Aposel 28
28
Pol ailan ta Malta we dimara moglkwa
1Ana no yoba mudu sip mina umga i nigl kuba si ede meda omgo, makan nem yoba u, no di noro, yegl digwa, Dumo magigl i, kagie Malta we dimiwe digwa. 2Yegl didre, makan nem yoba i no ere wakai ere norikwa. Kamun sugo, ir erukwa pre ye ede ere gagl, no agre i pi, ede ere gaiglmara edigwa. 3Edigo, no ede pre mungo, Pol ye pi, ede nagl tau suku yu gaglkwa. Suku yu gaglmara i, toki kide ta pai moglko, akie yu gaglkwa pre ede de, niga dugo, toki i tabre si pglkai si, Pol ogo mina kagl budu paugwa. 4Yegl eruko, makan nem yoba i Pol kandre, yene di ikne ikne ede pre, yegl digwa, Yagl i, ye yoba ta si goglkwa pamiwe digwa. Ye nigle suna iro gorabuka goglkrukwa pre nono godno ta yoba mabuno kide erimara ere ikne ede togwa god i, ye erme gorabedi prisre, toki kide dedugo, u ye sumiwe di, yegl digwa. 5Yegl digwa ba Pol ye ogo ake pia sugo, toki i yage doga mina si, de goglko, Pol yoko moglkwa. 6Pol yoko moglko, makan nem yoba i kandre, prikwa i, Toki kide ikra ye kaglkwa pre ogo nagie yakenabo mo ta manan, tabre yage si gorabo mo di, kan meglkwa ba Pol moglmara taragl swara ta plau dikrukwa pre ye kandre, nagino kogl, aglke kor yegl digwa, Yagl i god ta moglkwa pamiwe di, yegl digwa.
7Ana ailan Malta i, gavana ta moglkwa, kagie Publius we digwa. Publius kipaugwa i, no pi, munara i kuri ta magigl dagl yogwa. Yegl erukwa pre yagl Publius i u no di idre, no agre i ede kipamara ogo, ege suota ye bogl mungo, ye kaya mokna gagl norukwa. 8Yegl ere noruko, no ye bogl moglsre, kamga i, ye nem kidagl kide sugo, bogl mina ugl pai moglkwa. Kide ye sugwa i, ye ogo nagie ake niga dugo, de kuno, yegl erukwa. Yegl eruko, Pol kandre, ye pi pai moglmara pidre, God ye ere wakai ere tenabedi agle di pre, ogo i pi yagl i akugo, yagl kidagl i aragan erukwa. 9Yegl erukwa pre ka i di wai digo, yoba ailan suna i meglkwa mudu prisre, yoba kide sigwa ailan suna i ta meglkwa i mudu agre yu Pol moglmara wigwa. Wigo, Pol ye mudu ere wakai ere togwa. 10Yegl erukwa pre makan nem yoba mudu ailan meglkwa i ye gun yedre, no taragl kane kane norikwa. Te, no okuo dumo Malta kide kodo, ede enamnedi erumga igne, ye ama taragl kane kane no ta inamga paugwa i, noriko, no idre, ede omga.
Pol dumo Rom pi plau dugwa
11Ana okna sip ta taun Aleksandria padre, ugwa ba ir podo erukwa ege yogwa pre dumo Malta pai moglkwa. Pai moglko, okuo no ede u ailan Malta i plau didre, ba suota mere munga. Ba suota mere mungo, okuo sip i ede Itali enagledi erukwa pre no ede sip i mina kuglo omgo, akie ede omga. Ana sip gumamugl i, Rom yoba godno Sus we digwa i wam suo pikagl miuriwe didre, kiano beke padiglkwa. 12Ana no sip i mina ede pi taun ta Sirakyus we dimara pidre, ege suota pai munga. 13Ege suota padre, aglke dumo i kide kodo, sip mina wan ede pi taun ta Regium we dimara pi pamga. Pamgo, ir ta nigl beye mogl ugo, kandre, no aglke dumo Regium kide kodo, ede omga. Pi munga, ege ta ede ogo, taun ta Puteoli we digwa kantri Itali suna yogwa, igle plau dumga.
14Ana no dumo Puteoli omgo, ye wakan swara mere moramne digwa pre no mungo, pre mediglkwa yoba tau u no tegigl yeigwa. No tegigl yedre, wakan swara i ye bogl akie moramniwe digo, no ye bogl akie pai munga. Ana no pai munga, wakan swara i dudugo, aglke kor makandigle wan ede pi dumo Rom enamnedi ede omga. 15Ana no pi mungo, pre mediglkwa yoba dumo Rom suna meglkwa i, no wimiwe digo, prisre, u, no agre i ede suna enamnedi taun ta Apius Maket we dimara i suglno meglko, no pi ye tegigl yomgo, no akie ede pi taun ta ama kagie Haus Pasindia Suota we dimara i omgo, pre mediglkwa yoba tau ama u igle suglno meglko, tegigl yomga. Tegigl yomgo, Pol ye pre mediglkwa yoba meglkwa i kandre, gun yei, God di wakai yei togwa.
16Ana no ede dumo kade Rom suna omgo, soldia swara ta Pol suglmo moran, Pol ye kane yugu paikre, yene yugu ta meda dokidre, panabedi kane yoba suglno meglkwa i pra we digwa.
Juda yoba dumo Rom meglkwa i, Pol ka beke togwa
17Ana no dumo Rom ege suota mungo, Pol ye Juda yoba kade tau Rom suna meglkwa i agle dugo, u makai sigwa. U makai sigo, Pol ye di te, yegl dugwa, Agrama wagle, na erme kane yoba moglka i, na nono yugobunono ere kide ere tekre, te nono kowano awano mabunono siragl mere paugwa i ama mane dikrika. Yegl erika ba Juda yoba tau Jerusalem meglkwa i, ye na si kane si i pi Rom yoba meglmara ogono mina edigo, na kane paiwe dugwa. 18Ba Rom yoba i na kotna prikwa i, na aglau ta eribo, ye kandre, na si goraiglkwa mere yegl ta paikrukwa pre Rom yoba i na i meda edinamniwe digwa. 19Yegl digwa ba Juda yoba ye na ede meda pikrabe digwa pre na konbauna swara keme ta yogo, kandre, Rom King na kotna prabiwe di, yegl diwe dugwa. Na ka yegl diga i, nono yugobuno Juda yoba i, kot mina di kide yei tekraglka ba na nana kana dinaglka i pre diwe dugwa. 20Yegl pre na ene ka yegl di tebo, ene pre pogl sinaiglkwa pre ene di makai siga. Nono Israel yoba munga i, nono Ere Inabuka Yagl unabedi sugl munga i, u kodugwa. Yegl pre na ye kogonmo erimara i, yoba kide kan, na si kane sigo, kane yoba moluwe di, Pol yegl dugwa.
21Ana Pol ka yegl di, Juda yoba kade makai si meglkwa i, di te kodugo, Juda yoba kade ikra ye di ikne ede te, yegl digwa, Juda yoba tau distrik Judia suna meglkwa i, ene mabuno siragl mere etnga i, no ta pepa bogl noro, di norokrikwa. Te, no agroma tau Judia mogl, no munara wigwa i ama ene kagn kide ta yei teigo, prikrumga. 22Yegl ta dikrikwa ba no prumga i, yoba uglo koglo koglo meglkwa i, ene yugobuno ta motnara i, yoba kide meglmedi kagno kide yei teigo, prumne digwa. Yegl pre ene yugobuno ta meglmara i, siragl mere pre mediglkwa i, okuo ene di notn, pramniwe di, Juda yoba kade ikra yegl digwa.
23Ana Juda yoba kade ikra ka yegl didre, ye ege ta Pol bogl u, makai kor sinamnedi di padiglkwa. Ege ta padiglsre, ede pere pere eigo, ege ta padiglkwa i ugo, tagna mogl Juda yoba mere kide ede u Pol yugu ta pamara i, u makai sigwa. U makai sigo, Pol ye ka giglede di te, God yoba kingno mogl, ye suglno morabuka i pre di togwa. Di tedre, te ye Moses buk tau okna boglkwa i bage tau kere tedre, te ama ka kep yoba pere pere okna buk tau beglkwa i bage tau kere tedre, yoba Jisas pre medraiglmedi ka beke togwa. Pol ka yegl di ede ogo, min paugwa. 24Min paugo, Juda yoba makai si mogl, Pol ka dugwa prikwa i, tau kaima dumedi pre mediglkwa ba tau ka dugwa i prikwa ba pre medrakiurikwa.
25Ana Pol ka yegl di togo, Juda yoba u makai si mogl, prikwa ikra, yene swarade meglmara i nomane pere pere idre, ede pere pere enamnedi erikwa. Ye ede pere pere enamnedi eriko, Pol ka swara ta di te, yegl dugwa, Ene prio! dugwa. Mudu Murubuglo okna ibo ka swara ta di, ka kep yagl Aisaia togo, Aisaia bogl atne ede, ene kowano awano togwa i, kuno kaima dume dugwa. 26Ye yegl dugwa, Ene pi, Israel yoba yegl di to! dugwa, Ene na kana ege mere praiglkwa ba pre pogl sikraiglkwa. Te, ene na kogon eraglka i, ege mere kanaiglkwa ba kan pogl sikraiglmiwe di, yegl di to dugwa. 27Ene yegl dinatnga i, siragl pre Israel yoba nomano i, gigle di kodugwa. Te, ye kinano gi dinagledi erukwa pre ye ka ta pre pogl sikraiglkwa. Te, ye gumuglno kiglkwa pre kan pogl sikraiglkwa. Yegl ta erekribi, ye gumuglno mina kandre, kinano mina prisre, nomano mina pre pogl sidre, ede ikne u na moglka wibi, na ye ere wakai ere tenaluwe#28.27 Aisaia 6.9-10 di, Mudu Murubuglo yegl di Aisaia togo, Aisaia bogl atne edume di, Pol yegl dugwa.
28-29Ana Pol yegl didre, ama yegl dugwa, Ene prio! dugwa. God yoba ere yugwa kamo i, ene Israel yoba prakiurikwa. Yegl pre God no ede pi yoba yugobuno pere pere meda meglmara i di tenaiglmedi dedugwa. Yegl pre no ye kamo i pi yoba i di tomun, ye praiglmiwe di, Pol yegl dugwa.
30Ana Pol bugla yugu suo mudu ye yugu ta Rom topo si pamara i pai moglkwa. Pai moglko, yoba ye ta kanamnedi wigwa i, ye mudu di idre, 31God yoba kingno mogl, ye suglno morabuka pre ka beke tedre, nono Yaglno Kade Jisas, God Kere Yugwa yagl moglkwa i kamo ama beke tedre, erukwa. Yoba swara ta ye ka yegl dugwa i, si kegl dikruko, Pol kudugl goglkre, ka beke te pai moglkwa.
Currently Selected:
Aposel 28: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Aposel 28
28
Pol ailan ta Malta we dimara moglkwa
1Ana no yoba mudu sip mina umga i nigl kuba si ede meda omgo, makan nem yoba u, no di noro, yegl digwa, Dumo magigl i, kagie Malta we dimiwe digwa. 2Yegl didre, makan nem yoba i no ere wakai ere norikwa. Kamun sugo, ir erukwa pre ye ede ere gagl, no agre i pi, ede ere gaiglmara edigwa. 3Edigo, no ede pre mungo, Pol ye pi, ede nagl tau suku yu gaglkwa. Suku yu gaglmara i, toki kide ta pai moglko, akie yu gaglkwa pre ede de, niga dugo, toki i tabre si pglkai si, Pol ogo mina kagl budu paugwa. 4Yegl eruko, makan nem yoba i Pol kandre, yene di ikne ikne ede pre, yegl digwa, Yagl i, ye yoba ta si goglkwa pamiwe digwa. Ye nigle suna iro gorabuka goglkrukwa pre nono godno ta yoba mabuno kide erimara ere ikne ede togwa god i, ye erme gorabedi prisre, toki kide dedugo, u ye sumiwe di, yegl digwa. 5Yegl digwa ba Pol ye ogo ake pia sugo, toki i yage doga mina si, de goglko, Pol yoko moglkwa. 6Pol yoko moglko, makan nem yoba i kandre, prikwa i, Toki kide ikra ye kaglkwa pre ogo nagie yakenabo mo ta manan, tabre yage si gorabo mo di, kan meglkwa ba Pol moglmara taragl swara ta plau dikrukwa pre ye kandre, nagino kogl, aglke kor yegl digwa, Yagl i god ta moglkwa pamiwe di, yegl digwa.
7Ana ailan Malta i, gavana ta moglkwa, kagie Publius we digwa. Publius kipaugwa i, no pi, munara i kuri ta magigl dagl yogwa. Yegl erukwa pre yagl Publius i u no di idre, no agre i ede kipamara ogo, ege suota ye bogl mungo, ye kaya mokna gagl norukwa. 8Yegl ere noruko, no ye bogl moglsre, kamga i, ye nem kidagl kide sugo, bogl mina ugl pai moglkwa. Kide ye sugwa i, ye ogo nagie ake niga dugo, de kuno, yegl erukwa. Yegl eruko, Pol kandre, ye pi pai moglmara pidre, God ye ere wakai ere tenabedi agle di pre, ogo i pi yagl i akugo, yagl kidagl i aragan erukwa. 9Yegl erukwa pre ka i di wai digo, yoba ailan suna i meglkwa mudu prisre, yoba kide sigwa ailan suna i ta meglkwa i mudu agre yu Pol moglmara wigwa. Wigo, Pol ye mudu ere wakai ere togwa. 10Yegl erukwa pre makan nem yoba mudu ailan meglkwa i ye gun yedre, no taragl kane kane norikwa. Te, no okuo dumo Malta kide kodo, ede enamnedi erumga igne, ye ama taragl kane kane no ta inamga paugwa i, noriko, no idre, ede omga.
Pol dumo Rom pi plau dugwa
11Ana okna sip ta taun Aleksandria padre, ugwa ba ir podo erukwa ege yogwa pre dumo Malta pai moglkwa. Pai moglko, okuo no ede u ailan Malta i plau didre, ba suota mere munga. Ba suota mere mungo, okuo sip i ede Itali enagledi erukwa pre no ede sip i mina kuglo omgo, akie ede omga. Ana sip gumamugl i, Rom yoba godno Sus we digwa i wam suo pikagl miuriwe didre, kiano beke padiglkwa. 12Ana no sip i mina ede pi taun ta Sirakyus we dimara pidre, ege suota pai munga. 13Ege suota padre, aglke dumo i kide kodo, sip mina wan ede pi taun ta Regium we dimara pi pamga. Pamgo, ir ta nigl beye mogl ugo, kandre, no aglke dumo Regium kide kodo, ede omga. Pi munga, ege ta ede ogo, taun ta Puteoli we digwa kantri Itali suna yogwa, igle plau dumga.
14Ana no dumo Puteoli omgo, ye wakan swara mere moramne digwa pre no mungo, pre mediglkwa yoba tau u no tegigl yeigwa. No tegigl yedre, wakan swara i ye bogl akie moramniwe digo, no ye bogl akie pai munga. Ana no pai munga, wakan swara i dudugo, aglke kor makandigle wan ede pi dumo Rom enamnedi ede omga. 15Ana no pi mungo, pre mediglkwa yoba dumo Rom suna meglkwa i, no wimiwe digo, prisre, u, no agre i ede suna enamnedi taun ta Apius Maket we dimara i suglno meglko, no pi ye tegigl yomgo, no akie ede pi taun ta ama kagie Haus Pasindia Suota we dimara i omgo, pre mediglkwa yoba tau ama u igle suglno meglko, tegigl yomga. Tegigl yomgo, Pol ye pre mediglkwa yoba meglkwa i kandre, gun yei, God di wakai yei togwa.
16Ana no ede dumo kade Rom suna omgo, soldia swara ta Pol suglmo moran, Pol ye kane yugu paikre, yene yugu ta meda dokidre, panabedi kane yoba suglno meglkwa i pra we digwa.
Juda yoba dumo Rom meglkwa i, Pol ka beke togwa
17Ana no dumo Rom ege suota mungo, Pol ye Juda yoba kade tau Rom suna meglkwa i agle dugo, u makai sigwa. U makai sigo, Pol ye di te, yegl dugwa, Agrama wagle, na erme kane yoba moglka i, na nono yugobunono ere kide ere tekre, te nono kowano awano mabunono siragl mere paugwa i ama mane dikrika. Yegl erika ba Juda yoba tau Jerusalem meglkwa i, ye na si kane si i pi Rom yoba meglmara ogono mina edigo, na kane paiwe dugwa. 18Ba Rom yoba i na kotna prikwa i, na aglau ta eribo, ye kandre, na si goraiglkwa mere yegl ta paikrukwa pre Rom yoba i na i meda edinamniwe digwa. 19Yegl digwa ba Juda yoba ye na ede meda pikrabe digwa pre na konbauna swara keme ta yogo, kandre, Rom King na kotna prabiwe di, yegl diwe dugwa. Na ka yegl diga i, nono yugobuno Juda yoba i, kot mina di kide yei tekraglka ba na nana kana dinaglka i pre diwe dugwa. 20Yegl pre na ene ka yegl di tebo, ene pre pogl sinaiglkwa pre ene di makai siga. Nono Israel yoba munga i, nono Ere Inabuka Yagl unabedi sugl munga i, u kodugwa. Yegl pre na ye kogonmo erimara i, yoba kide kan, na si kane sigo, kane yoba moluwe di, Pol yegl dugwa.
21Ana Pol ka yegl di, Juda yoba kade makai si meglkwa i, di te kodugo, Juda yoba kade ikra ye di ikne ede te, yegl digwa, Juda yoba tau distrik Judia suna meglkwa i, ene mabuno siragl mere etnga i, no ta pepa bogl noro, di norokrikwa. Te, no agroma tau Judia mogl, no munara wigwa i ama ene kagn kide ta yei teigo, prikrumga. 22Yegl ta dikrikwa ba no prumga i, yoba uglo koglo koglo meglkwa i, ene yugobuno ta motnara i, yoba kide meglmedi kagno kide yei teigo, prumne digwa. Yegl pre ene yugobuno ta meglmara i, siragl mere pre mediglkwa i, okuo ene di notn, pramniwe di, Juda yoba kade ikra yegl digwa.
23Ana Juda yoba kade ikra ka yegl didre, ye ege ta Pol bogl u, makai kor sinamnedi di padiglkwa. Ege ta padiglsre, ede pere pere eigo, ege ta padiglkwa i ugo, tagna mogl Juda yoba mere kide ede u Pol yugu ta pamara i, u makai sigwa. U makai sigo, Pol ye ka giglede di te, God yoba kingno mogl, ye suglno morabuka i pre di togwa. Di tedre, te ye Moses buk tau okna boglkwa i bage tau kere tedre, te ama ka kep yoba pere pere okna buk tau beglkwa i bage tau kere tedre, yoba Jisas pre medraiglmedi ka beke togwa. Pol ka yegl di ede ogo, min paugwa. 24Min paugo, Juda yoba makai si mogl, Pol ka dugwa prikwa i, tau kaima dumedi pre mediglkwa ba tau ka dugwa i prikwa ba pre medrakiurikwa.
25Ana Pol ka yegl di togo, Juda yoba u makai si mogl, prikwa ikra, yene swarade meglmara i nomane pere pere idre, ede pere pere enamnedi erikwa. Ye ede pere pere enamnedi eriko, Pol ka swara ta di te, yegl dugwa, Ene prio! dugwa. Mudu Murubuglo okna ibo ka swara ta di, ka kep yagl Aisaia togo, Aisaia bogl atne ede, ene kowano awano togwa i, kuno kaima dume dugwa. 26Ye yegl dugwa, Ene pi, Israel yoba yegl di to! dugwa, Ene na kana ege mere praiglkwa ba pre pogl sikraiglkwa. Te, ene na kogon eraglka i, ege mere kanaiglkwa ba kan pogl sikraiglmiwe di, yegl di to dugwa. 27Ene yegl dinatnga i, siragl pre Israel yoba nomano i, gigle di kodugwa. Te, ye kinano gi dinagledi erukwa pre ye ka ta pre pogl sikraiglkwa. Te, ye gumuglno kiglkwa pre kan pogl sikraiglkwa. Yegl ta erekribi, ye gumuglno mina kandre, kinano mina prisre, nomano mina pre pogl sidre, ede ikne u na moglka wibi, na ye ere wakai ere tenaluwe#28.27 Aisaia 6.9-10 di, Mudu Murubuglo yegl di Aisaia togo, Aisaia bogl atne edume di, Pol yegl dugwa.
28-29Ana Pol yegl didre, ama yegl dugwa, Ene prio! dugwa. God yoba ere yugwa kamo i, ene Israel yoba prakiurikwa. Yegl pre God no ede pi yoba yugobuno pere pere meda meglmara i di tenaiglmedi dedugwa. Yegl pre no ye kamo i pi yoba i di tomun, ye praiglmiwe di, Pol yegl dugwa.
30Ana Pol bugla yugu suo mudu ye yugu ta Rom topo si pamara i pai moglkwa. Pai moglko, yoba ye ta kanamnedi wigwa i, ye mudu di idre, 31God yoba kingno mogl, ye suglno morabuka pre ka beke tedre, nono Yaglno Kade Jisas, God Kere Yugwa yagl moglkwa i kamo ama beke tedre, erukwa. Yoba swara ta ye ka yegl dugwa i, si kegl dikruko, Pol kudugl goglkre, ka beke te pai moglkwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission