2 Korin 1
1
Ka Bre
1Ana pepa magigl i, nono agro Timoti bogl akie muglko, na Pol pepa i bogl, ene teiga. Na moglka i, God yene prumere na Krais Jisas dedugwa yagl ta moratnedi na kere yugwa. Te, na pepa boglka i, ene God yugobunomo dumo Korin meglkwa i ya te, God yobama mudu provins Akaia bage bage meglkwa i pre ama boglka.
2Na prika i, Neno Kade God ya nono Yaglno Kade Jisas Krais ye ene yoko kaima ere wakai ere tedre, deno muduno wida di padigl tenabredi prika.
God deno muduno si gigle di norukwa
3Nono Yaglno Kade Jisas Krais Nem yagl wakai kaima moglkwa. Ana nono ye kagie kade tenamga i, siragl pre ye nono Neno mogl, Godno moglsre, nono ege ege mitno gogl noro, deno muduno si gigle di norukwa. 4Nono yubun imga igne God ege ege deno muduno si gigle di norukwa i, nono yoba pere yubun kane kane ta inaiglkwa i, ama ake ple di tenaiglmedi pre erukwa. God ye nono deno muduno siragl mere si gigle di norukwa i nono kandre, yobamo i ama kuno yegl mere deno muduno si gigle di tenamga pre erukwa.
5Ene prio! Krais ye yubun mere kaima yumere mere yegl, no munara i yubun ama kau sugwa. Ba no yubun mere yumnara i, Krais ege ege deno muduno si gigle di norukwa. 6Te, no yubun imga panan, God ene deno muduno si gigle di tedre, ene ake ple di tenabuka. Te, God no deno muduno si gigle di noran, ama no ene deno muduno si gigle di tenamga. Yegl eran, no yubun idre, adigl gigledi munere mere yegl, ene ama yubun kuno yegl mere idre, adigl gigledi moraiglkwa. 7No pre gi dumga i, ene kaima adigl gigledi moraiglmedi prumga. I siragl pre no prumga i, no yubun yumnere mere ene kuno yegl igwa pre God no deno muduno si gigle di norumere yegl, ye ene ama deno muduno si gigle di tenabedi prumga.
8Agroma abaroma wagle, okna no provins Esia moglsre, yubun podo ta yumga i, ene praiglmedi prumga. No yubun podo kaima yumnara i, no yobuglno ta pai kuno erekrumedi prisre, goramga keme pamedi prumga. 9Yoba ta kot mina aduglko, jas ene si goramga pamiwe dugo, ye kide prabere yegl, no kide prumga. Ba taragl yegl mere no munara plau dugwa i, no nono yobuglno mina adigl moglkre, God yobuglomo swara i mina tege tenamga pre plau dugwa. I siragl pre God ye yoba geglkwa i, ere i kor edugwa yagle moglkwa.
10Ana igne i yubun podo kide no munara plau dugo, no kaima goramga pamedi prumga ba God no gogl dinaiglmedi no ere yugwa. Te, no erme God mina tege tedre, ye no ere i pai morabedi prumga. 11Ama no nomano ta prumga i, ene kamage mina ake ple di noribi, yoba kandre, God yoba i gogl dinaiglmedi ere yumiwe di kandre, God di wakai yei tenaiglkwa paugwa.
Pol ede dumo Korin pikrukwa pre dugwa
12Ana no taragl swara ta pre gun yomga i, yegl mere paugwa, no yoba gumuglno mina mabuno du ya mabuno kaima ere wan munga i pre gun yomga. No deno muduno mina kaima yegl erumnedi prisre, gun yomga. Ana no mabuno wakai yegl erumga i, makandigle yoba nomano pamere mere nomane idre, erekunga ba God ye yoko kaima ere wakai ere norumara i mina no nomane wakai idre, yoba gumuglno mina mabuno wakai yegl erumga. Na diga i, yoba pra pra gumuglno mina erumga pre diga ba ene meglmara umga igne, mabuno i ere ede okna kaima omnedi prika.
13-14No ene pepa bogl tomga i, ene ka ta kersre, pre pogl sinaiglkwa paugwa i keme bogl tomga. Te, nomano mina pre poria sinaiglmedi prika. No yoba kogon siragl mere erumga i, ikne keme prikwa ba ene nomane mudu ibi, nono Yaglno Kade Jisas ikne unabuka igne, ene na gun yei naribi, na ene gun yei tenaglka.
15-16Okna na kaima yegl we di prisre, na ede provins Masedonia enaglka paugwa i, ene ege suo mere kanibo, gun yenaiglmedi prika. Komono kana wibo, kandre, te pi wan mogl ikne wibo, ama kandre, erumun, na ama ake ple di naribi, ede ikne Judia enagledi prika.
17Ana na okna yegl prika ba okuo nomane kor ta idre, ene meglmara u kankrika i pre ene siragl we di prime? Pol ka kaima ta unakiurkwa ba ye dra mina ka yoko dumedi primo? Makandigle yoba ye drano mina Owo didre, nomano mina mane di primere yegl, na yegl dumedi primo? 18Ta manugwa. God ye ka dumara adigl moglmere yegl, na ene ka di teiga i, ka kibi didre, ka kaima didre, yegl ta erekrika. Na ka kaima keme ene di teiga.
19Ene prio! Na Sailas ya Timoti bogl okna ene meglmara ka di nogugl ede tomga i, Jisas Krais, ye God Wam moglkwa i, kamo ene di tomga. Jisas moglkwa i, ye kibi ya kaima akie ta di kankrukwa. Ye ege ege ka kaima keme dugwa. 20Yegl pre God promis kane kane ere padigl norukwa i, Jisas kogon erumara i mina mudu plau dugwa. Yegl pre nono kamage ere, Kaima we dumga igne, God kaima ye kamo mina adigl moglsre, kagie kade yugwa.
21Ana na diga i, God ye yene ere mogl, ene meglmara ya no munara akie yobulo bogl norsre, nono Krais bogl si dakagl moraiglmedi erukwa. Te, ye yene nono mudu kogon noro, 22Mudu Murubuglo noro, muno gane mere yegl padigl norukwa. Muno gane we diga i, taragl okuo inamga i, Mudu Murubuglo paduglmara i mina i nogugl ede norukwa pre diga.
23Na ene dumo Korin meglmara ukrika i pre dibo, praiglkwa. Na ene meglmara ukrika i, siragl pre na tabre unaglka i, na ka gigledi ene di tenaglka paugwa pre di dinagledi prisre, ene meglmara tabre ta ukrika. Na ka kibi ta dibo, God yene ere kide ere narabedi prika. 24No Sailas ya Timoti bogl munga i, no mogl mitna edidre, ene no kano keme pre medraiglmedi eramga i, kide prumga. Ene ama Jisas kamo mina adigl gigledi meglmedi prumga pre no mogl atne edumun, ene bogl akie kogon erumun, ene gun yenaiglmedi prumga.
Currently Selected:
2 Korin 1: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Korin 1
1
Ka Bre
1Ana pepa magigl i, nono agro Timoti bogl akie muglko, na Pol pepa i bogl, ene teiga. Na moglka i, God yene prumere na Krais Jisas dedugwa yagl ta moratnedi na kere yugwa. Te, na pepa boglka i, ene God yugobunomo dumo Korin meglkwa i ya te, God yobama mudu provins Akaia bage bage meglkwa i pre ama boglka.
2Na prika i, Neno Kade God ya nono Yaglno Kade Jisas Krais ye ene yoko kaima ere wakai ere tedre, deno muduno wida di padigl tenabredi prika.
God deno muduno si gigle di norukwa
3Nono Yaglno Kade Jisas Krais Nem yagl wakai kaima moglkwa. Ana nono ye kagie kade tenamga i, siragl pre ye nono Neno mogl, Godno moglsre, nono ege ege mitno gogl noro, deno muduno si gigle di norukwa. 4Nono yubun imga igne God ege ege deno muduno si gigle di norukwa i, nono yoba pere yubun kane kane ta inaiglkwa i, ama ake ple di tenaiglmedi pre erukwa. God ye nono deno muduno siragl mere si gigle di norukwa i nono kandre, yobamo i ama kuno yegl mere deno muduno si gigle di tenamga pre erukwa.
5Ene prio! Krais ye yubun mere kaima yumere mere yegl, no munara i yubun ama kau sugwa. Ba no yubun mere yumnara i, Krais ege ege deno muduno si gigle di norukwa. 6Te, no yubun imga panan, God ene deno muduno si gigle di tedre, ene ake ple di tenabuka. Te, God no deno muduno si gigle di noran, ama no ene deno muduno si gigle di tenamga. Yegl eran, no yubun idre, adigl gigledi munere mere yegl, ene ama yubun kuno yegl mere idre, adigl gigledi moraiglkwa. 7No pre gi dumga i, ene kaima adigl gigledi moraiglmedi prumga. I siragl pre no prumga i, no yubun yumnere mere ene kuno yegl igwa pre God no deno muduno si gigle di norumere yegl, ye ene ama deno muduno si gigle di tenabedi prumga.
8Agroma abaroma wagle, okna no provins Esia moglsre, yubun podo ta yumga i, ene praiglmedi prumga. No yubun podo kaima yumnara i, no yobuglno ta pai kuno erekrumedi prisre, goramga keme pamedi prumga. 9Yoba ta kot mina aduglko, jas ene si goramga pamiwe dugo, ye kide prabere yegl, no kide prumga. Ba taragl yegl mere no munara plau dugwa i, no nono yobuglno mina adigl moglkre, God yobuglomo swara i mina tege tenamga pre plau dugwa. I siragl pre God ye yoba geglkwa i, ere i kor edugwa yagle moglkwa.
10Ana igne i yubun podo kide no munara plau dugo, no kaima goramga pamedi prumga ba God no gogl dinaiglmedi no ere yugwa. Te, no erme God mina tege tedre, ye no ere i pai morabedi prumga. 11Ama no nomano ta prumga i, ene kamage mina ake ple di noribi, yoba kandre, God yoba i gogl dinaiglmedi ere yumiwe di kandre, God di wakai yei tenaiglkwa paugwa.
Pol ede dumo Korin pikrukwa pre dugwa
12Ana no taragl swara ta pre gun yomga i, yegl mere paugwa, no yoba gumuglno mina mabuno du ya mabuno kaima ere wan munga i pre gun yomga. No deno muduno mina kaima yegl erumnedi prisre, gun yomga. Ana no mabuno wakai yegl erumga i, makandigle yoba nomano pamere mere nomane idre, erekunga ba God ye yoko kaima ere wakai ere norumara i mina no nomane wakai idre, yoba gumuglno mina mabuno wakai yegl erumga. Na diga i, yoba pra pra gumuglno mina erumga pre diga ba ene meglmara umga igne, mabuno i ere ede okna kaima omnedi prika.
13-14No ene pepa bogl tomga i, ene ka ta kersre, pre pogl sinaiglkwa paugwa i keme bogl tomga. Te, nomano mina pre poria sinaiglmedi prika. No yoba kogon siragl mere erumga i, ikne keme prikwa ba ene nomane mudu ibi, nono Yaglno Kade Jisas ikne unabuka igne, ene na gun yei naribi, na ene gun yei tenaglka.
15-16Okna na kaima yegl we di prisre, na ede provins Masedonia enaglka paugwa i, ene ege suo mere kanibo, gun yenaiglmedi prika. Komono kana wibo, kandre, te pi wan mogl ikne wibo, ama kandre, erumun, na ama ake ple di naribi, ede ikne Judia enagledi prika.
17Ana na okna yegl prika ba okuo nomane kor ta idre, ene meglmara u kankrika i pre ene siragl we di prime? Pol ka kaima ta unakiurkwa ba ye dra mina ka yoko dumedi primo? Makandigle yoba ye drano mina Owo didre, nomano mina mane di primere yegl, na yegl dumedi primo? 18Ta manugwa. God ye ka dumara adigl moglmere yegl, na ene ka di teiga i, ka kibi didre, ka kaima didre, yegl ta erekrika. Na ka kaima keme ene di teiga.
19Ene prio! Na Sailas ya Timoti bogl okna ene meglmara ka di nogugl ede tomga i, Jisas Krais, ye God Wam moglkwa i, kamo ene di tomga. Jisas moglkwa i, ye kibi ya kaima akie ta di kankrukwa. Ye ege ege ka kaima keme dugwa. 20Yegl pre God promis kane kane ere padigl norukwa i, Jisas kogon erumara i mina mudu plau dugwa. Yegl pre nono kamage ere, Kaima we dumga igne, God kaima ye kamo mina adigl moglsre, kagie kade yugwa.
21Ana na diga i, God ye yene ere mogl, ene meglmara ya no munara akie yobulo bogl norsre, nono Krais bogl si dakagl moraiglmedi erukwa. Te, ye yene nono mudu kogon noro, 22Mudu Murubuglo noro, muno gane mere yegl padigl norukwa. Muno gane we diga i, taragl okuo inamga i, Mudu Murubuglo paduglmara i mina i nogugl ede norukwa pre diga.
23Na ene dumo Korin meglmara ukrika i pre dibo, praiglkwa. Na ene meglmara ukrika i, siragl pre na tabre unaglka i, na ka gigledi ene di tenaglka paugwa pre di dinagledi prisre, ene meglmara tabre ta ukrika. Na ka kibi ta dibo, God yene ere kide ere narabedi prika. 24No Sailas ya Timoti bogl munga i, no mogl mitna edidre, ene no kano keme pre medraiglmedi eramga i, kide prumga. Ene ama Jisas kamo mina adigl gigledi meglmedi prumga pre no mogl atne edumun, ene bogl akie kogon erumun, ene gun yenaiglmedi prumga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission