहुदिया पोरदेस रे सिनुः काय चहाः केनाय, चिलिमेनचि जहुदी ईसु के गोगोच रआ ताक रे तहिकेनाकु। 2#लेवी 23:34; नियम 16:13जहुदिकु रआ झोपड़ी रआ पोरोब हेनात गी तहिकेना। 3इनाते ईसु रेन बोयहा तेः ता उनी के मेताःदेयाकु, “नुवां पोरदेस बगी केते जहुदिया पोरदेस सिनुःमी, जेकर एते आम जे कामि कनाम, उना आमरेन चेला नेल दड़िवाःआकु। 4जे लुतूम कामि चहाः कनाय, उनी उकु केते कामि कराव काय चहाः कनाय, जोब आम नुंकन कामि कराव कन गियाम, दो अपन के दुनिया रआ लहा दिसतार ओःमी।” 5चिलिमेनचि ईसु रेन बोयहा हों उनी रे काकु बिसवास एकेना। 6ईसु ता उनकु के मेताःकुवय, “निमीः तक इञ रआ समेय का हेच एकाना। अपे कथिर दो सोबदिन समेय हेनाःआं। 7दुनिया अपे एते बाइर काय दोहो दड़िवाःआय, मुदा दुनिया इञ एते बाइर कनाय, चिलिमेनचि इञ उनकु रआ बबेत रे नुवां गोवाही एम कनिञ चि उनकु रआ कामि कठिक गिया। 8अपे पोरोब रे सिनुःपे। निमीः नुवां पोरोब मनाव कथिर काइञ सिनुःआं, चिलिमेनचि इञ रआ समेय निमीः तक का पुराव एकाना।” 9ईसु नुवां गानाम गाम केते गलील रिगी तहिएनाय।
झोपड़ी रआ पोरोब रे ईसु
10जोब ईसु रेन बोयहा पोरोब मनव कथिर सेन चुकाव केनाकु, दो ईसु हों दिसतार रुप एते बङा, बलकी उकु केते तोराया। 11जहुदिकु ता पोरोब रे ईसु के दंड़ा वते गाम एकेनाकु, “उनी कारे इचाय?” 12होरकु रे ईसु रआ बबेत रे खावखेवाव वते बेचोट चरचा सेसेन केना। आधा होर गापाम एकेनाकु, “उनी बुगिन मनवां हेकेय।” आधा गापाम केनाकु, “बङा, उनी होरकु के बहकाव कुकानाय।” 13जहय हों उनी रआ बबेत रे खुइल केते काकु नधनी केना चिलिमेनचि उनकु जहुदी नेताकु एते बोरोय केनाकु।
पोरोब रे ईसु रआ सिख
14पोरोब रआ आधा बेरा बिताव रे ईसु मरंग बिनती ओड़ाः सेन केते सिख एमाकुकन केनाय। 15तोब जहुदिकु ता चकरीत केते गाम्मेताकु, “चि नोय के बिन पड़हाव रे, सिख चिलका एते हेच्चेना?” 16ईसु ता जबाब एमाकुवाय चि, “इञ रआ सिख इञ रआ बङ कानाः मुदा परमेसर रआ हेके, जे इञ के कुल एकाःदेञाय। 17जदि जहय परमेसर रआ हिछा रे सेसेन चहाःआय, दो उनी नियां उपदेस रआ बबेत रे सारी केयाय चि नुवां परमेसर रआ सोझ एते हेनाःआं, चाहे इञ अपन सोझ एते गाम कनिञ। 18जे अपन सोझ एते गाम कनाय, उनी अपन कथिर मइन चहाः कनाय, मुदा जे उनी कथिर मइन चहाः कनाय, जे उनी के कुल एकाःदेयाय, उनी सचा हेकेय अरो उनी रे जहन अधरम बनुःआं। 19चिलि अपे के मूसा ता नियम काय एम एकावाःपेयाय? रेहों गी अपे रे एते जहय नियम ता कपे पालन काना। अपे इञ के गोगोच रआ ताक रे चिलिमेन तहीः कनापे?” 20होर ता जबाब एमाःदेयाकु, “आम रे मुवां रावा हेनाया। ओकोय आम के गोगोच कथिर वोः कनाय!” 21ईसु ता जबाब एमाकुवाय, इञ ता मियाः कामि एकाःइञ, अरो अपे सुबिन चकरीत वोः कनापे। 22#लेवी 12:3; एटे 17:10मूसा अपे के खतना रआ नियम एम एकावाःपेयाय (मनेकि उना मूसा एते बङा, बलकी पुरखाकु एते निंकागी कराव अगुइ केनाकु) अरो अपे जिराः हिलोः, हेरेल रआ खतनाय कनापे। 23#जोह 5:9जिराः हिलोः, हेरेल रआ खतना कराव कनापे, ताकि मूसा रआ नियम हुकूम ओलो टलाव वोःका, दो अपे इञ एते नियां गानाम रे चिलिमेन कोरोध वोःकानापे, चि इञ जिराः हिलोः मिहोर मनवां के पुरा रुप एते बुगी एदेयिञ। 24मुह देखा ओलोपे नेयाय कुवा, सचाय एते नेयाय एपे।
चिलि ईसु गी मसी हेकेय
25जरुसलेम चट्टी रेन तहीः इकु आधा होर नुवां गाम एकेनाकु, “चिलि नोय इनिगी बङ हेकेय, जेके नेताकु गोगोच कथिर वोः केनाकु? 26नेलेयपे नोय दिसतार रुप एते गापाम कनाय अरो उनकु नोय के जहन्नाः काकु गाम वयकाना चिलि उनकु ता सरिगी मनाव एनाकु चि नोय मसी हेकेय? 27रेहों गी अबु सारीइ कनाबु चि नोय कारे रिई हेकेय, मुदा जोब मसी दिसतार वोःओय, रेदो जहय केहों नुवां का पाता सेसेन्ना चि उनी कारे रिई हेकेय।” 28ईसु ता मरंग बिनती ओड़ाः रे सिख एमवाते, जोड़ राव एते गाम वाःकुवाय, “अपे इञ केहों सरिञ कनापे अरो नुवां हों सारी कनापे चि इञ कारे रिई हेकेञ। इञ अपन हिछा एते काइञ हेच एकाना। जे इञ के कुल एकाःदेञाय, उनी सचा हेनाया। अपे उनी के कपे सरिइ काना। 29इञ उनी के सारीइ कनिञ, चिलिमेनचि इञ उनी ठिनुः एते हेच एकानिञ अरो इनिगी इञ के कुल एकाःदेञाय।” 30नियां रे उनकु ईसु के सासप कथिर एनाकु, रेहों गी जहय ता उनी के काकु सापलेदेया, चिलिमेनचि उनी रआ समेय निमीः तक का हेच केना। 31रेहों गी भीड़ रे एते बेचोट होर ईसु रे बिसवास एताकु, अरो गापाम हेलावेनाकु, “मसी जोब हिजुःआय, दो चिलि नुवां एते ढेर चिनहा-चकरीत कामि देखावियाय जे ईसु ता देखाव लाःआय?”
ईसु के सासप रआ उपाय
32जोब फरीसिकु ता नुवां ओनाव एताकु चि होरकु रे ईसु रआ बबेत रे खावखेवाव केते नियां लेका चरचा सेसेन काना, दो फरीसिकु अरो मुध जाजककु ता ईसु के सासप कथिर सिपाहिकु के कुलेःकुवाकु। 33इमिन रे ईसु ता मेताःकुवय, “निमीः इञ थोड़ घरीक गन तक अपे लोः तहिनोःओञ। इना तयोम इञ उनी ठिनुः सेन जोनिञ, जे इञ के कुल एकाःदेञाय। 34अपे इञ के दंड़ाञापे, मुदा कपे नमेञा। जे ठिनुः इञ हेनाञा, अपे ओन्डो कपे हेच दड़िवाःआ।” 35इना रे जहुदिकु ता अकु-अकु रे गापाम एनाकु, “नोय के कारे सिनुः हेनाःआं, जे अबु नोय के काबु नाम दड़िवाया? चिलि नोय जूनानिकु ठिनुः बोसिंदा जहुदिकु ठिनुः सिनुःआय अरो जूनानिकु के सिख एमाकुवाय? 36नुवां चिलि गानाम हेके जे उनी ता गाम्मेताय चि अपे इञ के दंड़ाञापे, मुदा कपे नमेञा, अरो जे ठिनुः इञ हेनाञा, ओन्डो अपे कपे हेच दड़िवाःआ?”
जीवन दाः रआ गाड़ा
37 #
लेवी 23:36
पोरोब रआ मुडूः आर मुध हिलोः ईसु तिंगु एनाय अरो उनी जोड़ राव एते होहो केते मेताःकुवय, “जदि जहय तेंतगआपे, दो इञ ठिनुः हिजुःपे, अरो नुयपे। 38#हेज 47:1; जक 14:8जे इञ रे बिसवास कनाय, जे लेका परमेसर रआ बचन रे ओल एकाना, जीवन दाः रआ गाड़ा उनी रआ हिरदय एते अतु उडुङ वोःओ।” 39ईसु ता नुवां गानाम पबितर रावा रआ बबेत रे गाम्मेताय, जे उनी रे बिसवासियाकु उनकु नाम्माकु। उना समेय तक पबितर रावा काय एमाःकुकेनाय चिलिमेनचि ईसु निमीः तक महिमामय काय होय केना।
40नुवां गानाम ओनाव केते भीड़ रे एते आधा होर ता गाम्मेताकु, “नोय सरिगी इनी परमेसर सोझ एते नधनी वनीः हेकेय।” 41एटाः होर ता गाम्मेताकु, “नोय मसी हेकेय।” मुदा आधा होर ता गाम्मेताकु, “चिलि मसी गलील पोरदेस एते हिजुःआय? 42#2 समु 7:12; मीका 5:2चिलि परमेसर रआ बचन रे का ओल एकाना चि दाऊद रेन बोंस एते अरो दाऊद रआ हातु बयतुलम एते मसी के हिजुः हेनाःआं?” 43नियां लेका ईसु रआ बबेत रे होरकु रे फुट होय्येना। 44आधा होर ईसु के सासप कथिर वोः केनाकु, मुदा जहय ता उनी के काकु सापलेदेया।
जहुदी नेताकु रआ अबिसवास
45जोब सिपाही अरो मुध जाजककु अरो फरीसिकु ठिनुः रुवाड़ हेच्चेनाकु, दो नोकु ता दरबान एते कुलिवेःकुवाय, “अपे उनी के चिलिमेन कपे अगु लेदेया?” 46सिपाहिकु ता जबाब एमाःकुवाकु, “जे लेका उनी मनवां गाम कनाय, उनका केहयो जहय काकु गाम लाःआ।” 47नियां रे फरीसिकु ता गाम वाःकुवाकु, “चिलि अपे हों ईसु रआ बहकाव रे हेच एकानापे? 48चिलि नेताकु अरो फरीसिकु रे जहय ता ईसु रे बिसवास एकाःआकु? 49भीड़ मूसा रआ नियम काकु सारीकाना अरो उनकु सापित हेनाकुवा।” 50#जोह 3:1,2निकुदिमुस, जे पहिल ईसु एते नपाम हेच केनाय, उनकु रे एते मिहोर तहिकेनय, ईसु के मेताःदेयाय, 51“चिलि अबु रआ नियम, जहय होर के, जोब तक पहिल उनी रआ काकु ओनवा केया, अरो नुवां काकु पता लगाव केया चि उनी चिलिकाः चिलि एकाःआय, तोब जहय के दोसीदार ठहराव इयाकु।” 52उनकु ता जबाब एमाःदेयाकु, “चिलि आम हों गलीली रिई हेकेम? दंड़ाय अरो नेल केम चि गलील एते जहय परमेसर सोझ एते नधनी वन जनम काकु अगुइ काना।”
53इना तयोम सुबिन अपन-अपन ओड़ाः तोराकुवा।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0