Aposel 26
26
Pol ye King Agripa ka di togwa
1Ana Festus ka yegl di kodugo, King Agripa ere mogl, ye Pol di te, Ene kanen do dugwa. Yegl dugo, Pol ye ogo koglo ake mina ede, ye ka yegl dugwa, 2King Agripa yo, Juda yoba na aglau kane kane erume digwa pre ye dimara i na erme kana di ikne ede, ene di pogl tenaglka i, gun yeiwe dugwa. 3Na kana di, ene di tenaglka pre gun podo yeiga i, i siragl pre no Juda yoba mabunono ya te, no ka mabuno prumnara i pre ege ege nonga dumga i, ene pre kan etniwe dugwa. Yegl pre na ene di praglka i, na erme ka olto dinaglka ba ene oglka erekratnga pre na ene di priwe dugwa.
4Pol ka yegl didre, ama yegl dugwa, Na gak kebra mogl, Juda yoba yugobunono mina mogl, yake, te dumo Jerusalem siragl mere mogl pai erika i, Juda yoba mudu na pre kan erime dugwa. 5Juda yoba na kamun kuade pre kan erikwa pre na siragl mere moglka i ye di nogugl edinamnedi pribi, dinaiglkwa. No Juda yoba ka mabuno prumnara i, yoba tau God lomo duglo boramnedi erikwa ba Farisi yoba swara giglede kaima ere, lo duglo boramnedi erikwa. Na ama okna Farisi yoba meglmara i suna mogl, lono duglo boglka i, Juda yoba mudu pre kan erikwa pre yene ama di nogugl edenaiglkwa kuno erume dugwa.
6Ana na erme u guman mina adiglka i, no Juda yoba kowano awano ibo God ka kaima ta di te padigl, yoba okuo adigl u kor enaiglmiwe dugwa i, na kaima plau dinabedi primara pre ye na kot ere narimiwe dugwa. 7Juda yoba yugobunono 12-pela God kogonmo eramnedi kogon ermne ya eduer erikwa i, ye God okna ibo ka kaima di te paduglkwa i, ka kaima inamnedi kogon erikwa. Pro! God okna ibo no kowano awano ka kaima ta di te paduglkwa ka swara i ye inamnedi kogon eriko, te na ka swara i pre mediglka pre kot ere narikwa. I ta kuno erekrumedi priwe dugwa. 8Yegl didre, ye Juda yoba tau yugugl meglkwa i di pre, yegl dugwa, Yagl ta goglko, God ye ere i kor edugwa i, ene siragl pre God yegl ta erabuka kuno erekrumedi prime? dugwa.
9Ana Pol ka yegl didre, aglke kor King Agripa di te, yegl dugwa, Na okna prika i, na kogon kane kane ere, Jisas, dumo Nasaret nem moglkwa i kagie ake atne edenaglka pamedi priwe dugwa. 10Na yegl prisre, Jerusalem moglka igne kaima yegl erika. Tawa teigwa yoba bitno meglkwa i na dedigo, na Jisas yobama tau mere si kane siwe dugwa. Te, yagl kade wagle ye Jisas yobama tau si goramnedi ka tagigwa igne, na ama ye si goramniwe diwe dugwa. 11Na yegl ersre, te na ege mere ede pi Juda yoba ka mabuno yugu bage bage kei yeimara pidre, Jisas pre mediglkwa yoba ta meglkwa i ere kide ere tei, ye Jisas kagie kide tenaiglmedi giugl teiwe dugwa. Na yegl ersre, ama dena podo kubro ye teiga pre na ede pi kantri pere pere pidre, taun bage bage yeimara suna i wan u ikne ikne pi, Jisas pre mediglkwa yoba ere kide ere teiwe di, Pol yegl dugwa.
Pol ye siragl mere Jisas pre meduglkwa i, boglo kuglkwa
12Ana Pol yegl didre, ka ta ama yegl dugwa, Ana aglke ta, tawa teigwa yoba bitno meglkwa i na dedidre, Jisas pre mediglkwa yoba Damaskus meglkwa i, ere kide ere tenatnedi na dedigo, na eiwe dugwa. 13Ana King yo, ene pro! No yoba tau bogl konbo bage omgo, ermine abuglage podo kide kaima ta heven ibo si atne no omnara i edugwa. Abuglage i, ade ta sikrumere mere podo sume dugwa. 14Ana abuglage podo yegl mere si makandigle edugo, no yoba tau omga i, mudu yage makandigle sumgo, na prika i, Yagl ta ka Aram mina didre, na kira poglme dugwa. Ye na kira pogl, Sol yo, ene siragl pre na ere kide ere nare motne? di, yegl dugwa. Na ere kide ere naragledi etn, enene giugl pratniwe di, yegl dugo, na prisre, 15na ye kira pogl pre, Yagl Kade yo, ene irane? diga. Yegl digo, ye di nare, Na Jisas, ene na ere kide ere nare motnga i, moluwe di, yegl dumiwe di, Pol yegl dugwa.
16Ana Jisas ka yegl di narsre, ka ta ama yegl di narumiwe dugwa, Ene adiglo dugwa. Na ene motnara plau diga i, ene na niglna kogona yoba motn, na ene dedenaglka pre plau diga. Na ene dedibo, ene ede pi na erme ene motnara plau diga i ya te, okuo moratnara plau dibo, kanatnga i, yoba di nogugl ede tenatniwe dugwa. 17Na ene dediga i, ene ede pi Juda yoba ya yoba yugobuno pere pere meglmara i enatnedi dediwe dugwa. Ene en, yoba ene ere kide ere te dinaiglmedi nana ene kugl bogl tenaluwe dugwa. 18Te, na ene dediga i, ene na kana i pi yoba di ten, ye nomane inaiglkwa pre ene dediga. Ye nomane idre, mim mina meglkwa i kide kodo, ede u abuglage sumara unaiglkwa. Te, ye Satan moglmara atne kra meglkwa i kide kodo, ede u God moglmara atne pi moraiglkwa. Te, na ye tadaglmeno gugl ede tebo, ye yoba tau ama na pre mediglkwa, God ye ere i ye yobama edugwa i bogl, taragl wakai wakai akie inaiglmiwe di, Jisas na yegl di narume di, Pol yegl dugwa.
Pol ye kogon siragl mere erukwa i, King Agripa di togwa
19Ana Pol ye ka yegl didre, ka ta ama di King Agripa te, yegl dugwa, Na kaniga, abuglage podo ta heven ibo yei, si atne makandigle edugo, ege swara i mina Jisas na ye kamo i pi yoba tenatnedi di narukwa, prika ikra, na ta pre, kide kodokrika. 20Na ye di narumere ere, dumo Damaskus mabuno bogl yoba di tedre, wan ede pi dumo Jerusalem pi di te, te distrik Judia suna bage bage Juda yoba meglmara i di tedre, ama yoba yugobuno pere pere meglmara i ka di teiwe dugwa. Na ka di teiga i, yoba nomane kor idre, God kamo pre medraiglmedi ka di teiga. Te, ye nomane kor idre, mabuno ta eraiglkwa kuno erukwa i, ama eraiglmedi ka di teiwe dugwa.
21Ana na kogon yegl ere moglka pre ege swara ta na ede tawa teigwa yugu yomara togl suna pi moglko, Juda yoba tau u, na si ake gi di mogl, na si goramnedi erikwa. 22Ye yegl erikwa ba God ye na di narumere ere, okna ede u erme ugwa i pra na ake ple di naruko, na erme adigl moglsre, yoba kade meglkwa ya yoba yoko meglkwa i pra Jisas kamo di teiwe dugwa. Na yoba ka di teiga i, God ka kep yobama ya te Moses ama taragl tau plau dinabe dimere kuno yegl keme di teiga. 23Ye okna digwa i, God Kere Yugwa Yagl ye komono kana giugl prisre, gogl, adigl u kor enan, okuo yoba goraiglkwa ama adigl u kor enaiglmiwe di, yegl digwa. Ka kep yoba i okna ka yegl didre, ama yegl digwa, God Kere Yugwa Yagl unan, ye God kamo, ken abuglage mere yogwa i, Juda yoba di tedre, yoba yugobuno pere pere meglkwa i ama di tenabiwe di, ka kep yoba okna yegl digwa. Ka kep yoba okna dimere kuno yegl na ama yoba di te wan moluwe dugwa.
Pol ye King Agripa pre medrabedi ka di togwa
24Pol yene pre ka tau yegl di moglko, Gavana Festus ikra ere mogl, ka podo di, Pol, ene du etniwe! dugwa. Ene sule di, ka tau mere beke motnga pre bitn kide erumiwe di, yegl dugwa. 25Yegl dugo, Pol ye Festus di te, yegl dugwa, Yagl Kade Festus yo, na du ta erekrika. Na ka kaima pamara diwe dugwa. 26Na ka diga i, King Agripa ye pre kan erukwa pre na kudugl goglkre, nogugl diga. Na Jisas pre diga i, ye okna u kogon erukwa i, nogugl paugwa pre King Agripa pre kan erumedi priwe dugwa. 27Yegl didre, ye ere mogl, King Agripa di pre, Ene okna ka kep yoba ka beglkwa i ene ama pre mediglnedi priwe dugwa.
28Ana Pol ka yegl dugo, King Agripa di ikne ede te, yegl dugwa, Ene pitn, ene ka ege sugunagle ta dinara i, na kaima dinedi prisre, Kristen morabedi pitno? dugwa. 29Yegl dugo, Pol ye aglke kor di ikne te, yegl dugwa, Na ka ege sugunagle ta dinaglka mo olto dinaglka i, na God agle di prika, ene king motnga i ya te, yoba mudu magigl mogl, ka diga pre meglkwa i, na moglmere mere yegl moraiglmedi God agle di priwe dugwa. Na ka diga i, na kane paimere yegl panaiglkwa pre dikrika ba na Kristen moglmere yegl moraiglkwa pre diwe di, Pol yegl dugwa.
30Ana Pol ka yegl di kodugo, King Agripa ye abauglo Bernaisi bogl yebriko, te Gavana Festus yogo, yoba mudu akie ame di mogl, Pol ka dugo, pre meglkwa ikra adigl, 31ede meda eigwa. Ede meda pidre, ye yene di ibor ya ede, yegl digwa, Yagl i ye aglau podo ta eran, nono ye si goramga mo si kane sinamga yegl mere ta erekrume digwa. 32Yegl digo, King Agripa ama ye Gavana Festus di tedre, Yagl i ye Rom King na kotna prabe di, yegl ta dikruma, ye i meda edinamgo ba ye di kodugwa pre Rom King moglmara enabuka pamiwe di, yegl dugwa.
Currently Selected:
Aposel 26: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Aposel 26
26
Pol ye King Agripa ka di togwa
1Ana Festus ka yegl di kodugo, King Agripa ere mogl, ye Pol di te, Ene kanen do dugwa. Yegl dugo, Pol ye ogo koglo ake mina ede, ye ka yegl dugwa, 2King Agripa yo, Juda yoba na aglau kane kane erume digwa pre ye dimara i na erme kana di ikne ede, ene di pogl tenaglka i, gun yeiwe dugwa. 3Na kana di, ene di tenaglka pre gun podo yeiga i, i siragl pre no Juda yoba mabunono ya te, no ka mabuno prumnara i pre ege ege nonga dumga i, ene pre kan etniwe dugwa. Yegl pre na ene di praglka i, na erme ka olto dinaglka ba ene oglka erekratnga pre na ene di priwe dugwa.
4Pol ka yegl didre, ama yegl dugwa, Na gak kebra mogl, Juda yoba yugobunono mina mogl, yake, te dumo Jerusalem siragl mere mogl pai erika i, Juda yoba mudu na pre kan erime dugwa. 5Juda yoba na kamun kuade pre kan erikwa pre na siragl mere moglka i ye di nogugl edinamnedi pribi, dinaiglkwa. No Juda yoba ka mabuno prumnara i, yoba tau God lomo duglo boramnedi erikwa ba Farisi yoba swara giglede kaima ere, lo duglo boramnedi erikwa. Na ama okna Farisi yoba meglmara i suna mogl, lono duglo boglka i, Juda yoba mudu pre kan erikwa pre yene ama di nogugl edenaiglkwa kuno erume dugwa.
6Ana na erme u guman mina adiglka i, no Juda yoba kowano awano ibo God ka kaima ta di te padigl, yoba okuo adigl u kor enaiglmiwe dugwa i, na kaima plau dinabedi primara pre ye na kot ere narimiwe dugwa. 7Juda yoba yugobunono 12-pela God kogonmo eramnedi kogon ermne ya eduer erikwa i, ye God okna ibo ka kaima di te paduglkwa i, ka kaima inamnedi kogon erikwa. Pro! God okna ibo no kowano awano ka kaima ta di te paduglkwa ka swara i ye inamnedi kogon eriko, te na ka swara i pre mediglka pre kot ere narikwa. I ta kuno erekrumedi priwe dugwa. 8Yegl didre, ye Juda yoba tau yugugl meglkwa i di pre, yegl dugwa, Yagl ta goglko, God ye ere i kor edugwa i, ene siragl pre God yegl ta erabuka kuno erekrumedi prime? dugwa.
9Ana Pol ka yegl didre, aglke kor King Agripa di te, yegl dugwa, Na okna prika i, na kogon kane kane ere, Jisas, dumo Nasaret nem moglkwa i kagie ake atne edenaglka pamedi priwe dugwa. 10Na yegl prisre, Jerusalem moglka igne kaima yegl erika. Tawa teigwa yoba bitno meglkwa i na dedigo, na Jisas yobama tau mere si kane siwe dugwa. Te, yagl kade wagle ye Jisas yobama tau si goramnedi ka tagigwa igne, na ama ye si goramniwe diwe dugwa. 11Na yegl ersre, te na ege mere ede pi Juda yoba ka mabuno yugu bage bage kei yeimara pidre, Jisas pre mediglkwa yoba ta meglkwa i ere kide ere tei, ye Jisas kagie kide tenaiglmedi giugl teiwe dugwa. Na yegl ersre, ama dena podo kubro ye teiga pre na ede pi kantri pere pere pidre, taun bage bage yeimara suna i wan u ikne ikne pi, Jisas pre mediglkwa yoba ere kide ere teiwe di, Pol yegl dugwa.
Pol ye siragl mere Jisas pre meduglkwa i, boglo kuglkwa
12Ana Pol yegl didre, ka ta ama yegl dugwa, Ana aglke ta, tawa teigwa yoba bitno meglkwa i na dedidre, Jisas pre mediglkwa yoba Damaskus meglkwa i, ere kide ere tenatnedi na dedigo, na eiwe dugwa. 13Ana King yo, ene pro! No yoba tau bogl konbo bage omgo, ermine abuglage podo kide kaima ta heven ibo si atne no omnara i edugwa. Abuglage i, ade ta sikrumere mere podo sume dugwa. 14Ana abuglage podo yegl mere si makandigle edugo, no yoba tau omga i, mudu yage makandigle sumgo, na prika i, Yagl ta ka Aram mina didre, na kira poglme dugwa. Ye na kira pogl, Sol yo, ene siragl pre na ere kide ere nare motne? di, yegl dugwa. Na ere kide ere naragledi etn, enene giugl pratniwe di, yegl dugo, na prisre, 15na ye kira pogl pre, Yagl Kade yo, ene irane? diga. Yegl digo, ye di nare, Na Jisas, ene na ere kide ere nare motnga i, moluwe di, yegl dumiwe di, Pol yegl dugwa.
16Ana Jisas ka yegl di narsre, ka ta ama yegl di narumiwe dugwa, Ene adiglo dugwa. Na ene motnara plau diga i, ene na niglna kogona yoba motn, na ene dedenaglka pre plau diga. Na ene dedibo, ene ede pi na erme ene motnara plau diga i ya te, okuo moratnara plau dibo, kanatnga i, yoba di nogugl ede tenatniwe dugwa. 17Na ene dediga i, ene ede pi Juda yoba ya yoba yugobuno pere pere meglmara i enatnedi dediwe dugwa. Ene en, yoba ene ere kide ere te dinaiglmedi nana ene kugl bogl tenaluwe dugwa. 18Te, na ene dediga i, ene na kana i pi yoba di ten, ye nomane inaiglkwa pre ene dediga. Ye nomane idre, mim mina meglkwa i kide kodo, ede u abuglage sumara unaiglkwa. Te, ye Satan moglmara atne kra meglkwa i kide kodo, ede u God moglmara atne pi moraiglkwa. Te, na ye tadaglmeno gugl ede tebo, ye yoba tau ama na pre mediglkwa, God ye ere i ye yobama edugwa i bogl, taragl wakai wakai akie inaiglmiwe di, Jisas na yegl di narume di, Pol yegl dugwa.
Pol ye kogon siragl mere erukwa i, King Agripa di togwa
19Ana Pol ye ka yegl didre, ka ta ama di King Agripa te, yegl dugwa, Na kaniga, abuglage podo ta heven ibo yei, si atne makandigle edugo, ege swara i mina Jisas na ye kamo i pi yoba tenatnedi di narukwa, prika ikra, na ta pre, kide kodokrika. 20Na ye di narumere ere, dumo Damaskus mabuno bogl yoba di tedre, wan ede pi dumo Jerusalem pi di te, te distrik Judia suna bage bage Juda yoba meglmara i di tedre, ama yoba yugobuno pere pere meglmara i ka di teiwe dugwa. Na ka di teiga i, yoba nomane kor idre, God kamo pre medraiglmedi ka di teiga. Te, ye nomane kor idre, mabuno ta eraiglkwa kuno erukwa i, ama eraiglmedi ka di teiwe dugwa.
21Ana na kogon yegl ere moglka pre ege swara ta na ede tawa teigwa yugu yomara togl suna pi moglko, Juda yoba tau u, na si ake gi di mogl, na si goramnedi erikwa. 22Ye yegl erikwa ba God ye na di narumere ere, okna ede u erme ugwa i pra na ake ple di naruko, na erme adigl moglsre, yoba kade meglkwa ya yoba yoko meglkwa i pra Jisas kamo di teiwe dugwa. Na yoba ka di teiga i, God ka kep yobama ya te Moses ama taragl tau plau dinabe dimere kuno yegl keme di teiga. 23Ye okna digwa i, God Kere Yugwa Yagl ye komono kana giugl prisre, gogl, adigl u kor enan, okuo yoba goraiglkwa ama adigl u kor enaiglmiwe di, yegl digwa. Ka kep yoba i okna ka yegl didre, ama yegl digwa, God Kere Yugwa Yagl unan, ye God kamo, ken abuglage mere yogwa i, Juda yoba di tedre, yoba yugobuno pere pere meglkwa i ama di tenabiwe di, ka kep yoba okna yegl digwa. Ka kep yoba okna dimere kuno yegl na ama yoba di te wan moluwe dugwa.
Pol ye King Agripa pre medrabedi ka di togwa
24Pol yene pre ka tau yegl di moglko, Gavana Festus ikra ere mogl, ka podo di, Pol, ene du etniwe! dugwa. Ene sule di, ka tau mere beke motnga pre bitn kide erumiwe di, yegl dugwa. 25Yegl dugo, Pol ye Festus di te, yegl dugwa, Yagl Kade Festus yo, na du ta erekrika. Na ka kaima pamara diwe dugwa. 26Na ka diga i, King Agripa ye pre kan erukwa pre na kudugl goglkre, nogugl diga. Na Jisas pre diga i, ye okna u kogon erukwa i, nogugl paugwa pre King Agripa pre kan erumedi priwe dugwa. 27Yegl didre, ye ere mogl, King Agripa di pre, Ene okna ka kep yoba ka beglkwa i ene ama pre mediglnedi priwe dugwa.
28Ana Pol ka yegl dugo, King Agripa di ikne ede te, yegl dugwa, Ene pitn, ene ka ege sugunagle ta dinara i, na kaima dinedi prisre, Kristen morabedi pitno? dugwa. 29Yegl dugo, Pol ye aglke kor di ikne te, yegl dugwa, Na ka ege sugunagle ta dinaglka mo olto dinaglka i, na God agle di prika, ene king motnga i ya te, yoba mudu magigl mogl, ka diga pre meglkwa i, na moglmere mere yegl moraiglmedi God agle di priwe dugwa. Na ka diga i, na kane paimere yegl panaiglkwa pre dikrika ba na Kristen moglmere yegl moraiglkwa pre diwe di, Pol yegl dugwa.
30Ana Pol ka yegl di kodugo, King Agripa ye abauglo Bernaisi bogl yebriko, te Gavana Festus yogo, yoba mudu akie ame di mogl, Pol ka dugo, pre meglkwa ikra adigl, 31ede meda eigwa. Ede meda pidre, ye yene di ibor ya ede, yegl digwa, Yagl i ye aglau podo ta eran, nono ye si goramga mo si kane sinamga yegl mere ta erekrume digwa. 32Yegl digo, King Agripa ama ye Gavana Festus di tedre, Yagl i ye Rom King na kotna prabe di, yegl ta dikruma, ye i meda edinamgo ba ye di kodugwa pre Rom King moglmara enabuka pamiwe di, yegl dugwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission