रोमि 9
9
परमेसर अरो उनी रेन सला वन होर
1इञ मसी रे सच गाम कनिञ, झूठ काइञ गाम काना अरो इञ रआ भीतरी मोन हों पबितर रावा रे गोवाही एम कनाय। 2चि इञ के बेचोट दुख मेनाःआं अरो इञ रआ मोन रे का मुडूः आनाः पीड़ा मेनाःआं। 3चिलिमेनचि इञ नोन्डो तक चहाः किनिञ चि अपन बोयहा-मिसी कथिर जे होड़मो रआ रुप एते दो इञ रेन खुद कुटुम हेकेकु, खुद गी सापित अरो मसी एते अलगे कोःओञ। 4#उठ 4:22 उनकु इसराइली हेकेकु, उनकु के परमेसर बालपोस एकाःकुवाय। महिमा, करार, नियम, उपासना, अरो वादा इनकु रआ गी हेके। 5पुरखाकु हों परमेसर रेन गी हेकेकु, अरो मसी हों होड़मो रआ रुप एते दो उनकु रे ते गी होय्येनाय, जे सुबिन रिई परमेसर हेकेय अरो जुगनजुग इसतुति होयुः चित तहीःका! अमीन।
6मुदा नुवां बङा चि परमेसर रआ बचन टलावेना, चिलिमेनचि जे इसराइली रेन बोंस हेकेकु उनकु रे ते सुबिन के सुबिन असली इसराइली बङ कनकु। 7#एटे 21:12 अरो ना अबराहम रेन बोंस होयुः रआ चलते सुबिन उनी रेन खंदान ठहराः अकु, मुदा पबितर पोथी रे ओल्लेकाना चि “इसहाक एते गी आमरेन बोंस गामुःआकु।” 8नियां रआ मोतलोब नुवां हेके चि जे होड़मो एते जनम अगुइ कनाकु, उनकु परमेसर रेन खंदान बङ हेकेकु, बलकी जेकर जनम वादा रआ मोताबिक होय एकाना, इनकुगी बोंस हेकेकु। 9#एटे 18:10 चिलिमेनचि वादा रआ बचन नुवां लेका गाम लाःआय, “हिजुः साल नियां समेय रे इञ हिजुःइञ अरो सारा एते होपोन हेरेल होयुःआय।” 10अरो सिरीफ नुवां बङा चि जोब रिबका हों अबुन रिई पुरखा इसहाक एते भारी होड़मो केनाय। 11-12#एटे 25:23 अरो नेबरीक तक ना दो होपोन जनम केनाकु, अरो ना उनकिन ता जहन बुगिन चहे बुराय कराव लाःआकिन, परमेसर रिबका के गाम वदेयाय, “मरंग होपोन हेरेलमी, हुडिञ होपोन हेरेल के सेवा-सुसारियाय।” ताकि परमेसर रआ सला उदेस बाय तहीःका, करनी रआ चलते बङा, मुदा होहो वनीः रआ चेतान बाय एकानोःकाय। 13#मला 1:2,3 जे लेका पबितर पोथी रे ओल्लेकाना, “इञ जाकूब के दुलार एयकानिञ, मुदा एसाव के नकराव एदेयिञ।”
14दो अबुन चिलिकाः मेन्नाबुन? चिलि परमेसर अनेयायी मेनायां? केइध बङा! 15#उठ 33:19 परमेसर ता मूसा के मेताःदेयाय,
“इञ जेकर रे दया कराव चहाःइञ, इनी रिगी दया कराव कनिञ अरो जेकर रे तरसाव चहाःइञ उनी रिगी तरसाव वोःकानिञ”।
16इनाते ना दो नुवां जहय रआ हिछा रे निरभर कनाय अरो ना जहय रआ दाउड़-धुप रे बलकी दयालु परमेसर रे निरभर कनाय। 17#उठ 9:16 चिलिमेनचि पबितर पोथी रे फिरोन राजा एते गाम्मेकाना, “इञ आम के इनाते तिंगु वेःमिञ चि आम रे इञ अपन सोमोर्थ देखाविञ, अरो इञ रआ लुतूम रआ परचार सुबिन दुनिया रे होयुःका” 18परमेसर जेकर रे दया कराव चहाः कनाय उनी रे दयाय कनाय अरो जेके हुरमुठ बबय चहाः कनाय उनकु के हुरमुठ बाय केकुकानाय।
परमेसर रआ खिंस अरो उनी रआ दया
19दो अपे इञ एते गम्मापे, “परमेसर रेहोंगी चिलिमेन दोस लगाव कनाय? चिलिमेनचि ओकोय परमेसर रआ हिछा रआ बिरोध कराव दड़िवाःआय।” 20#जसा 29:16; 45:9 मनवां अपे ओकोय हेकेपे जे परमेसर के उलटाव केते जबाब एमाय कनापे? चिलि गरहाव वनाः जिनिस अपन गरहाव वनीः एते गाम वयाय चि “आम इञ के नुंका चिलिमेन बयेःदेञाम।” 21चिलि कुमहार के हसा रे हक बनुःआं चि उनी मीः लोंधा हसा रे ते मियाः बासन बुगिन कामि कथिर अरो मियाः जहन-कहन कामि कथिर बाय इयाय? 22मुदा नियां रे चिलिकाः मेनाःआं जदि परमेसर ता अपन खिंस देखाव आर अपन सोमोर्थ दिसतार कराव रआ हिछा रे उनकु मनवां के, जे खिंस रआ बासन तहिकेनाकु अरो जेके नठावोः कथिर तेयार कराव केना, बेचोट धीरज एते सहावेताकु। 23जेकर एते दया रआ सुबिन बासन रे जेके उनी ता अपन महिमा ननाम कथिर पहिल एते तेयार लाःआय, जेकर रे अपन महिमा रआ धन दिसतार ओःका। 24मने अबुन रे जेके उनी ता सिरीफ जहुदिकु रे ते बङा, मुदा गइर-जहुदिकु रे ते हों होहो एकाःकुवाय 25#होसे 2:23 जे लेका होसे रआ किताब रे परमेसर गाम कनाय,
“जे इञ रेन होर काकु तहिकेना,
उनकु के ‘इञ अपन होर मेताकुञ।’
अरो उनी एरा जे दुलार काय तहिकेनाय,
इञ उनी के ‘पिरये’ मेतायिञ।
26 #
होसे 1:10
अरो नुंका होयुःआ चि जे ठांव रे उनकु एते गाम केना चि ‘अपे इञ रेन होर बङ कनपे’,
इना ठांव रे उनकु जुवेत परमेसर रेन होपोन गामुःआकु।”
27 #
जसा 10:22,23 अरो जसायाह ता इसराइल रआ बबेत रे जोड़ राव एते मेताःकुवाय, “चहे इसराइली रेन होपोनकु रआ गिनती समुदर रआ गितिल रआ बराबोइर तहीः रेहोंकु, उनकु रे ते हुडिञ गनगी बनचाव ओःओकु।
28चिलिमेनचि परभु अपन बचन दुनिया रे पुराव कनाय, बिन देरी उना सिध करावियाय।”
29 #
जसा 1:9
जेलेका जसायाह ता पहिल गी गाम लाःआय,
जदि सेनाकु रिई परभु अबुन कथिर,
जहय बोंस काय बगीलेःकु रेदोय,
अबु सोदोम चट्टी रेन होरकु लेका
अरो अमोरा चट्टी रेन होरकु लेका नास ओःओबुन होनांङ।
इसराइलिकु रआ अबिसवास
30दो अबुन चिलिकाः गाम्मीयाबुन? नुवां चि गइर-जहुदिकु ता जे धरमिकता ता काकु दंड़ा एकेना, उनकु ता धरमिकता ता नम्मेताकु, उनकु बिसवास एते गी धरमी ठहरावेनाकु। 31मुदा इसराइलिकु ता जे नियम रआ दंड़ा एकेनाकु जे धरमिकता सोझ इदी कनाय, मुदा उना नियम तक काकु सेन दड़िवाता। 32चिलिमेन? इनाते चि उनकु बिसवास एते बङा, मुदा करनी एते उनी के दंड़ाय केनाकु, उनकु उना तोहोतोः आनाः दिड़ी रे तोहोत एनाकु। 33#जसा 28:16 जे लेका पबितर पोथी रे ओल एकाना,
“नेलपे इञ सियोन रे मियाः तोहोतोः आनाः दिड़ी अरो ठोकोरोः आनाः चटाइन दोहोय कनिञ,
अरो जे उनी रे बिसवास कनाकु, उनकु काकु लजाव वोःओ।”
Currently Selected:
रोमि 9: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
रोमि 9
9
परमेसर अरो उनी रेन सला वन होर
1इञ मसी रे सच गाम कनिञ, झूठ काइञ गाम काना अरो इञ रआ भीतरी मोन हों पबितर रावा रे गोवाही एम कनाय। 2चि इञ के बेचोट दुख मेनाःआं अरो इञ रआ मोन रे का मुडूः आनाः पीड़ा मेनाःआं। 3चिलिमेनचि इञ नोन्डो तक चहाः किनिञ चि अपन बोयहा-मिसी कथिर जे होड़मो रआ रुप एते दो इञ रेन खुद कुटुम हेकेकु, खुद गी सापित अरो मसी एते अलगे कोःओञ। 4#उठ 4:22 उनकु इसराइली हेकेकु, उनकु के परमेसर बालपोस एकाःकुवाय। महिमा, करार, नियम, उपासना, अरो वादा इनकु रआ गी हेके। 5पुरखाकु हों परमेसर रेन गी हेकेकु, अरो मसी हों होड़मो रआ रुप एते दो उनकु रे ते गी होय्येनाय, जे सुबिन रिई परमेसर हेकेय अरो जुगनजुग इसतुति होयुः चित तहीःका! अमीन।
6मुदा नुवां बङा चि परमेसर रआ बचन टलावेना, चिलिमेनचि जे इसराइली रेन बोंस हेकेकु उनकु रे ते सुबिन के सुबिन असली इसराइली बङ कनकु। 7#एटे 21:12 अरो ना अबराहम रेन बोंस होयुः रआ चलते सुबिन उनी रेन खंदान ठहराः अकु, मुदा पबितर पोथी रे ओल्लेकाना चि “इसहाक एते गी आमरेन बोंस गामुःआकु।” 8नियां रआ मोतलोब नुवां हेके चि जे होड़मो एते जनम अगुइ कनाकु, उनकु परमेसर रेन खंदान बङ हेकेकु, बलकी जेकर जनम वादा रआ मोताबिक होय एकाना, इनकुगी बोंस हेकेकु। 9#एटे 18:10 चिलिमेनचि वादा रआ बचन नुवां लेका गाम लाःआय, “हिजुः साल नियां समेय रे इञ हिजुःइञ अरो सारा एते होपोन हेरेल होयुःआय।” 10अरो सिरीफ नुवां बङा चि जोब रिबका हों अबुन रिई पुरखा इसहाक एते भारी होड़मो केनाय। 11-12#एटे 25:23 अरो नेबरीक तक ना दो होपोन जनम केनाकु, अरो ना उनकिन ता जहन बुगिन चहे बुराय कराव लाःआकिन, परमेसर रिबका के गाम वदेयाय, “मरंग होपोन हेरेलमी, हुडिञ होपोन हेरेल के सेवा-सुसारियाय।” ताकि परमेसर रआ सला उदेस बाय तहीःका, करनी रआ चलते बङा, मुदा होहो वनीः रआ चेतान बाय एकानोःकाय। 13#मला 1:2,3 जे लेका पबितर पोथी रे ओल्लेकाना, “इञ जाकूब के दुलार एयकानिञ, मुदा एसाव के नकराव एदेयिञ।”
14दो अबुन चिलिकाः मेन्नाबुन? चिलि परमेसर अनेयायी मेनायां? केइध बङा! 15#उठ 33:19 परमेसर ता मूसा के मेताःदेयाय,
“इञ जेकर रे दया कराव चहाःइञ, इनी रिगी दया कराव कनिञ अरो जेकर रे तरसाव चहाःइञ उनी रिगी तरसाव वोःकानिञ”।
16इनाते ना दो नुवां जहय रआ हिछा रे निरभर कनाय अरो ना जहय रआ दाउड़-धुप रे बलकी दयालु परमेसर रे निरभर कनाय। 17#उठ 9:16 चिलिमेनचि पबितर पोथी रे फिरोन राजा एते गाम्मेकाना, “इञ आम के इनाते तिंगु वेःमिञ चि आम रे इञ अपन सोमोर्थ देखाविञ, अरो इञ रआ लुतूम रआ परचार सुबिन दुनिया रे होयुःका” 18परमेसर जेकर रे दया कराव चहाः कनाय उनी रे दयाय कनाय अरो जेके हुरमुठ बबय चहाः कनाय उनकु के हुरमुठ बाय केकुकानाय।
परमेसर रआ खिंस अरो उनी रआ दया
19दो अपे इञ एते गम्मापे, “परमेसर रेहोंगी चिलिमेन दोस लगाव कनाय? चिलिमेनचि ओकोय परमेसर रआ हिछा रआ बिरोध कराव दड़िवाःआय।” 20#जसा 29:16; 45:9 मनवां अपे ओकोय हेकेपे जे परमेसर के उलटाव केते जबाब एमाय कनापे? चिलि गरहाव वनाः जिनिस अपन गरहाव वनीः एते गाम वयाय चि “आम इञ के नुंका चिलिमेन बयेःदेञाम।” 21चिलि कुमहार के हसा रे हक बनुःआं चि उनी मीः लोंधा हसा रे ते मियाः बासन बुगिन कामि कथिर अरो मियाः जहन-कहन कामि कथिर बाय इयाय? 22मुदा नियां रे चिलिकाः मेनाःआं जदि परमेसर ता अपन खिंस देखाव आर अपन सोमोर्थ दिसतार कराव रआ हिछा रे उनकु मनवां के, जे खिंस रआ बासन तहिकेनाकु अरो जेके नठावोः कथिर तेयार कराव केना, बेचोट धीरज एते सहावेताकु। 23जेकर एते दया रआ सुबिन बासन रे जेके उनी ता अपन महिमा ननाम कथिर पहिल एते तेयार लाःआय, जेकर रे अपन महिमा रआ धन दिसतार ओःका। 24मने अबुन रे जेके उनी ता सिरीफ जहुदिकु रे ते बङा, मुदा गइर-जहुदिकु रे ते हों होहो एकाःकुवाय 25#होसे 2:23 जे लेका होसे रआ किताब रे परमेसर गाम कनाय,
“जे इञ रेन होर काकु तहिकेना,
उनकु के ‘इञ अपन होर मेताकुञ।’
अरो उनी एरा जे दुलार काय तहिकेनाय,
इञ उनी के ‘पिरये’ मेतायिञ।
26 #
होसे 1:10
अरो नुंका होयुःआ चि जे ठांव रे उनकु एते गाम केना चि ‘अपे इञ रेन होर बङ कनपे’,
इना ठांव रे उनकु जुवेत परमेसर रेन होपोन गामुःआकु।”
27 #
जसा 10:22,23 अरो जसायाह ता इसराइल रआ बबेत रे जोड़ राव एते मेताःकुवाय, “चहे इसराइली रेन होपोनकु रआ गिनती समुदर रआ गितिल रआ बराबोइर तहीः रेहोंकु, उनकु रे ते हुडिञ गनगी बनचाव ओःओकु।
28चिलिमेनचि परभु अपन बचन दुनिया रे पुराव कनाय, बिन देरी उना सिध करावियाय।”
29 #
जसा 1:9
जेलेका जसायाह ता पहिल गी गाम लाःआय,
जदि सेनाकु रिई परभु अबुन कथिर,
जहय बोंस काय बगीलेःकु रेदोय,
अबु सोदोम चट्टी रेन होरकु लेका
अरो अमोरा चट्टी रेन होरकु लेका नास ओःओबुन होनांङ।
इसराइलिकु रआ अबिसवास
30दो अबुन चिलिकाः गाम्मीयाबुन? नुवां चि गइर-जहुदिकु ता जे धरमिकता ता काकु दंड़ा एकेना, उनकु ता धरमिकता ता नम्मेताकु, उनकु बिसवास एते गी धरमी ठहरावेनाकु। 31मुदा इसराइलिकु ता जे नियम रआ दंड़ा एकेनाकु जे धरमिकता सोझ इदी कनाय, मुदा उना नियम तक काकु सेन दड़िवाता। 32चिलिमेन? इनाते चि उनकु बिसवास एते बङा, मुदा करनी एते उनी के दंड़ाय केनाकु, उनकु उना तोहोतोः आनाः दिड़ी रे तोहोत एनाकु। 33#जसा 28:16 जे लेका पबितर पोथी रे ओल एकाना,
“नेलपे इञ सियोन रे मियाः तोहोतोः आनाः दिड़ी अरो ठोकोरोः आनाः चटाइन दोहोय कनिञ,
अरो जे उनी रे बिसवास कनाकु, उनकु काकु लजाव वोःओ।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0