रोमि 14
14
एटाः होर रे ओलोपे दोस लगाविया
1 #
कुलू 2:16
जे बिसवास रे कोमजोर हेनाकुवा उनकु के अपन संगाति रे अगुकुपे, मुदा उनकु एते तर्क-बितर्क ओलोपे कराविया। 2चिलिमेनचि मिहोर के बिसवास हेनाःआं चि सुबिन्नाः जोजोम उचित हेनाःआं, मुदा जे कोमजोर हेनाकुवा, उनकु आड़ाः-सेकाम गी जोम कनाकु। 3सुबिन्नाः जोजोम वन, का जोजोम वन के तुछ ओलोपे सोमझाःआ अरो का जोजोम वन, जोजोम वन के दोस ओलोपे लगावकुवा। चिलिमेनचि परमेसर उनकु के हों अपनाव एकाःकुवाय। 4एटाः धंगोर रे दोस लगाव वनीः आम ओकोय हेकेम? उनकु थिर तहीः चाहे उयुःओकु मालिक ताकु एते सोम्बोंध हेनाःआं, मुदा उनकु के थिर कुवाय, चिलिमेनचि परभु उनकु के थिर दोहो दड़िवाकुवाय।
5जहय मियाः हिलोः ता एटाः हिलोः एते बुगिन मनाः कनाकु अरो जहय सुबिन हिलोः ता बराबोइर सोमझाः कनाकु। हरेक होर नियां गानाम रे अपन मोन रे निचित कराव इरीवापे। 6जे जहन हिलोः ता बुगिन मनाव कनाकु उनकु परभु के माइन एएम कथिर मनाव कनाकु, अरो जे सुबिन्नाः जोम कनाकु, उनकु हों परभु के माइन एएम कथिर जोम कनाकु। चिलिमेनचि उनकु परमेसर के धेनयाबाद एमाय कनाकु, जे परहेज कनाकु, उनकु परभु के माइन एएम चहाः कनाकु। उनकु परमेसर के धेनयाबाद एमाय कनाकु। 7अबुन रे ते जहय हों न दो अपन कथिर जुवेतोः कनाकु अरो न अपन कथिर गोजुः कनाकु। 8चिलिमेनचि जदि अबुन जुवेताबुन रेदो परभु कथिर जुवेताबुन अरो जदि गोजुः कनाबुन रेदो परभु कथिर गोजुः कनाबुन। इनाते जुवेत ओःओबुन चाहे गोजुःआबुन, अबुन परभु रेन गी हेकेबुन। 9चिलिमेनचि मसी इना कथिर गोच्चेनाय अरो जुवेत एनाय चि उनी गोच वनकु अरो जुवेत वनकु, बनार रेन परभु होयुःकाय।
10 #
2 कुरु 5:10
अपे अपन बोयहा-मिसी के चिलिमेन दोस लगाव कुकानापे? अपे अपन बोयहा-मिसी के चिलिमेन तुछ सोमझाः कनापे? अबुन सुबिन परमेसर रआ नेयाय रआ गदी रआ लहा रे तिंगुनाबुन 11#जसा 45:23 पबितर पोथी रे ओल एकाना,
“परभु ता गाम्मेताय, ‘जेलेका इञ जुवेत मेनाञा’
सुबिन होर के इञ रआ लहा रे ढुकू उकरुम होयुःआ
अरो सुबिन होर आम गी परमेसर हेकेम मेन ते मनाः अकु।”
12इनाते अबुन सुबिन के परमेसर रआ लहा अपन-अपन लेखा-जोखा एएम होयुःआ।
अपन बोयहा-मिसी रआ उयुः रआ कारन ओलोपे बयुःआ
13इनाते अबुन अनी-नोय रे दोस लगाव बोन्द इयाबुन अरो नुवां निचित इयाबुन चि अपन बोयहा-मिसी के दादाः अरो पाप रआ कारन कबुन बयुःआ। 14इञ सारीइ कनिञ अरो परभु ईसु रे निचित बिसवास कनिञ चि जहन जिनिस अपन एते का असुधोः काना, मुदा जे उना असुध सोमझाः कनाकु, उनकु कथिर असुध हेनाःआं। 15जदि अपे अपन जोजोम वनाः रआ चलते अपन बोयहा-मिसी के दुख एमाकुकानापे रेदो अपे दुलार रआ रिति रआ मोताबिक कपे सेसेन काना। जे होर कथिर मसी गोच्चेनाय, अपे अपन जोजोम वनाः रआ चलते उनकु के ओलोपे नास कुवा। 16इनाते जे अपे कथिर बुगिन हेनाःआं उना निन्दा कराव कथिर ओलोपे बाय इरीवाःआ। 17चिलिमेनचि परमेसर रआ राइज जोजोम-नुनु रआ बङ कानाः, मुदा पबितर रावा एते नाम वनाः धरमिकता, सांति अरो आनाद हेके। 18जे नियां गानाम लेका मसी के सेवाय कनाकु, उनकु परमेसर के खुस एयकानाकु अरो मनवांकु, उनकु सेवा कराव वनकु के गरहन कुकानाकु। 19अबुन नुंकन गानाम रे लगाल तहीःआबुन, जेकर एते सांति ता बड़हाव कनाय अरो अनी-नोय के बड़हाः कथिर देंगा नमुःकाना। 20जोजोम वनाः कथिर परमेसर रआ कामि ता ओलोपे नाससिया। सुबिन रकम रआ जोजोम वनाः सुध हेनाःआं, मुदा उनी होर कथिर बुराय मेनाःआं जे जोजोम एते जहय एटाः होर के तोहोत नमुः काना। 21जदि जीलु, आरखी चाहे जहन जिनिस अपे रिई बोयहा-मिसी कथिर तोहोतोः रआ कारन बयुः कनरेदो उना एते परहेज दोहो बुगिन हेनाःआं। 22अपे रआ अपन बिसवास ता, परमेसर अरो अपन ताला रे दोहोयपे। उनकु धेनया हेनाकुवा, जे उना जिनिस ता बुगिन सोमझाः कनाकु, इनागी उनकु कथिर अपन खुद के दोसी काय ठहरावकुवाय। 23मुदा जे जोजोम वनाः बबेत रे संकाय कनाकु अरो जोम कनाकु, उनकु दोसी हेकेकु, चिलिमेनचि उनकु रआ बिसवास मोताबिक बनुःआं। अरो जे गी बिसवास रआ मोताबिक बनुःआं, उना पाप हेके।
Currently Selected:
रोमि 14: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
रोमि 14
14
एटाः होर रे ओलोपे दोस लगाविया
1 #
कुलू 2:16
जे बिसवास रे कोमजोर हेनाकुवा उनकु के अपन संगाति रे अगुकुपे, मुदा उनकु एते तर्क-बितर्क ओलोपे कराविया। 2चिलिमेनचि मिहोर के बिसवास हेनाःआं चि सुबिन्नाः जोजोम उचित हेनाःआं, मुदा जे कोमजोर हेनाकुवा, उनकु आड़ाः-सेकाम गी जोम कनाकु। 3सुबिन्नाः जोजोम वन, का जोजोम वन के तुछ ओलोपे सोमझाःआ अरो का जोजोम वन, जोजोम वन के दोस ओलोपे लगावकुवा। चिलिमेनचि परमेसर उनकु के हों अपनाव एकाःकुवाय। 4एटाः धंगोर रे दोस लगाव वनीः आम ओकोय हेकेम? उनकु थिर तहीः चाहे उयुःओकु मालिक ताकु एते सोम्बोंध हेनाःआं, मुदा उनकु के थिर कुवाय, चिलिमेनचि परभु उनकु के थिर दोहो दड़िवाकुवाय।
5जहय मियाः हिलोः ता एटाः हिलोः एते बुगिन मनाः कनाकु अरो जहय सुबिन हिलोः ता बराबोइर सोमझाः कनाकु। हरेक होर नियां गानाम रे अपन मोन रे निचित कराव इरीवापे। 6जे जहन हिलोः ता बुगिन मनाव कनाकु उनकु परभु के माइन एएम कथिर मनाव कनाकु, अरो जे सुबिन्नाः जोम कनाकु, उनकु हों परभु के माइन एएम कथिर जोम कनाकु। चिलिमेनचि उनकु परमेसर के धेनयाबाद एमाय कनाकु, जे परहेज कनाकु, उनकु परभु के माइन एएम चहाः कनाकु। उनकु परमेसर के धेनयाबाद एमाय कनाकु। 7अबुन रे ते जहय हों न दो अपन कथिर जुवेतोः कनाकु अरो न अपन कथिर गोजुः कनाकु। 8चिलिमेनचि जदि अबुन जुवेताबुन रेदो परभु कथिर जुवेताबुन अरो जदि गोजुः कनाबुन रेदो परभु कथिर गोजुः कनाबुन। इनाते जुवेत ओःओबुन चाहे गोजुःआबुन, अबुन परभु रेन गी हेकेबुन। 9चिलिमेनचि मसी इना कथिर गोच्चेनाय अरो जुवेत एनाय चि उनी गोच वनकु अरो जुवेत वनकु, बनार रेन परभु होयुःकाय।
10 #
2 कुरु 5:10
अपे अपन बोयहा-मिसी के चिलिमेन दोस लगाव कुकानापे? अपे अपन बोयहा-मिसी के चिलिमेन तुछ सोमझाः कनापे? अबुन सुबिन परमेसर रआ नेयाय रआ गदी रआ लहा रे तिंगुनाबुन 11#जसा 45:23 पबितर पोथी रे ओल एकाना,
“परभु ता गाम्मेताय, ‘जेलेका इञ जुवेत मेनाञा’
सुबिन होर के इञ रआ लहा रे ढुकू उकरुम होयुःआ
अरो सुबिन होर आम गी परमेसर हेकेम मेन ते मनाः अकु।”
12इनाते अबुन सुबिन के परमेसर रआ लहा अपन-अपन लेखा-जोखा एएम होयुःआ।
अपन बोयहा-मिसी रआ उयुः रआ कारन ओलोपे बयुःआ
13इनाते अबुन अनी-नोय रे दोस लगाव बोन्द इयाबुन अरो नुवां निचित इयाबुन चि अपन बोयहा-मिसी के दादाः अरो पाप रआ कारन कबुन बयुःआ। 14इञ सारीइ कनिञ अरो परभु ईसु रे निचित बिसवास कनिञ चि जहन जिनिस अपन एते का असुधोः काना, मुदा जे उना असुध सोमझाः कनाकु, उनकु कथिर असुध हेनाःआं। 15जदि अपे अपन जोजोम वनाः रआ चलते अपन बोयहा-मिसी के दुख एमाकुकानापे रेदो अपे दुलार रआ रिति रआ मोताबिक कपे सेसेन काना। जे होर कथिर मसी गोच्चेनाय, अपे अपन जोजोम वनाः रआ चलते उनकु के ओलोपे नास कुवा। 16इनाते जे अपे कथिर बुगिन हेनाःआं उना निन्दा कराव कथिर ओलोपे बाय इरीवाःआ। 17चिलिमेनचि परमेसर रआ राइज जोजोम-नुनु रआ बङ कानाः, मुदा पबितर रावा एते नाम वनाः धरमिकता, सांति अरो आनाद हेके। 18जे नियां गानाम लेका मसी के सेवाय कनाकु, उनकु परमेसर के खुस एयकानाकु अरो मनवांकु, उनकु सेवा कराव वनकु के गरहन कुकानाकु। 19अबुन नुंकन गानाम रे लगाल तहीःआबुन, जेकर एते सांति ता बड़हाव कनाय अरो अनी-नोय के बड़हाः कथिर देंगा नमुःकाना। 20जोजोम वनाः कथिर परमेसर रआ कामि ता ओलोपे नाससिया। सुबिन रकम रआ जोजोम वनाः सुध हेनाःआं, मुदा उनी होर कथिर बुराय मेनाःआं जे जोजोम एते जहय एटाः होर के तोहोत नमुः काना। 21जदि जीलु, आरखी चाहे जहन जिनिस अपे रिई बोयहा-मिसी कथिर तोहोतोः रआ कारन बयुः कनरेदो उना एते परहेज दोहो बुगिन हेनाःआं। 22अपे रआ अपन बिसवास ता, परमेसर अरो अपन ताला रे दोहोयपे। उनकु धेनया हेनाकुवा, जे उना जिनिस ता बुगिन सोमझाः कनाकु, इनागी उनकु कथिर अपन खुद के दोसी काय ठहरावकुवाय। 23मुदा जे जोजोम वनाः बबेत रे संकाय कनाकु अरो जोम कनाकु, उनकु दोसी हेकेकु, चिलिमेनचि उनकु रआ बिसवास मोताबिक बनुःआं। अरो जे गी बिसवास रआ मोताबिक बनुःआं, उना पाप हेके।
© 2023 NLCI CC BY-NC-ND 4.0