2 Tesalonaika 3
3
Ka dudumara
1Ana agrama abarama wagle, na ka di wiga dudumara i, yegl dinaglka, ene no pre kamage ere norio. Ene kamage eraiglkwa i, Yaglno Kade kamo tabre pare wai dinan, ene okna ye kamo primere yegl, yoba ye kamo prisre, ka i, God kamo kaima yomiwedi pre, pre i mitna edinaiglmedi kamage erio. 2Yoba mudu ta God kamo pre mediglkrikwa pre yoba tau ye pre mediglkre, yoba kide kaima ta meglkwa i, no ere kide ere noramnedi erikwa. Ye yegl erikwa pre yoba i ta no ere kide ere noramnedi eribi, God ye konbono si kegl dinabedi kamage ere norio.
3Yoba tau mere God kamo pre mediglkre, no ere kide ere noramnedi erikwa ba nono Yaglno Kade moglkwa i, ege ege ka dumara adigl moglkwa pre ye ene yobuglo bogl tedre, yagl kide ene ere kide ere te dinabedi kugl bogl te pai morabuka.
4Ana Yagl Kade erme nomane ta noruko, no pre pogl sumga i, no ene ka di tomnere i, ene erme ere moglsre, te okuo ama ere pai moraiglmedi nomane yegl noruko, no prumga.
5Te, no erme ene pre kamage erumga i, nono Yaglno Kade Krais ene deno muduno mina kogon eran, God ene siragl mere dem muduo togwa i, ene pre pogl sidre, adigl gigledi moraiglmedi kamage erumga.
6Ana agroma abaroma wagle, no erme Yaglno Kade Jisas Krais dra idre, ene ka di tomga i, yegl mere paugwa, pre mediglkwa yoba ta no ka beke tomnere yegl erekre, yoko wan mogl, kogon ta erekrikwa i, ene ye bogl akie wan moglkrio. 7Enene prikwa i, no ene bogl akie munga igne, no ene mabuno siragl mere eraiglkwa paugwa i, obuno wakai di tomga. Yegl pre ene no mabuno erumga i kandre, erumnere mere yegl eraiglkwa paugwa. No kogon erekre, yoko ta wan moglkrumga.
8Te, no ene bogl akie munga igne, no yoba swara ta kaya mokna yoko yu norio dikrumga ba no topo sidre, keme kaya mokna i nomga. No ene yubun te dinamnedi prisre, ermine ya eduer akie kogon podo ersre, taragl ta inamga pamere mere no nono kogon ersre, i nomga. 9No ene ake ple di norio dinamga i, kuno erukwa ba ene ebrie mabuno siragl mere beglbi, wakai panabuka i, no obuno di tenamnedi prisre, kogon podo erumga. 10Te, no ene bogl akie munga igne, ka gigledi di padunga i, ene kor poglo di prio! No dumga i, Yoba ta kogon erakiure, yoko morabuka i, ye ama kaya mokna ta nekrabiwe di, yegl dumga.
11Ene yoko moglkre, kogon erio dumga i, i siragl pre yoba di noriko, prumga i, ene meglmara suna i yoba tau kogon erakiure, yoko meglme digwa. Ye kogon erekre, kogon ta paikrumara i, yoko u ikne ikne pi, wan meglmiwe digo, prumga. 12No Yaglno Kade Jisas Krais dra idre, yoba yoko wan meglkwa i yegl di tomga, ye kiede mogl, ye yene kogono ersre, kaya mokna i nenaiglkwa paugwa. 13Ba ene agroma abaroma tau mabuno kide yegl ta erekre, kogon ere meglkwa i, ene wakai erikwa pre ene oglka erekre, mabuno wakai ere pai molo.
14Ana no pepa magigl i mina ene mabuno tau erio didre, mabuno tau erekrio didre, erumga i, ene meglmara suna i, yoba ta no dumnere mere duglo boglkran, ye mabunomo i, ene moraiglmara i di nogugl edidre, ye bogl akie wan moglkrio. Ene yegl eribi, ye agai goglsre, nomane kor inabuka paugwa. 15Ene yoba i bogl akie wan moglkraiglkwa ba ene ye kudano ikne mere yegl moglmedi kankrio. No agro kra moglmedi kandre, ye mabuno kide ere pai mogl dinabedi ka gigledi di teo.
16Ana Yagl Kade moglkwa i, ye yene deno muduno wida di padigl norukwa yagl moglkwa pre taragl kane kane, wakai mo kide plau dinan, ye swara ene deno muduno wida di padigl tedre, ene mudu meglmara ege ege mogl tenabedi kamage erumga.
17 Ana na ka tau di ede wiga i, agra ta di teigo, ye bogl atne ede narukwa ba erme pepa dudumara i, na nana ogona mina ka boglsre, ene wakai we di teiga. Na yoba pere pere pepa bogl teiga igne, pepa dudumara ege ege yegl erika pre ene na ka siragl mere boglka i kandre, Pol kaima boglmedi kan pogl sinaiglkwa paugwa.
18Ana na prika i, nono Yaglno Kade Jisas Krais ene yoko kaima ere wakai ere te pai morabedi prika.
Currently Selected:
2 Tesalonaika 3: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
2 Tesalonaika 3
3
Ka dudumara
1Ana agrama abarama wagle, na ka di wiga dudumara i, yegl dinaglka, ene no pre kamage ere norio. Ene kamage eraiglkwa i, Yaglno Kade kamo tabre pare wai dinan, ene okna ye kamo primere yegl, yoba ye kamo prisre, ka i, God kamo kaima yomiwedi pre, pre i mitna edinaiglmedi kamage erio. 2Yoba mudu ta God kamo pre mediglkrikwa pre yoba tau ye pre mediglkre, yoba kide kaima ta meglkwa i, no ere kide ere noramnedi erikwa. Ye yegl erikwa pre yoba i ta no ere kide ere noramnedi eribi, God ye konbono si kegl dinabedi kamage ere norio.
3Yoba tau mere God kamo pre mediglkre, no ere kide ere noramnedi erikwa ba nono Yaglno Kade moglkwa i, ege ege ka dumara adigl moglkwa pre ye ene yobuglo bogl tedre, yagl kide ene ere kide ere te dinabedi kugl bogl te pai morabuka.
4Ana Yagl Kade erme nomane ta noruko, no pre pogl sumga i, no ene ka di tomnere i, ene erme ere moglsre, te okuo ama ere pai moraiglmedi nomane yegl noruko, no prumga.
5Te, no erme ene pre kamage erumga i, nono Yaglno Kade Krais ene deno muduno mina kogon eran, God ene siragl mere dem muduo togwa i, ene pre pogl sidre, adigl gigledi moraiglmedi kamage erumga.
6Ana agroma abaroma wagle, no erme Yaglno Kade Jisas Krais dra idre, ene ka di tomga i, yegl mere paugwa, pre mediglkwa yoba ta no ka beke tomnere yegl erekre, yoko wan mogl, kogon ta erekrikwa i, ene ye bogl akie wan moglkrio. 7Enene prikwa i, no ene bogl akie munga igne, no ene mabuno siragl mere eraiglkwa paugwa i, obuno wakai di tomga. Yegl pre ene no mabuno erumga i kandre, erumnere mere yegl eraiglkwa paugwa. No kogon erekre, yoko ta wan moglkrumga.
8Te, no ene bogl akie munga igne, no yoba swara ta kaya mokna yoko yu norio dikrumga ba no topo sidre, keme kaya mokna i nomga. No ene yubun te dinamnedi prisre, ermine ya eduer akie kogon podo ersre, taragl ta inamga pamere mere no nono kogon ersre, i nomga. 9No ene ake ple di norio dinamga i, kuno erukwa ba ene ebrie mabuno siragl mere beglbi, wakai panabuka i, no obuno di tenamnedi prisre, kogon podo erumga. 10Te, no ene bogl akie munga igne, ka gigledi di padunga i, ene kor poglo di prio! No dumga i, Yoba ta kogon erakiure, yoko morabuka i, ye ama kaya mokna ta nekrabiwe di, yegl dumga.
11Ene yoko moglkre, kogon erio dumga i, i siragl pre yoba di noriko, prumga i, ene meglmara suna i yoba tau kogon erakiure, yoko meglme digwa. Ye kogon erekre, kogon ta paikrumara i, yoko u ikne ikne pi, wan meglmiwe digo, prumga. 12No Yaglno Kade Jisas Krais dra idre, yoba yoko wan meglkwa i yegl di tomga, ye kiede mogl, ye yene kogono ersre, kaya mokna i nenaiglkwa paugwa. 13Ba ene agroma abaroma tau mabuno kide yegl ta erekre, kogon ere meglkwa i, ene wakai erikwa pre ene oglka erekre, mabuno wakai ere pai molo.
14Ana no pepa magigl i mina ene mabuno tau erio didre, mabuno tau erekrio didre, erumga i, ene meglmara suna i, yoba ta no dumnere mere duglo boglkran, ye mabunomo i, ene moraiglmara i di nogugl edidre, ye bogl akie wan moglkrio. Ene yegl eribi, ye agai goglsre, nomane kor inabuka paugwa. 15Ene yoba i bogl akie wan moglkraiglkwa ba ene ye kudano ikne mere yegl moglmedi kankrio. No agro kra moglmedi kandre, ye mabuno kide ere pai mogl dinabedi ka gigledi di teo.
16Ana Yagl Kade moglkwa i, ye yene deno muduno wida di padigl norukwa yagl moglkwa pre taragl kane kane, wakai mo kide plau dinan, ye swara ene deno muduno wida di padigl tedre, ene mudu meglmara ege ege mogl tenabedi kamage erumga.
17 Ana na ka tau di ede wiga i, agra ta di teigo, ye bogl atne ede narukwa ba erme pepa dudumara i, na nana ogona mina ka boglsre, ene wakai we di teiga. Na yoba pere pere pepa bogl teiga igne, pepa dudumara ege ege yegl erika pre ene na ka siragl mere boglka i kandre, Pol kaima boglmedi kan pogl sinaiglkwa paugwa.
18Ana na prika i, nono Yaglno Kade Jisas Krais ene yoko kaima ere wakai ere te pai morabedi prika.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission