2 Korin 10
10
Pol ye kogonmo pre dugwa
1Krais siragl mere mogl atne edidre, kiede mogl, kogon erumere mere na Pol moglka i, ye mabunomo mina ka gigle di tebo, praiglkwa. Yoba tau digwa, Pol nono bogl akie munga igne, ka gigledi di norokre, mogl atne ede mogl, ede bage ta ogwa igne i kede ka gigledi di norume digwa i, 2ye prikwa yoba nomane pamere yegl no ama pamedi prikwa. Yegl prikwa pre na ene yana di prika i, na ene meglmara unaglka igne, ka gigle di, di norokrabedi kan kun erio. 3No God kogonmo yoba munga i, kaima makandigle yoba munga ba no makandigle yoba kuda beglmere mere yegl ta boglkunga. No kuda pere ta bunga. 4Makandigle yoba kuda taragl ake meglmere yegl, no ta akekrumga ba God kuda taragl ta norukwa i keme ake mogl, God kudamo ere munga mere yegl paugwa. God kuda taragl norukwa i, yobuglomo paugo, no taragl i mina kuda boglsre, kuda ikne kobuglo togl ta erikwa i, si gur di atne edumga mere yegl paugwa. 5Na diga i, yoba tau nomano kugl dugo, ye mogl mitna edidre, God kaima moglmere mere yoba pre kan ere dinaiglmedi erikwa i, no si atne edumga pre diga. Te, yoba nomano kane kane paugwa i, no yoba pre dinaiglmedi Krais kamo swara kuno ere yoba beke te munga. 6Te, erme, no ene nomane inaiglmedi sugl munga. Ene tau mere nomane idre, no kano duglo beglbi, yoba swarade ta ka sede pai moraiglkwa i, no ye ere si di inamga mere yegl paugwa.
7Taragl tau paugo, ene gumuglno mina nogugl kanigwa i, kan pogl sio! Yoba tau ye Krais kogonmo yoba kaima munedi prikwa ba no ama Krais kogonmo yoba ka kaima munga i, nogugl paugwa. 8Yegl pre Yaglno Kade yene namba podo ta norukwa i mina no aposel kagno kuri ta ake mitna edidre, ene no kano prio dinaglka i, agai ta goglkraglka. Ye namba norukwa i, ene ere kide ere tenamga pre ta norokrukwa ba ene pre mediglkwa si gigle di tenamga pre norukwa.
9Ana na ka bogl wimara i, ka gigledi tau boglka i, ene kudugl goraiglkwa pre boglkrika. 10Yoba tau digwa i, Pol pepa ta boglkwa igne, ye mogl mitna edidre, ka gigledi keme boglkwa ba ye magigl moglkwa igne, yobuglomo paikruko, ye ka dugwa i ama di kun erekrume di, ka yegl digwa. 11Yoba ka yegl ta di moraiglkwa i, ye nomane inaiglkwa paugwa. No eglke munga igne, no yoba siragl mere moglsre, pepa bunga i, ka bunere mere ene meglmara unamga igne ama kuno yegl mere eramga.
12Ana yoba tau ye yene Krais kogonmo yoba wakai mune digwa i, na ye dimere dibo, no resis mere yegl erumun, kide panabuka pre na yegl ta dikraglka. Yoba i, nomano wakai paikrukwa pre ye yene meglmara suna i kan ikne ikne edidre, ye mabunono siragl mere paugwa i, yene kan yubu sinamnedi erikwa.
13Ba ye mabunono pamere i, no i mina kandre, kagno kade inamnedi erumun, kuno ta erekrabuka. God kogon norukwa i keme kan yubu sidre, kagno ake i mitna edinamga. Te, God kogon norukwa i, ene meglkwa. 14Te, no ene meglmara u kogon ta erekrisre, ka yoko yegl ta dumna, kuno ta erekruko. Ba ene dumo Korin meglmara i, no komna yene udre, Krais kamo wakai i, ene di tomga pre kagno pamedi prumga.
15Yoba tau ye yene kogon erekre, mogl mitna edidre, yene kogon mudu erumiwedi prikwa ba no yegl ta erekramga. No okna u ene meglmara kogon erumgo, ene pre mediglkwa. Te, no erme ta prumga i, ene pre mediglkwa i, u gigle dinan, nono akie God kogonmo ede eglke enabedi eramnedi prumga. 16No ene meglmara aglke udre, okuo ene meglmara kide kodo, ede pi dumo kor, Krais kamo wakai i ta pikrumara i, no enamnedi prumga. Yoba pere ede okna pidre, kogon erimara i, no okuo ede suna pidre, kogon i, no mudu erumnedi eramga i, kide panabuka. Yoba tau yegl erikwa ba no yegl ta erekramga. No ede dumo kor ta pidre, Jisas kamo yoba di tenamnedi prumga.
17God kamo dugwa i, yegl dugwa, Ene yoba ta kagie ake mitna edenagledi pitn, Yagl Kade swara kagie ake mitna edo#10.17 Jeremaia 9.24 dugwa. 18Yegl pre nono pramga, yoba ta yene kagie ake mitna edenabuka i, ye kagie kade kaima ta ikrabuka ba God ere mogl, yoba ta kagie ake mitna edenan, yoba i keme kagie kade inabuka.
Currently Selected:
2 Korin 10: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Korin 10
10
Pol ye kogonmo pre dugwa
1Krais siragl mere mogl atne edidre, kiede mogl, kogon erumere mere na Pol moglka i, ye mabunomo mina ka gigle di tebo, praiglkwa. Yoba tau digwa, Pol nono bogl akie munga igne, ka gigledi di norokre, mogl atne ede mogl, ede bage ta ogwa igne i kede ka gigledi di norume digwa i, 2ye prikwa yoba nomane pamere yegl no ama pamedi prikwa. Yegl prikwa pre na ene yana di prika i, na ene meglmara unaglka igne, ka gigle di, di norokrabedi kan kun erio. 3No God kogonmo yoba munga i, kaima makandigle yoba munga ba no makandigle yoba kuda beglmere mere yegl ta boglkunga. No kuda pere ta bunga. 4Makandigle yoba kuda taragl ake meglmere yegl, no ta akekrumga ba God kuda taragl ta norukwa i keme ake mogl, God kudamo ere munga mere yegl paugwa. God kuda taragl norukwa i, yobuglomo paugo, no taragl i mina kuda boglsre, kuda ikne kobuglo togl ta erikwa i, si gur di atne edumga mere yegl paugwa. 5Na diga i, yoba tau nomano kugl dugo, ye mogl mitna edidre, God kaima moglmere mere yoba pre kan ere dinaiglmedi erikwa i, no si atne edumga pre diga. Te, yoba nomano kane kane paugwa i, no yoba pre dinaiglmedi Krais kamo swara kuno ere yoba beke te munga. 6Te, erme, no ene nomane inaiglmedi sugl munga. Ene tau mere nomane idre, no kano duglo beglbi, yoba swarade ta ka sede pai moraiglkwa i, no ye ere si di inamga mere yegl paugwa.
7Taragl tau paugo, ene gumuglno mina nogugl kanigwa i, kan pogl sio! Yoba tau ye Krais kogonmo yoba kaima munedi prikwa ba no ama Krais kogonmo yoba ka kaima munga i, nogugl paugwa. 8Yegl pre Yaglno Kade yene namba podo ta norukwa i mina no aposel kagno kuri ta ake mitna edidre, ene no kano prio dinaglka i, agai ta goglkraglka. Ye namba norukwa i, ene ere kide ere tenamga pre ta norokrukwa ba ene pre mediglkwa si gigle di tenamga pre norukwa.
9Ana na ka bogl wimara i, ka gigledi tau boglka i, ene kudugl goraiglkwa pre boglkrika. 10Yoba tau digwa i, Pol pepa ta boglkwa igne, ye mogl mitna edidre, ka gigledi keme boglkwa ba ye magigl moglkwa igne, yobuglomo paikruko, ye ka dugwa i ama di kun erekrume di, ka yegl digwa. 11Yoba ka yegl ta di moraiglkwa i, ye nomane inaiglkwa paugwa. No eglke munga igne, no yoba siragl mere moglsre, pepa bunga i, ka bunere mere ene meglmara unamga igne ama kuno yegl mere eramga.
12Ana yoba tau ye yene Krais kogonmo yoba wakai mune digwa i, na ye dimere dibo, no resis mere yegl erumun, kide panabuka pre na yegl ta dikraglka. Yoba i, nomano wakai paikrukwa pre ye yene meglmara suna i kan ikne ikne edidre, ye mabunono siragl mere paugwa i, yene kan yubu sinamnedi erikwa.
13Ba ye mabunono pamere i, no i mina kandre, kagno kade inamnedi erumun, kuno ta erekrabuka. God kogon norukwa i keme kan yubu sidre, kagno ake i mitna edinamga. Te, God kogon norukwa i, ene meglkwa. 14Te, no ene meglmara u kogon ta erekrisre, ka yoko yegl ta dumna, kuno ta erekruko. Ba ene dumo Korin meglmara i, no komna yene udre, Krais kamo wakai i, ene di tomga pre kagno pamedi prumga.
15Yoba tau ye yene kogon erekre, mogl mitna edidre, yene kogon mudu erumiwedi prikwa ba no yegl ta erekramga. No okna u ene meglmara kogon erumgo, ene pre mediglkwa. Te, no erme ta prumga i, ene pre mediglkwa i, u gigle dinan, nono akie God kogonmo ede eglke enabedi eramnedi prumga. 16No ene meglmara aglke udre, okuo ene meglmara kide kodo, ede pi dumo kor, Krais kamo wakai i ta pikrumara i, no enamnedi prumga. Yoba pere ede okna pidre, kogon erimara i, no okuo ede suna pidre, kogon i, no mudu erumnedi eramga i, kide panabuka. Yoba tau yegl erikwa ba no yegl ta erekramga. No ede dumo kor ta pidre, Jisas kamo yoba di tenamnedi prumga.
17God kamo dugwa i, yegl dugwa, Ene yoba ta kagie ake mitna edenagledi pitn, Yagl Kade swara kagie ake mitna edo#10.17 Jeremaia 9.24 dugwa. 18Yegl pre nono pramga, yoba ta yene kagie ake mitna edenabuka i, ye kagie kade kaima ta ikrabuka ba God ere mogl, yoba ta kagie ake mitna edenan, yoba i keme kagie kade inabuka.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission