Matius 22
22
Smatna lal ta Jou nololaw bo rdadi I ni Smat, ga ese be ta bo nfisang sina
(Luk. 14:15-24)
1Gabe Yesuse nmauting hawe lali sili npake andeande. I nu, 2“Smat ta rderera Jou Lahatalla ga rdadi I ni smat si, laisa re andeande tae: En kolano isa npei ntuca ni rame fasaw. 3Ga farumi tina nciape to, i ncula ni smat karajanna rfane dololaw smat ta i nlafo si tona bo rlafo to mali rame fasaw cia, ga smat tina dailow pa bo rlafona. 4Gabe tina, kolanoca ncula ni smat karajan ta nesana hawe, ‘Mewe ffane to bo fua smat ta ya ilafo si to na, ya ikati sapi man isa fare sapi ta po subena isa gabe rfamasa to. Farumi tina nciape to, gabe flafo to mali rame fasawca.’ 5Ga smat ta dololaw sina rfaduli ololaw cia pa. En ta rfan ci lalei bet i, en ta rfane ga rfawage. 6Ga ta nesana rwagfo smat karajanna taga rfakangela si, fare rpun famat si.
7Nlonga tina, kolanoca ntole. Fare, ncula ni tentarana lali bo rpun famat smat ta rpun i ni smat karajan tina, fare i ncula si hawe rtapinge smat tina riri bendarna.
8Fola tina, kolanoca nua smat karajan ta nesana laitane, ‘Rame fasawca nciape to, ga smat ta ya ikololaw tina pantas pa bo rcung mali ya nik rame tae. 9Gabe tane, mew fan lali lalingna, taga mew fololaw ise be ta mew re si fadukdukna, bo si mali rcung rame fasaw tae.’ 10Rlonga tina, smat karajanna rfan. Ise be ta si rdupingi mali laling popo si dololaw i, biare ga smat mafia i ma smat mayai i, si dololawna denabe gagawna bakbaka re smat.
11Ga oras ta kolanoca ncunge bo nfadukduk re smat ta rlafona, i nem smat isa npake kabaya rame pa. 12Gabe kolanoca nfautno smat ta nlafo cia, ‘Ee nik del ta aw, pesaga aw mali mantanena mpake kabaya rame pana?’ Ga smat cia lio pa. 13Fare kolano cia nua ni smat karajanna laitane, ‘Mew fpitane smat cia fico re kakamona taga ftopa i natalil mali gagaw ta dororam molangna. Mali gagaw cia, smatna bo rtangis denabe si fmorina kikik ningalena rkangela.’ ”
14Gabe Yesuse nfatotime ni caritana fare nu laitane, “Smatna lal ta Jou Lahatalla nololawna bo rdadi I ni smat, ga ese be ta nfisang sina.”
Ta rfaboboko agama Yahudina rfautno ga tpalas pajak bo diyawa Yesuse na sal
(Mrk. 12:13-17; Luk. 20:20-26)
15Fola tina, smat Yahudi ta rderera fatfato Farisi rfane rfasogaro si, bo rfautno Yesus bo diyawa na salsal. 16Gabe si rcula riri muritna fare smat diranca ta biasa rderera kolano Herodesna rfan lali Yesus i fare fu laitane, “Guru, ame kto, Guru wlomna molang. Guru biasa mfafcule smatna fatutua ga mfalaisa tub tderera Jou Lahatalla ni mauna. Ga Guru mamcait isa pa, ningalena Guru miyawa taitail pa. 17Gabe oras tae ame bo kfautno Guru, gabe laisa tderera animam agamaca ni fatfatona, bisa pare bisa pa ame kpalas pajak lali kolano mamagal Romacana?”
18Ga Yesuse nto wlorina bo mayai tina. Gabe I nua si laitane, “Woi smat ta fmadarawa, pesaga mew bo fiyawa Ya nak salna? 19Co mewe faemo Ya tiwi ta biasa fpake fpalas pajakna!” Gabe si rpo I tiwi perak isa.
20Gabe Yesuse nfautno si laitane, “Gambar ise fare ise ngahnyo tane?”
21Si rcanglo, “Kolano mamagal Romaca ni gambar fare ngahnyo.”
Gabe Yesuse nua si, “Gabe laina, fpo kolanoca to ahai ta nane mewe bo fpo ina, fare fpo Jou Lahatalla ahai ta nane mewe bo fpo Jou Lahatallana!”
22Rlonga tina, si rherang fare si rduk akal panto hawe bo diyawa Yesuse na salsalna, gabe si rfane dowe I.
Yesuse nfafcule ga smat ta rmatna osta rpaling hawe
(Mrk. 12:18-27; Luk. 20:27-40)
23Wol cia to, smat agama Yahudi diranca ta rderera sogaro Saduki rlafo Yesus. Fatfato tae ni fatfatona, smat ta rmatna osta rpaling panto. Gabe si rfautno Yesus laitane, 24“Guru, tantuba nabi Musa nfabinga, man ise be ta nfasawe to ga nmat ntu pa, i tenoca nane nfasawa i ni balo cia bo teno ta nmat cia en ni durina. 25Ga tina sal pana ndadi i to mali amam i tane laitane: En manna smat sifit rfatenow. Ta uatica nfasaw ga nmat ntu pa, gabe ta papapo napca nfasawa ta nmatca ni balo. 26Ga i ma denabe nmate ntu pa. Laina bena re ta faicolica denabe ta faifiti cia, si le ma rmate ndumi nturi pa. 27Gabe morco napna maping cia ma nmat.
28Gabe, oras tae amame bo kfautan, lomanta mali wol kiamatca oras ta smat ta rmat rpaling hawe, ta manca i molang mali smat sifit tasa ta ndadi maping cia ni uati? Ningalena, smat sifit ta rfatenow tasa farumi rfasawa i to!”
29Gabe Yesuse nua si laitane, “Mewe fsalna gaole, ningalena mew ftaif Jou ni Kitabca pa, fare mew fto pa Jou Lahatalla ni kawasa. 30Ga lomanta oras Jou Lahatalla nfapaling hawe smat ta rmatna, si rfasaw panto, ga si rtub farerer re malaikatna mali sorogai. 31Ga smat ta rmate ga rpaling hawe, rasa mew fbaca to mali Jou ni Kitab cana. Ta Jou Lahatalla nu laitane, 32‘Ya tane to Jou Lahatalla ta Abraham, Ishak fare Yakub biasa rcuba Ya.’
Oras ta Jou Lahatalla nu tina, Abraham, Ishak fare Yakub rmate to, ga si rpaling hawe re Jou Lahatalla ga rcuba I. Gabe Jou Lahatalla cia smat ta rmatna riri Jou i pa, ga smat ta rtubna riri Jou i.”
33Oras smat lalo ta si manana rlonga ahai ta Yesuse nuna, si rherang ningalena si wlori lolona gaole I ni sogaro tina.
Parenta ta pentingna foloi
(Mrk. 12:28-34; Luk. 10:25-28)
34Oras cia, smat Yahudi ta rderera fatfato Farisi rlonga ta Yesuse ncanglona ta npei denabe smat Yahudi ta rderera fatfato Saduki bisa du paisapa nto hawe. Gabe oras tina to, si rfayalo si, 35fare si riri guru agama isa ta nto Musa ni Kitab silim tasa nfautno Yesus bo niyawa Yesuse na sal hawe laitane, 36“Guru, mali farumi ta en mali Musa ni kitab silim tasa, parenta ta manca ta cicoal foloina?”
37Yesuse nua i, “Parenta cia laitane, ‘Mew nane fatutua fmasie be Jou Lahatalla, mew nimew Jou i. Mew nane fmasie I na foloi mali farumi ta mew fmasiena, fare mew bena nane fmasie I ni lalingna wlomew yaneto I.’ 38Tina to cial ta foloina, fare ta pusana. 39Ga parenta ta failu ta laisa tinana laitane, ‘Mew ma nane fmasie smate nesana laisa re mew fmasie nimew dirica tutuling.’
40Parenta pilu tane to ta ndadi ndumi i mali farumi fatfato mali Musa ni Kitab silim tasa fare mali nabi ta nesana riri kitabna.”
Mesias cia kolano Daute ni duri i fare i bena kolano Daute ni Jou i
(Mrk. 12:32-37; Luk. 20:41-44)
41Oras ta smat Yahudi ta rderera fatfato Farisi rfayalo si mana sube, Yesuse nfautno si, 42“Co mew fua Ya, me wlomewna mfalaisa ga Mesias, Kolano ta Jou Lahatalla njaji. I cia ise ni duri i?”
Gabe si rcanglo Yesus, “I cia kolano Daute ni duri i.”
43Gabe Yesuse nua si, “Gabe laina, pesaga popiseina oras ta Jou ni Rohca nkawasa kolano Daut, kolano Daute nololaw Mesiasna Jou? Oras ciana, kolano Daute nu laitane,
44‘Jou Lahatalla nua Ya nik Jouca:
Mtotolange to mali gagaw ta nmafia tae,
mali Ya nik welana, denabe Ya ifakala Anim musuna farumi.’
45Gabe, kolano Daute ntutuling be nu Mesias cia i ni Jou i, mfalaisa hawe smatna bo du Mesias cia ga kolano Daute ni duri i?”
46Mali farumi smat tina, isa pa ta bo ncanglo Yesusna. Gabe mulain mali oras cia, smatna isa bere enpa ta bo rfautno Yesusna.
Currently Selected:
Matius 22: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 22
22
Smatna lal ta Jou nololaw bo rdadi I ni Smat, ga ese be ta bo nfisang sina
(Luk. 14:15-24)
1Gabe Yesuse nmauting hawe lali sili npake andeande. I nu, 2“Smat ta rderera Jou Lahatalla ga rdadi I ni smat si, laisa re andeande tae: En kolano isa npei ntuca ni rame fasaw. 3Ga farumi tina nciape to, i ncula ni smat karajanna rfane dololaw smat ta i nlafo si tona bo rlafo to mali rame fasaw cia, ga smat tina dailow pa bo rlafona. 4Gabe tina, kolanoca ncula ni smat karajan ta nesana hawe, ‘Mewe ffane to bo fua smat ta ya ilafo si to na, ya ikati sapi man isa fare sapi ta po subena isa gabe rfamasa to. Farumi tina nciape to, gabe flafo to mali rame fasawca.’ 5Ga smat ta dololaw sina rfaduli ololaw cia pa. En ta rfan ci lalei bet i, en ta rfane ga rfawage. 6Ga ta nesana rwagfo smat karajanna taga rfakangela si, fare rpun famat si.
7Nlonga tina, kolanoca ntole. Fare, ncula ni tentarana lali bo rpun famat smat ta rpun i ni smat karajan tina, fare i ncula si hawe rtapinge smat tina riri bendarna.
8Fola tina, kolanoca nua smat karajan ta nesana laitane, ‘Rame fasawca nciape to, ga smat ta ya ikololaw tina pantas pa bo rcung mali ya nik rame tae. 9Gabe tane, mew fan lali lalingna, taga mew fololaw ise be ta mew re si fadukdukna, bo si mali rcung rame fasaw tae.’ 10Rlonga tina, smat karajanna rfan. Ise be ta si rdupingi mali laling popo si dololaw i, biare ga smat mafia i ma smat mayai i, si dololawna denabe gagawna bakbaka re smat.
11Ga oras ta kolanoca ncunge bo nfadukduk re smat ta rlafona, i nem smat isa npake kabaya rame pa. 12Gabe kolanoca nfautno smat ta nlafo cia, ‘Ee nik del ta aw, pesaga aw mali mantanena mpake kabaya rame pana?’ Ga smat cia lio pa. 13Fare kolano cia nua ni smat karajanna laitane, ‘Mew fpitane smat cia fico re kakamona taga ftopa i natalil mali gagaw ta dororam molangna. Mali gagaw cia, smatna bo rtangis denabe si fmorina kikik ningalena rkangela.’ ”
14Gabe Yesuse nfatotime ni caritana fare nu laitane, “Smatna lal ta Jou Lahatalla nololawna bo rdadi I ni smat, ga ese be ta nfisang sina.”
Ta rfaboboko agama Yahudina rfautno ga tpalas pajak bo diyawa Yesuse na sal
(Mrk. 12:13-17; Luk. 20:20-26)
15Fola tina, smat Yahudi ta rderera fatfato Farisi rfane rfasogaro si, bo rfautno Yesus bo diyawa na salsal. 16Gabe si rcula riri muritna fare smat diranca ta biasa rderera kolano Herodesna rfan lali Yesus i fare fu laitane, “Guru, ame kto, Guru wlomna molang. Guru biasa mfafcule smatna fatutua ga mfalaisa tub tderera Jou Lahatalla ni mauna. Ga Guru mamcait isa pa, ningalena Guru miyawa taitail pa. 17Gabe oras tae ame bo kfautno Guru, gabe laisa tderera animam agamaca ni fatfatona, bisa pare bisa pa ame kpalas pajak lali kolano mamagal Romacana?”
18Ga Yesuse nto wlorina bo mayai tina. Gabe I nua si laitane, “Woi smat ta fmadarawa, pesaga mew bo fiyawa Ya nak salna? 19Co mewe faemo Ya tiwi ta biasa fpake fpalas pajakna!” Gabe si rpo I tiwi perak isa.
20Gabe Yesuse nfautno si laitane, “Gambar ise fare ise ngahnyo tane?”
21Si rcanglo, “Kolano mamagal Romaca ni gambar fare ngahnyo.”
Gabe Yesuse nua si, “Gabe laina, fpo kolanoca to ahai ta nane mewe bo fpo ina, fare fpo Jou Lahatalla ahai ta nane mewe bo fpo Jou Lahatallana!”
22Rlonga tina, si rherang fare si rduk akal panto hawe bo diyawa Yesuse na salsalna, gabe si rfane dowe I.
Yesuse nfafcule ga smat ta rmatna osta rpaling hawe
(Mrk. 12:18-27; Luk. 20:27-40)
23Wol cia to, smat agama Yahudi diranca ta rderera sogaro Saduki rlafo Yesus. Fatfato tae ni fatfatona, smat ta rmatna osta rpaling panto. Gabe si rfautno Yesus laitane, 24“Guru, tantuba nabi Musa nfabinga, man ise be ta nfasawe to ga nmat ntu pa, i tenoca nane nfasawa i ni balo cia bo teno ta nmat cia en ni durina. 25Ga tina sal pana ndadi i to mali amam i tane laitane: En manna smat sifit rfatenow. Ta uatica nfasaw ga nmat ntu pa, gabe ta papapo napca nfasawa ta nmatca ni balo. 26Ga i ma denabe nmate ntu pa. Laina bena re ta faicolica denabe ta faifiti cia, si le ma rmate ndumi nturi pa. 27Gabe morco napna maping cia ma nmat.
28Gabe, oras tae amame bo kfautan, lomanta mali wol kiamatca oras ta smat ta rmat rpaling hawe, ta manca i molang mali smat sifit tasa ta ndadi maping cia ni uati? Ningalena, smat sifit ta rfatenow tasa farumi rfasawa i to!”
29Gabe Yesuse nua si laitane, “Mewe fsalna gaole, ningalena mew ftaif Jou ni Kitabca pa, fare mew fto pa Jou Lahatalla ni kawasa. 30Ga lomanta oras Jou Lahatalla nfapaling hawe smat ta rmatna, si rfasaw panto, ga si rtub farerer re malaikatna mali sorogai. 31Ga smat ta rmate ga rpaling hawe, rasa mew fbaca to mali Jou ni Kitab cana. Ta Jou Lahatalla nu laitane, 32‘Ya tane to Jou Lahatalla ta Abraham, Ishak fare Yakub biasa rcuba Ya.’
Oras ta Jou Lahatalla nu tina, Abraham, Ishak fare Yakub rmate to, ga si rpaling hawe re Jou Lahatalla ga rcuba I. Gabe Jou Lahatalla cia smat ta rmatna riri Jou i pa, ga smat ta rtubna riri Jou i.”
33Oras smat lalo ta si manana rlonga ahai ta Yesuse nuna, si rherang ningalena si wlori lolona gaole I ni sogaro tina.
Parenta ta pentingna foloi
(Mrk. 12:28-34; Luk. 10:25-28)
34Oras cia, smat Yahudi ta rderera fatfato Farisi rlonga ta Yesuse ncanglona ta npei denabe smat Yahudi ta rderera fatfato Saduki bisa du paisapa nto hawe. Gabe oras tina to, si rfayalo si, 35fare si riri guru agama isa ta nto Musa ni Kitab silim tasa nfautno Yesus bo niyawa Yesuse na sal hawe laitane, 36“Guru, mali farumi ta en mali Musa ni kitab silim tasa, parenta ta manca ta cicoal foloina?”
37Yesuse nua i, “Parenta cia laitane, ‘Mew nane fatutua fmasie be Jou Lahatalla, mew nimew Jou i. Mew nane fmasie I na foloi mali farumi ta mew fmasiena, fare mew bena nane fmasie I ni lalingna wlomew yaneto I.’ 38Tina to cial ta foloina, fare ta pusana. 39Ga parenta ta failu ta laisa tinana laitane, ‘Mew ma nane fmasie smate nesana laisa re mew fmasie nimew dirica tutuling.’
40Parenta pilu tane to ta ndadi ndumi i mali farumi fatfato mali Musa ni Kitab silim tasa fare mali nabi ta nesana riri kitabna.”
Mesias cia kolano Daute ni duri i fare i bena kolano Daute ni Jou i
(Mrk. 12:32-37; Luk. 20:41-44)
41Oras ta smat Yahudi ta rderera fatfato Farisi rfayalo si mana sube, Yesuse nfautno si, 42“Co mew fua Ya, me wlomewna mfalaisa ga Mesias, Kolano ta Jou Lahatalla njaji. I cia ise ni duri i?”
Gabe si rcanglo Yesus, “I cia kolano Daute ni duri i.”
43Gabe Yesuse nua si, “Gabe laina, pesaga popiseina oras ta Jou ni Rohca nkawasa kolano Daut, kolano Daute nololaw Mesiasna Jou? Oras ciana, kolano Daute nu laitane,
44‘Jou Lahatalla nua Ya nik Jouca:
Mtotolange to mali gagaw ta nmafia tae,
mali Ya nik welana, denabe Ya ifakala Anim musuna farumi.’
45Gabe, kolano Daute ntutuling be nu Mesias cia i ni Jou i, mfalaisa hawe smatna bo du Mesias cia ga kolano Daute ni duri i?”
46Mali farumi smat tina, isa pa ta bo ncanglo Yesusna. Gabe mulain mali oras cia, smatna isa bere enpa ta bo rfautno Yesusna.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society