Efesus 6
6
Gak ye neno mano bogl siragl mere mogl pai eraiglmere
1Ana ene gak meglkwa i, Yagl Kade ene eraiglmedi prukwa i, ene neno mano kano prisre, duglo boraiglmedi prukwa. Yegl pre ene yegl eraiglkwa swara i kuno erabuka. 2God lomo ta okna dugwa i, yegl dugwa, Ene neno mano moraiglmara mogl atne edidre, kano prio! dugwa. God lomo paimara i, lo swara i pamara God komono kana ka kaima ta ama akie di te paduglkwa. 3God komnayene lo swara i mina ka kaima akie di paduglkwa i, yegl paugwa, Ene neno mano moraiglmara mogl atne edidre, kano pribi, ene mogl pai eraiglmara wakai mogl, makandigle tau kanana moraiglmiwe#6.3 Lo 5.16 dugwa.
4Ana ene gak nenoma meglkwa i, ene gagroma deno kubraiglmedi erekrio. Yegl erekre, ene gagroma ye nono Yaglno Kade kamo praiglmedi beke tedre, mabunono ake kun ere tedre, ye wakai ere bakagl i wan, i kade edio.
Nigl kogon yoba ya ye bitno yoba siragl mere mogl pai eraiglmere
5Te, ene tau kane pai, yoba niglno kogono ere teigwa i, yoba ta ene bitno moglsre, kogono sugl moraiglkwa i moraiglmara mogl atne edidre, kano duglo bolo. Ene God Kere Yugwa yagl kamo deno muduno bogl duglo beglmere yegl, ene yoba bitno ta moraiglkwa i pre i mitna edidre, kano ama yegl mere duglo boraiglkwa pre diga. 6Ene yoba ta bitno meglkwa i gumuglno mina keme ye no wakai kanaiglmedi kano duglo boramnedi erekrio. Ene God Kere Yugwa Yagl Jisas niglmo kogonmo ere tomnedi prisre, God ene eraiglmedi prumere i ere, ene bitno yoba ta meglkwa kano deno muduno bogl duglo bolo. 7Ene ye kogon ere teigwa i, ene yoba i keme kogon ere tomnedi prikre, ene Yaglno Kade kogon ere tomnedi pre, gun yedre, kogon eraiglkwa. 8I siragl pre ene pre kan erikwa i, nigl kogon yoba ta meglkwa mo yoba yoko ta meglkwa i pra, ye kogon wakai eribi, nono Yaglno Kade ye ama yoba i ere wakai ere tenabuka.
9Ana ene tau nigl kogon yoba ta bitno meglkwa i, ene ama kuno yegl ere, nigl kogon yoba ere wakai ere tenaiglkwa paugwa. Ene ye ka tedre, ere sinamnedi erekrio. I siragl pre ye bogl, ene bogl, Yaglno Kade swara kaima keme heven ibo moglkwa i, ye gumuglo mina ene yoba kuno keme meglkwa.
God yobuglomo idre, kuda eraiglkwa
10Agroma abaroma wagle, ka dudumara yegl paugwa, nono Yaglno Kade suna munara yobuglo idre, yobuglomo pai kawa tomara ama yobuglo io. 11God kuda kugugl gagl norukwa i mudu edio. Edibi, Satan konbo kane kane mina u ene kinano sidre, bakagl tenabuka ba ene yage sikre, adigl giglede moraiglkwa. 12Nono kuda bunga i, yoba bogl kuda boglkunga. Nono Satan ya murubuglo kide ye duglo beglkwa i bogl, ye meglmara kuda bunga. Murubuglo kide i, tau kagno podo paugo, tau yobuglno podo paugo, erukwa. Te, murubuglo kide i ye yoba mim erumara meglkwa i ye yoba i bitno moglsre, kide kaima meglkwa. Nono yoba kide i bogl kuda bunga pre diga. 13Nono yoba i bogl kuda bunga pre na ene yegl di teiga, soldia kuda kugugl gagl mudu ede kodidre, ede kuda wagle eimere yegl, ene ama God taragl wakai kane kane ere norukwa i poglo di prisre, ede kuda wagle enaiglkwa. Ene yegl eribi, yubun ya taragl kide kane kane ene meglmara unabuka ba ene ta yage sikre, adigl giglede meglbi, ege kide i dudunabuka igne pra, ene ama giglede adigl mogl pai moraiglkwa.
14Ana ene yegl ere, adigl giglede moraiglkwa. I siragl pre nono kamga, soldia tabre wan u ikne ikne pi, kuda eramnedi kumagl deimere mere kuno yegl, ene God kamo kaima yogwa i, ege ege poglo di prisre, wan moraiglkwa. Te, ye ain ta pitno wagle padiglmere yegl, ene ama God nono yoba du meglmedi kanugwa i poglo di pribi, ene kugl bogl tenan, wakai moraiglkwa. 15Te, soldia ere mogl, su giglede edidre, kuda eramnedi ake kun erimere kuno yegl, ene ama Jisas kamo wakai yoba prisre, God bogl deno muduno swara yenaiglkwa pre dugwa i, ege ege yoba di tenamnedi ake kun ere moraiglkwa. 16Ene yegl ersre, God kamo kaima pre mediglkwa i pre medigl pai moraiglkwa paugwa. Yoba yer gaiglkwa, de bauglo ere paugo, simere mere yegl, Satan kuno yegl ere, ene ere sinagledi erabuka. Ba soldia awagle bogl, atne meglmere mere yegl, ene God kamo pre medigl pai meglbi, awagle mere yegl bogl tenan, yer i awagle mina sidre, goginabuka. 17Te, soldia ain bitno gagl edimere mere yegl, God ene ere i kodugwa i, ene poglo di pre molo. Pre moglsre, God Murubuglo bainet ta norukwa i ake gi di molo. God Murubuglo bainet ta norukwa pre diga i, God kamo i pre diga.
18Ana ene kuda kugugl gagl mudu edidre, ama God Murubuglo ene nomane tenabere i kamage kane kane, ege ege erio. Te, ene kamage eraiglkwa i, oglka erekre, God yobama mudu ake ple di tenabedi kamage ere te molo. 19Te, ene kamage eraiglmara i, na pre ama kamage ere nario. Ene na pre kamage eribi, God na ka siragl mere dinaglka i obuno di naran, na kudugl goglkre, ye kamo wakai ta okna teke paugwa ikra di nogugl ede te pai moraglka. 20God kamo wakai ta okna teke paugwa pre diga i, yegl pre diga, Jisas ye kogon erumara mina God ye Juda yoba ya yugobuno pere pere, ye ere i swara edenan, yugobuno swara moraiglkwa pre dugwa. Ana God ere mogl, na ka i yoba di tenatnedi dedugwa pre na kogon yegl ere wan moglmara i mina erme kane paiga. Erme kane paiga ba ene na pre kamage eribi, God na yobuglo bogl naran, na ka dinaglka kuno erabuka i, kudugl goglkre, di nogugl ede te pai moraglka.
Pol ka las dugwa
21-22Ana nono agro Tikikus, nono mudu ye wakai kamga i, ye na ene meglmara enabedi dedigo, ugwa. Ye God kogonmo giglede ere wan moglkwa. Na ye dediga i, ye ene ka boglo kugl tenan, na siragl mere moglka ya kogon siragl mere erika i, ene mudu pre pogl sinaiglkwa pre dedidre, te ye ama ene moraiglmara deno muduno mina si gigle di tenabedi dediga.
23Ana agrama abarama wagle, na prika i, Neno Kade God ya nono Yaglno Kade Jisas, God Kere Yugwa yagl moglkwa i, deno muduno wida di, ene moraiglmara padigl tenabrika. Te, God ya Jisas ye ene moraiglmara ake ple di tebr, enene ikne ikne wakai kanibi, pre mediglkwa ama gigle dinabuka. 24Nono Yaglno Kade Jisas, God Kere Yugwa yagl moglkwa i, ene aimadi kamun ye wakai kanigwa pre God ene ere wakai ere tenabuka.
Currently Selected:
Efesus 6: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Efesus 6
6
Gak ye neno mano bogl siragl mere mogl pai eraiglmere
1Ana ene gak meglkwa i, Yagl Kade ene eraiglmedi prukwa i, ene neno mano kano prisre, duglo boraiglmedi prukwa. Yegl pre ene yegl eraiglkwa swara i kuno erabuka. 2God lomo ta okna dugwa i, yegl dugwa, Ene neno mano moraiglmara mogl atne edidre, kano prio! dugwa. God lomo paimara i, lo swara i pamara God komono kana ka kaima ta ama akie di te paduglkwa. 3God komnayene lo swara i mina ka kaima akie di paduglkwa i, yegl paugwa, Ene neno mano moraiglmara mogl atne edidre, kano pribi, ene mogl pai eraiglmara wakai mogl, makandigle tau kanana moraiglmiwe#6.3 Lo 5.16 dugwa.
4Ana ene gak nenoma meglkwa i, ene gagroma deno kubraiglmedi erekrio. Yegl erekre, ene gagroma ye nono Yaglno Kade kamo praiglmedi beke tedre, mabunono ake kun ere tedre, ye wakai ere bakagl i wan, i kade edio.
Nigl kogon yoba ya ye bitno yoba siragl mere mogl pai eraiglmere
5Te, ene tau kane pai, yoba niglno kogono ere teigwa i, yoba ta ene bitno moglsre, kogono sugl moraiglkwa i moraiglmara mogl atne edidre, kano duglo bolo. Ene God Kere Yugwa yagl kamo deno muduno bogl duglo beglmere yegl, ene yoba bitno ta moraiglkwa i pre i mitna edidre, kano ama yegl mere duglo boraiglkwa pre diga. 6Ene yoba ta bitno meglkwa i gumuglno mina keme ye no wakai kanaiglmedi kano duglo boramnedi erekrio. Ene God Kere Yugwa Yagl Jisas niglmo kogonmo ere tomnedi prisre, God ene eraiglmedi prumere i ere, ene bitno yoba ta meglkwa kano deno muduno bogl duglo bolo. 7Ene ye kogon ere teigwa i, ene yoba i keme kogon ere tomnedi prikre, ene Yaglno Kade kogon ere tomnedi pre, gun yedre, kogon eraiglkwa. 8I siragl pre ene pre kan erikwa i, nigl kogon yoba ta meglkwa mo yoba yoko ta meglkwa i pra, ye kogon wakai eribi, nono Yaglno Kade ye ama yoba i ere wakai ere tenabuka.
9Ana ene tau nigl kogon yoba ta bitno meglkwa i, ene ama kuno yegl ere, nigl kogon yoba ere wakai ere tenaiglkwa paugwa. Ene ye ka tedre, ere sinamnedi erekrio. I siragl pre ye bogl, ene bogl, Yaglno Kade swara kaima keme heven ibo moglkwa i, ye gumuglo mina ene yoba kuno keme meglkwa.
God yobuglomo idre, kuda eraiglkwa
10Agroma abaroma wagle, ka dudumara yegl paugwa, nono Yaglno Kade suna munara yobuglo idre, yobuglomo pai kawa tomara ama yobuglo io. 11God kuda kugugl gagl norukwa i mudu edio. Edibi, Satan konbo kane kane mina u ene kinano sidre, bakagl tenabuka ba ene yage sikre, adigl giglede moraiglkwa. 12Nono kuda bunga i, yoba bogl kuda boglkunga. Nono Satan ya murubuglo kide ye duglo beglkwa i bogl, ye meglmara kuda bunga. Murubuglo kide i, tau kagno podo paugo, tau yobuglno podo paugo, erukwa. Te, murubuglo kide i ye yoba mim erumara meglkwa i ye yoba i bitno moglsre, kide kaima meglkwa. Nono yoba kide i bogl kuda bunga pre diga. 13Nono yoba i bogl kuda bunga pre na ene yegl di teiga, soldia kuda kugugl gagl mudu ede kodidre, ede kuda wagle eimere yegl, ene ama God taragl wakai kane kane ere norukwa i poglo di prisre, ede kuda wagle enaiglkwa. Ene yegl eribi, yubun ya taragl kide kane kane ene meglmara unabuka ba ene ta yage sikre, adigl giglede meglbi, ege kide i dudunabuka igne pra, ene ama giglede adigl mogl pai moraiglkwa.
14Ana ene yegl ere, adigl giglede moraiglkwa. I siragl pre nono kamga, soldia tabre wan u ikne ikne pi, kuda eramnedi kumagl deimere mere kuno yegl, ene God kamo kaima yogwa i, ege ege poglo di prisre, wan moraiglkwa. Te, ye ain ta pitno wagle padiglmere yegl, ene ama God nono yoba du meglmedi kanugwa i poglo di pribi, ene kugl bogl tenan, wakai moraiglkwa. 15Te, soldia ere mogl, su giglede edidre, kuda eramnedi ake kun erimere kuno yegl, ene ama Jisas kamo wakai yoba prisre, God bogl deno muduno swara yenaiglkwa pre dugwa i, ege ege yoba di tenamnedi ake kun ere moraiglkwa. 16Ene yegl ersre, God kamo kaima pre mediglkwa i pre medigl pai moraiglkwa paugwa. Yoba yer gaiglkwa, de bauglo ere paugo, simere mere yegl, Satan kuno yegl ere, ene ere sinagledi erabuka. Ba soldia awagle bogl, atne meglmere mere yegl, ene God kamo pre medigl pai meglbi, awagle mere yegl bogl tenan, yer i awagle mina sidre, goginabuka. 17Te, soldia ain bitno gagl edimere mere yegl, God ene ere i kodugwa i, ene poglo di pre molo. Pre moglsre, God Murubuglo bainet ta norukwa i ake gi di molo. God Murubuglo bainet ta norukwa pre diga i, God kamo i pre diga.
18Ana ene kuda kugugl gagl mudu edidre, ama God Murubuglo ene nomane tenabere i kamage kane kane, ege ege erio. Te, ene kamage eraiglkwa i, oglka erekre, God yobama mudu ake ple di tenabedi kamage ere te molo. 19Te, ene kamage eraiglmara i, na pre ama kamage ere nario. Ene na pre kamage eribi, God na ka siragl mere dinaglka i obuno di naran, na kudugl goglkre, ye kamo wakai ta okna teke paugwa ikra di nogugl ede te pai moraglka. 20God kamo wakai ta okna teke paugwa pre diga i, yegl pre diga, Jisas ye kogon erumara mina God ye Juda yoba ya yugobuno pere pere, ye ere i swara edenan, yugobuno swara moraiglkwa pre dugwa. Ana God ere mogl, na ka i yoba di tenatnedi dedugwa pre na kogon yegl ere wan moglmara i mina erme kane paiga. Erme kane paiga ba ene na pre kamage eribi, God na yobuglo bogl naran, na ka dinaglka kuno erabuka i, kudugl goglkre, di nogugl ede te pai moraglka.
Pol ka las dugwa
21-22Ana nono agro Tikikus, nono mudu ye wakai kamga i, ye na ene meglmara enabedi dedigo, ugwa. Ye God kogonmo giglede ere wan moglkwa. Na ye dediga i, ye ene ka boglo kugl tenan, na siragl mere moglka ya kogon siragl mere erika i, ene mudu pre pogl sinaiglkwa pre dedidre, te ye ama ene moraiglmara deno muduno mina si gigle di tenabedi dediga.
23Ana agrama abarama wagle, na prika i, Neno Kade God ya nono Yaglno Kade Jisas, God Kere Yugwa yagl moglkwa i, deno muduno wida di, ene moraiglmara padigl tenabrika. Te, God ya Jisas ye ene moraiglmara ake ple di tebr, enene ikne ikne wakai kanibi, pre mediglkwa ama gigle dinabuka. 24Nono Yaglno Kade Jisas, God Kere Yugwa yagl moglkwa i, ene aimadi kamun ye wakai kanigwa pre God ene ere wakai ere tenabuka.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission