Valumi 4
4
Muhwano gwa Ibulahimu
1Lelo tulonje chichi kwasawuli ya dada vetu Ibulahimu chinya muvili, nayo atselite ndawuli lulongwa ulu lwa kidichilwa halutalo ha Mulungu? 2Manyi kota Ibulahimu akadichilwe kuva muwuya halutalo ha Mulungu kwasawuli ya ng'olwa tsake, duve afuluche idutse halutalo ha Mulungu. 3Kwasawuli mandiko ga Mulungu ganlonga hino, “Ibulahimu avaga amutumbye Mulungu, nayo akadichilwaje kuva muwuya halutalo ha Mulungu.” 4Munu yo aditaga katsi ahobwaga, mahombo gake siyo chifunje ndaya, ila yo hachi yache. 5Lechelelo munu yo sinambe ihuvile ng'olwa tsake, ila angumutumbila Mulungu yo avahulumilaga vanu wo van'dita ndongwa ntsibi, Mulungu alidichilaga litumbilo lyake munu uyo na kumudita ave muyuya halutalo hake. 6Kaha nayo Dawudi alontsile hihyo hala ho alongaga ndongwa tsa wusangalo wa munu yo adichilwe na Mulungu, bila kulava ng'olwa tso an'dita.
7“Vakusangalala vanu vala wo vahulumilwe ndongwa tsawo ntsibi,
wo ndongwa tsawo ntsibi tsifutitwe.
8Akusangalala nachene munu yula yo Mutwa sinambe atsiwuche ndongwa tsake ntsibi.”
9Mbe, lulongwa ulo lwa kusangalala lo alontsile Dawudi luli kwa vanu wo vinje likumbi ng'ani, awu na kwa vanu wo sivinje likumbi? Eena, kaha na kwa vanu wo sivinje likumbi kwasawuli mwanga tulontsile, “Ibulahimu avaga na litumbilo, nayo Mulungu akamudichilaje kuva muwuya halutalo hake.” 10Ihyo Ibulahimu akidichilwe na Mulungu hanili? Hoavaga inje likumbi awu hoavaga ang'ali kwinjila likumbi? Mulungu amudiche Ibulahimu hoavaga ang'ali kwinjila likumbi. 11Hambele Ibulahimu inje likumbi ili yiwoneche kuta Mulungu amudiche kuta muwuya halutalo hake, kwasawuli ya litumbilo lyake lyo avaga nalyo ho avaga ang'ali kwinjila likumbi. Ihyo Ibulahimu aveye dada va vanu veka vanya litumbilo wo sinambe vinjile likumbi kota fyo avaga Ibulahimu, nayo Mulungu akuvadichila kwa kwasawuli ya litumbilo lyawo. 12Ihyo Ibulahimu yo dada va vanu wo vinje likumbi, lechelelo siyo kwasawuli vinje likumbi! Ila kwasawuli vitumbye kota fyo avaga itumbye dada vetu Ibulahimu ho avaga ang'acha kwinjila likumbi.
Chila cho alontsile Mulungu kuta akutupela chanuchilwaga kwa kitumbila
13Mulungu avaga amulonje Ibulahimu hamwe na chilelo chake kuta akuvapela inyi yeka yive yawo. Alontsile ihyo siyo kwasawuli Ibulahimu avaga an'dita malajitso ga Musa go apelitwe na Mulungu, lechelelo kwasawuli avaga amutumbye Mulungu, ihyo akadichilwaje kuva muwuya. 14Kwasawuli manyi wo vakupelwa ifyo fyo alontsile Mulungu vakuva vala ng'ani wo vanlongotswa na malajitso igo, lelo litumbilo ilyo likuva lya chichi? Nacho cho alontsile Mulungu chikuva si chinu ndaya. 15Malajitso ga Musa gambutsaga mbipo ya Mulungu. Lechelelo hono ho halihela malajitso ga Musa, si ufuluche ubite tebe na malajitso igo.
16Kwasawuli iyo lulongwa ulu luhumilaga kwa kitumbila, ihyo lelo chila cho alontsile Mulungu kuta akuvapela vakwanuchila kwa wuwuya wa Mulungu, na kuta nachene lulongwa ulo luli kwa vanu veka na siyo kwa vala ng'ani wo vangugahulikitsa malajitso ga Musa, ila kaha na kwa vala veka wo vangikala kwa kitumbila kota fyo avaga Ibulahimu. Kwasawuli mwene Ibulahimu yo dada vetu hetwe tweka. 17Kota fyo yandikwe mu mandiko ga Mulungu, “Nguvisile heve uve dada va vanu va inyi ntsolofu.” Lulongwa ulo lwa wukweli, kwasawuli Mulungu yula yo Ibulahimu amutumbye, uyo yo avapelaga wumi vanu wo vafweye na kwa wuvetso wake finu fyo fyavaga filikuduhu finkuva. 18Ibulahimu ali amutumbye Mulungu na yivaje hila fyo ali, lwavaga lutalamu kuluhuvila lulongwa ulo. Icho cho chambutso cha kuditwa kuva dada va vanu va inyi ntsolofu, kota Mandiko ga Mulungu fyo ganlonga, “Ukuva na lulelo lolofu kota nyenyetsi.” 19Ibulahimu avaga mugogolo na avaga kota na myaka myaa hino hala Mulungu ho amutumbitse lulongwa ulo, na yivaje myaka ja kupata mwana javaga mwanga jilutye na muvili gwake gwavaga kota gufweye, lechelelo mwene Ibulahimu endelye kumutumbila Mulungu. Nayo mudala vake Sala avaga mende. 20Ibulahimu siavaga na muhwehwe goguve na Mulungu kwa chila cho avaga amutumbitse kuta akumuditila, lechelelo akatsindilaje kuno itumbye na angumutsumitsa Mulungu. 21Atselaga kuta Mulungu akudita chila cho avaga amulonje kuta akumupela. 22Icho cho chambutso cha Mulungu kumudichila Ibulahimu kuta muwuya. 23Lelo kwa lulongwa luno kuta, “Mulungu amudiche Ibulahimu kuta muwuya,” siyavaga kwasawuli ya mwene Ibulahimu ng'ani. 24Ila hihila na lulongwa luno lunkuva na kwa hetwe wo tungumutumbila Mulungu yo amutsilipwe Mutwa vetu Yesu. 25Mulungu amutawe Yesu akopolwe kwasawuli ya ndongwa tsetu ntsibi na kaha akamutsilipulaje ili hetwe tudichilwe kuva vawuya.
Currently Selected:
Valumi 4: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.
Valumi 4
4
Muhwano gwa Ibulahimu
1Lelo tulonje chichi kwasawuli ya dada vetu Ibulahimu chinya muvili, nayo atselite ndawuli lulongwa ulu lwa kidichilwa halutalo ha Mulungu? 2Manyi kota Ibulahimu akadichilwe kuva muwuya halutalo ha Mulungu kwasawuli ya ng'olwa tsake, duve afuluche idutse halutalo ha Mulungu. 3Kwasawuli mandiko ga Mulungu ganlonga hino, “Ibulahimu avaga amutumbye Mulungu, nayo akadichilwaje kuva muwuya halutalo ha Mulungu.” 4Munu yo aditaga katsi ahobwaga, mahombo gake siyo chifunje ndaya, ila yo hachi yache. 5Lechelelo munu yo sinambe ihuvile ng'olwa tsake, ila angumutumbila Mulungu yo avahulumilaga vanu wo van'dita ndongwa ntsibi, Mulungu alidichilaga litumbilo lyake munu uyo na kumudita ave muyuya halutalo hake. 6Kaha nayo Dawudi alontsile hihyo hala ho alongaga ndongwa tsa wusangalo wa munu yo adichilwe na Mulungu, bila kulava ng'olwa tso an'dita.
7“Vakusangalala vanu vala wo vahulumilwe ndongwa tsawo ntsibi,
wo ndongwa tsawo ntsibi tsifutitwe.
8Akusangalala nachene munu yula yo Mutwa sinambe atsiwuche ndongwa tsake ntsibi.”
9Mbe, lulongwa ulo lwa kusangalala lo alontsile Dawudi luli kwa vanu wo vinje likumbi ng'ani, awu na kwa vanu wo sivinje likumbi? Eena, kaha na kwa vanu wo sivinje likumbi kwasawuli mwanga tulontsile, “Ibulahimu avaga na litumbilo, nayo Mulungu akamudichilaje kuva muwuya halutalo hake.” 10Ihyo Ibulahimu akidichilwe na Mulungu hanili? Hoavaga inje likumbi awu hoavaga ang'ali kwinjila likumbi? Mulungu amudiche Ibulahimu hoavaga ang'ali kwinjila likumbi. 11Hambele Ibulahimu inje likumbi ili yiwoneche kuta Mulungu amudiche kuta muwuya halutalo hake, kwasawuli ya litumbilo lyake lyo avaga nalyo ho avaga ang'ali kwinjila likumbi. Ihyo Ibulahimu aveye dada va vanu veka vanya litumbilo wo sinambe vinjile likumbi kota fyo avaga Ibulahimu, nayo Mulungu akuvadichila kwa kwasawuli ya litumbilo lyawo. 12Ihyo Ibulahimu yo dada va vanu wo vinje likumbi, lechelelo siyo kwasawuli vinje likumbi! Ila kwasawuli vitumbye kota fyo avaga itumbye dada vetu Ibulahimu ho avaga ang'acha kwinjila likumbi.
Chila cho alontsile Mulungu kuta akutupela chanuchilwaga kwa kitumbila
13Mulungu avaga amulonje Ibulahimu hamwe na chilelo chake kuta akuvapela inyi yeka yive yawo. Alontsile ihyo siyo kwasawuli Ibulahimu avaga an'dita malajitso ga Musa go apelitwe na Mulungu, lechelelo kwasawuli avaga amutumbye Mulungu, ihyo akadichilwaje kuva muwuya. 14Kwasawuli manyi wo vakupelwa ifyo fyo alontsile Mulungu vakuva vala ng'ani wo vanlongotswa na malajitso igo, lelo litumbilo ilyo likuva lya chichi? Nacho cho alontsile Mulungu chikuva si chinu ndaya. 15Malajitso ga Musa gambutsaga mbipo ya Mulungu. Lechelelo hono ho halihela malajitso ga Musa, si ufuluche ubite tebe na malajitso igo.
16Kwasawuli iyo lulongwa ulu luhumilaga kwa kitumbila, ihyo lelo chila cho alontsile Mulungu kuta akuvapela vakwanuchila kwa wuwuya wa Mulungu, na kuta nachene lulongwa ulo luli kwa vanu veka na siyo kwa vala ng'ani wo vangugahulikitsa malajitso ga Musa, ila kaha na kwa vala veka wo vangikala kwa kitumbila kota fyo avaga Ibulahimu. Kwasawuli mwene Ibulahimu yo dada vetu hetwe tweka. 17Kota fyo yandikwe mu mandiko ga Mulungu, “Nguvisile heve uve dada va vanu va inyi ntsolofu.” Lulongwa ulo lwa wukweli, kwasawuli Mulungu yula yo Ibulahimu amutumbye, uyo yo avapelaga wumi vanu wo vafweye na kwa wuvetso wake finu fyo fyavaga filikuduhu finkuva. 18Ibulahimu ali amutumbye Mulungu na yivaje hila fyo ali, lwavaga lutalamu kuluhuvila lulongwa ulo. Icho cho chambutso cha kuditwa kuva dada va vanu va inyi ntsolofu, kota Mandiko ga Mulungu fyo ganlonga, “Ukuva na lulelo lolofu kota nyenyetsi.” 19Ibulahimu avaga mugogolo na avaga kota na myaka myaa hino hala Mulungu ho amutumbitse lulongwa ulo, na yivaje myaka ja kupata mwana javaga mwanga jilutye na muvili gwake gwavaga kota gufweye, lechelelo mwene Ibulahimu endelye kumutumbila Mulungu. Nayo mudala vake Sala avaga mende. 20Ibulahimu siavaga na muhwehwe goguve na Mulungu kwa chila cho avaga amutumbitse kuta akumuditila, lechelelo akatsindilaje kuno itumbye na angumutsumitsa Mulungu. 21Atselaga kuta Mulungu akudita chila cho avaga amulonje kuta akumupela. 22Icho cho chambutso cha Mulungu kumudichila Ibulahimu kuta muwuya. 23Lelo kwa lulongwa luno kuta, “Mulungu amudiche Ibulahimu kuta muwuya,” siyavaga kwasawuli ya mwene Ibulahimu ng'ani. 24Ila hihila na lulongwa luno lunkuva na kwa hetwe wo tungumutumbila Mulungu yo amutsilipwe Mutwa vetu Yesu. 25Mulungu amutawe Yesu akopolwe kwasawuli ya ndongwa tsetu ntsibi na kaha akamutsilipulaje ili hetwe tudichilwe kuva vawuya.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.