Ng’olwa 22
22
1“Henye vang'olotsangu na va dadangu, heni ntsili halutalo henyu ntsin'gana munyulikitse ntsivalonjele ndongwa itsi hila fyotsili!” 2Vanu vala hovavaga kumuhulika anlonga nawo kwa Chiebulaniya vakalutitsaje kusindimala, nayo Pawulo akendelelaje kulonga, 3Heni ntsili Muyawudi, yo ntsaleliche ku muji gwa Taliso hono ho hanchemwa Chilichiya na ntsakalagalye bahanago ha Yelusalemu tsadahitswe kwa wugolofu na Gamaliyeli malajitso ga va dada vetu, na ngavaje munu va kikangatsa kwasawuli ya Mulungu kota henye nyeka fyomuli munyiguno. 4Ntsavakodaga na kuvakopola vanu vala wo vayifwataga Ng'asi yino. Ntsavabataga valume na vadala na kuvawopa mu nyumba tsa vawopwa. 5Muvina va vatawula nambiko na vavina veka va libalatsa vafuluche vidikitse chino cho ntsinlonga kuta cha wukweli. Ntsanuchilaga baluva kuhuma kwawo tso vandichilwaga vala Vayawudi va uko ku Damesichi, na heni ntsabitaga na kuvabata vanu iwo na kuvaleta ku Yelusalemu kuno vawopitwe na vavaditile fibi kota fyo van'gana vene wo vavahijite.
Pawulo anlonga hila Chilisito fyo amuhumye
9:1-19; 26:12-18
6Ino lelo hontsavaga mung'asi habehi na kufika Damesichi, yavaga kota sasita hamunyi hino, mwangatsa mukomi kuhuma Kilanga gukang'alikaje mbali tseka. 7Ngagwaje hasi na ngahulikaje litsi lyandonjelaga kuta, Sawuli, Sawuli! Kwasawuli yachi ung'oda? 8Heni ngaputsaje, Uli nani heve Mutwa? Nayo akamitulaje, Heni yo Yesu va ku Natsaleti yo ung'oda. 9Vala wo vavaga hamwe na heni vaguwene gula mwangatsa, lechelelo sivakahuliche litsi lya yula yo alongaga na heni. 10Duve heni ngamuputsaje, Nditaje chichi Mutwa? Mwene Mutwa akandonjelaje, Winuche na kubita ku Damesichi, na kuko ukulonjelwa ndongwa tseka tso uvichilwe ili utsidite. 11Ngalemwaje kulola kwasawuli ya mwangatsa gula, ihyo vala vayangu vakandongotsaje kwa kimbatilitsa liwoko mbaka tukafikaje ku Damesichi.
12Kuko ku Damesichi kwavaga na munu yumwe yo achemwaga Hananiya, munu uyo aditaga malajitso ga Musa, nayo avaga munu yo ahesimilwaga na Vayawudi wo vikalaga uko. 13Hananiya akatsaje kundola, nayo akimaje habehi na heni na kundonjela, Mung'olotsangu Sawuli! Lole kanji. Luvala lulula ngavetsaje kulola kanji na ngamuwonaje. 14Kaha Hananiya akandonjelaje, Mulungu va vadada vetu akuhagwe heve ili uchitsele chila cho un'ganika kudita na umuwone yula Muhagulwa va Mulungu na kuhulika cho anlonga. 15Kwasawuli heve ukuvalonjela vanu veka ndongwa tsila tso utsiwene na kutsihulika. 16Ino lelo unhava chichi? Winuche ukabatitswe, ili uhofugwe na kuhulumilwa ndongwa tsako ntsibi kwa kumusuka Mutwa.
Mutwa angumutuma Pawulo kuvikula kwa vanu wosi Vayawudi
17Ihyo lelo hontsavaga kuwuya ku Yelusalemu na hongavaga ntsinsuka mu Nyumba ya Mulungu, ngatsiwonaje nduntsuchilo. 18Ngamuwonaje Mutwa an'ndonjela, Wangufitse uwuche hano ha Yelusalemu, kwasawuli vanu va hono hano sivakidichila ndongwa tsako tso ukumbikula heni. 19Heni ngamupitulaje, Mutwa vene van'tsela nachene kuta heni yo yula yo ntsavaga ntsinlutilalutila mu nyumba tsa kitang'anila Vayawudi na kuvabata na kuvatova vala veka wo vavaga vangukutumba. 20Luvala lula Sitefwani mutantsi vako hoavaga ankopolwa, heni ntsavaga bahalaga ntsidichilaga lulongwa lula na kwimilila myenda jawo vala wo vamukopolaga. 21Ihyo Mutwa akandonjelaje, Ubite, heni ngukutuma kutali kwa vanu wosi Vayawudi.
22Lila lilugu lya vanu lyamuhulikitsaga Pawulo, lechelelo ho avaga kulonga lulongwa ulo vakayovaje kuta, “Mumuhetse uyu muinyi, munu kota uyu si an'ganika kuva mumi!” 23Luvala ulo ho vankwendelela kuyova na kuno van'yuntsa myenda jawo na kutimulanga mingundi kilanga, 24yula muvina va vimilitsi akavalajitsaje vimilitsi yo anguvalongotsa kuta vamutegule Pawulo vamusindiche mugati mwa kambi ya vimilitsi yo yitsentsilwe kwa maganga, akavalonjelaje vamutove mikotya na vamuputse ili avalonjele kwasawuli yachi vanu vangumutovela chiyove icho. 25Lechelelo ho vavaga kumuwopa ili vamutove mikotya ja nyingo, Pawulo akamuputsaje yula muvina va chikundi cha vimilitsi yo avaga imile habehi nayo, “Mbe, seliya yiganaga kumutova mikotya munyakaye va inyi ya Lumi manyi ang'acha ang'ali kuhigwa na kuwoneka adadye mu nongwa?”
26Yula muvina va chikundi cha vimilitsi hoavaga kuhulika ihyo, akabitaje kumulonjela lulongwa ulo yula muvina vake, “Un'gana kudita chinu chachi? Kwasawuli munu yuno munyakaye va inyi ya Lumi.”
27Ihyo yula muvina va vimilitsi akabitaje kumuputsa Pawulo, “Undonjele, heve uli munyakaye va inyi ya Lumi?” Pawulo akamupitulaje,
“Eena, heni ntsili munyakaye va inyi ya Lumi.”
28Muvina yula va vimilitsi akamulonjelaje, “Heni ntsapasile wunyakaye wa inyi ya Lumi kwa kuhomba galama ngomi.”
Pawulo akamujibulaje kuta, Heni ntsili munyakaye va inyi ya Lumi kwa kuleleka.
29Kaha vala vanu wo vavaga vivisile chang'ani kwa kumuhima Pawulo vakawukaje bahobaho, nayo yula muvina akavaje na muloto ho avaga kutsela kuta amuwopite Pawulo kwa nyololo, kumbe munyakaye va inyi ya Lumi.
Pawulo ansindikwa halutalo ha Libalatsa likomi
30Hamilawu iyage yula muvina akaganaje kutsela wukweli wa ndongwa tsila kwa Pawulo kuta Vayawudi vangumuhijila chichi, nayo akamuwopolelaje nyololo na kuvalajitsa vatawula nambiko vavina na libalatsa lyeka vitang'ane. Hambele akamuletaje Pawulo ime halutalo hawo.
Currently Selected:
Ng’olwa 22: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.
Ng’olwa 22
22
1“Henye vang'olotsangu na va dadangu, heni ntsili halutalo henyu ntsin'gana munyulikitse ntsivalonjele ndongwa itsi hila fyotsili!” 2Vanu vala hovavaga kumuhulika anlonga nawo kwa Chiebulaniya vakalutitsaje kusindimala, nayo Pawulo akendelelaje kulonga, 3Heni ntsili Muyawudi, yo ntsaleliche ku muji gwa Taliso hono ho hanchemwa Chilichiya na ntsakalagalye bahanago ha Yelusalemu tsadahitswe kwa wugolofu na Gamaliyeli malajitso ga va dada vetu, na ngavaje munu va kikangatsa kwasawuli ya Mulungu kota henye nyeka fyomuli munyiguno. 4Ntsavakodaga na kuvakopola vanu vala wo vayifwataga Ng'asi yino. Ntsavabataga valume na vadala na kuvawopa mu nyumba tsa vawopwa. 5Muvina va vatawula nambiko na vavina veka va libalatsa vafuluche vidikitse chino cho ntsinlonga kuta cha wukweli. Ntsanuchilaga baluva kuhuma kwawo tso vandichilwaga vala Vayawudi va uko ku Damesichi, na heni ntsabitaga na kuvabata vanu iwo na kuvaleta ku Yelusalemu kuno vawopitwe na vavaditile fibi kota fyo van'gana vene wo vavahijite.
Pawulo anlonga hila Chilisito fyo amuhumye
9:1-19; 26:12-18
6Ino lelo hontsavaga mung'asi habehi na kufika Damesichi, yavaga kota sasita hamunyi hino, mwangatsa mukomi kuhuma Kilanga gukang'alikaje mbali tseka. 7Ngagwaje hasi na ngahulikaje litsi lyandonjelaga kuta, Sawuli, Sawuli! Kwasawuli yachi ung'oda? 8Heni ngaputsaje, Uli nani heve Mutwa? Nayo akamitulaje, Heni yo Yesu va ku Natsaleti yo ung'oda. 9Vala wo vavaga hamwe na heni vaguwene gula mwangatsa, lechelelo sivakahuliche litsi lya yula yo alongaga na heni. 10Duve heni ngamuputsaje, Nditaje chichi Mutwa? Mwene Mutwa akandonjelaje, Winuche na kubita ku Damesichi, na kuko ukulonjelwa ndongwa tseka tso uvichilwe ili utsidite. 11Ngalemwaje kulola kwasawuli ya mwangatsa gula, ihyo vala vayangu vakandongotsaje kwa kimbatilitsa liwoko mbaka tukafikaje ku Damesichi.
12Kuko ku Damesichi kwavaga na munu yumwe yo achemwaga Hananiya, munu uyo aditaga malajitso ga Musa, nayo avaga munu yo ahesimilwaga na Vayawudi wo vikalaga uko. 13Hananiya akatsaje kundola, nayo akimaje habehi na heni na kundonjela, Mung'olotsangu Sawuli! Lole kanji. Luvala lulula ngavetsaje kulola kanji na ngamuwonaje. 14Kaha Hananiya akandonjelaje, Mulungu va vadada vetu akuhagwe heve ili uchitsele chila cho un'ganika kudita na umuwone yula Muhagulwa va Mulungu na kuhulika cho anlonga. 15Kwasawuli heve ukuvalonjela vanu veka ndongwa tsila tso utsiwene na kutsihulika. 16Ino lelo unhava chichi? Winuche ukabatitswe, ili uhofugwe na kuhulumilwa ndongwa tsako ntsibi kwa kumusuka Mutwa.
Mutwa angumutuma Pawulo kuvikula kwa vanu wosi Vayawudi
17Ihyo lelo hontsavaga kuwuya ku Yelusalemu na hongavaga ntsinsuka mu Nyumba ya Mulungu, ngatsiwonaje nduntsuchilo. 18Ngamuwonaje Mutwa an'ndonjela, Wangufitse uwuche hano ha Yelusalemu, kwasawuli vanu va hono hano sivakidichila ndongwa tsako tso ukumbikula heni. 19Heni ngamupitulaje, Mutwa vene van'tsela nachene kuta heni yo yula yo ntsavaga ntsinlutilalutila mu nyumba tsa kitang'anila Vayawudi na kuvabata na kuvatova vala veka wo vavaga vangukutumba. 20Luvala lula Sitefwani mutantsi vako hoavaga ankopolwa, heni ntsavaga bahalaga ntsidichilaga lulongwa lula na kwimilila myenda jawo vala wo vamukopolaga. 21Ihyo Mutwa akandonjelaje, Ubite, heni ngukutuma kutali kwa vanu wosi Vayawudi.
22Lila lilugu lya vanu lyamuhulikitsaga Pawulo, lechelelo ho avaga kulonga lulongwa ulo vakayovaje kuta, “Mumuhetse uyu muinyi, munu kota uyu si an'ganika kuva mumi!” 23Luvala ulo ho vankwendelela kuyova na kuno van'yuntsa myenda jawo na kutimulanga mingundi kilanga, 24yula muvina va vimilitsi akavalajitsaje vimilitsi yo anguvalongotsa kuta vamutegule Pawulo vamusindiche mugati mwa kambi ya vimilitsi yo yitsentsilwe kwa maganga, akavalonjelaje vamutove mikotya na vamuputse ili avalonjele kwasawuli yachi vanu vangumutovela chiyove icho. 25Lechelelo ho vavaga kumuwopa ili vamutove mikotya ja nyingo, Pawulo akamuputsaje yula muvina va chikundi cha vimilitsi yo avaga imile habehi nayo, “Mbe, seliya yiganaga kumutova mikotya munyakaye va inyi ya Lumi manyi ang'acha ang'ali kuhigwa na kuwoneka adadye mu nongwa?”
26Yula muvina va chikundi cha vimilitsi hoavaga kuhulika ihyo, akabitaje kumulonjela lulongwa ulo yula muvina vake, “Un'gana kudita chinu chachi? Kwasawuli munu yuno munyakaye va inyi ya Lumi.”
27Ihyo yula muvina va vimilitsi akabitaje kumuputsa Pawulo, “Undonjele, heve uli munyakaye va inyi ya Lumi?” Pawulo akamupitulaje,
“Eena, heni ntsili munyakaye va inyi ya Lumi.”
28Muvina yula va vimilitsi akamulonjelaje, “Heni ntsapasile wunyakaye wa inyi ya Lumi kwa kuhomba galama ngomi.”
Pawulo akamujibulaje kuta, Heni ntsili munyakaye va inyi ya Lumi kwa kuleleka.
29Kaha vala vanu wo vavaga vivisile chang'ani kwa kumuhima Pawulo vakawukaje bahobaho, nayo yula muvina akavaje na muloto ho avaga kutsela kuta amuwopite Pawulo kwa nyololo, kumbe munyakaye va inyi ya Lumi.
Pawulo ansindikwa halutalo ha Libalatsa likomi
30Hamilawu iyage yula muvina akaganaje kutsela wukweli wa ndongwa tsila kwa Pawulo kuta Vayawudi vangumuhijila chichi, nayo akamuwopolelaje nyololo na kuvalajitsa vatawula nambiko vavina na libalatsa lyeka vitang'ane. Hambele akamuletaje Pawulo ime halutalo hawo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.