लूका 19
19
मालगुजारी अगु वनीः जकाय
1ईसु जरीहो रे बोलो केते लहा सिनुः केनाय। 2ओन्डो जकाय लुतूम मिहोर मनवां तहिकेनाय, जे मालगुजारी अगुइकु रिई मुध तहिकेनाय, अरो उनी धनगार तहिकेनाय। 3उनी ईसु के नेनेल कथिरोः केनाय चि उनी ओकोय ता हेकेय। मुदा भीड़ रआ चलते नेनेल काय दड़ी वदेयाय, चिलिमेनचि उनी नटरा तहिकेनाय। 4उनी लहा निर इदिकेते ईसु के नेनेल कथिर मियाः दाड़ु रे देच एनाय, चिलिमेनचि उनी इना होरा एते हिजुः वनीः तहिकेनाय। 5जोब ईसु उना ठांव तेबाः एनाय, दो उनी ता चेतान नेल केते जकाय के गामवादेयाय, “जकाय! हारदेन अरगु हिजुःमी, चिलिमेनचि तिहिञ इञ के आम रआ ओड़ाः रे तहीः हेनाःआं।”
6जकाय हारदेन अरगु केते आनाद एते उनी के आच रआ ओड़ाः इदी एदेयाय। 7नुवां नेल केते सुबिन होर कुड़कुड़ाव केते गापाम हेलावेनाकु, “उनी दो मिहोर पापी मनवां रआ ओड़ाः रे तहीः तोराया।”
8जकाय ता तिंगु केते परभु के गामवादेयाय, “परभु! नेलमी इञ अपन आधा सम्पति रेगेंच-रबंङ वनकु के एमाकुञ, अरो इञ दो जे होर लोः जहन गानाम रे बायमान एकाःइञ, उना उनकु रआ चाइर गुना रुवाड़ वकुविञ।”
9ईसु ता गामवाःकुवाय, तिहिञ नियां ओड़ाः रे उद्धार हेच एकाना, चिलिमेनचि नोय हों अबराहम रिई बोंस हेकेय। 10#मती 18:11चिलिमेनचि मनवा रिई होपोन हेरेल आत वनकु के दंड़ा अरो उनकु के उद्धार एएम हेच एकानाय।
दोस सोना टका रआ कहनी
(मती 25:14–30)
11जोब होर नुवां गानाम अयुम एकेनाकु, दो ईसु ता मियाः कहनी ओनाव वाःकुवाय। उनी जरुसलेम रआ हेनात तहिकेनाय, अरो उनकु सोमझाः केनाकु चि परमेसर रआ राइज निमीः दिसतार ओः अनाः हेनाःआं। 12इनाते उनी ता गामवाःकुवाय, मिहोर राजा घराना संगिञ दिसुम एते तोराया, ताकि राइज गदी नाम केते रुवाड़ हिजुःआय। 13उनी ता आचरेन दोस बन्धुवा के होहोवेःकुवाय, अरो उनकु के मिमियाः सोना रआ टका एम केते गामवाःकुवाय, इञ रुवाड़ हिजुः तक कार-बार एपे। 14मुदा उनी रआ दिसुम रेन तहीः वनकु उनी एते बइर दोहोय केनाकु, अरो उनकु तयनोम दूतकु एते गाम कुल वाःकुवाकु, आले काले चहाः काना चि नोय आले रे राइज इयाय।
15“जोब उनी राइज गदी नाम केते रुवाड़ एनाय, तोब उनी ता आचरेन बन्धुवाकु एते जे के सोना रआ टका एमाःकु केनाय, आच ठिनुः होहोवेःकुवाय, ताकि सारीयाय चि उनकु ता कार-बार रे चिमिनोः कामि एकाःआकु। 16पहिल इनीः ता हेचकेते गामवादेयाय, मुवार आम रआ मियाः सोना रआ टका एते दोस सोना रआ टका कामि एकाःइञ। 17मुवार ता उनी एते मेताःदेयाय, ‘बेचोट बुगिन,’ बुगिन बन्धुवा आम हुडिञ एते हुडिञ गानाम रे भोरोसा लाइख उडुङ एनाम, इनाते आम के दोस चट्टी रे हक नमाम। 18एटाः इनीः ता हेचकेते गामवादेयाय, ‘मुवार! आम रआ मियाः सोना रआ टका एते पांच सोना रआ टका कामि एकाःइञ।’ 19अरो मुवार ता उनी के गामवादेयाय, आम के पांच चट्टी रे हक नमुःआं। 20अरो निमीः एटाः वनीः ता हेचकेते गामवादेयाय, मुवार! नेलमी नुवां हेके आम रआ सोना रआ टका, इञ दो नियां टका मियाः गमछा रे तोल दोहो एकाःइञ। 21इञ आम एते बोरोय किनिञ चिलिमेनचि आम हुरमुठ हेनामा। जे आम रआ बङ हेके उनी एते हों अगुइ कनाम अरो जे काय हेर कनाय उनी एते इर कनाम। 22मुवार ता उनी के जबाब एमाःदेयाय, कुचड़ बन्धुवा! इञ आम रआ गानाम रआ मोताबिक आम के नेयायिञ। आम सारीइ केनाम, चि इञ हुरमुठिञ। जे आम रआ बङ हेके उना हों अगुइ कनिञ अरो जे इञ ता काइञ हेर उना इर कनिञ। 23दो आम ता इञ रआ धन महाजन ठिनुः चिलिमेन कम दोहो काता? तोब इञ रुवाड़ केते उनी एते सूद सहित चुकावकिञ होनांङ। 24अरो मुवार ता ओन्डो तिंगु वन होरकु एते गामवाःकुवाय, नियां एते उना सोना रआ टका अगु केते अरो जेकर ठिनुः दोस सोना रआ टका हेनाःआं, उनी किगी एमायमी। 25उनी ता उनी के गामवादेयाय, मुवार! उनी ठिनुः दो सोना रआ दोस टका हेनाःआं। 26#मती 13:12; मर 4:25; लूका 8:18मुवार ता गामवादेयाय, इञ आम एते गाम वमकानिञ जेकर ठिनुः जहन्नाः हेनाःआं, उनी के अरो एमायय। मुदा जेकर ठिनुः जहन्नाः बनुःआं, उनी एते उना हों अगु नोःओ, जे उनी ठिनुः हेनाःआं। 27#मती 25:14–30अरो इञ रेन बइरिकु के जे नुवां काकु चहाः केना चि इञ उनकु रे राजजिञ, नोतो अगु केते इञ रआ लहा रे रु गोच कुपे।”
जरुसलेम रे ईसु रआ बोलोः
(मती 21:1–11; मरकुस 11:1–11; जोहन 12:12–19)
28इमिनुः गाम केते ईसु जरुसलेम सोझ लहा-लहा सेसेन हेलावेनाय। 29जोब उनी जायतून लुतूम टोंगरी लतार रआ बेतफगे अरो बयतनियाह हातु रआ हेनात तेबाःएनाय, दो उनी ता आचरेन चेलाकु रे एते बार होर के नुवां गाम केते कुलेःकिनाय, 30हेनात रआ हातु रे सिनुःबेन अरो ओन्डो तेबाः तागी मियाः गधी रिई गधा होपोन जेकर रे केहयो जहय काकु देच एकाना, तोल वनीः अबेन नामेयाबेन, उनी के राड़ा केते अगुइबेन। 31जदि जहय अबेन के कुलिबेनाकु चि चिलिमेन राड़ाय कनाबेन, दो नुवां गामवाकुबेन चि परभु के नोय रआ दरकार मेनाःआं।
32जे कुल केनाकिन, उनकिन ता सेन केते जेलेका ईसु ता उनकिन एते गाम लाःआय इनका गी नामेःदेयाकिन 33जोब उनकिन गधी रिई गधा होपोन के राड़ाय केनाकिन, दो उनी रिई मुवार ता उनकिन एते कुलीकिन कनाकु, नोय गधी होपोन के चिलिमेन राड़ाय कनाबेन?
34उनकिन ता गामवाःकुवाकिन “परभु के नोय रआ दरकार हेनाःआं।” 35उनकिन ता गधा होपोन के ईसु ठिनुः अगु एदेयाकिन अरो अकिन रआ किचरीः उनी गधा होपोन रआ देया रे अटेत केते ईसु के उनी रे दुरुप कदेयाकिन। 36जोब उनी सिनुः केनाय, दो होर ता सोवागत कथिर अकु रआ किचरीः होरा रे अटेत इदिइ केनाकु।
37हेनात हिजुः वते जोब उनी जायतून बुरु रआ अनारगु रे तेबाः एनाय, दो चेलाकु रेन सुबिन दोल, सुबिन सोमोर्थ रआ, कामि रआ चलते, जे उनकु ता नेल लाःआकु अनादित केते उसुल राव एते परमेसर रआ बड़ाइ कराव हेलावेनाकु
38 #
सिरिञ 118:26
“धेनया हेनाया उनी राजा, जे परभु रआ लुतूम एते हिजुः कनाय।
सोवाराग रे सांति अरो परमेसर रआ महिमा होयुःका।”
39तोब भीड़ रे एते हुडिञगन फरीसी उनी एते गागाम हेलावेनाकु, “ए गुरु आमरेन चेलाकु के डपटाव कुम।”
40ईसु ता जबाब एमाःकुवाय, “इञ अपे एते गाम वपेकानिञ, जदि नोंकु हपे तहीः रेदोकु दिड़ी कुर्री बिरीत वोःओ।”
जरुसलेम कथिर इयाम
41जोब उनी जरुसलेम रआ हेनात हेच्चेनाय, दो उना चट्टी ता नेलकेते उना रे इयाम तय, 42अरो गाम्मेताय, “चिलिकाः गी बुगिन होयुःका होनङ, अपे हें, अपे गी, नियां हिलोः रे सांति रआ गानाम सरीयापे होनङ, मुदा निमीः दो उना अपे कपे नेल दड़िवाःआ। 43चिलिमेनचि उना हिलोः अपे रे हिजुःआ चि अपे रेन बइरी दोल बाय केते अपे के घेराव पेयाकु अरो चइरो ओइर एते अपे के हमला पेयाकु, 44अरो अपे अरो अपे रेन होपोनकु के हसा रे मिलाव पेयाकु अरो अपे रआ चट्टी रआ मरंग-मरंग ओड़ाः धसाव केते तहस-नहस चबायाकु, चिलिमेनचि अपे ता, उना मोका, जोब परभु अपे के बनचाव कथिर हेच केनाय कपे चिनहाव लेदेया।”
कार-बार वनकु के ईसु मरंग बिनती ओड़ाः एते उडुङ कुकानाय
(मती 21:12–17; मरकुस 11:15–19; जोहन 2:13–22)
45ईसु मरंग बिनती ओड़ाः रे बोलो केते अखरीञ वनकु के नुवां गाम केते टांड़ी उडुङ हेलावेनाय, 46#जसा 56:7; जिरमि 7:11ओल एकाना, “‘इञ रआ ओड़ाः पराथना रआ ओड़ाः होयुःआ, मुदा अपे ता उना कुमरुकु रआ ठांव बाय एकाःआपे।’”
47 #
लूका 21:37
ईसु रोज हिलोः मरंग बिनती ओड़ाः रे सिखाव कुकनकेनाय। मुध जाजककु धरम पोथी सिखाविकु अरो होरकु रेन नेता, उनी के नठाव रआ उपाय दंड़ाय केनाकु। 48मुदा जहन उपाय काकु उडुङ दड़िवाता चि नोय के चिलकायाबु, चिलिमेनचि सुबिन होर ईसु रआ गानाम बेचोट मोन लगाव केते ओनाव वेकेनाकु।
Currently Selected:
लूका 19: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
लूका 19
19
मालगुजारी अगु वनीः जकाय
1ईसु जरीहो रे बोलो केते लहा सिनुः केनाय। 2ओन्डो जकाय लुतूम मिहोर मनवां तहिकेनाय, जे मालगुजारी अगुइकु रिई मुध तहिकेनाय, अरो उनी धनगार तहिकेनाय। 3उनी ईसु के नेनेल कथिरोः केनाय चि उनी ओकोय ता हेकेय। मुदा भीड़ रआ चलते नेनेल काय दड़ी वदेयाय, चिलिमेनचि उनी नटरा तहिकेनाय। 4उनी लहा निर इदिकेते ईसु के नेनेल कथिर मियाः दाड़ु रे देच एनाय, चिलिमेनचि उनी इना होरा एते हिजुः वनीः तहिकेनाय। 5जोब ईसु उना ठांव तेबाः एनाय, दो उनी ता चेतान नेल केते जकाय के गामवादेयाय, “जकाय! हारदेन अरगु हिजुःमी, चिलिमेनचि तिहिञ इञ के आम रआ ओड़ाः रे तहीः हेनाःआं।”
6जकाय हारदेन अरगु केते आनाद एते उनी के आच रआ ओड़ाः इदी एदेयाय। 7नुवां नेल केते सुबिन होर कुड़कुड़ाव केते गापाम हेलावेनाकु, “उनी दो मिहोर पापी मनवां रआ ओड़ाः रे तहीः तोराया।”
8जकाय ता तिंगु केते परभु के गामवादेयाय, “परभु! नेलमी इञ अपन आधा सम्पति रेगेंच-रबंङ वनकु के एमाकुञ, अरो इञ दो जे होर लोः जहन गानाम रे बायमान एकाःइञ, उना उनकु रआ चाइर गुना रुवाड़ वकुविञ।”
9ईसु ता गामवाःकुवाय, तिहिञ नियां ओड़ाः रे उद्धार हेच एकाना, चिलिमेनचि नोय हों अबराहम रिई बोंस हेकेय। 10#मती 18:11चिलिमेनचि मनवा रिई होपोन हेरेल आत वनकु के दंड़ा अरो उनकु के उद्धार एएम हेच एकानाय।
दोस सोना टका रआ कहनी
(मती 25:14–30)
11जोब होर नुवां गानाम अयुम एकेनाकु, दो ईसु ता मियाः कहनी ओनाव वाःकुवाय। उनी जरुसलेम रआ हेनात तहिकेनाय, अरो उनकु सोमझाः केनाकु चि परमेसर रआ राइज निमीः दिसतार ओः अनाः हेनाःआं। 12इनाते उनी ता गामवाःकुवाय, मिहोर राजा घराना संगिञ दिसुम एते तोराया, ताकि राइज गदी नाम केते रुवाड़ हिजुःआय। 13उनी ता आचरेन दोस बन्धुवा के होहोवेःकुवाय, अरो उनकु के मिमियाः सोना रआ टका एम केते गामवाःकुवाय, इञ रुवाड़ हिजुः तक कार-बार एपे। 14मुदा उनी रआ दिसुम रेन तहीः वनकु उनी एते बइर दोहोय केनाकु, अरो उनकु तयनोम दूतकु एते गाम कुल वाःकुवाकु, आले काले चहाः काना चि नोय आले रे राइज इयाय।
15“जोब उनी राइज गदी नाम केते रुवाड़ एनाय, तोब उनी ता आचरेन बन्धुवाकु एते जे के सोना रआ टका एमाःकु केनाय, आच ठिनुः होहोवेःकुवाय, ताकि सारीयाय चि उनकु ता कार-बार रे चिमिनोः कामि एकाःआकु। 16पहिल इनीः ता हेचकेते गामवादेयाय, मुवार आम रआ मियाः सोना रआ टका एते दोस सोना रआ टका कामि एकाःइञ। 17मुवार ता उनी एते मेताःदेयाय, ‘बेचोट बुगिन,’ बुगिन बन्धुवा आम हुडिञ एते हुडिञ गानाम रे भोरोसा लाइख उडुङ एनाम, इनाते आम के दोस चट्टी रे हक नमाम। 18एटाः इनीः ता हेचकेते गामवादेयाय, ‘मुवार! आम रआ मियाः सोना रआ टका एते पांच सोना रआ टका कामि एकाःइञ।’ 19अरो मुवार ता उनी के गामवादेयाय, आम के पांच चट्टी रे हक नमुःआं। 20अरो निमीः एटाः वनीः ता हेचकेते गामवादेयाय, मुवार! नेलमी नुवां हेके आम रआ सोना रआ टका, इञ दो नियां टका मियाः गमछा रे तोल दोहो एकाःइञ। 21इञ आम एते बोरोय किनिञ चिलिमेनचि आम हुरमुठ हेनामा। जे आम रआ बङ हेके उनी एते हों अगुइ कनाम अरो जे काय हेर कनाय उनी एते इर कनाम। 22मुवार ता उनी के जबाब एमाःदेयाय, कुचड़ बन्धुवा! इञ आम रआ गानाम रआ मोताबिक आम के नेयायिञ। आम सारीइ केनाम, चि इञ हुरमुठिञ। जे आम रआ बङ हेके उना हों अगुइ कनिञ अरो जे इञ ता काइञ हेर उना इर कनिञ। 23दो आम ता इञ रआ धन महाजन ठिनुः चिलिमेन कम दोहो काता? तोब इञ रुवाड़ केते उनी एते सूद सहित चुकावकिञ होनांङ। 24अरो मुवार ता ओन्डो तिंगु वन होरकु एते गामवाःकुवाय, नियां एते उना सोना रआ टका अगु केते अरो जेकर ठिनुः दोस सोना रआ टका हेनाःआं, उनी किगी एमायमी। 25उनी ता उनी के गामवादेयाय, मुवार! उनी ठिनुः दो सोना रआ दोस टका हेनाःआं। 26#मती 13:12; मर 4:25; लूका 8:18मुवार ता गामवादेयाय, इञ आम एते गाम वमकानिञ जेकर ठिनुः जहन्नाः हेनाःआं, उनी के अरो एमायय। मुदा जेकर ठिनुः जहन्नाः बनुःआं, उनी एते उना हों अगु नोःओ, जे उनी ठिनुः हेनाःआं। 27#मती 25:14–30अरो इञ रेन बइरिकु के जे नुवां काकु चहाः केना चि इञ उनकु रे राजजिञ, नोतो अगु केते इञ रआ लहा रे रु गोच कुपे।”
जरुसलेम रे ईसु रआ बोलोः
(मती 21:1–11; मरकुस 11:1–11; जोहन 12:12–19)
28इमिनुः गाम केते ईसु जरुसलेम सोझ लहा-लहा सेसेन हेलावेनाय। 29जोब उनी जायतून लुतूम टोंगरी लतार रआ बेतफगे अरो बयतनियाह हातु रआ हेनात तेबाःएनाय, दो उनी ता आचरेन चेलाकु रे एते बार होर के नुवां गाम केते कुलेःकिनाय, 30हेनात रआ हातु रे सिनुःबेन अरो ओन्डो तेबाः तागी मियाः गधी रिई गधा होपोन जेकर रे केहयो जहय काकु देच एकाना, तोल वनीः अबेन नामेयाबेन, उनी के राड़ा केते अगुइबेन। 31जदि जहय अबेन के कुलिबेनाकु चि चिलिमेन राड़ाय कनाबेन, दो नुवां गामवाकुबेन चि परभु के नोय रआ दरकार मेनाःआं।
32जे कुल केनाकिन, उनकिन ता सेन केते जेलेका ईसु ता उनकिन एते गाम लाःआय इनका गी नामेःदेयाकिन 33जोब उनकिन गधी रिई गधा होपोन के राड़ाय केनाकिन, दो उनी रिई मुवार ता उनकिन एते कुलीकिन कनाकु, नोय गधी होपोन के चिलिमेन राड़ाय कनाबेन?
34उनकिन ता गामवाःकुवाकिन “परभु के नोय रआ दरकार हेनाःआं।” 35उनकिन ता गधा होपोन के ईसु ठिनुः अगु एदेयाकिन अरो अकिन रआ किचरीः उनी गधा होपोन रआ देया रे अटेत केते ईसु के उनी रे दुरुप कदेयाकिन। 36जोब उनी सिनुः केनाय, दो होर ता सोवागत कथिर अकु रआ किचरीः होरा रे अटेत इदिइ केनाकु।
37हेनात हिजुः वते जोब उनी जायतून बुरु रआ अनारगु रे तेबाः एनाय, दो चेलाकु रेन सुबिन दोल, सुबिन सोमोर्थ रआ, कामि रआ चलते, जे उनकु ता नेल लाःआकु अनादित केते उसुल राव एते परमेसर रआ बड़ाइ कराव हेलावेनाकु
38 #
सिरिञ 118:26
“धेनया हेनाया उनी राजा, जे परभु रआ लुतूम एते हिजुः कनाय।
सोवाराग रे सांति अरो परमेसर रआ महिमा होयुःका।”
39तोब भीड़ रे एते हुडिञगन फरीसी उनी एते गागाम हेलावेनाकु, “ए गुरु आमरेन चेलाकु के डपटाव कुम।”
40ईसु ता जबाब एमाःकुवाय, “इञ अपे एते गाम वपेकानिञ, जदि नोंकु हपे तहीः रेदोकु दिड़ी कुर्री बिरीत वोःओ।”
जरुसलेम कथिर इयाम
41जोब उनी जरुसलेम रआ हेनात हेच्चेनाय, दो उना चट्टी ता नेलकेते उना रे इयाम तय, 42अरो गाम्मेताय, “चिलिकाः गी बुगिन होयुःका होनङ, अपे हें, अपे गी, नियां हिलोः रे सांति रआ गानाम सरीयापे होनङ, मुदा निमीः दो उना अपे कपे नेल दड़िवाःआ। 43चिलिमेनचि उना हिलोः अपे रे हिजुःआ चि अपे रेन बइरी दोल बाय केते अपे के घेराव पेयाकु अरो चइरो ओइर एते अपे के हमला पेयाकु, 44अरो अपे अरो अपे रेन होपोनकु के हसा रे मिलाव पेयाकु अरो अपे रआ चट्टी रआ मरंग-मरंग ओड़ाः धसाव केते तहस-नहस चबायाकु, चिलिमेनचि अपे ता, उना मोका, जोब परभु अपे के बनचाव कथिर हेच केनाय कपे चिनहाव लेदेया।”
कार-बार वनकु के ईसु मरंग बिनती ओड़ाः एते उडुङ कुकानाय
(मती 21:12–17; मरकुस 11:15–19; जोहन 2:13–22)
45ईसु मरंग बिनती ओड़ाः रे बोलो केते अखरीञ वनकु के नुवां गाम केते टांड़ी उडुङ हेलावेनाय, 46#जसा 56:7; जिरमि 7:11ओल एकाना, “‘इञ रआ ओड़ाः पराथना रआ ओड़ाः होयुःआ, मुदा अपे ता उना कुमरुकु रआ ठांव बाय एकाःआपे।’”
47 #
लूका 21:37
ईसु रोज हिलोः मरंग बिनती ओड़ाः रे सिखाव कुकनकेनाय। मुध जाजककु धरम पोथी सिखाविकु अरो होरकु रेन नेता, उनी के नठाव रआ उपाय दंड़ाय केनाकु। 48मुदा जहन उपाय काकु उडुङ दड़िवाता चि नोय के चिलकायाबु, चिलिमेनचि सुबिन होर ईसु रआ गानाम बेचोट मोन लगाव केते ओनाव वेकेनाकु।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0