Isip Kide Kodigwa 1
1
Isip yoba ere mogl, Israel yoba mabuno kide ere teigwa
1Ana yagl Jekop we, ye wama bogl ya te, ye mudu ebinoma gagroma bogl akie ede Isip eigwa. Ye kagno magigl i paugwa. 2-4Ye kagno Ruben, Simeon, Livai, Juda, Isakar, Sebulun, Benjamin, Dan, Naptali, Gat, ya Aser. 5Te, Jekop wam ta Josep okna kana pi, Isip kipai moglko, agiglema tau neno bogl okuo eigwa. Jekop gagiglma ya gawama i swara ede, 70-pela meglkwa. 6Ana Josep ere mogl, goglko, ye agiglema ya yagl kunama ama mudu geglkwa. 7Ye geglkwa ba ye gagroma ya gawanoma we, ye gak mere kide kaima kiglko, Israel yoba mere kide mogl, dumo Isip mogl kuno erikwa.
8Ana okuo Isip kingno goglko, king kor ta ere mogl, dumo Isip sugl moglkwa. King kor i, ye yagl Josep okna Isip yoba ake ple di togwa i, pre kan erekrukwa. 9King i ere mogl, dumo Isip sugl moglsre, ye yobama yegl di togwa, Ene prio! Israel yoba mere meglko, nono kunabe munga. Te, ye yobuglo ere nono norikwa. 10Ye u mere kide kaima pi meglbi, kuda ta panan, ye nono kudano ikne ake ple di tedre, kuda bogl noraiglkwa mere yegl pamedi kaniga. Kuda bogl norsre, ye dumo Isip kide kodidre, ede enaiglkwa. Yegl pre ye u mere kide pi dinaiglkwa pre nono konbauna ta dokidre, si kegl dinamniwe di, yegl dugwa.
11 King yegl dugwa pre Isip yoba ere mogl, Israel yoba nigl kogono yoba moraiglmedi si kane sidre, Isip yoba tau ye kogono sugl moraiglmedi dedigwa. Kogono sugl meglkwa yoba i dede, ye Israel yoba ere kide ere tedre, kogon podo tenaiglmedi dedigwa. Yegl eriko, Israel yoba king kogonmo yoko ere tedre, taun suo keigwa, Pitom ya Rameses we digwa. Taun suo i, kaya mokna ya bonagana makai sinaiglkwa pre keigwa. 12Isip yoba mabuno kide yegl ere Israel yoba teigwa ba ye mabuno kide kaima ere teigo, Israel yoba aglke kor gak mere kide kaima kugl pai moglsre, pare wai digwa. Yegl eriko, Isip yoba kandre, Israel yoba kuduglno geglkwa. 13-14Kuduglno goglsre, ye kogon podo kide kaima teigo, Israel yoba mogl pai erikwa i, u kide kaima ogwa. Ye makan koglwa pere, ake dage si, ere brik edidre, yugu keidre, Isip yoba kaya mokna ere yaiglmara ama kogono kane kane ere teigwa. Isip yoba ye mitno goglkre, kogon podo keme eraiglmedi dedigwa.
15Ana okuo Isip king ere mogl, Hibru abu suo agle dugo, ubrika. Abu suo i, kagno Sifra ya Pua we digwa. Ye Israel abu gak kuramnedi erikwa igne ake ple di tebrika abu miurka. 16Abu suo i ubriko, king ye yegl di togwa, Ene Hibru abu gak kuraiglmedi ake ple dinabrika i, ye yagl gak kiglbi, ene yagl gak i si goglsro! Ba ye abai gak kiglbi, kanige erabriwe di, yegl dugwa. 17King yegl dugwa ba abu suo i God kuduglmo giurika pre ye king dumere erekre, yagl gak ama kanige eribrika. 18Yegl eribriko, Isip king ye aglke kor agle dugo, ubrika. Ye ubriko, king ere mogl, ye yegl di prukwa, Ene siragl pre yegl eribre? Siragl eruko, ene Israel yoba gak kiglkwa i, yagl gak si goglkre, kanige eribre? di, yegl dugwa. 19Yegl dugo, abu suo i di ikne ede, yegl dibrika, Hibru abu i, ye Isip abu meglmere yegl ta moglkrikwa. Ye yobuglo ere, gak tabre kiglkwa. No ake ple di tomga abu munga i, pikrumga igne, ye tabre kiglmiwe di, yegl dibrika. 20-21Abu suo i ye God kuduglmo giurka pre God ye ere wakai ere tedre, yene gagro ama kurabredi ere edugwa. Te, Israel yoba we, ye gak mere kide kiglko, mere kide meglkwa. 22Mere kide meglkwa pre Isip king ere mogl, ye yobama mudu yegl di togwa, Israel yoba gak kiglkwa i, abai gak kanige ersre, yagl gak i pi, pia si nigl kade Nail edio! dugwa.
Currently Selected:
Isip Kide Kodigwa 1: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Isip Kide Kodigwa 1
1
Isip yoba ere mogl, Israel yoba mabuno kide ere teigwa
1Ana yagl Jekop we, ye wama bogl ya te, ye mudu ebinoma gagroma bogl akie ede Isip eigwa. Ye kagno magigl i paugwa. 2-4Ye kagno Ruben, Simeon, Livai, Juda, Isakar, Sebulun, Benjamin, Dan, Naptali, Gat, ya Aser. 5Te, Jekop wam ta Josep okna kana pi, Isip kipai moglko, agiglema tau neno bogl okuo eigwa. Jekop gagiglma ya gawama i swara ede, 70-pela meglkwa. 6Ana Josep ere mogl, goglko, ye agiglema ya yagl kunama ama mudu geglkwa. 7Ye geglkwa ba ye gagroma ya gawanoma we, ye gak mere kide kaima kiglko, Israel yoba mere kide mogl, dumo Isip mogl kuno erikwa.
8Ana okuo Isip kingno goglko, king kor ta ere mogl, dumo Isip sugl moglkwa. King kor i, ye yagl Josep okna Isip yoba ake ple di togwa i, pre kan erekrukwa. 9King i ere mogl, dumo Isip sugl moglsre, ye yobama yegl di togwa, Ene prio! Israel yoba mere meglko, nono kunabe munga. Te, ye yobuglo ere nono norikwa. 10Ye u mere kide kaima pi meglbi, kuda ta panan, ye nono kudano ikne ake ple di tedre, kuda bogl noraiglkwa mere yegl pamedi kaniga. Kuda bogl norsre, ye dumo Isip kide kodidre, ede enaiglkwa. Yegl pre ye u mere kide pi dinaiglkwa pre nono konbauna ta dokidre, si kegl dinamniwe di, yegl dugwa.
11 King yegl dugwa pre Isip yoba ere mogl, Israel yoba nigl kogono yoba moraiglmedi si kane sidre, Isip yoba tau ye kogono sugl moraiglmedi dedigwa. Kogono sugl meglkwa yoba i dede, ye Israel yoba ere kide ere tedre, kogon podo tenaiglmedi dedigwa. Yegl eriko, Israel yoba king kogonmo yoko ere tedre, taun suo keigwa, Pitom ya Rameses we digwa. Taun suo i, kaya mokna ya bonagana makai sinaiglkwa pre keigwa. 12Isip yoba mabuno kide yegl ere Israel yoba teigwa ba ye mabuno kide kaima ere teigo, Israel yoba aglke kor gak mere kide kaima kugl pai moglsre, pare wai digwa. Yegl eriko, Isip yoba kandre, Israel yoba kuduglno geglkwa. 13-14Kuduglno goglsre, ye kogon podo kide kaima teigo, Israel yoba mogl pai erikwa i, u kide kaima ogwa. Ye makan koglwa pere, ake dage si, ere brik edidre, yugu keidre, Isip yoba kaya mokna ere yaiglmara ama kogono kane kane ere teigwa. Isip yoba ye mitno goglkre, kogon podo keme eraiglmedi dedigwa.
15Ana okuo Isip king ere mogl, Hibru abu suo agle dugo, ubrika. Abu suo i, kagno Sifra ya Pua we digwa. Ye Israel abu gak kuramnedi erikwa igne ake ple di tebrika abu miurka. 16Abu suo i ubriko, king ye yegl di togwa, Ene Hibru abu gak kuraiglmedi ake ple dinabrika i, ye yagl gak kiglbi, ene yagl gak i si goglsro! Ba ye abai gak kiglbi, kanige erabriwe di, yegl dugwa. 17King yegl dugwa ba abu suo i God kuduglmo giurika pre ye king dumere erekre, yagl gak ama kanige eribrika. 18Yegl eribriko, Isip king ye aglke kor agle dugo, ubrika. Ye ubriko, king ere mogl, ye yegl di prukwa, Ene siragl pre yegl eribre? Siragl eruko, ene Israel yoba gak kiglkwa i, yagl gak si goglkre, kanige eribre? di, yegl dugwa. 19Yegl dugo, abu suo i di ikne ede, yegl dibrika, Hibru abu i, ye Isip abu meglmere yegl ta moglkrikwa. Ye yobuglo ere, gak tabre kiglkwa. No ake ple di tomga abu munga i, pikrumga igne, ye tabre kiglmiwe di, yegl dibrika. 20-21Abu suo i ye God kuduglmo giurka pre God ye ere wakai ere tedre, yene gagro ama kurabredi ere edugwa. Te, Israel yoba we, ye gak mere kide kiglko, mere kide meglkwa. 22Mere kide meglkwa pre Isip king ere mogl, ye yobama mudu yegl di togwa, Israel yoba gak kiglkwa i, abai gak kanige ersre, yagl gak i pi, pia si nigl kade Nail edio! dugwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission