रोमि 7
7
बपला जीवन रआ कहनी
1ए बोयहा-मिसी, इञ नियम ता सारी वन एते मेता कुकानिञ, चिलि अपे कपे सारीइकाना, मनवां रे नियम रआ हक तोब तक मेनाःआं, जोब तक उनी जुवेत मेनायां 2उदाहरन कथिर मियाः बपला वनीः एरा नियम रआ मोताबिक अपन हेरेल रआ जुवेत तहीः तोब तक अपन हेरेल रआ तोनोल रे तहीः कनाय जोब तक उनी जुवेत तहीः कनाय। मुदा हेरेल तेः गोच कोःकनरेदोय उनी एरा बपला रआ बंधन एते छुटाव कोःकनाय। 3जदि अपन हेरेल जुवेत मेनायां रेहों एटाः हेरेल लोः तहीः कनरेदोय उनी साप-जोटेत कराव वनीः एरा गमुः कनाय, मुदा अपन हेरेल गोच तयनोम उनी नियम रआ मोताबिक एते आजाद कोःकनाय अरो एटाः हेरेल एते बपलाः कोः रेदोय खेलडी काय गामुःआय। 4ए बिसवासी बोयहा-मिसी, निंका गी मसी रआ होड़मो रआ दोवासते नियम कथिर अपे हों गोच चुकाव एकानापे, ताकि नेबरीक अपे हों अनी-नोय एते नाता जोड़ाव दड़ी वाःआपे, उनी एते जे गोच वनकु रे ते जुवेत एकानापे चि परमेसर कथिर अबुन रआ जीवन फोल अगुइकाय। 5जोब अबुन होड़मो रआ मोताबिक जुवेतोः केनाबुन, अबुन रआ पाप एते पेड़ेच हिछा जे नियम रआ दोवासते हेच केना, अबुन रआ होड़मो रे कामि केनाय, अरो गोनोच रआ फोल उपनेग एकेनाय। 6मुदा जेकर गुलाम रे अबुन तहिकेनाबुन उनी कथिर गोच केते, नेबरीक नियम एते छुटाव एनाबुन, इनालेका एते ओल वनाः मरी नियम रआ मोताबिक बङा, मुदा रावा रआ नवां नियम रआ मोताबिक परमेसर के सेवाय कनाबुन।
मूसा रआ नियम अरो पाप
7 #
उठ 20:17; नियम 5:21 दो अबुन चिलिकाः गाम्माबुन? चिलि मूसा रआ नियम पाप हेके? केइध बङा! मुदा बिन नियम रआ इञ पाप ता काइञ चिनहाव काना, जदि नियम काय गाम्माय होनांङ, “ओलोपे ललाचिया” दो लालच ता इञ काइञ सरीया होनांङ। 8मुदा पाप ता मोका नामता गी हुकूम रआ फयदा उठाव वते इञ रे रकमे-रकम रआ लालच उपनेग एताय, चिलिमेनचि बेगर नियम रआ पाप मुरदा हेके। 9इञ दो बेगर नियम पहिल जुवेत तहिकिनिञ, मुदा जोब हुकूम हेच्चेना, दो पाप जुवेतेना, अरो इञ गोच इनिञ। 10इञ के पाता होय्येना चि इना हुकूम गी जे जीवन कथिर तहिकेना, इनागी गोनोच रआ कारन बाय्येना। 11#एटे 3:13 चिलिमेनचि पाप ता मोका नामकेते हुकूम रआ दोवासते इञ के धोखा एमाःदेञय अरो उना रआ दोवासते इञ के गोजेः देञाय।
12इनाते नियम पबितर मेनाःआं अरो हुकूम हों पबितर, धरमी अरो बुगिन मेनाःआं 13दो चिलि उना जे बुगिन तहिकेना, इञ कथिर गोनोच ठहरावेना? केइध बङा! मुदा पाप उना बुगिन जिनिस रआ दोवासते इञ कथिर गोनोच उपनेग कराव वनाः होय्येना चि पाप, पाप रआ सच रुप चिनहाव ओःका, अरो हुकूम रआ दोवासते पाप बेचोट गी पापमाय ठहराःका।
मोन रआ लड़ाय
14चिलिमेनचि आले सारीइ कनाले चि नियम दो आत्मिक मेनाःआं, मुदा इञ दो दुनिया रिई होयुः रआ चलते पाप ता इञ के किरीञ एदेञाय अरो इञ उना रआ कबजा रेनिञ। 15#गला 5:17 अरो जे इञ कराव कनिञ उना काइञ सारीइकाना, चिलिमेनचि इञ जे चहाः कनिञ, उना काइञ कराव काना, मुदा जेकर एते घिरना हिजुः काना, इनागी कराव कनिञ। 16अरो जदि इञ इनागी कराव कनिञ जे इञ कराव काइञ चहाः काना, दो इञ मानाः कनिञ चि नियम बुगिन एते बुगिन मेनाःआं। 17दो नुंकन दसा रे उना रआ कराव वनीः इञ बङा, मुदा पाप हेके जे इञ रे बोसावेकाना। 18चिलिमेनचि इञ सारीइ कनिञ, चि इञ रे मने इञ रआ होड़मो रे जहन बुगिन जिनिस का तहीःकाना, चिलिमेनचि बुगिन कराव रआ हिछा दो इञ रे मेनाःआं, मुदा बुगिन कामि इञ एते का होय दड़ीः काना। 19चिलिमेनचि जे बुगिन कामि रआ हिछा कराव कनिञ, उना दो काइञ कराव काना, मुदा जे बुराय रआ हिछा काइञ कराव चहाः काना, इनागी कराव चित तहीः कनिञ। 20जदि इञ इनागी कराव कनिञ जेकर हिछा काइञ कराव काना, दो उना कराव वनीः इञ बङा, मुदा पाप जे इञ रे बोसावेकाना।
21नियां लेका इञ के पाता होय्येना चि नियां नियम कामिइ कनाय, जोब इञ भलाय कराव रआ हिछा कराव कनिञ, दो इञ ठिनुः बुराय गी हिजुः काना। 22चिलिमेनचि इञ भीतरी हिरदय एते दो परमेसर रआ नियम एते बेचोट खुस तहीः कनिञ। 23मुदा इञ के अपन होड़मो रे एटाः रकम रआ नियम नेलुः काना, जे इञ रआ मोन रआ नियम एते लड़ाय कनाय अरो इञ के पाप रआ नियम रआ तोनोल रे कयदी बाय्येञ कनाय, जे इञ रआ होड़मो रे मेनाःआं 24इञ चिलकान अभागा मनवां हेकेञ! इञ के नुवां गोनोच रआ होड़मो एते ओकोय बनचाविञाय? 25अबुन रिई परभु ईसु मसी रआ सोझ एते परमेसर के धेनयाबाद होयुःका, इनाते मीः सोझ एते दो इञ खुद मोन एते परमेसर रआ नियम रआ, अरो एटाः सोझ एते दो होड़मो एते पाप रआ नियम रआ सेवा कराव कनिञ।
Currently Selected:
रोमि 7: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
रोमि 7
7
बपला जीवन रआ कहनी
1ए बोयहा-मिसी, इञ नियम ता सारी वन एते मेता कुकानिञ, चिलि अपे कपे सारीइकाना, मनवां रे नियम रआ हक तोब तक मेनाःआं, जोब तक उनी जुवेत मेनायां 2उदाहरन कथिर मियाः बपला वनीः एरा नियम रआ मोताबिक अपन हेरेल रआ जुवेत तहीः तोब तक अपन हेरेल रआ तोनोल रे तहीः कनाय जोब तक उनी जुवेत तहीः कनाय। मुदा हेरेल तेः गोच कोःकनरेदोय उनी एरा बपला रआ बंधन एते छुटाव कोःकनाय। 3जदि अपन हेरेल जुवेत मेनायां रेहों एटाः हेरेल लोः तहीः कनरेदोय उनी साप-जोटेत कराव वनीः एरा गमुः कनाय, मुदा अपन हेरेल गोच तयनोम उनी नियम रआ मोताबिक एते आजाद कोःकनाय अरो एटाः हेरेल एते बपलाः कोः रेदोय खेलडी काय गामुःआय। 4ए बिसवासी बोयहा-मिसी, निंका गी मसी रआ होड़मो रआ दोवासते नियम कथिर अपे हों गोच चुकाव एकानापे, ताकि नेबरीक अपे हों अनी-नोय एते नाता जोड़ाव दड़ी वाःआपे, उनी एते जे गोच वनकु रे ते जुवेत एकानापे चि परमेसर कथिर अबुन रआ जीवन फोल अगुइकाय। 5जोब अबुन होड़मो रआ मोताबिक जुवेतोः केनाबुन, अबुन रआ पाप एते पेड़ेच हिछा जे नियम रआ दोवासते हेच केना, अबुन रआ होड़मो रे कामि केनाय, अरो गोनोच रआ फोल उपनेग एकेनाय। 6मुदा जेकर गुलाम रे अबुन तहिकेनाबुन उनी कथिर गोच केते, नेबरीक नियम एते छुटाव एनाबुन, इनालेका एते ओल वनाः मरी नियम रआ मोताबिक बङा, मुदा रावा रआ नवां नियम रआ मोताबिक परमेसर के सेवाय कनाबुन।
मूसा रआ नियम अरो पाप
7 #
उठ 20:17; नियम 5:21 दो अबुन चिलिकाः गाम्माबुन? चिलि मूसा रआ नियम पाप हेके? केइध बङा! मुदा बिन नियम रआ इञ पाप ता काइञ चिनहाव काना, जदि नियम काय गाम्माय होनांङ, “ओलोपे ललाचिया” दो लालच ता इञ काइञ सरीया होनांङ। 8मुदा पाप ता मोका नामता गी हुकूम रआ फयदा उठाव वते इञ रे रकमे-रकम रआ लालच उपनेग एताय, चिलिमेनचि बेगर नियम रआ पाप मुरदा हेके। 9इञ दो बेगर नियम पहिल जुवेत तहिकिनिञ, मुदा जोब हुकूम हेच्चेना, दो पाप जुवेतेना, अरो इञ गोच इनिञ। 10इञ के पाता होय्येना चि इना हुकूम गी जे जीवन कथिर तहिकेना, इनागी गोनोच रआ कारन बाय्येना। 11#एटे 3:13 चिलिमेनचि पाप ता मोका नामकेते हुकूम रआ दोवासते इञ के धोखा एमाःदेञय अरो उना रआ दोवासते इञ के गोजेः देञाय।
12इनाते नियम पबितर मेनाःआं अरो हुकूम हों पबितर, धरमी अरो बुगिन मेनाःआं 13दो चिलि उना जे बुगिन तहिकेना, इञ कथिर गोनोच ठहरावेना? केइध बङा! मुदा पाप उना बुगिन जिनिस रआ दोवासते इञ कथिर गोनोच उपनेग कराव वनाः होय्येना चि पाप, पाप रआ सच रुप चिनहाव ओःका, अरो हुकूम रआ दोवासते पाप बेचोट गी पापमाय ठहराःका।
मोन रआ लड़ाय
14चिलिमेनचि आले सारीइ कनाले चि नियम दो आत्मिक मेनाःआं, मुदा इञ दो दुनिया रिई होयुः रआ चलते पाप ता इञ के किरीञ एदेञाय अरो इञ उना रआ कबजा रेनिञ। 15#गला 5:17 अरो जे इञ कराव कनिञ उना काइञ सारीइकाना, चिलिमेनचि इञ जे चहाः कनिञ, उना काइञ कराव काना, मुदा जेकर एते घिरना हिजुः काना, इनागी कराव कनिञ। 16अरो जदि इञ इनागी कराव कनिञ जे इञ कराव काइञ चहाः काना, दो इञ मानाः कनिञ चि नियम बुगिन एते बुगिन मेनाःआं। 17दो नुंकन दसा रे उना रआ कराव वनीः इञ बङा, मुदा पाप हेके जे इञ रे बोसावेकाना। 18चिलिमेनचि इञ सारीइ कनिञ, चि इञ रे मने इञ रआ होड़मो रे जहन बुगिन जिनिस का तहीःकाना, चिलिमेनचि बुगिन कराव रआ हिछा दो इञ रे मेनाःआं, मुदा बुगिन कामि इञ एते का होय दड़ीः काना। 19चिलिमेनचि जे बुगिन कामि रआ हिछा कराव कनिञ, उना दो काइञ कराव काना, मुदा जे बुराय रआ हिछा काइञ कराव चहाः काना, इनागी कराव चित तहीः कनिञ। 20जदि इञ इनागी कराव कनिञ जेकर हिछा काइञ कराव काना, दो उना कराव वनीः इञ बङा, मुदा पाप जे इञ रे बोसावेकाना।
21नियां लेका इञ के पाता होय्येना चि नियां नियम कामिइ कनाय, जोब इञ भलाय कराव रआ हिछा कराव कनिञ, दो इञ ठिनुः बुराय गी हिजुः काना। 22चिलिमेनचि इञ भीतरी हिरदय एते दो परमेसर रआ नियम एते बेचोट खुस तहीः कनिञ। 23मुदा इञ के अपन होड़मो रे एटाः रकम रआ नियम नेलुः काना, जे इञ रआ मोन रआ नियम एते लड़ाय कनाय अरो इञ के पाप रआ नियम रआ तोनोल रे कयदी बाय्येञ कनाय, जे इञ रआ होड़मो रे मेनाःआं 24इञ चिलकान अभागा मनवां हेकेञ! इञ के नुवां गोनोच रआ होड़मो एते ओकोय बनचाविञाय? 25अबुन रिई परभु ईसु मसी रआ सोझ एते परमेसर के धेनयाबाद होयुःका, इनाते मीः सोझ एते दो इञ खुद मोन एते परमेसर रआ नियम रआ, अरो एटाः सोझ एते दो होड़मो एते पाप रआ नियम रआ सेवा कराव कनिञ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0