Oknayene Ibo 47
47
1Ana Josep ere mogl, Isip king moglmara pi, ye yegl di togwa, Na nina ya agrama we, ye dumo Kenan kide kodidre, ede u erme dumo Gosen meglkwa. Ye sipsip ya meme kiglkwa idre, kauno kiglkwa idre, bonaganano mudu idre, ede wimiwe di, yegl dugwa. 2Josep yegl didre, ye ere mogl, agiglema 5-pela agre i ede pi king ye kanabedi king moglmara ogwa. 3-4Ogo, king ye di pre, Ene siragl kogon erikwa, meglme? dugwa. Dugo, ye di ikne ede, yegl digwa, No kowano awano erimere ere, sipsip ya ki sugl munga. No ene nigl kogonen yoba mere yegl muniwa. No okna dumo Kenan kipai munga ba dumo Kenan i ade podo dogo, no aglno buglano kugl nenaiglkwa ta paikrukwa. Ta paikrukwa pre no ege sugunagle ta moramnedi ede dumo Isip umga. Yegl pre erme we, ene pra we din, no Isip suna i, dumo Gosen we dimara moramniwe di, yegl digwa.
5Ana Josep agiglema 5-pela ka yegl di kodigo, king ere mogl, Josep yegl di togwa, Ana ene nen agiglnma erme ene motnara wigwa. 6Ene dumo Isip mudu yomara suna i, dumo wakai kaima ta yomedi kanatnara i, ene nen agiglnma kipai moraiglmedi i pi edinatnga. Ene ye dumo Gosen kipai moraiglmedi pitn, moraiglkwa. Te, ye meglmara suna tau agl bugla wakai kaima kiglkwa ta kan, ye na aglna buglana sugl moraiglmedi edinatniwe di, yegl dugwa.
7Isip king yegl di kodugo, Josep pi, ye nem kidagl ama agre i ede u king ye kanabedi king moglmara ugwa. Ugo, Jekop ye Isip king di wakai yei togwa. 8Di wakai yei togo, Isip king ye di pre, Ene bugla yugu siramna nene? dugwa. 9Yegl dugo, Jekop di ikne ede, yegl dugwa, Na bugla yugu 130 wan mogl, dumo pere pere kipaiga. Na bugla yugu mere nekre, yubun mere iga. Na nina ya yagl awana ki okna meglkwa i, ye bugla yugu mere kide wan mogl, dumo pere pere kipaimere yegl mere erekrie di, Jekop yegl dugwa. 10Jekop yegl didre, ye aglke kor Isip king di wakai yei tedre, ye moglmara kide kodidre, ede ogwa.
11Ana Josep we, ye king dumere ere, Isip suna dumo makan wakai kaima ta yogwa i, nem agiglema togo, ye kipai meglkwa. Ye kipai meglkwa i, dumo Gosen ikra suna taun Rameses okuo yenabara magigl i kipai meglkwa. 12Ki pai meglko, Josep ege ege ye nem agiglema kugl mogo yubu si togwa. Ye yoba ya gak kebra siramna meglkwa i kersre, kugl mogo nebi, kuno erabere mere yegl yubu si te moglkwa.
Dumo Isip kidan podo yogwa
13Ana kidan ikra podo kaima yogwa pre dumo magigl i, kaya mokna ta paikrukwa. Kidan podo kaima yogwa i pre dumo Isip ya dumo Kenan suo akie u kide ebrika. 14Ana dumo Isip ya dumo Kenan suna i kaya mokna ta paikrukwa pre yoba kugl mogo swara topo sidre, ne meglkwa. Ne meglko, Josep ye migeno mudu idre, i pi king yugumo edugwa. 15Yegl ere meglko, Isip yoba ya Kenan yoba migeno mudu dudugwa. Dudugo, Isip yoba mudu ere mogl, Josep moglmara udre, yegl digwa, Kugl mogo yoko noro! Ene ta norokre, yoko kan motn, no goramniwa. No migeno dudumiwe di, yegl digwa. 16Yegl digo, Josep di ikne ede, yegl dugwa, Ene migeno dudinan, ene aglno buglano wagle kugl mogo topo sinaiglkwa. Ene aglno buglano yu naribi, kugl mogo tenaluwe di, yegl dugwa. 17Josep yegl dugo, yoba aglno buglano yu tedre, kugl mogo i neigwa. Ye hos, ya donki, ya sipsip, ya meme, ya kau yu tedre, bugla yugu swara i wagle kugl mogo i neigwa.
18Ana bugla yugu ta we, Isip yoba aglke kor Josep moglmara udre, yegl digwa, Yagl kade yo, no yubun podo yumga i, teke padiglkramga. No migeno mudu dudugo, ene no aglno buglano ama mudu inga. Taragl ta tedre, kugl mogo inamga, ta yekrukwa. No ogono nagino ya makano i keme tenamga yogwa. 19Ene kugl mogo notn, no makano king tedre, ye nigl kogonmo yoba moramga. Ta manan, no goramga. No gun, makano ama wau yenabuka. Ene kugl mogo nenamga pre norsre, ere yaramga pre ama tau noro! Yegl etn, no ta goglkrumun, makan ama wau yekrabiwe di, yegl digwa.
20Ana Isip yoba yegl digwa pre Josep makano mudu idre, ye kugl mogo togwa. Kidan podo kaima yogwa pre Isip yoba mudu yegl ere, makano king makanmo aimadi yenabedi teigwa. 21Ana Josep ye Isip yoba makano idre, kugl mogo tedre, Isip yoba mudu koglo koglo meglkwa i taun moraiglmedi edugwa. 22Ba ye makan tau ikrukwa i, ye Isip yoba godno tawa teigwa yoba meglkwa i, makano ikrukwa. Isip king ye kugl mogo yubu si togwa pre ye pra nedre, makano tekrikwa.
23Ana Josep ere mogl, Isip yoba yegl di togwa, Erme we, na ene ya ene makano mudu topo si idre, king teiga. Ene kugl mogo ere yaramne digwa i, na ene tenaglka. Tebo, ene i pi yaraiglmiwa. 24I pi yaraiglkwa ba okuo, kugl mogo koran, ene kugl mogo br bage 5-pela bogl, bage swara ta king tenaiglkwa. Te, kugl mogo br 4-pela boraiglkwa i, enene pre yenabuka. Ene tau aglke kor ere yaglsre, tau neno agroma ya gagroma bogl nenaiglmiwe di, yegl dugwa. 25Josep yegl dugo, yoba di ikne ede, yegl digwa, Yagl kade yo, ene no ake ple di notnga pre no ta goglkramga. Ene no wakai kan, ene dinere yegl no king nigl kogonmo yoba moramniwe di, yegl digwa. 26Yoba yegl digo, Josep ere mogl, yoba kugl mogo bage 5-pela edidre, bage swara ta king tenaiglme dugwa i, ka giglede aimadi yegl panabedi di paduglkwa. Yegl di paduglko, ka giglede di paduglkwa i, erme pai moglkwa. Tawa teigwa yoba makano i keme king ikrukwa pre yegl ta tekrikwa.
Josep nem ka kaima di te padigl, Ene gogln, na ene i pi dumo Kenan kobuglo mur yenagle dugwa
27Ana Israel yoba we, ye dumo Isip suna i, dumo Gosen makan idre, kipai meglkwa. Kipai moglsre, ye gagro mere kiglko, pare wai digwa. 28Te, Jekop we, ye bugla yugu 17-pela dumo Isip suna i moglkwa. Yegl pre ye bugla yugu siramna nogwa i swara ede, 147 nogwa. 29Ye bugla yugu 147 nedre, gorabuka igne magigl ugwa. Magigl ugo, ye wam Josep agle dugo, ugwa. Josep ugo, ye nem ere mogl, yegl dugwa, Ene na wakai kan, erme ogon na bikina wagle atne padiglsre, na ere wakai ere narsre, mabuno du ere narantnga i pre ka kaima di nare padratnedi prika. Na goglbo, ene dumo Isip magigl i na maugl sikratnga i pre diga. 30Na nina ya yagl awana giurere goglbo, na ogona gagna idre, dumo Isip kide kodo, ede pi ye kobuglo mur yeimara yenatniwe di, yegl dugo, Josep ye di te, Ene dinere yegl eraluwe dugwa. 31Josep yegl dugo, ye nem aglke kor ye di te, Ene ka giglede di nare padiglo! dugwa. Yegl dugo, Josep di ikne ede, Ka giglede di te padiluwe dugwa. Josep yegl dugo, ye nem kidagl Israel i, bogl mina mogl, bre magididre, God kamage ere togwa.
Currently Selected:
Oknayene Ibo 47: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Oknayene Ibo 47
47
1Ana Josep ere mogl, Isip king moglmara pi, ye yegl di togwa, Na nina ya agrama we, ye dumo Kenan kide kodidre, ede u erme dumo Gosen meglkwa. Ye sipsip ya meme kiglkwa idre, kauno kiglkwa idre, bonaganano mudu idre, ede wimiwe di, yegl dugwa. 2Josep yegl didre, ye ere mogl, agiglema 5-pela agre i ede pi king ye kanabedi king moglmara ogwa. 3-4Ogo, king ye di pre, Ene siragl kogon erikwa, meglme? dugwa. Dugo, ye di ikne ede, yegl digwa, No kowano awano erimere ere, sipsip ya ki sugl munga. No ene nigl kogonen yoba mere yegl muniwa. No okna dumo Kenan kipai munga ba dumo Kenan i ade podo dogo, no aglno buglano kugl nenaiglkwa ta paikrukwa. Ta paikrukwa pre no ege sugunagle ta moramnedi ede dumo Isip umga. Yegl pre erme we, ene pra we din, no Isip suna i, dumo Gosen we dimara moramniwe di, yegl digwa.
5Ana Josep agiglema 5-pela ka yegl di kodigo, king ere mogl, Josep yegl di togwa, Ana ene nen agiglnma erme ene motnara wigwa. 6Ene dumo Isip mudu yomara suna i, dumo wakai kaima ta yomedi kanatnara i, ene nen agiglnma kipai moraiglmedi i pi edinatnga. Ene ye dumo Gosen kipai moraiglmedi pitn, moraiglkwa. Te, ye meglmara suna tau agl bugla wakai kaima kiglkwa ta kan, ye na aglna buglana sugl moraiglmedi edinatniwe di, yegl dugwa.
7Isip king yegl di kodugo, Josep pi, ye nem kidagl ama agre i ede u king ye kanabedi king moglmara ugwa. Ugo, Jekop ye Isip king di wakai yei togwa. 8Di wakai yei togo, Isip king ye di pre, Ene bugla yugu siramna nene? dugwa. 9Yegl dugo, Jekop di ikne ede, yegl dugwa, Na bugla yugu 130 wan mogl, dumo pere pere kipaiga. Na bugla yugu mere nekre, yubun mere iga. Na nina ya yagl awana ki okna meglkwa i, ye bugla yugu mere kide wan mogl, dumo pere pere kipaimere yegl mere erekrie di, Jekop yegl dugwa. 10Jekop yegl didre, ye aglke kor Isip king di wakai yei tedre, ye moglmara kide kodidre, ede ogwa.
11Ana Josep we, ye king dumere ere, Isip suna dumo makan wakai kaima ta yogwa i, nem agiglema togo, ye kipai meglkwa. Ye kipai meglkwa i, dumo Gosen ikra suna taun Rameses okuo yenabara magigl i kipai meglkwa. 12Ki pai meglko, Josep ege ege ye nem agiglema kugl mogo yubu si togwa. Ye yoba ya gak kebra siramna meglkwa i kersre, kugl mogo nebi, kuno erabere mere yegl yubu si te moglkwa.
Dumo Isip kidan podo yogwa
13Ana kidan ikra podo kaima yogwa pre dumo magigl i, kaya mokna ta paikrukwa. Kidan podo kaima yogwa i pre dumo Isip ya dumo Kenan suo akie u kide ebrika. 14Ana dumo Isip ya dumo Kenan suna i kaya mokna ta paikrukwa pre yoba kugl mogo swara topo sidre, ne meglkwa. Ne meglko, Josep ye migeno mudu idre, i pi king yugumo edugwa. 15Yegl ere meglko, Isip yoba ya Kenan yoba migeno mudu dudugwa. Dudugo, Isip yoba mudu ere mogl, Josep moglmara udre, yegl digwa, Kugl mogo yoko noro! Ene ta norokre, yoko kan motn, no goramniwa. No migeno dudumiwe di, yegl digwa. 16Yegl digo, Josep di ikne ede, yegl dugwa, Ene migeno dudinan, ene aglno buglano wagle kugl mogo topo sinaiglkwa. Ene aglno buglano yu naribi, kugl mogo tenaluwe di, yegl dugwa. 17Josep yegl dugo, yoba aglno buglano yu tedre, kugl mogo i neigwa. Ye hos, ya donki, ya sipsip, ya meme, ya kau yu tedre, bugla yugu swara i wagle kugl mogo i neigwa.
18Ana bugla yugu ta we, Isip yoba aglke kor Josep moglmara udre, yegl digwa, Yagl kade yo, no yubun podo yumga i, teke padiglkramga. No migeno mudu dudugo, ene no aglno buglano ama mudu inga. Taragl ta tedre, kugl mogo inamga, ta yekrukwa. No ogono nagino ya makano i keme tenamga yogwa. 19Ene kugl mogo notn, no makano king tedre, ye nigl kogonmo yoba moramga. Ta manan, no goramga. No gun, makano ama wau yenabuka. Ene kugl mogo nenamga pre norsre, ere yaramga pre ama tau noro! Yegl etn, no ta goglkrumun, makan ama wau yekrabiwe di, yegl digwa.
20Ana Isip yoba yegl digwa pre Josep makano mudu idre, ye kugl mogo togwa. Kidan podo kaima yogwa pre Isip yoba mudu yegl ere, makano king makanmo aimadi yenabedi teigwa. 21Ana Josep ye Isip yoba makano idre, kugl mogo tedre, Isip yoba mudu koglo koglo meglkwa i taun moraiglmedi edugwa. 22Ba ye makan tau ikrukwa i, ye Isip yoba godno tawa teigwa yoba meglkwa i, makano ikrukwa. Isip king ye kugl mogo yubu si togwa pre ye pra nedre, makano tekrikwa.
23Ana Josep ere mogl, Isip yoba yegl di togwa, Erme we, na ene ya ene makano mudu topo si idre, king teiga. Ene kugl mogo ere yaramne digwa i, na ene tenaglka. Tebo, ene i pi yaraiglmiwa. 24I pi yaraiglkwa ba okuo, kugl mogo koran, ene kugl mogo br bage 5-pela bogl, bage swara ta king tenaiglkwa. Te, kugl mogo br 4-pela boraiglkwa i, enene pre yenabuka. Ene tau aglke kor ere yaglsre, tau neno agroma ya gagroma bogl nenaiglmiwe di, yegl dugwa. 25Josep yegl dugo, yoba di ikne ede, yegl digwa, Yagl kade yo, ene no ake ple di notnga pre no ta goglkramga. Ene no wakai kan, ene dinere yegl no king nigl kogonmo yoba moramniwe di, yegl digwa. 26Yoba yegl digo, Josep ere mogl, yoba kugl mogo bage 5-pela edidre, bage swara ta king tenaiglme dugwa i, ka giglede aimadi yegl panabedi di paduglkwa. Yegl di paduglko, ka giglede di paduglkwa i, erme pai moglkwa. Tawa teigwa yoba makano i keme king ikrukwa pre yegl ta tekrikwa.
Josep nem ka kaima di te padigl, Ene gogln, na ene i pi dumo Kenan kobuglo mur yenagle dugwa
27Ana Israel yoba we, ye dumo Isip suna i, dumo Gosen makan idre, kipai meglkwa. Kipai moglsre, ye gagro mere kiglko, pare wai digwa. 28Te, Jekop we, ye bugla yugu 17-pela dumo Isip suna i moglkwa. Yegl pre ye bugla yugu siramna nogwa i swara ede, 147 nogwa. 29Ye bugla yugu 147 nedre, gorabuka igne magigl ugwa. Magigl ugo, ye wam Josep agle dugo, ugwa. Josep ugo, ye nem ere mogl, yegl dugwa, Ene na wakai kan, erme ogon na bikina wagle atne padiglsre, na ere wakai ere narsre, mabuno du ere narantnga i pre ka kaima di nare padratnedi prika. Na goglbo, ene dumo Isip magigl i na maugl sikratnga i pre diga. 30Na nina ya yagl awana giurere goglbo, na ogona gagna idre, dumo Isip kide kodo, ede pi ye kobuglo mur yeimara yenatniwe di, yegl dugo, Josep ye di te, Ene dinere yegl eraluwe dugwa. 31Josep yegl dugo, ye nem aglke kor ye di te, Ene ka giglede di nare padiglo! dugwa. Yegl dugo, Josep di ikne ede, Ka giglede di te padiluwe dugwa. Josep yegl dugo, ye nem kidagl Israel i, bogl mina mogl, bre magididre, God kamage ere togwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission