Efesus 2
2
1Agrama abarama wagle, ene okna meglkwa i, tadaglme erimara kiano mina gogl kodigwa. 2Ene okna geglkwa yugobuno mina mogl, ye mabunono pamere i duglo boglsre, te Satan ene mabuno ta eraiglmedi beke togwa i ama ere wan meglkwa. Satan ye murubuglo kide bitno moglsre, te yoba meda mogl, God kamo sedigwa i ye ama bitno mogl, nomane te wan moglkwa. 3Yoba i erme God kamo sede, wan meglmere yegl, nono mudu ama okna kuno yegl ere wan munga. Mano no kiglkwa igne, tadaglme mabuno nono deno muduno mina paugo, mabuno kide ta deno muduno i mina pogglau boglkwa i, nono ersre, te nono nomano mina mabuno kide siragl mere eramnedi punga i ama erumga. Nono okna yegl kede munga pre God yoba dem podo kubro tomara nono okna ama atne kra munga.
4Ana nono okna yegl munga pre God nono dem podo kubro norabuka kuno erukwa ba ye yoko kaima no mitno goglsre, dem muduo podo norukwa. 5Yegl erukwa pre nono tadaglme ersre, kiano wagle gogl kodumga ba ye nono yoko kaima ere yugwa. Ye Kere Yugwa Yagl Jisas nono bogl i swara ede, ye Jisas ere i kor edumere mere yegl nono ama kiano mina ere i kor ede kodugo, nono Jisas bogl akie kor munga. 6Nono God Kere Yugwa Yagl Jisas bogl u swara pi munga pre God ye Jisas ere i kor edumere kuno yegl nono kiano mina ere i kor edidre, ama Jisas heven ibo ame di moglmara i, nono ye bogl akie moraiglmedi di padigl kodugwa. Yegl pre God gumuglo mina nono Jisas bogl akie heven ibo mogl kodumga. 7Ana God ye Kere Yugwa Yagl Jisas kogon erumara swara i mina nono ere wakai ere noro kodugwa. Ye yegl erukwa i, ye yoba mitno podo goglsre, yoko kaima ere yugwa mabunomo i, aimadi kamun nogugl panabuka pre erukwa.
8Ana God ene ere yugwa i, ye swara erukwa. Ene enene ere inaiglkwa kuno erekrukwa. Ta manugwa ba ene Jisas pre mediglko, God ye yene wakai prumere ene yoko kaima ere yugwa. 9Ye ene mabuno wakai swara ta beglkwa kandre, ene ta ere ikrukwa. Ene yoko kaima ere yugwa pre ene ta ere mogl, enene kagno ake mitna ede, yoba wakai mune dinaiglkwa i, kuno ta erekrukwa. 10God yene swara ere mogl, ye Kere Yugwa Yagl Jisas kogon erumara swara i mina nono ere i kor edugo, yoba kor munga. Ye nono ere i kor edugwa i, nono kor moglsre, mabuno wakai boramga pre erukwa. Nono mabuno wakai siragl mere boramga i, God yene oknayene ibo nono eraiglmedi di paduglkwa i, nono eramga keme paugwa.
11Ana ene Juda yoba ta moglkrikwa ba yugobuno pere, meda ta meglkwa i, ene prio! Okna Juda yoba ene pre digwa i, Yoba nagino puduo gagie boglkrikwa we di teigwa. Juda yoba yegl ene di teigwa i, siragl pre ye nagino puduo nagie beglkwa pre digwa ba mabuno yegl erikwa i, ye ogono nagino keme ere wakai erikwa. Ye deno muduno suna i, ere wakai ere tekrikwa. 12Ba ene yugobuno pere, meda meglkwa i, ene okna siragl mere meglkwa i pre dinaglka. God Kere Yugwa Yagl moglkwa i, ene okna pre kan erekrikwa. Pre kan erekre, Israel yoba moglkre, yoba meda meglkwa pre God ye Israel yoba ka kaima di te paduglkwa i, ene inaiglkwa kuno erekrukwa. Ene mogl pai erimara i, taragl wakai ta okuo plau dinabedi prikre, ama God moglkwa i pre kan erekrikwa. 13Ene okna yegl ere, meda meglkwa ba erme God Kere Yugwa Yagl Jisas bormaimo suru edidre, kogon erumara i mina God ene agre yu God yene moglmara edugo, ene erme God bogl akie meglkwa.
14Ana no Juda yoba ya ene yugobuno pere, meda meglkwa i, nono okna ikne ikne kide kan, kuda ikne ikne mere munga. Nono okna yegl ere wan munga ba Jisas yene ere mogl, mabuno i si dudidre, ye pre medunga yoba ta munga i nono i swara edugwa. 15Jisas nono ere i swara edugwa i, ye ede prak mina goglkwa igne i ye God lomo, okna Israel yoba norukwa i, mudu si dudugwa. Okna no Israel yoba lono kane kane paugo, ene yugobuno pere, meda meglkwa i, no lono i ta pre kan erekrikwa pre nono pere pere munga. Okna pere pere munga ba lo i mudu Jisas goglmara i si dudu kodo, ye pre medunga yoba munga i nono i swara ede, yugobuno kor ta moraiglmedi i nogugl edugwa. 16Okna no Juda yoba munga i ya ene yugobuno pere, meda ta meglkwa i, nono kuda ikne ikne mere moglsre, ama God kudamo ikne munga ba Jisas ede prak mina goglmara i, taragl i mudu si dudu kodo, nono i swara edidre, God bogl deno muduno swara yedre, akie moraiglmedi eruko, nono erme yugobuno swara moglsre, God bogl akie munga.
17Ana Jisas ye u nono God bogl deno muduno swara yedre, ye bogl akie moraiglmedi kamo wakai di norukwa i, ene yugobuno meda God pre kan erekrikwa i ya te no Juda yoba, God pre kan erumga i nono akie di norukwa. 18Te, erme no Juda yoba munga i, ya te ene yugobuno meda meglkwa i, Jisas ede prak mina kogon erumara i mina nono God kagie dagl, kamage eraiglmedi konbauna yauro noro kodugwa. Ye konbauna yauro norume diga i, ye Mudu Murubuglo nono mudu norukwa i pre nono God kamage ere tenamga i, kuno kaima erukwa.
19Ana Jisas yene kogon erumara i mina nono yugobuno swara moraiglmedi erukwa. Yegl erukwa pre nono Jisas pre medunga yoba munga i, nono akie God yugobunomo mina moglsre, God yobama munga. Ene Juda yoba moglkrikwa i, erme yugobuno pere, meda ta moglkrikwa. 20Nono mudu God yobama munga i pre na ka ebrie ta dinaglka. Nono God yugumo mere yegl munga. Yoba kobuglo yugu kenamnedi erikwa igne, kobuglo swara ta idre, mabunomugl mabuno bogl padiglmere yegl, Jisas kobuglo swara i mere moglko, te no tau God kamo kep yoba ya Jisas dedugwa yoba munga i, kobuglo tau makandigle bogl padiglmere mere yegl munga. Te, ene pre mediglkwa yoba kobuglo tau kei ede mitna eigwa i mere meglkwa. 21-22Yoba kobuglo yugu keigwa i kobuglo swarade idre, kei ede mitna eimere yegl, nono Yaglno Kade Jisas kogon erumara i mina, God nono swarade idre, i swara ede, yene yugumo kegwa mere yegl paugwa. No Juda yoba munga i ya ene yugobuno pere meglkwa i, nono God yugumo mere yegl mune diga i, God Murubuglo nono mudu munara suna moglkwa i pre diga.
Currently Selected:
Efesus 2: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Efesus 2
2
1Agrama abarama wagle, ene okna meglkwa i, tadaglme erimara kiano mina gogl kodigwa. 2Ene okna geglkwa yugobuno mina mogl, ye mabunono pamere i duglo boglsre, te Satan ene mabuno ta eraiglmedi beke togwa i ama ere wan meglkwa. Satan ye murubuglo kide bitno moglsre, te yoba meda mogl, God kamo sedigwa i ye ama bitno mogl, nomane te wan moglkwa. 3Yoba i erme God kamo sede, wan meglmere yegl, nono mudu ama okna kuno yegl ere wan munga. Mano no kiglkwa igne, tadaglme mabuno nono deno muduno mina paugo, mabuno kide ta deno muduno i mina pogglau boglkwa i, nono ersre, te nono nomano mina mabuno kide siragl mere eramnedi punga i ama erumga. Nono okna yegl kede munga pre God yoba dem podo kubro tomara nono okna ama atne kra munga.
4Ana nono okna yegl munga pre God nono dem podo kubro norabuka kuno erukwa ba ye yoko kaima no mitno goglsre, dem muduo podo norukwa. 5Yegl erukwa pre nono tadaglme ersre, kiano wagle gogl kodumga ba ye nono yoko kaima ere yugwa. Ye Kere Yugwa Yagl Jisas nono bogl i swara ede, ye Jisas ere i kor edumere mere yegl nono ama kiano mina ere i kor ede kodugo, nono Jisas bogl akie kor munga. 6Nono God Kere Yugwa Yagl Jisas bogl u swara pi munga pre God ye Jisas ere i kor edumere kuno yegl nono kiano mina ere i kor edidre, ama Jisas heven ibo ame di moglmara i, nono ye bogl akie moraiglmedi di padigl kodugwa. Yegl pre God gumuglo mina nono Jisas bogl akie heven ibo mogl kodumga. 7Ana God ye Kere Yugwa Yagl Jisas kogon erumara swara i mina nono ere wakai ere noro kodugwa. Ye yegl erukwa i, ye yoba mitno podo goglsre, yoko kaima ere yugwa mabunomo i, aimadi kamun nogugl panabuka pre erukwa.
8Ana God ene ere yugwa i, ye swara erukwa. Ene enene ere inaiglkwa kuno erekrukwa. Ta manugwa ba ene Jisas pre mediglko, God ye yene wakai prumere ene yoko kaima ere yugwa. 9Ye ene mabuno wakai swara ta beglkwa kandre, ene ta ere ikrukwa. Ene yoko kaima ere yugwa pre ene ta ere mogl, enene kagno ake mitna ede, yoba wakai mune dinaiglkwa i, kuno ta erekrukwa. 10God yene swara ere mogl, ye Kere Yugwa Yagl Jisas kogon erumara swara i mina nono ere i kor edugo, yoba kor munga. Ye nono ere i kor edugwa i, nono kor moglsre, mabuno wakai boramga pre erukwa. Nono mabuno wakai siragl mere boramga i, God yene oknayene ibo nono eraiglmedi di paduglkwa i, nono eramga keme paugwa.
11Ana ene Juda yoba ta moglkrikwa ba yugobuno pere, meda ta meglkwa i, ene prio! Okna Juda yoba ene pre digwa i, Yoba nagino puduo gagie boglkrikwa we di teigwa. Juda yoba yegl ene di teigwa i, siragl pre ye nagino puduo nagie beglkwa pre digwa ba mabuno yegl erikwa i, ye ogono nagino keme ere wakai erikwa. Ye deno muduno suna i, ere wakai ere tekrikwa. 12Ba ene yugobuno pere, meda meglkwa i, ene okna siragl mere meglkwa i pre dinaglka. God Kere Yugwa Yagl moglkwa i, ene okna pre kan erekrikwa. Pre kan erekre, Israel yoba moglkre, yoba meda meglkwa pre God ye Israel yoba ka kaima di te paduglkwa i, ene inaiglkwa kuno erekrukwa. Ene mogl pai erimara i, taragl wakai ta okuo plau dinabedi prikre, ama God moglkwa i pre kan erekrikwa. 13Ene okna yegl ere, meda meglkwa ba erme God Kere Yugwa Yagl Jisas bormaimo suru edidre, kogon erumara i mina God ene agre yu God yene moglmara edugo, ene erme God bogl akie meglkwa.
14Ana no Juda yoba ya ene yugobuno pere, meda meglkwa i, nono okna ikne ikne kide kan, kuda ikne ikne mere munga. Nono okna yegl ere wan munga ba Jisas yene ere mogl, mabuno i si dudidre, ye pre medunga yoba ta munga i nono i swara edugwa. 15Jisas nono ere i swara edugwa i, ye ede prak mina goglkwa igne i ye God lomo, okna Israel yoba norukwa i, mudu si dudugwa. Okna no Israel yoba lono kane kane paugo, ene yugobuno pere, meda meglkwa i, no lono i ta pre kan erekrikwa pre nono pere pere munga. Okna pere pere munga ba lo i mudu Jisas goglmara i si dudu kodo, ye pre medunga yoba munga i nono i swara ede, yugobuno kor ta moraiglmedi i nogugl edugwa. 16Okna no Juda yoba munga i ya ene yugobuno pere, meda ta meglkwa i, nono kuda ikne ikne mere moglsre, ama God kudamo ikne munga ba Jisas ede prak mina goglmara i, taragl i mudu si dudu kodo, nono i swara edidre, God bogl deno muduno swara yedre, akie moraiglmedi eruko, nono erme yugobuno swara moglsre, God bogl akie munga.
17Ana Jisas ye u nono God bogl deno muduno swara yedre, ye bogl akie moraiglmedi kamo wakai di norukwa i, ene yugobuno meda God pre kan erekrikwa i ya te no Juda yoba, God pre kan erumga i nono akie di norukwa. 18Te, erme no Juda yoba munga i, ya te ene yugobuno meda meglkwa i, Jisas ede prak mina kogon erumara i mina nono God kagie dagl, kamage eraiglmedi konbauna yauro noro kodugwa. Ye konbauna yauro norume diga i, ye Mudu Murubuglo nono mudu norukwa i pre nono God kamage ere tenamga i, kuno kaima erukwa.
19Ana Jisas yene kogon erumara i mina nono yugobuno swara moraiglmedi erukwa. Yegl erukwa pre nono Jisas pre medunga yoba munga i, nono akie God yugobunomo mina moglsre, God yobama munga. Ene Juda yoba moglkrikwa i, erme yugobuno pere, meda ta moglkrikwa. 20Nono mudu God yobama munga i pre na ka ebrie ta dinaglka. Nono God yugumo mere yegl munga. Yoba kobuglo yugu kenamnedi erikwa igne, kobuglo swara ta idre, mabunomugl mabuno bogl padiglmere yegl, Jisas kobuglo swara i mere moglko, te no tau God kamo kep yoba ya Jisas dedugwa yoba munga i, kobuglo tau makandigle bogl padiglmere mere yegl munga. Te, ene pre mediglkwa yoba kobuglo tau kei ede mitna eigwa i mere meglkwa. 21-22Yoba kobuglo yugu keigwa i kobuglo swarade idre, kei ede mitna eimere yegl, nono Yaglno Kade Jisas kogon erumara i mina, God nono swarade idre, i swara ede, yene yugumo kegwa mere yegl paugwa. No Juda yoba munga i ya ene yugobuno pere meglkwa i, nono God yugumo mere yegl mune diga i, God Murubuglo nono mudu munara suna moglkwa i pre diga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission