Jems 2
2
Nono yoba mudu mabuno swara keme ere tenamga paugwa
1Agrama abarama wagle, nono Yaglno Kade Jisas Krais, kagie podo kide kaima paugwa i, ene ye pre medigl moglsre, yoba mudu mabuno swara keme ere teo. Ene yoba tau mogl mitna edimedi kandre, yoba tau mogl atne edimedi kandre, yegl ta erekrio. 2Ene makai si moraiglmara i, yoba ta kugugl gagl wakai kaima edidre, ogo ring gol mina bekigwa i ama padigl idre, ede suna unan, te, goduglme yoba ta kugugl gagl kide edenan, ye ta akie ede suna ubr, 3ene yagl ta kugugl gagl wakai kaima edugwa i kandre, ye di te, Ene u magigl, sia wakai i mina ame do didre, goduglme yoba di te, Ene yegl adigl moratno mo kaglno mina kimer yage ame do dibi, i kide panabuka. 4Ene yegl dibi, enene meglmara suna i, yoba tau ake mitna edidre, tau ake atne edidre, erikwa mere yegl panabuka. Te, ene yegl eribi, ene nomane kide idre, yoba pere jasno munedi prikwa mere yegl paugwa.
5Agrama abarama wagle, na dena muduna suna meglkwa i, ene prio! Makandigle yoba ta erme goduglme meglkwa i, God di padigl, ye pre mediglkwa i u podo kaima enabiwe dugwa. Te, God yoba kingno morabara yoba taragl wakai wakai inaiglmara i, goduglme ama inaiglmedi di paduglkwa. Te, yoba ta deno muduno God tenaiglkwa yobama i, ama inaiglmedi di padigl kodugwa. 6God ye goduglme yoba ere wakai ere tenagle dugwa ba ene pre mediglkwa yoba goduglme yoba agai goraiglmedi erikwa i, kide kaima erikwa. Yoba ta ene ere kide ere tedre, si kane sidre, ene gudu i pi kot mina edigwa i, goduglme ta erekrikwa. Mige podo ere neigwa yoba i keme yegl ere norikwa. 7Te, Krais kagie wakai kaima yogo, ye kagie ene ama togwa i, mige podo kan neigwa yoba i keme di kide yei teigwa. Yegl pre ene mige kan neigwa yoba mogl mitna edimedi kanigwa i, kuno erekrukwa.
8Ana Jisas nono kingno moglsre, ye kamo mina lo yegl ta padigl norukwa,
Ene enene wakai kanimere yegl, yoba ta magigl akie kipanaiglkwa i, ama yegl mere wakai kanio#2.8 Tawa Teigwa Yoba 19.18
dugwa. Ene lo i ka kaima duglo beglbi, ene wakai erikwa. 9Ba ene yoba tau mogl mitna edigo, tau mogl atne edigo, erumedi kanibi, ene tadaglme erikwa. Te, ene yegl eribi, God lomo paugwa i, ene lo si biglke digwa yoba meglmedi i nogugl edenabuka. 10I siragl pre yoba ta God lomo mudu duglo borabuka ba lo swara ta mina yage sinan, ye God lomo mudu si biglke dugwa mere yegl paugwa. 11God swara ere mogl, Ene yagl abu ta bogl kunogl nekrio didre, ama Ene yoba ta si goglkrio#2.11 Isip Kide Kodigwa 20.13-14 ya Lo 5.17-18 dugwa. Yegl pre ene yagl abu ta bogl kunogl nekratnga ba yoba ta si gogln, ene God lomo si biglke dinga yoba motnga.
12Ana Krais nono okuo kan yubu sinabuka igne, ye lomo, nono kane pai dinaiglmedi ake ple di norukwa lomo i mina nono kan yubu sinabuka. Yegl pre ene ka dinaiglkwa ya mabuno eraiglkwa i, lo i mina nono kan yubu sinabukra we di prio. 13Ana yoba ta erme yoba pere ta mitno goglkran, okuo God ye kan yubu sinabuka igne ye ama mirie ta goglkrabuka. I siragl pre God gumuglo mina yoba mitno geglkwa mabuno i, taragl podo pai, yoba ka tage teigwa mabuno i, egre togwa.
Yoba ta pre mediglsre, mabuno wakai ta erekran, ye pre meduglkwa i, mogo ta koglkrukwa
14Ana agrama abarama wagle, yoba ta ere mogl, Krais pre medile dinabuka ba ye mabuno wakai ta pamere yoba bogl tekran, ye pre meduglmara i, ake ple di tekrabuka. 15Ene prio. Ene agro mo abaro swara ta kugugl gagl edenabuka ta yekran, kaya mokna nenabuka ama ta yekran, 16ene ye kugugl gagl ya kaya mokna kwi ta tekre, ye ka yoko di tedre, Ene den mudun aragan eran, ede po didre, te, Ogon nagn niga dinan, kaya mokna mere no! dibi, ene yegl digwa i, ta ake ple di tekrukwa. 17Kuno yegl mere yoba ta Krais pre medrabuka ba mabuno wakai ta pamere yoba bogl tekran, ye pre meduglkwa i mogo wakai ta koglkre, de sugwa mere yegl paugwa.
18Yegl paugwa ba yoba ta ere mogl yegl dinabuka, Ta manugwa. Yoba tau pre medraiglkwa ba yoba tau ama mabuno wakai boraiglme dinabuka. Ba na yegl dinaglka, Ene pre medigl, mabuno wakai ta boglkitn, na ene pre mediglnga mem i na siragl mere kanagle? Na mabuno wakai boglbo, na pre mediglka i nogugl panan, kanaiglme dinaglka. 19Ene God swara moglmedi pre mediglnga i, wakai eriedi pitno? Pro! Murubuglo kide ama God moglmedi pre mediglsre, kudugl gogl, nagino nuglu digwa ba ye pre mediglmara mina mabuno wakai swara ta boglkrikwa. 20Ene du etn kana. Ene pre mediglnga i mabuno wakai ta boglkitn, pre mediglnga i, de sugwa mere yegl pamedi pratnga.
21Nono kowano awano Abraham erukwa i, ene pro! Abraham ye wam Aisak i pi tawa bogl mina si gogl, God tawa tenagledi erukwa ege i, God kandre, Ene mabuno etnga i, mabuno du etniwe dugwa. 22Te, ene pre pogl sinatnga. Abraham God kamo pre meduglkwa i ya te wam si goragledi erukwa i mitna kogon koglo koglo eribriko, ye pre meduglkwa i, u gigle dugwa. 23U gigle dugo, God kamo bage ta okna dugwa i, mogo koglkwa. God kamo yegl dugwa,
Abraham ye God pre meduglko, God ye pre meduglkwa i kandre, yagl du moglmedi kanumiwe#2.23 Oknayene Ibo 15.6
di, yegl dugwa. Te, Abraham erumara i mina ye God bogl si dakagl miuriwe dugwa. 24Yegl pre ene pre pogl sinatnga i, God yoba ta wakai kandre, mabunomo du pame dinabuka i, ye pre medrabara swara i mitna ta manugwa ba ye pre mediglsre, te, mabuno wakai borabara i, suo akie kogon koglo koglo eribr, kaima kuno erabuka.
25Te, konbauna abu ta kagie Rahap we digwa ikra, Israel yagl suo ye dumo Jeriko doko daka ere kanabugledi ubriko, Rahap yagl suo i, i yugugl edidre, suglno mogl, okuo konbo ta mina ede piro dugwa. Abu erumara i mina God ye mabunomo ama du pamedi kanugwa.
26Ana ka ebrie yoba kia ta ogo nagie kide kodinan, kia ta moglkrukwa pre ye ogo nagie goglkwa. Kuno yegl mere yoba ta pre medrabuka ba mabuno wakai ta boglkran, ye yoba ta goglko, ogo nagie taragl yoko yomere mere yegl, ye pre meduglkwa i goglko, u taragl yoko ogwa.
Currently Selected:
Jems 2: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Jems 2
2
Nono yoba mudu mabuno swara keme ere tenamga paugwa
1Agrama abarama wagle, nono Yaglno Kade Jisas Krais, kagie podo kide kaima paugwa i, ene ye pre medigl moglsre, yoba mudu mabuno swara keme ere teo. Ene yoba tau mogl mitna edimedi kandre, yoba tau mogl atne edimedi kandre, yegl ta erekrio. 2Ene makai si moraiglmara i, yoba ta kugugl gagl wakai kaima edidre, ogo ring gol mina bekigwa i ama padigl idre, ede suna unan, te, goduglme yoba ta kugugl gagl kide edenan, ye ta akie ede suna ubr, 3ene yagl ta kugugl gagl wakai kaima edugwa i kandre, ye di te, Ene u magigl, sia wakai i mina ame do didre, goduglme yoba di te, Ene yegl adigl moratno mo kaglno mina kimer yage ame do dibi, i kide panabuka. 4Ene yegl dibi, enene meglmara suna i, yoba tau ake mitna edidre, tau ake atne edidre, erikwa mere yegl panabuka. Te, ene yegl eribi, ene nomane kide idre, yoba pere jasno munedi prikwa mere yegl paugwa.
5Agrama abarama wagle, na dena muduna suna meglkwa i, ene prio! Makandigle yoba ta erme goduglme meglkwa i, God di padigl, ye pre mediglkwa i u podo kaima enabiwe dugwa. Te, God yoba kingno morabara yoba taragl wakai wakai inaiglmara i, goduglme ama inaiglmedi di paduglkwa. Te, yoba ta deno muduno God tenaiglkwa yobama i, ama inaiglmedi di padigl kodugwa. 6God ye goduglme yoba ere wakai ere tenagle dugwa ba ene pre mediglkwa yoba goduglme yoba agai goraiglmedi erikwa i, kide kaima erikwa. Yoba ta ene ere kide ere tedre, si kane sidre, ene gudu i pi kot mina edigwa i, goduglme ta erekrikwa. Mige podo ere neigwa yoba i keme yegl ere norikwa. 7Te, Krais kagie wakai kaima yogo, ye kagie ene ama togwa i, mige podo kan neigwa yoba i keme di kide yei teigwa. Yegl pre ene mige kan neigwa yoba mogl mitna edimedi kanigwa i, kuno erekrukwa.
8Ana Jisas nono kingno moglsre, ye kamo mina lo yegl ta padigl norukwa,
Ene enene wakai kanimere yegl, yoba ta magigl akie kipanaiglkwa i, ama yegl mere wakai kanio#2.8 Tawa Teigwa Yoba 19.18
dugwa. Ene lo i ka kaima duglo beglbi, ene wakai erikwa. 9Ba ene yoba tau mogl mitna edigo, tau mogl atne edigo, erumedi kanibi, ene tadaglme erikwa. Te, ene yegl eribi, God lomo paugwa i, ene lo si biglke digwa yoba meglmedi i nogugl edenabuka. 10I siragl pre yoba ta God lomo mudu duglo borabuka ba lo swara ta mina yage sinan, ye God lomo mudu si biglke dugwa mere yegl paugwa. 11God swara ere mogl, Ene yagl abu ta bogl kunogl nekrio didre, ama Ene yoba ta si goglkrio#2.11 Isip Kide Kodigwa 20.13-14 ya Lo 5.17-18 dugwa. Yegl pre ene yagl abu ta bogl kunogl nekratnga ba yoba ta si gogln, ene God lomo si biglke dinga yoba motnga.
12Ana Krais nono okuo kan yubu sinabuka igne, ye lomo, nono kane pai dinaiglmedi ake ple di norukwa lomo i mina nono kan yubu sinabuka. Yegl pre ene ka dinaiglkwa ya mabuno eraiglkwa i, lo i mina nono kan yubu sinabukra we di prio. 13Ana yoba ta erme yoba pere ta mitno goglkran, okuo God ye kan yubu sinabuka igne ye ama mirie ta goglkrabuka. I siragl pre God gumuglo mina yoba mitno geglkwa mabuno i, taragl podo pai, yoba ka tage teigwa mabuno i, egre togwa.
Yoba ta pre mediglsre, mabuno wakai ta erekran, ye pre meduglkwa i, mogo ta koglkrukwa
14Ana agrama abarama wagle, yoba ta ere mogl, Krais pre medile dinabuka ba ye mabuno wakai ta pamere yoba bogl tekran, ye pre meduglmara i, ake ple di tekrabuka. 15Ene prio. Ene agro mo abaro swara ta kugugl gagl edenabuka ta yekran, kaya mokna nenabuka ama ta yekran, 16ene ye kugugl gagl ya kaya mokna kwi ta tekre, ye ka yoko di tedre, Ene den mudun aragan eran, ede po didre, te, Ogon nagn niga dinan, kaya mokna mere no! dibi, ene yegl digwa i, ta ake ple di tekrukwa. 17Kuno yegl mere yoba ta Krais pre medrabuka ba mabuno wakai ta pamere yoba bogl tekran, ye pre meduglkwa i mogo wakai ta koglkre, de sugwa mere yegl paugwa.
18Yegl paugwa ba yoba ta ere mogl yegl dinabuka, Ta manugwa. Yoba tau pre medraiglkwa ba yoba tau ama mabuno wakai boraiglme dinabuka. Ba na yegl dinaglka, Ene pre medigl, mabuno wakai ta boglkitn, na ene pre mediglnga mem i na siragl mere kanagle? Na mabuno wakai boglbo, na pre mediglka i nogugl panan, kanaiglme dinaglka. 19Ene God swara moglmedi pre mediglnga i, wakai eriedi pitno? Pro! Murubuglo kide ama God moglmedi pre mediglsre, kudugl gogl, nagino nuglu digwa ba ye pre mediglmara mina mabuno wakai swara ta boglkrikwa. 20Ene du etn kana. Ene pre mediglnga i mabuno wakai ta boglkitn, pre mediglnga i, de sugwa mere yegl pamedi pratnga.
21Nono kowano awano Abraham erukwa i, ene pro! Abraham ye wam Aisak i pi tawa bogl mina si gogl, God tawa tenagledi erukwa ege i, God kandre, Ene mabuno etnga i, mabuno du etniwe dugwa. 22Te, ene pre pogl sinatnga. Abraham God kamo pre meduglkwa i ya te wam si goragledi erukwa i mitna kogon koglo koglo eribriko, ye pre meduglkwa i, u gigle dugwa. 23U gigle dugo, God kamo bage ta okna dugwa i, mogo koglkwa. God kamo yegl dugwa,
Abraham ye God pre meduglko, God ye pre meduglkwa i kandre, yagl du moglmedi kanumiwe#2.23 Oknayene Ibo 15.6
di, yegl dugwa. Te, Abraham erumara i mina ye God bogl si dakagl miuriwe dugwa. 24Yegl pre ene pre pogl sinatnga i, God yoba ta wakai kandre, mabunomo du pame dinabuka i, ye pre medrabara swara i mitna ta manugwa ba ye pre mediglsre, te, mabuno wakai borabara i, suo akie kogon koglo koglo eribr, kaima kuno erabuka.
25Te, konbauna abu ta kagie Rahap we digwa ikra, Israel yagl suo ye dumo Jeriko doko daka ere kanabugledi ubriko, Rahap yagl suo i, i yugugl edidre, suglno mogl, okuo konbo ta mina ede piro dugwa. Abu erumara i mina God ye mabunomo ama du pamedi kanugwa.
26Ana ka ebrie yoba kia ta ogo nagie kide kodinan, kia ta moglkrukwa pre ye ogo nagie goglkwa. Kuno yegl mere yoba ta pre medrabuka ba mabuno wakai ta boglkran, ye yoba ta goglko, ogo nagie taragl yoko yomere mere yegl, ye pre meduglkwa i goglko, u taragl yoko ogwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission