2 Samuel 7
7
God ye Devit di te, Gawanma ama king moraiglmiwe dugwa
1Ana Yawe ye Devit ake ple di togwa pre Devit Israel kudano ikne mudu kuda bogl tedre, yobuglo erukwa. Yobuglo eruko, kuda ta paikruko, Devit yene yugumo wagle ame wakai di moglkwa. 2Ye ame wakai di moglsre, God ka kep yagl ta kagie Natan we digwa i yegl di togwa, Na we, na yugu wakai, ede sida we digwa i wagle keigwa i pai moglka. Pai moglka ba God boksmo bekigwa i, sel yugu wagle yei pai moglkwa. I kuno erekrumedi kanie di, yegl dugwa. 3Yegl dugo, Natan di ikne ede, king yegl di togwa, Yawe ene motnara mogl togwa. Yegl pre ene siragl mere eragledi pitnga i, ero! dugwa.
4Natan yegl dugwa ba ege swara i, eduer Yawe ye Natan yegl di togwa, 5Ene na nigl kogona yagl Devit moglmara pi, ye yegl di tenatniwa, King yo, Yawe ene yegl di togwa, Yoba ta na yuguna kei narabuka ba ene ta kei narekratnga. 6Te, okna yoba yugu ta kei narekrikwa i, aglau ta paikrukwa. Na Israel yoba dumo Isip kide kodinaiglmedi agre i wiga igne i ya ede u erme pra, na sel yugu mina bage bage kipai moglka. 7Israel yoba dumo aglo mere eigwa i, na akie pi, yagl kade ta, na Israel yoba sugl morabedi dediga i, di pre, Ene siragl pre ede sida mina yugu ta kei narekitne? di, yegl ta dikrie di, Yawe ene yegl di tome dinatne dugwa.
8Ana Yawe ka yegl didre, ye ama ere mogl, Natan yegl di togwa, Ana ene erme na niglna kogona yagl Devit yegl di tenatniwa, King yo, Yawe, God Yobuglo Podo Paugwa i, ene yegl di togwa, Ene kugl waiwai wan mogl, sipsip sugl motnga igne, na ene Israel yoba bitno moratnedi dediga. 9Dedidre, na ene enara ege ege akie pi, ene sugl moglsre, ene kudanen ikne yobuglo ere tenatnedi ake ple di teiga. Te, erme we, yagl kade tau uglo koglo koglo meglkwa i, ye kagno wanumere yegl na ene kagn yegl wanabedi eraglka. 10-11Te, ene na yobanama Israel yoba we, ene agre i ede u makan magigl i buglo bogl teiga i, ene dumono makano yenan, kipai meglbi, kuda ikne ene aglke kor kuda bogl tekraiglkwa pre makan i nogugl ede teiga. Na yagl kade pere pere Israel yoba sugl moraiglmedi dediga igne ede u erme pra, yoba kide ene ama kuda bogl teigwa. Yegl erikwa ba erme ye yegl ta erekraiglmedi eraglka. Te, ene kudanen ikne ama ene kuda bogl tekraiglmedi eraluwe di, yegl dugwa.
Ana erme we, ene yugu ta kei naragledi pitnga i, ta manabuka ba na ere mogl, ene taragl ta ere tenaglka. Ene wan ya gawanma ama king moraiglmedi eraglka pre diga. 12Ene kidagl yedre, gogln, na ene wan ta dedibo, ye king morabuka. Ye king moran, kuda ikne mo taragl swara ta ye ere kide erekraiglmedi eraglka. 13Ana ene wan i, yugu ta kei narabuka. Kei naran, na ye gawama keme aimadi king moraiglmedi eraglka. 14Na ye nem moglbo, ye na wana morabuka. Te, ye tadaglme eran, neno ye wano ere si di imere na ye ere si di inaglka. 15Yegl eraglka ba na ye aimadi dena mudna tenaglka. Na Sol mokona tedre, ye king aimadi moglkrabedi sedemere yegl ta erekraglka. 16Te, ene yugobunonen dudukran, aimadi kamin ene gawan ta king morabedi ere edinaluwe di, Yawe yegl dume dinatniwe dugwa. 17Yawe ye Natan gumuglomugl erumara ye yegl di togo, Natan ye ka dumere mudu Devit di togwa.
Currently Selected:
2 Samuel 7: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Samuel 7
7
God ye Devit di te, Gawanma ama king moraiglmiwe dugwa
1Ana Yawe ye Devit ake ple di togwa pre Devit Israel kudano ikne mudu kuda bogl tedre, yobuglo erukwa. Yobuglo eruko, kuda ta paikruko, Devit yene yugumo wagle ame wakai di moglkwa. 2Ye ame wakai di moglsre, God ka kep yagl ta kagie Natan we digwa i yegl di togwa, Na we, na yugu wakai, ede sida we digwa i wagle keigwa i pai moglka. Pai moglka ba God boksmo bekigwa i, sel yugu wagle yei pai moglkwa. I kuno erekrumedi kanie di, yegl dugwa. 3Yegl dugo, Natan di ikne ede, king yegl di togwa, Yawe ene motnara mogl togwa. Yegl pre ene siragl mere eragledi pitnga i, ero! dugwa.
4Natan yegl dugwa ba ege swara i, eduer Yawe ye Natan yegl di togwa, 5Ene na nigl kogona yagl Devit moglmara pi, ye yegl di tenatniwa, King yo, Yawe ene yegl di togwa, Yoba ta na yuguna kei narabuka ba ene ta kei narekratnga. 6Te, okna yoba yugu ta kei narekrikwa i, aglau ta paikrukwa. Na Israel yoba dumo Isip kide kodinaiglmedi agre i wiga igne i ya ede u erme pra, na sel yugu mina bage bage kipai moglka. 7Israel yoba dumo aglo mere eigwa i, na akie pi, yagl kade ta, na Israel yoba sugl morabedi dediga i, di pre, Ene siragl pre ede sida mina yugu ta kei narekitne? di, yegl ta dikrie di, Yawe ene yegl di tome dinatne dugwa.
8Ana Yawe ka yegl didre, ye ama ere mogl, Natan yegl di togwa, Ana ene erme na niglna kogona yagl Devit yegl di tenatniwa, King yo, Yawe, God Yobuglo Podo Paugwa i, ene yegl di togwa, Ene kugl waiwai wan mogl, sipsip sugl motnga igne, na ene Israel yoba bitno moratnedi dediga. 9Dedidre, na ene enara ege ege akie pi, ene sugl moglsre, ene kudanen ikne yobuglo ere tenatnedi ake ple di teiga. Te, erme we, yagl kade tau uglo koglo koglo meglkwa i, ye kagno wanumere yegl na ene kagn yegl wanabedi eraglka. 10-11Te, ene na yobanama Israel yoba we, ene agre i ede u makan magigl i buglo bogl teiga i, ene dumono makano yenan, kipai meglbi, kuda ikne ene aglke kor kuda bogl tekraiglkwa pre makan i nogugl ede teiga. Na yagl kade pere pere Israel yoba sugl moraiglmedi dediga igne ede u erme pra, yoba kide ene ama kuda bogl teigwa. Yegl erikwa ba erme ye yegl ta erekraiglmedi eraglka. Te, ene kudanen ikne ama ene kuda bogl tekraiglmedi eraluwe di, yegl dugwa.
Ana erme we, ene yugu ta kei naragledi pitnga i, ta manabuka ba na ere mogl, ene taragl ta ere tenaglka. Ene wan ya gawanma ama king moraiglmedi eraglka pre diga. 12Ene kidagl yedre, gogln, na ene wan ta dedibo, ye king morabuka. Ye king moran, kuda ikne mo taragl swara ta ye ere kide erekraiglmedi eraglka. 13Ana ene wan i, yugu ta kei narabuka. Kei naran, na ye gawama keme aimadi king moraiglmedi eraglka. 14Na ye nem moglbo, ye na wana morabuka. Te, ye tadaglme eran, neno ye wano ere si di imere na ye ere si di inaglka. 15Yegl eraglka ba na ye aimadi dena mudna tenaglka. Na Sol mokona tedre, ye king aimadi moglkrabedi sedemere yegl ta erekraglka. 16Te, ene yugobunonen dudukran, aimadi kamin ene gawan ta king morabedi ere edinaluwe di, Yawe yegl dume dinatniwe dugwa. 17Yawe ye Natan gumuglomugl erumara ye yegl di togo, Natan ye ka dumere mudu Devit di togwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission