रोमि 1
1
जोहार
1इञ पाउलुस ईसु मसी रिई बन्धुवा हेकेञ, अरो कुलवानीः होयुः कथिर होहो एकानिञ, अरो परमेसर रआ बुगिन खभेर कथिर अलगे एकानिञ। 2जे लेका चि पबितर पोथी रे ओल एकाना, उनी ता बेचोट पहिल अपन परमेसर सोझ एते नधनी वनकु रआ दोवासते नियां बुगिन खभेर रआ परतिगेया लाःआय। 3-4अपन होपोन हेरेल अबुन रिई परभु ईसु मसी रआ बबेत रे परतिगेया लाःआय जे होड़मो एते दो दाऊद रआ बोंस एते जनामेनाय। उनी मनवां रआ रुप एते दो दाऊद रआ बोंस एते जनम अगुवेताय अरो गोज वनकु रे ते जुवेत बिरीतोः रआ चलते पबितर रावा दोवासते सोमोर्थ लोः परमेसर रिई होपोन हेरेल सबिद एनाय। 5उनी एते अबुन के दया अरो कुलवानीः बयुः रआ हक नम्मेना, जेकर एते अबु उनी रआ लुतूम एते सुबिन जाइतकु के बिसवास रे अगु कुवाबुन उनकु उनी रआ मानाःकाकु। 6गइर-जहुदिकु रे अपे हों हेनापेया जे ईसु मसी रेन होयुः कथिर होहो एकानापे।
7अपे सुबिनकु कथिर जे रोम रे परमेसर रेन दुलारा हेकेपे अरो पबितर होयुः कथिर होहो एकानाबुन। अबुन रिई परमेसर आबा अरो परभु ईसु मसी सोझ एते अपे के दया अरो सांति नमुः चित तहीःका।
धेनयाबाद रआ पराथना
8पहिल इञ अपे सुबिन कथिर ईसु मसी रआ दोवासते अपन परमेसर के धेनयाबाद एयकानिञ, चिलिमेनचि अपे रआ बिसवास रआ चरचा पुरा दुनिया रे होयुः काना। 9परमेसर, जेकर सेवा-सुसार इञ पुरा मोन एते उनी रिई होपोन हेरेल रआ बुगिन खभेर रआ दोवासते कराव कनिञ, इनागी इञ रआ गोवाही हेके, चि इञ अपे के पराथना रे लघाइर ओयहर पेकानिञ। 10अरो सोबदिन अपन पराथना रे गोहरावेय कनिञ, चि जहां लेका एते नेबरीक दो अपे ठिनुः हिजुः कथिर इञ रआ यातरा परमेसर रआ हिछा एते होयुःका 11चिलिमेनचि इञ अपे एते नपाम्मोः कथिर तरसाः कनिञ, चि इञ अपे के जहन आत्मिक बरदान एमापिञ जेकर एते अपे बिसवास रे बोलगार बाय दड़िवाःआपे। 12इञ रआ गागाम रआ मोतलोब मेनाःआं चि अबु अनी-नोय एते संतवाना नमुःका, इञ रआ बिसवास दोवासते अपे के अरो अपे रआ बिसवास एते इञ के। 13#कु.कामि 19:21 ए बिसवासी बोयहा-मिसी! इञ नुवां काइञ चहाः काना चि नियां गानाम रे अनजान तहीःपे, चि इञ अपे के उदुः चहाः कनिञ चि इञ घरी-घरी अपे ठिनुः हिजुः रआ जोजना बाय इतिञ, मुदा तिहिञ तक जहन बङ जहन रोक हिजुः चित तहिएना, इञ इनाते अपे ठिनुः हिजुः चहाः किनिञ चि जेलेका गइर-जहुदिकु रे फोल अगु इतिञ इना लेका गी अपे रआ ताला रेहों फोल अगु चहाः कनिञ। 14इञ रे जूनानिकु#1:14 जूनानिकु उना घरीक जूनानी सबद सभ्या होरकु कथिर बरबरकु (गइर-जूनानिकु) कथिर असभ्या होरकु चहे संसकारहिन होरकु कथिर ओल्लेकाना अरो गइर-जूनानिकु, गेयानिकु अरो बिन गेयानिकु रआ परति रीनी हेकेञ। 15इनाते इञ रोम रे तहीःइकु अपे केहों बुगिन खभेर ओनाव इरी कथिर उतसुक मेनाञा।
बुगिन खभेर रआ सोमोर्थ
16 #
मर 8:38
चिलिमेनचि इञ बुगिन खभेर एते काइञ लाजाः काना, इनाते चि उना सुबिन बिसवास कराव वनकु कथिर, पहिल दो जहुदी अरो गइर-जहुदिकु कथिर, उद्धार रआ चलते परमेसर रआ सोमोर्थ हेके। 17#हब 2:4 चिलिमेनचि बुगिन खभेर रे नुवां दरसाव एकाना, परमेसर मनवां के अपन परति सतया चिलका एते बाय कुकानाय। नुवां एटेच एते मुडूः तक बिसवास एते अरो बिसवास कथिर होयुः काना जेलेका चि पबितर पोथी रे ओल्लेकाना, धरमी होरकु बिसवास एते जुवेत तहिनाकु।
मनवां जाइत रआ पाप
18सोवाराग एते परमेसर रआ खिंस, उनकु मनवांकु रआ सुबिन रकम रआ अधरम कामि अरो अनेयाय कराव वनकु रे दिसतार वोःकाना, जे सचाय ता अनेयाय एते तेन ककानाकु। 19परमेसर रआ गेयान उनकु होरकु रे निठा रुप एते मिलावेकाना, चिलिमेनचि परमेसर ता उनकु रे निठा एकाःआय।
20जोब एते दुनिया रआ उपनेग रआ एटेच एते गी परमेसर रआ का नेलुः गुन मने उनी रआ जुगनजुग सोमोर्थ अरो उनी परमेसर रआ सोवाभव सफा-सफा नेलुः काना चिलिमेनचि परमेसर ता उपनेग एकाःआय उना सुबिन जिनिस एते सारी नोःवोय, इनाते सुबिन होरकु रे जहन बहना बनुःआं।
21 #
इफि 4:17,18 परमेसर के सारीइ कनरेहोंकु उनकु परमेसर के सुहाः लाइख बड़ाय अरो धेनयाबाद काकु एमाःदेया, मुदा उनकु रआ बिचार ता बेयार्थ एना, नोन्डो तक चि उनकु रआ निरबुधिया मोन लुबाः एना। 22उनकु खुद बुधिमान सोमझाः कनाकु मुदा नसामझ बाय्येनाकु। 23#नियम 4:16–18 अरो जे काय नासोः वनीः परमेसर रआ महिमा का कराव केते नासोः मनवांकु, चेंड़ेकु, जनावारकु अरो टुंडांग वन जनावारकु रआ मुरती बाय केते नेकु के महिमा करावेःकुवाकु।
24इना चलते परमेसर ता उनकु के उनकु रआ मोन रआ कठिक हिछा रआ मोताबिक असुध कथिर बगी काःकुवाय चि उनकु अकु-अकु रे अपन होड़मो ता बेमाइनियाकु। 25चिलिमेनचि उनकु ता परमेसर रआ सचाय ता बदलाव केते झुठा बाय कताकु अरो जे जिनिस परमेसर ता उपनेग एकाःआय उना उपासना अरो सेवा-सुसार हेलावेनाकु, मुदा उनी उपनेग कराव वनीः के उपासना अरो सेवा-सुसार काकु कराव, जे सोबदिन धेनयाः आय।
26इनाते परमेसर ता उनकु के घिनघिना हिछा रआ कबजा रे बगी काःकुवाय, नोन्डो तक चि उनकु रेन सुबिन एरा सोवाभिक होड़मो सोम्बोंध बगी केते असोवाभिक होड़मो सोम्बोंध दोहो हेलावेनाकु। 27इना लेका हेरेलकु हों एराकु लोः सोवाभिक होड़मो सोम्बोंध बागी केते अरो उनकु हेरेल-हेरेल रे कठिक हिछा कराव कथिर जलाः हेलावेनाकु, अरो हेरेल अकु-अकु गी होड़मो सोम्बोंध करावोः हेलावेनाकु, उनकु के जे कठिक कामि कराव एकाःआकु उना रआ ठिक फोल नाम्मेताकु।
28अरो जोब उनकु ता परमेसर रआ गेयान ननाम किमती काकु सोमझावेना, इनाते परमेसर तहों उनकु के कठिक मोन रे बगी काःकुवाय चि उनकु उचित बनुःआं उना कामि काकु। 29उनकु रे सुबिन रकम रआ अधरम पेड़ेच्चेना अरो बुराय, लोभ, दुस्टता एते पेड़ेच्चेनाकु। उनकु डाह, गोगोच, लड़ाय-झगरा, छल-कपट, बुराय कामि रे फांसाव वन, चुगली वन नियां सुबिन एते पेड़ेच एनाकु। 30एगेर वन, परमेसर एते घिनाःइकु, कुरकुरु, घमंडी, डिंग ममाइर वन, कठिक-कठिक जोजना बबाय वन, एंगा-आपु रआ हुकूम का मनाव वन। 31नसोमोझ, जबान एम केते ओचोःओः वनीः, बेदुलार वन अरो कुमाया वन बाय्येनाकु। 32उनकु दो परमेसर रआ नियम सारीइ कनाकु चि नुंकन-नुंकन कामि कराव वन गोगोच रआ दंड ननाम लाइख मेनाकुवा, रेहोंगी ना सिरीफ खुद गी नुंकन कामि कराव कनाकु, मुदा नुंकन कामि कराव वनकु रआ समारथान हों कराव कनाकु।
Currently Selected:
रोमि 1: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
रोमि 1
1
जोहार
1इञ पाउलुस ईसु मसी रिई बन्धुवा हेकेञ, अरो कुलवानीः होयुः कथिर होहो एकानिञ, अरो परमेसर रआ बुगिन खभेर कथिर अलगे एकानिञ। 2जे लेका चि पबितर पोथी रे ओल एकाना, उनी ता बेचोट पहिल अपन परमेसर सोझ एते नधनी वनकु रआ दोवासते नियां बुगिन खभेर रआ परतिगेया लाःआय। 3-4अपन होपोन हेरेल अबुन रिई परभु ईसु मसी रआ बबेत रे परतिगेया लाःआय जे होड़मो एते दो दाऊद रआ बोंस एते जनामेनाय। उनी मनवां रआ रुप एते दो दाऊद रआ बोंस एते जनम अगुवेताय अरो गोज वनकु रे ते जुवेत बिरीतोः रआ चलते पबितर रावा दोवासते सोमोर्थ लोः परमेसर रिई होपोन हेरेल सबिद एनाय। 5उनी एते अबुन के दया अरो कुलवानीः बयुः रआ हक नम्मेना, जेकर एते अबु उनी रआ लुतूम एते सुबिन जाइतकु के बिसवास रे अगु कुवाबुन उनकु उनी रआ मानाःकाकु। 6गइर-जहुदिकु रे अपे हों हेनापेया जे ईसु मसी रेन होयुः कथिर होहो एकानापे।
7अपे सुबिनकु कथिर जे रोम रे परमेसर रेन दुलारा हेकेपे अरो पबितर होयुः कथिर होहो एकानाबुन। अबुन रिई परमेसर आबा अरो परभु ईसु मसी सोझ एते अपे के दया अरो सांति नमुः चित तहीःका।
धेनयाबाद रआ पराथना
8पहिल इञ अपे सुबिन कथिर ईसु मसी रआ दोवासते अपन परमेसर के धेनयाबाद एयकानिञ, चिलिमेनचि अपे रआ बिसवास रआ चरचा पुरा दुनिया रे होयुः काना। 9परमेसर, जेकर सेवा-सुसार इञ पुरा मोन एते उनी रिई होपोन हेरेल रआ बुगिन खभेर रआ दोवासते कराव कनिञ, इनागी इञ रआ गोवाही हेके, चि इञ अपे के पराथना रे लघाइर ओयहर पेकानिञ। 10अरो सोबदिन अपन पराथना रे गोहरावेय कनिञ, चि जहां लेका एते नेबरीक दो अपे ठिनुः हिजुः कथिर इञ रआ यातरा परमेसर रआ हिछा एते होयुःका 11चिलिमेनचि इञ अपे एते नपाम्मोः कथिर तरसाः कनिञ, चि इञ अपे के जहन आत्मिक बरदान एमापिञ जेकर एते अपे बिसवास रे बोलगार बाय दड़िवाःआपे। 12इञ रआ गागाम रआ मोतलोब मेनाःआं चि अबु अनी-नोय एते संतवाना नमुःका, इञ रआ बिसवास दोवासते अपे के अरो अपे रआ बिसवास एते इञ के। 13#कु.कामि 19:21 ए बिसवासी बोयहा-मिसी! इञ नुवां काइञ चहाः काना चि नियां गानाम रे अनजान तहीःपे, चि इञ अपे के उदुः चहाः कनिञ चि इञ घरी-घरी अपे ठिनुः हिजुः रआ जोजना बाय इतिञ, मुदा तिहिञ तक जहन बङ जहन रोक हिजुः चित तहिएना, इञ इनाते अपे ठिनुः हिजुः चहाः किनिञ चि जेलेका गइर-जहुदिकु रे फोल अगु इतिञ इना लेका गी अपे रआ ताला रेहों फोल अगु चहाः कनिञ। 14इञ रे जूनानिकु#1:14 जूनानिकु उना घरीक जूनानी सबद सभ्या होरकु कथिर बरबरकु (गइर-जूनानिकु) कथिर असभ्या होरकु चहे संसकारहिन होरकु कथिर ओल्लेकाना अरो गइर-जूनानिकु, गेयानिकु अरो बिन गेयानिकु रआ परति रीनी हेकेञ। 15इनाते इञ रोम रे तहीःइकु अपे केहों बुगिन खभेर ओनाव इरी कथिर उतसुक मेनाञा।
बुगिन खभेर रआ सोमोर्थ
16 #
मर 8:38
चिलिमेनचि इञ बुगिन खभेर एते काइञ लाजाः काना, इनाते चि उना सुबिन बिसवास कराव वनकु कथिर, पहिल दो जहुदी अरो गइर-जहुदिकु कथिर, उद्धार रआ चलते परमेसर रआ सोमोर्थ हेके। 17#हब 2:4 चिलिमेनचि बुगिन खभेर रे नुवां दरसाव एकाना, परमेसर मनवां के अपन परति सतया चिलका एते बाय कुकानाय। नुवां एटेच एते मुडूः तक बिसवास एते अरो बिसवास कथिर होयुः काना जेलेका चि पबितर पोथी रे ओल्लेकाना, धरमी होरकु बिसवास एते जुवेत तहिनाकु।
मनवां जाइत रआ पाप
18सोवाराग एते परमेसर रआ खिंस, उनकु मनवांकु रआ सुबिन रकम रआ अधरम कामि अरो अनेयाय कराव वनकु रे दिसतार वोःकाना, जे सचाय ता अनेयाय एते तेन ककानाकु। 19परमेसर रआ गेयान उनकु होरकु रे निठा रुप एते मिलावेकाना, चिलिमेनचि परमेसर ता उनकु रे निठा एकाःआय।
20जोब एते दुनिया रआ उपनेग रआ एटेच एते गी परमेसर रआ का नेलुः गुन मने उनी रआ जुगनजुग सोमोर्थ अरो उनी परमेसर रआ सोवाभव सफा-सफा नेलुः काना चिलिमेनचि परमेसर ता उपनेग एकाःआय उना सुबिन जिनिस एते सारी नोःवोय, इनाते सुबिन होरकु रे जहन बहना बनुःआं।
21 #
इफि 4:17,18 परमेसर के सारीइ कनरेहोंकु उनकु परमेसर के सुहाः लाइख बड़ाय अरो धेनयाबाद काकु एमाःदेया, मुदा उनकु रआ बिचार ता बेयार्थ एना, नोन्डो तक चि उनकु रआ निरबुधिया मोन लुबाः एना। 22उनकु खुद बुधिमान सोमझाः कनाकु मुदा नसामझ बाय्येनाकु। 23#नियम 4:16–18 अरो जे काय नासोः वनीः परमेसर रआ महिमा का कराव केते नासोः मनवांकु, चेंड़ेकु, जनावारकु अरो टुंडांग वन जनावारकु रआ मुरती बाय केते नेकु के महिमा करावेःकुवाकु।
24इना चलते परमेसर ता उनकु के उनकु रआ मोन रआ कठिक हिछा रआ मोताबिक असुध कथिर बगी काःकुवाय चि उनकु अकु-अकु रे अपन होड़मो ता बेमाइनियाकु। 25चिलिमेनचि उनकु ता परमेसर रआ सचाय ता बदलाव केते झुठा बाय कताकु अरो जे जिनिस परमेसर ता उपनेग एकाःआय उना उपासना अरो सेवा-सुसार हेलावेनाकु, मुदा उनी उपनेग कराव वनीः के उपासना अरो सेवा-सुसार काकु कराव, जे सोबदिन धेनयाः आय।
26इनाते परमेसर ता उनकु के घिनघिना हिछा रआ कबजा रे बगी काःकुवाय, नोन्डो तक चि उनकु रेन सुबिन एरा सोवाभिक होड़मो सोम्बोंध बगी केते असोवाभिक होड़मो सोम्बोंध दोहो हेलावेनाकु। 27इना लेका हेरेलकु हों एराकु लोः सोवाभिक होड़मो सोम्बोंध बागी केते अरो उनकु हेरेल-हेरेल रे कठिक हिछा कराव कथिर जलाः हेलावेनाकु, अरो हेरेल अकु-अकु गी होड़मो सोम्बोंध करावोः हेलावेनाकु, उनकु के जे कठिक कामि कराव एकाःआकु उना रआ ठिक फोल नाम्मेताकु।
28अरो जोब उनकु ता परमेसर रआ गेयान ननाम किमती काकु सोमझावेना, इनाते परमेसर तहों उनकु के कठिक मोन रे बगी काःकुवाय चि उनकु उचित बनुःआं उना कामि काकु। 29उनकु रे सुबिन रकम रआ अधरम पेड़ेच्चेना अरो बुराय, लोभ, दुस्टता एते पेड़ेच्चेनाकु। उनकु डाह, गोगोच, लड़ाय-झगरा, छल-कपट, बुराय कामि रे फांसाव वन, चुगली वन नियां सुबिन एते पेड़ेच एनाकु। 30एगेर वन, परमेसर एते घिनाःइकु, कुरकुरु, घमंडी, डिंग ममाइर वन, कठिक-कठिक जोजना बबाय वन, एंगा-आपु रआ हुकूम का मनाव वन। 31नसोमोझ, जबान एम केते ओचोःओः वनीः, बेदुलार वन अरो कुमाया वन बाय्येनाकु। 32उनकु दो परमेसर रआ नियम सारीइ कनाकु चि नुंकन-नुंकन कामि कराव वन गोगोच रआ दंड ननाम लाइख मेनाकुवा, रेहोंगी ना सिरीफ खुद गी नुंकन कामि कराव कनाकु, मुदा नुंकन कामि कराव वनकु रआ समारथान हों कराव कनाकु।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0