Ng’olwa 7
7
Sitefwani Angiyamila
1Muvina va vatawula nambiko akamuputsaje Sitefwani, “Mbe, chinu chino cho vangukuhiga fyo chili?” 2Nayo Sitefwani akamupitulaje, “Vang'olotsangu na va dada vangu munyulikitse! Mulungu munya wumelemo amuhumye kukwetu Ibulahimu ho avaga ang'acha kula ku Misopotamiya hala ho avaga ang'acha kikala ku muji gwa Halani. 3Nayo Mulungu avaga amulonje kuta uwuche mu inyi yako na ha vang'olotso na ubite mbaka ku inyi yo ngukulajila. 4Ihyo Ibulahimu akawukaje mu inyi ya va Kalidayo, akabitaje kikala ku Halani. Hoavaga kufwa dade, Mulungu akamuhamyaje ku Halani mbaka ku inyi yino yo mungikala sambi. 5Mulungu si amupelye hono hohave ha inyi yino have hake, si amupelye nambe hono hadodo ha kufyajila hela. Lechelelo avaga amulahye kuta akumupela mwene inyi yino na lulelo lwake lweka, nayivaje luvala ulo Ibulahimu avaga agaya mwana. 6Ihyo Mulungu akamulonjelaje Ibulahimu kuta lulelo lwako lukikala ku inyi ya wujentsi, nawo vakuditwa kuva vapogotsi na vakuditilwa finu fibi kwa myaka miya ine. 7Mulungu akawilaje kulonga kuta lechelelo heni nguvahiga vanu vala wo vavaditye finu fibi, na hambele vakuhuma mu inyi iyo ili vatse vafugamile heni ha inyi yino. 8Hambele Mulungu akamupelaje Ibulahimu ntsovelo ya kwinjila likumbi yive yo ndajilo ya lilagano lyake. Nayo Ibulahimu akamulelaje Yisaka na akamwingitsaje likumbi siku ya nane kuhuma aleleche. Hambele Yisaka akamulelaje Yakobo nayo akamwingitsaje likumbi, Yakobo nayo akavalelaje vala vakuku vetu kumi na vavili, nawo akavingitsaje likumbi. 9Vala vakukwetu vamuwon'ye mbafya Yusufu mung'olotsawo, vakamugutsaje ili ave mupogotsi ku inyi ya Misili. Lechelelo Mulungu avaga hamwe na Yusufu. 10Mulungu akamukulusaje Yusufu kuhuma mu ng'odeko tseka tso avaga natso, kahi akamupelaje ntselo na kidichilwa hala ho avaga kwima halutalo ha muntsajila va inyi ya Misili, nayo muntsajila va inyi ya Misili akamuvikaje Yusufu ave muvina va inyi ya Misili na nyumba yake ya chintsajila. 11Hambele kukahumilaje ntsala ngomi mu inyi yeka ya Misili na ya Kanani, na kwasawuli ya kugaya filyo fyofive vakukwetu vakodiche ndalahela. 12Lechelelo Yakobo ho avaga kuhulika kuta uko Misili kuna filyo, akavatumaje vanage iwo wo vakukwetu vakabitaje kuko. Ulo lo lwavaga lujendo lwawo lulongola lwa kubita ku Misili. 13Hovavaga kubita lujendo lwa kavili, Yusufu akitambutsaje kwa vang'olotse, nayo muntsajila va inyi ya Misili ho akavatselaje vang'olotse va Yusufu. 14Iho ho Yusufu akavatumaje vanu vakamulete Yakobo dada vake hamwe na vanu veka wo avaga nawo vatse ku inyi ya Misili, iwo vanu veka vavaga vanu sabini na vahanu. 15Ihyo Yakobo akabitaje ku inyi ya Misili na kuko ko afwilye mwene hamwe na vakukwetu. 16Hambele mivili jawo jategulwe na kujipilula ku muji gwa Sekemu, vakajitsikaje ha makabuli gala go avaga agutsile Ibulahimu kwa magobole matunga kuhuma kwa vana va Hamoli. 17Ihyo luvala lula lwa Mulungu kukwitsa chila cho avaga amulonje Ibulahimu kuta akumupela, vanu vetu vavaga vankongetseka ndalahela uko ku inyi ya Misili. 18Hawudugo akatsaje muntsajila yunji kutavala inyi ya Misili yo avaga siamutsele Yusufu. 19Muntsajila uyo avaditye fibi vakukwetu kwa kuvalatsimitsa vavadibule mululenga vana vawo wo vavaga vang'acha fyali ili vafwe. 20Luvala ulo Musa nayo akalelekaje, Mulungu akamuwonaje mwana uyo kuta munofu ndalahela. Atuntsitswe mu nyumba ya dade kwa myetsi jidatu hela. 21Hovavaga kumuvika kutali na kukaye kwawo, mwana hintsa va muntsajila va Misili akamutegulaje mwana uyo na kumutuntsa kota mwanage. 22Musa akadahitswaje ndongwa tseka tsa ntselo tsa va Misili, nayo akavaje munu mutambulwa kwa ndonga na ng'olwa tsake. 23Musa hoavaga kufisa myaka alubayini, akalamulaje kubita kuvalola vang'olotse va Isilaheli. 24Kuko akamuwonaje munu yumwe va Vaisilaheli an'ditilwa fibi na Mumisili, Musa akamulamulilaje yula yo an'wonelwa kwa kumutova mu Misili yula, akamutovaje mbaka akamukopolaje. 25Musa atyaga kuta vang'olotse vaka kutsela kuta Mulungu ankolela kwa mwene ili avakuluse, lechelelo vene sivakalutselye lulongwa ulo. 26Siku ya kavili Musa akavawonaje Vaisilaheli vavili vangitova, akajelaje kuvalamulila kwa kuvalonjela kuta nye vanu henye mulilukolo, kwasawuli ya chichi mungitova? 27Lechelelo yula yo avaga angumutova muyage akamukunugitsaje Musa kulubali, na kumulonjelaje kuta, nani yo akuvisile heve uve muvina na mulamutsi vetu? 28Mbe, un'gana kung'opola kota fyo ukamukopwe yula Mumisili higolo? 29Musa ho avaga kuhulika ihyo, akachimbilaje na kubita kikala ku inyi ya Midiyani uko ichite kota mujentsi, na kuko akapataje vana vavili vakwamitsi. 30Duve hojavaga kulutila myaka alubayini, mutantsi va kilanga va Mulungu akamuhumilaje Musa ku mbuga habehi na chidunda cha Sinayi, mu chisati cho chavaga chinkwaka moto. 31Hoavaga kuchiwona icho cho chihumye, akapomokaje kwasawuli ya nduntsuchilo tsila. Akahejelelaje habehi ili alave kwa habehi, bahobaho akahulikaje Mutwa anlonga, 32heni yo ntsili Mulungu yo vafugamilaga vakuku vako na yo Mulungu va Ibulahimu na va Yisaka na va Yakobo. Musa akakakamaje kwa muloto akifihaje kumiho kwake. 33Mutwa akamulonjelaje Musa kuta, wopole ndatu tsako, kwasawuli hono iho ho wimile ho hono hangu hahagulwa. 34Nachene ntsitsiwene ndongwa ntsibi tso van'ditilwa vanu vangu uko ku Misili. Nyuliche chivembo chawo na ntsitsitse ili ntsivakuluse. Lelo utse na heni ngukutuma ubite ku Misili. 35Musa yuno yo yula yo vamulemile vanu va Isilaheli vakalongaje kuta mbe, nani yo akuvisile heve uve muvina na mulamutsi hagati hetu? Avaga atumilwe na Mulungu mwene ili ave muvina na mukulusi vawo, kwakukolela yula mutantsi va kilanga va Mulungu yo avaga amuhumye mu chisati chila ili chilongotsi na mukulusi va vanu Vaisilaheli. 36Uyo Musa yo avalongwitse vala vanu vahume mu inyi ya Misili kwa kudita ndajilo na mitinuso myolofu kuko Misili, na ku bahali ya Samu na ku mbuga kwa myaka alubayini. 37Yuno yo Musa yo avalonje vanu va Isilaheli kuta, Mulungu akuvahagulila muloli kota heni kuhuma hagati ha vang'olotsenyu. 38Uyuno yo yula Musa yo avaga mu likong'ano kuko ku mbuga, kaha yuyo Musa yo mutantsi va kilanga va Mulungu alontsile na mwene hamwe na vakukwetu ku Chidunda cha Sinayi, na yo yuyo yo anuchilye malajitso ganya wumi ili atupele hetwe. 39Lechelelo vakukwetu valemile kumuhulikitsa Musa, vakamukunugitsilaje kutali, na numbula tsawo tsikapilukaje kanji kumbele ku inyi ya Misili. 40Ihyo vakamulonjelaje Haluni kuta utuditile mihoka jojikutulongotsa mung'asi, kwasawuli situchitsele chila cho chimupasile yuyo Musa yo atutweye kuhuma ku Misili. 41Ulo lo luvala lula lo vadisile sanamu ya ngwada na vakayitawulilaje sadaka na kuyiditila liwungo, kwasawuli ya sanamu yo vayidisile kwa mawoko gawo.” 42Ihyo Mulungu akavalekaje vafugamile litsuva na nyenyetsi na mwetsi, kota fyo yandikwe mu chitabu cha valoli,
mbe mwandetye tsabihu na sadaka kwa myaka alubayini kula ku balali, henye nyumba ya Isilaheli? 43Henye mwategwe matsabahu ya lilungu lyo linchemwa Molechi,
Na nyenyetsi tsa lilungu lyenyu lyo linchemwa Lefwani,
Sanamu tso mwadisile ili mutsifugamile,
Na heni nguvasindika kutali kulutila inyi ya Babeli.
44Kula kumbuga vakukwetu vavaga na lihema lyo lyalajilaga kuta Mulungu avaga hamwe nawo. Lihema lyo lyavaga litsentsilwe kota hila Mulungu fyo avaga amulajitse Musa. 45Kaha vakukwetu vanuche lihema ilyo na viyanuchilaga vene kwa vene kwa kulongotswa na Yosuwa mbaka vakinjilaje ku wutavala wa vanu va inyi tsila, na lihema ilyo lyavaga baho mbaka ha siku tsa Dawudi. 46Dawudi yo idichilwe na Mulungu, nayo akamusukaje ili amudichile kumutsenjela Mulungu Nyumba yo akumufugamila mwene Dawudi hamwe na vanu veka va Isilaheli. 47Lechelelo Nyumba ya Mulungu yatsentsilwe na Selemani.
48Nayivaje ihyo Mulungu yo ali kilanga ndalahela, siikalaga mu nyumba tso tsitsentsilwe na vanu, kota fyo alontsile muloli mutunga,
49Mutwa anlonga kuta,
Kilanga cho chigoda changu cha wutavala,
na inyi ho hono ha kukanyajila magulu gangu.
Mukuntsenjela nyumba yinya ndawuli?
Awu hono hachi ho ngikala?
50Mbe, si heni yo tsadisile finu fyeka fino?
51Sitefwani akendelelaje kulonga, “Henye muli vanu vanya chidada na mapulichilo madibifu.” Mbaka hanili simulekaga kuva tebe na Muhe va Mulungu, kota fyo vaditaga vakukwenyu! 52Mbe, koyoli muloli vachi yoyuve yo siakoditwe na vakukwenyu? Iwo vakukwenyu wo vavakopwe vanu vala wovalongaga ndongwa tsa kutsa kwake yula muwuya. Lelo henye muveye vala wo vamupitwiche na muvakopolaji. 53Henye yo mwanuchilye gala malajitso go galetitwe kwenyu na vatantsi va kilanga va Mulungu, lechelelo henye simukagahulikitse!
Sitefwani ankopolwa na maganga
54Vala vavina va libalatsa hovavaga kuhulika ndongwa itso vakavipaje ndalahela, na kumugwegwetsulila mino gawo. 55Lechelelo Sitefwani kuno anlongotswa na Muhe va Mulungu, akalolaje Kilanga, akawonaje wuvina wa Mulungu, na Yesu imile mu mamulaka ga Mulungu. 56Akalongaje, “Mulole! Ntsin'wona Kilanga kwa Mulungu kudinduche, na Mwana va Munu imile lubali lwa kuhesimilwa lwa Mulungu.” 57Lechelelo vene vakayovaje fikami na kudina mapulichilo gawo na kumudibuchila hohamwe. 58Vakamubulunaje mbaka kutali na muji. Vala vanu wo vavaga vamuhitsile Sitefwani kwa wudesi, vakavikaje migolole jawo kwa mukwamitsi yumwe yo achemwaga Sawuli, na kwantsa kumutova na maganga. 59Hovavaga vankwendelela kumutova Sitefwani na maganga, lechelelo mwene akamusukaje Mulungu, “Mutwa Yesu, wanuchile numbula yangu.” 60Sitefwani akafugamaje na kukola, “Mutwa uleche kuvahiga vanu vano kwa lulongwa luno lubi lo van'dita.” Hoavaga kulonga ihyo, akatajikaje.
Currently Selected:
Ng’olwa 7: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.
Ng’olwa 7
7
Sitefwani Angiyamila
1Muvina va vatawula nambiko akamuputsaje Sitefwani, “Mbe, chinu chino cho vangukuhiga fyo chili?” 2Nayo Sitefwani akamupitulaje, “Vang'olotsangu na va dada vangu munyulikitse! Mulungu munya wumelemo amuhumye kukwetu Ibulahimu ho avaga ang'acha kula ku Misopotamiya hala ho avaga ang'acha kikala ku muji gwa Halani. 3Nayo Mulungu avaga amulonje kuta uwuche mu inyi yako na ha vang'olotso na ubite mbaka ku inyi yo ngukulajila. 4Ihyo Ibulahimu akawukaje mu inyi ya va Kalidayo, akabitaje kikala ku Halani. Hoavaga kufwa dade, Mulungu akamuhamyaje ku Halani mbaka ku inyi yino yo mungikala sambi. 5Mulungu si amupelye hono hohave ha inyi yino have hake, si amupelye nambe hono hadodo ha kufyajila hela. Lechelelo avaga amulahye kuta akumupela mwene inyi yino na lulelo lwake lweka, nayivaje luvala ulo Ibulahimu avaga agaya mwana. 6Ihyo Mulungu akamulonjelaje Ibulahimu kuta lulelo lwako lukikala ku inyi ya wujentsi, nawo vakuditwa kuva vapogotsi na vakuditilwa finu fibi kwa myaka miya ine. 7Mulungu akawilaje kulonga kuta lechelelo heni nguvahiga vanu vala wo vavaditye finu fibi, na hambele vakuhuma mu inyi iyo ili vatse vafugamile heni ha inyi yino. 8Hambele Mulungu akamupelaje Ibulahimu ntsovelo ya kwinjila likumbi yive yo ndajilo ya lilagano lyake. Nayo Ibulahimu akamulelaje Yisaka na akamwingitsaje likumbi siku ya nane kuhuma aleleche. Hambele Yisaka akamulelaje Yakobo nayo akamwingitsaje likumbi, Yakobo nayo akavalelaje vala vakuku vetu kumi na vavili, nawo akavingitsaje likumbi. 9Vala vakukwetu vamuwon'ye mbafya Yusufu mung'olotsawo, vakamugutsaje ili ave mupogotsi ku inyi ya Misili. Lechelelo Mulungu avaga hamwe na Yusufu. 10Mulungu akamukulusaje Yusufu kuhuma mu ng'odeko tseka tso avaga natso, kahi akamupelaje ntselo na kidichilwa hala ho avaga kwima halutalo ha muntsajila va inyi ya Misili, nayo muntsajila va inyi ya Misili akamuvikaje Yusufu ave muvina va inyi ya Misili na nyumba yake ya chintsajila. 11Hambele kukahumilaje ntsala ngomi mu inyi yeka ya Misili na ya Kanani, na kwasawuli ya kugaya filyo fyofive vakukwetu vakodiche ndalahela. 12Lechelelo Yakobo ho avaga kuhulika kuta uko Misili kuna filyo, akavatumaje vanage iwo wo vakukwetu vakabitaje kuko. Ulo lo lwavaga lujendo lwawo lulongola lwa kubita ku Misili. 13Hovavaga kubita lujendo lwa kavili, Yusufu akitambutsaje kwa vang'olotse, nayo muntsajila va inyi ya Misili ho akavatselaje vang'olotse va Yusufu. 14Iho ho Yusufu akavatumaje vanu vakamulete Yakobo dada vake hamwe na vanu veka wo avaga nawo vatse ku inyi ya Misili, iwo vanu veka vavaga vanu sabini na vahanu. 15Ihyo Yakobo akabitaje ku inyi ya Misili na kuko ko afwilye mwene hamwe na vakukwetu. 16Hambele mivili jawo jategulwe na kujipilula ku muji gwa Sekemu, vakajitsikaje ha makabuli gala go avaga agutsile Ibulahimu kwa magobole matunga kuhuma kwa vana va Hamoli. 17Ihyo luvala lula lwa Mulungu kukwitsa chila cho avaga amulonje Ibulahimu kuta akumupela, vanu vetu vavaga vankongetseka ndalahela uko ku inyi ya Misili. 18Hawudugo akatsaje muntsajila yunji kutavala inyi ya Misili yo avaga siamutsele Yusufu. 19Muntsajila uyo avaditye fibi vakukwetu kwa kuvalatsimitsa vavadibule mululenga vana vawo wo vavaga vang'acha fyali ili vafwe. 20Luvala ulo Musa nayo akalelekaje, Mulungu akamuwonaje mwana uyo kuta munofu ndalahela. Atuntsitswe mu nyumba ya dade kwa myetsi jidatu hela. 21Hovavaga kumuvika kutali na kukaye kwawo, mwana hintsa va muntsajila va Misili akamutegulaje mwana uyo na kumutuntsa kota mwanage. 22Musa akadahitswaje ndongwa tseka tsa ntselo tsa va Misili, nayo akavaje munu mutambulwa kwa ndonga na ng'olwa tsake. 23Musa hoavaga kufisa myaka alubayini, akalamulaje kubita kuvalola vang'olotse va Isilaheli. 24Kuko akamuwonaje munu yumwe va Vaisilaheli an'ditilwa fibi na Mumisili, Musa akamulamulilaje yula yo an'wonelwa kwa kumutova mu Misili yula, akamutovaje mbaka akamukopolaje. 25Musa atyaga kuta vang'olotse vaka kutsela kuta Mulungu ankolela kwa mwene ili avakuluse, lechelelo vene sivakalutselye lulongwa ulo. 26Siku ya kavili Musa akavawonaje Vaisilaheli vavili vangitova, akajelaje kuvalamulila kwa kuvalonjela kuta nye vanu henye mulilukolo, kwasawuli ya chichi mungitova? 27Lechelelo yula yo avaga angumutova muyage akamukunugitsaje Musa kulubali, na kumulonjelaje kuta, nani yo akuvisile heve uve muvina na mulamutsi vetu? 28Mbe, un'gana kung'opola kota fyo ukamukopwe yula Mumisili higolo? 29Musa ho avaga kuhulika ihyo, akachimbilaje na kubita kikala ku inyi ya Midiyani uko ichite kota mujentsi, na kuko akapataje vana vavili vakwamitsi. 30Duve hojavaga kulutila myaka alubayini, mutantsi va kilanga va Mulungu akamuhumilaje Musa ku mbuga habehi na chidunda cha Sinayi, mu chisati cho chavaga chinkwaka moto. 31Hoavaga kuchiwona icho cho chihumye, akapomokaje kwasawuli ya nduntsuchilo tsila. Akahejelelaje habehi ili alave kwa habehi, bahobaho akahulikaje Mutwa anlonga, 32heni yo ntsili Mulungu yo vafugamilaga vakuku vako na yo Mulungu va Ibulahimu na va Yisaka na va Yakobo. Musa akakakamaje kwa muloto akifihaje kumiho kwake. 33Mutwa akamulonjelaje Musa kuta, wopole ndatu tsako, kwasawuli hono iho ho wimile ho hono hangu hahagulwa. 34Nachene ntsitsiwene ndongwa ntsibi tso van'ditilwa vanu vangu uko ku Misili. Nyuliche chivembo chawo na ntsitsitse ili ntsivakuluse. Lelo utse na heni ngukutuma ubite ku Misili. 35Musa yuno yo yula yo vamulemile vanu va Isilaheli vakalongaje kuta mbe, nani yo akuvisile heve uve muvina na mulamutsi hagati hetu? Avaga atumilwe na Mulungu mwene ili ave muvina na mukulusi vawo, kwakukolela yula mutantsi va kilanga va Mulungu yo avaga amuhumye mu chisati chila ili chilongotsi na mukulusi va vanu Vaisilaheli. 36Uyo Musa yo avalongwitse vala vanu vahume mu inyi ya Misili kwa kudita ndajilo na mitinuso myolofu kuko Misili, na ku bahali ya Samu na ku mbuga kwa myaka alubayini. 37Yuno yo Musa yo avalonje vanu va Isilaheli kuta, Mulungu akuvahagulila muloli kota heni kuhuma hagati ha vang'olotsenyu. 38Uyuno yo yula Musa yo avaga mu likong'ano kuko ku mbuga, kaha yuyo Musa yo mutantsi va kilanga va Mulungu alontsile na mwene hamwe na vakukwetu ku Chidunda cha Sinayi, na yo yuyo yo anuchilye malajitso ganya wumi ili atupele hetwe. 39Lechelelo vakukwetu valemile kumuhulikitsa Musa, vakamukunugitsilaje kutali, na numbula tsawo tsikapilukaje kanji kumbele ku inyi ya Misili. 40Ihyo vakamulonjelaje Haluni kuta utuditile mihoka jojikutulongotsa mung'asi, kwasawuli situchitsele chila cho chimupasile yuyo Musa yo atutweye kuhuma ku Misili. 41Ulo lo luvala lula lo vadisile sanamu ya ngwada na vakayitawulilaje sadaka na kuyiditila liwungo, kwasawuli ya sanamu yo vayidisile kwa mawoko gawo.” 42Ihyo Mulungu akavalekaje vafugamile litsuva na nyenyetsi na mwetsi, kota fyo yandikwe mu chitabu cha valoli,
mbe mwandetye tsabihu na sadaka kwa myaka alubayini kula ku balali, henye nyumba ya Isilaheli? 43Henye mwategwe matsabahu ya lilungu lyo linchemwa Molechi,
Na nyenyetsi tsa lilungu lyenyu lyo linchemwa Lefwani,
Sanamu tso mwadisile ili mutsifugamile,
Na heni nguvasindika kutali kulutila inyi ya Babeli.
44Kula kumbuga vakukwetu vavaga na lihema lyo lyalajilaga kuta Mulungu avaga hamwe nawo. Lihema lyo lyavaga litsentsilwe kota hila Mulungu fyo avaga amulajitse Musa. 45Kaha vakukwetu vanuche lihema ilyo na viyanuchilaga vene kwa vene kwa kulongotswa na Yosuwa mbaka vakinjilaje ku wutavala wa vanu va inyi tsila, na lihema ilyo lyavaga baho mbaka ha siku tsa Dawudi. 46Dawudi yo idichilwe na Mulungu, nayo akamusukaje ili amudichile kumutsenjela Mulungu Nyumba yo akumufugamila mwene Dawudi hamwe na vanu veka va Isilaheli. 47Lechelelo Nyumba ya Mulungu yatsentsilwe na Selemani.
48Nayivaje ihyo Mulungu yo ali kilanga ndalahela, siikalaga mu nyumba tso tsitsentsilwe na vanu, kota fyo alontsile muloli mutunga,
49Mutwa anlonga kuta,
Kilanga cho chigoda changu cha wutavala,
na inyi ho hono ha kukanyajila magulu gangu.
Mukuntsenjela nyumba yinya ndawuli?
Awu hono hachi ho ngikala?
50Mbe, si heni yo tsadisile finu fyeka fino?
51Sitefwani akendelelaje kulonga, “Henye muli vanu vanya chidada na mapulichilo madibifu.” Mbaka hanili simulekaga kuva tebe na Muhe va Mulungu, kota fyo vaditaga vakukwenyu! 52Mbe, koyoli muloli vachi yoyuve yo siakoditwe na vakukwenyu? Iwo vakukwenyu wo vavakopwe vanu vala wovalongaga ndongwa tsa kutsa kwake yula muwuya. Lelo henye muveye vala wo vamupitwiche na muvakopolaji. 53Henye yo mwanuchilye gala malajitso go galetitwe kwenyu na vatantsi va kilanga va Mulungu, lechelelo henye simukagahulikitse!
Sitefwani ankopolwa na maganga
54Vala vavina va libalatsa hovavaga kuhulika ndongwa itso vakavipaje ndalahela, na kumugwegwetsulila mino gawo. 55Lechelelo Sitefwani kuno anlongotswa na Muhe va Mulungu, akalolaje Kilanga, akawonaje wuvina wa Mulungu, na Yesu imile mu mamulaka ga Mulungu. 56Akalongaje, “Mulole! Ntsin'wona Kilanga kwa Mulungu kudinduche, na Mwana va Munu imile lubali lwa kuhesimilwa lwa Mulungu.” 57Lechelelo vene vakayovaje fikami na kudina mapulichilo gawo na kumudibuchila hohamwe. 58Vakamubulunaje mbaka kutali na muji. Vala vanu wo vavaga vamuhitsile Sitefwani kwa wudesi, vakavikaje migolole jawo kwa mukwamitsi yumwe yo achemwaga Sawuli, na kwantsa kumutova na maganga. 59Hovavaga vankwendelela kumutova Sitefwani na maganga, lechelelo mwene akamusukaje Mulungu, “Mutwa Yesu, wanuchile numbula yangu.” 60Sitefwani akafugamaje na kukola, “Mutwa uleche kuvahiga vanu vano kwa lulongwa luno lubi lo van'dita.” Hoavaga kulonga ihyo, akatajikaje.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.