Valumi 6
6
Kufwa mu ndongwa ntsibi na kutsilipuka hamwe na Chilisito
1Ino lelo tulonje chinu chachi? Twendelele kikala mu ndongwa ntsibi ili lusungu lwa Mulungu lulutile kuva lolofu? 2Ndaya bee! Hetwe yo tutsifwilye ndongwa ntsibi, chinya ndawuli kaha twikale mu ndongwa ntsibi? 3Mbe! Siun'tsela kuta hetwe tweka yo tumutumbye Chilisito Yesu, twabatitswe na kihantsa na mwene kwa chifo chake? 4Ihyo tukafweye na kutsikwa hamwe nayo kukolela mu wubatitso wake na chifo chake, ili kota hila Chilisito fyo atsilipulwe kwa wuvina wa Dada, ho ihyo na hetwe natwe tuvetse kikala mu wumi wupya. 5Ihyo manyi hetwe twihantsitse na mwene kwa chifo chake, ho hihyo tukihantsa nayo mu wutsilipuko wake. 6Tun'tsela kuta wunu wetu wa katali wavambitwe na kufwa mu musalaba hamwe na Chilisito, ili ludali lwa ndongwa ntsibi lwananjiche, tuleche kuva kaha tuvapogotsi va ndongwa ntsibi. 7Kwasawuli ho tunkuva tufweye kota ihyo, tunkuva tuwopwiche nachene kuhuma mu ndongwa ntsibi. 8Lelo manyi tufweye hamwe na Chilisito, tuna litumbilo kuta kaha tukikala hamwe na mwene. 9Tun'tsela kuta Chilisito mwanga atsilipulwe na siafuluche afwe kaha, ihyo siakufwa kanji. 10Ihyo Chilisito afweye mala kamwe hela na ndongwa ntsibi tsilihela ludali kanji kwake. Na sambi ali mumi na mu wumi uwo an'dita kota fyo an'gana Mulungu. 11Ho hihyo na henye mun'ganika mwiwone kuta munakota mufweye kuhuma mu ndongwa ntsibi, lechelelo kota yo mungikala mu wumwe na Mulungu kwa kumutumba Chilisito Yesu.
12Ihyo lelo mulekaje kutsilechela ndongwa ntsibi tsilongotse mivili jenyu jo jikufwa, kaha mulekaje kutsidichila mbwiniwo tsake. 13Mulekaje kuchitawula nambe chilungo chimwe cha mivili jenyu chive cha kuditila ndongwa ntsibi. Lechelelo mwitawule henye kwa Mulungu kota vanu wo vatsilipulwe kuhuma mu chifo, lelo sambi mwitawule na kudita kota fyo an'gana Mulungu. 14Ndongwa ntsibi sitsifuluche tsivatavale henye kahi, kwakuva si munlongotswa na malajitso ga Musa, ila munlongotswa na lusungu lwa Mulungu.
Vapogotsi wo vadita kota fyo an'gana Mulungu
15Mbe, sambi tulonje chichi? Tudite ndongwa ntsibi, kwasawuli tuna malajitso ga Musa awu kwasawuli tunlongotswa na lusungu lwa Mulungu? Ndaya bee! 16Mbe, sinambemutsele kuta hila fyo mungitawula kuva vapogotsi va munu na kumuhulikitsa, munkuva va munu uyo? Manyi muve wapogotsi va ndongwa ntsibi hawudugo mukufwa. Manyi mwitawule na kuva vatantsi va kumuhulikitsa Mulungu, mukuva vawuya halutalo hake. 17Nayivaje hala katali henye mwavaga vapogotsi va ndongwa ntsibi, lechelelo alumbwaje Mulungu kwasawuli sambi mwanuche kwa numbula tsenyu tseka na kugahulikitsa madahitso go mudahitswe. 18Homwavaga kugombolwa na kuvikwa kutali na ndongwa ntsibi mukavaje vapogotsi vakudita ndongwa tso angutsigana Mulungu. 19Ndontsile na henye kwa muhwano gwa mupogotsi ili mwelewe chila cho ntsinlonga. Hala katali mwafitawulaga filungo fyenyu kwa kudita ndongwa tsibi na ndongwa tsenyu ntsibi tsavaga tsolofu ndalahela, lechelelo sambi mun'ganika mufitawulaje filungo fyenyu siku tseka, muve vapogotsi va kudita kota fyo an'gana Mulungu. Muve vanu wo van'dita ndongwa tso an'gana Mulungu ili kulajila kuta henye wo vanu va Mulungu. 20Kwasawuli hala katali ho mwavaga muvapogotsi va ndongwa ntsibi, simwahotsaga kudita ndongwa tso aganaga Mulungu. 21Lelo mwapasile chichi kwa ndongwa tsila tso mungutsiwonela nyoni sambi? Kwasawuli wudugo wa ndongwa itso wukuvaletela chifo! 22Lechelelo sambi mwanga mulekitswe muhume mu wupogotsi na kuvikwa kutali na ndongwa ntsibi na sambi muveye vatantsi va Mulungu na muveye vanu vake na wudugo wake mukupata wumi wo wugaya wudugo. 23Ihyo mutselaje kuta manyi mudite ndongwa ntsibi hawudugo mukufwa, lechelelo chifunje cha Mulungu wo wula wumi wo wugaya wudugo kukolela kwa Chilisito Yesu Mutwa vetu.
Currently Selected:
Valumi 6: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.
Valumi 6
6
Kufwa mu ndongwa ntsibi na kutsilipuka hamwe na Chilisito
1Ino lelo tulonje chinu chachi? Twendelele kikala mu ndongwa ntsibi ili lusungu lwa Mulungu lulutile kuva lolofu? 2Ndaya bee! Hetwe yo tutsifwilye ndongwa ntsibi, chinya ndawuli kaha twikale mu ndongwa ntsibi? 3Mbe! Siun'tsela kuta hetwe tweka yo tumutumbye Chilisito Yesu, twabatitswe na kihantsa na mwene kwa chifo chake? 4Ihyo tukafweye na kutsikwa hamwe nayo kukolela mu wubatitso wake na chifo chake, ili kota hila Chilisito fyo atsilipulwe kwa wuvina wa Dada, ho ihyo na hetwe natwe tuvetse kikala mu wumi wupya. 5Ihyo manyi hetwe twihantsitse na mwene kwa chifo chake, ho hihyo tukihantsa nayo mu wutsilipuko wake. 6Tun'tsela kuta wunu wetu wa katali wavambitwe na kufwa mu musalaba hamwe na Chilisito, ili ludali lwa ndongwa ntsibi lwananjiche, tuleche kuva kaha tuvapogotsi va ndongwa ntsibi. 7Kwasawuli ho tunkuva tufweye kota ihyo, tunkuva tuwopwiche nachene kuhuma mu ndongwa ntsibi. 8Lelo manyi tufweye hamwe na Chilisito, tuna litumbilo kuta kaha tukikala hamwe na mwene. 9Tun'tsela kuta Chilisito mwanga atsilipulwe na siafuluche afwe kaha, ihyo siakufwa kanji. 10Ihyo Chilisito afweye mala kamwe hela na ndongwa ntsibi tsilihela ludali kanji kwake. Na sambi ali mumi na mu wumi uwo an'dita kota fyo an'gana Mulungu. 11Ho hihyo na henye mun'ganika mwiwone kuta munakota mufweye kuhuma mu ndongwa ntsibi, lechelelo kota yo mungikala mu wumwe na Mulungu kwa kumutumba Chilisito Yesu.
12Ihyo lelo mulekaje kutsilechela ndongwa ntsibi tsilongotse mivili jenyu jo jikufwa, kaha mulekaje kutsidichila mbwiniwo tsake. 13Mulekaje kuchitawula nambe chilungo chimwe cha mivili jenyu chive cha kuditila ndongwa ntsibi. Lechelelo mwitawule henye kwa Mulungu kota vanu wo vatsilipulwe kuhuma mu chifo, lelo sambi mwitawule na kudita kota fyo an'gana Mulungu. 14Ndongwa ntsibi sitsifuluche tsivatavale henye kahi, kwakuva si munlongotswa na malajitso ga Musa, ila munlongotswa na lusungu lwa Mulungu.
Vapogotsi wo vadita kota fyo an'gana Mulungu
15Mbe, sambi tulonje chichi? Tudite ndongwa ntsibi, kwasawuli tuna malajitso ga Musa awu kwasawuli tunlongotswa na lusungu lwa Mulungu? Ndaya bee! 16Mbe, sinambemutsele kuta hila fyo mungitawula kuva vapogotsi va munu na kumuhulikitsa, munkuva va munu uyo? Manyi muve wapogotsi va ndongwa ntsibi hawudugo mukufwa. Manyi mwitawule na kuva vatantsi va kumuhulikitsa Mulungu, mukuva vawuya halutalo hake. 17Nayivaje hala katali henye mwavaga vapogotsi va ndongwa ntsibi, lechelelo alumbwaje Mulungu kwasawuli sambi mwanuche kwa numbula tsenyu tseka na kugahulikitsa madahitso go mudahitswe. 18Homwavaga kugombolwa na kuvikwa kutali na ndongwa ntsibi mukavaje vapogotsi vakudita ndongwa tso angutsigana Mulungu. 19Ndontsile na henye kwa muhwano gwa mupogotsi ili mwelewe chila cho ntsinlonga. Hala katali mwafitawulaga filungo fyenyu kwa kudita ndongwa tsibi na ndongwa tsenyu ntsibi tsavaga tsolofu ndalahela, lechelelo sambi mun'ganika mufitawulaje filungo fyenyu siku tseka, muve vapogotsi va kudita kota fyo an'gana Mulungu. Muve vanu wo van'dita ndongwa tso an'gana Mulungu ili kulajila kuta henye wo vanu va Mulungu. 20Kwasawuli hala katali ho mwavaga muvapogotsi va ndongwa ntsibi, simwahotsaga kudita ndongwa tso aganaga Mulungu. 21Lelo mwapasile chichi kwa ndongwa tsila tso mungutsiwonela nyoni sambi? Kwasawuli wudugo wa ndongwa itso wukuvaletela chifo! 22Lechelelo sambi mwanga mulekitswe muhume mu wupogotsi na kuvikwa kutali na ndongwa ntsibi na sambi muveye vatantsi va Mulungu na muveye vanu vake na wudugo wake mukupata wumi wo wugaya wudugo. 23Ihyo mutselaje kuta manyi mudite ndongwa ntsibi hawudugo mukufwa, lechelelo chifunje cha Mulungu wo wula wumi wo wugaya wudugo kukolela kwa Chilisito Yesu Mutwa vetu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.