Jems 5
5
Yoba tau erme mige moni mere kan neigwa i, okuo topo kide inaiglkwa
1Ana ene yoba mige moni mere kan neigwa i, prio! Ene okuo yubun podo inaiglkwa pre ene kai ersre, kai giglage sinaiglkwa paugwa. 2Ene bona ganano bugl kide eran, gunage ama ene kuguglno gaglno ne kodinaiglkwa. 3Te, ene gol ya silva kan neigwa i, ouno edidre, u marasin kide mere yegl enan, marasin kide i, doga mere yegl dedre, ene ogono nagino gagl tege erabuka. Taragl yegl plau dinan, ene mabunono kide nogugl kaima panan, yoba kanaiglkwa. Taragl mudu dudunabuka ege i, ede magigl ugo, ene moni ya bona gana makai si meglkwa pre ene aglau erikwa. 4Ene prio! Ene yoba tau di tedre, no makano mina kogon ere norio digo, ye ene kogono ere tedre, kaya mokna tau si yuigwa ba ene topo tenamne digwa i tekre, ye topono ene ake meglkwa i, Yagl Kade agle di moglkwa mere yegl paugo, kogon yoba i ama agle digo, Yagl Kade prukwa pre Yagl Kade, ye amimo mere kide meglkwa i prisre, ene kide erimara i, ere te ikne edenabuka paugwa. 5Ene makandigle mogl, taragl wakai wakai idre, ame wakai kaima digwa. God ene si gorabuka ege i, ede magigl ugwa ba ene enene nomano primere ere wan meglkwa. 6Yoba tau mabunono du paugwa i, ene ye kot ere tedre, si goglsre, erikwa ba ye ene si kegl dinamnedi erekre, yubun yoko igwa. Yegl pre ene yubun podo kaima inaiglkwa paugwa.
Yubun idre, adigl gigledi moramga paugwa
7Ana agrama abarama wagle, taragl yegl mere okuo plau dinabuka pre ene yubun ta inaiglmara i, adigl gigledi molo. Ene adigl gigledi mogl ebi, Yagl Kade unabuka. Yoba kaya mokna ere yaiglkwa igne, ye kaya mokna wakai borabedi sugl meglmere mere yegl, ene ama sugl moraiglkwa paugwa. Ade de, kamun si, erabedi ye sugl mogl eigo, kaya mokna okuo boglkwa. 8Kuno yegl mere ene ama adigl gigledi mogl, Yagl Kade unabedi sugl moraiglkwa paugwa. I siragl pre ye unabuka igne i ede magigl ugwa.
9Ana agrama abarama wagle, ene meglmara suna i, enene ikne ikne ka tedre, ka kane kane dikrio! Ene ka kane kane di meglbi, God ene jasno mere mogl, ene ka tage te dinabuka pre diga. Jasno ede magigl udre, yugu dua mina adigl moglkwa mere yegl paugwa.
10Agrama abarama wagle, God kamo kep yoba okna meglkwa i, ene prio. Ye Yagl Kade dra idre, ka dimara i yoba ye ere kide ere teigo, ye yubun igwa. Ye yubun igwa ba ye adigl gigledi meglkwa. Ene ye erikwa i poglo di prisre, erimere yegl ama erio. 11Ana yoba yubun idre, adigl gigledi meglkwa yobamo i pre nono yegl dumga, God ye erikwa i, wakai kanugwa pre gun yeimiwe dumga. Te, Jop kamo i, ene prikwa. Jop yubun idre, adigl gigledi moglko, okuo Yagl Kade ye mogl pai erukwa i, u wakai kaima enabedi ere togwa. I siragl pre Yagl Kade ye ege ege nono mitno goglsre, ere wakai ere norukwa yagle moglkwa.
Ka gigledi promis ta erekramga paugwa
12Agrama abarama wagle, ene taragl podo ta eraiglkwa paugwa i, yegl paugwa, ene owo ta dinaiglkwa panan, owo dio. Te, ene mane ta dinaiglkwa panan, ene mane dio. Ba ene yoba pere ka gigledi di te padiglkrio. Ene ka gigledi dumniwedi heven kagie daglsre, dumo makan kagie daglsre, taragl pere ta ama kagie daglkrio! Na ka dikrio diga i di meglbi, God ene ka tage te dinabuka pre diga.
God yobuglomo pre medigl moglsre, kamage eramga
13Ana ene meglmara suna i, yoba ta yubun inan, ye kamage erabuka paugwa. Te, yoba ta gun yenan, ye giglage didre, God di wakai yei tenabuka paugwa. 14Te, yoba ta kide sinan, ye ene suglno yoba ta moraiglkwa i agle dinan, ye udre, kugo nuglo tau toide bre mina edidre, Yagl Kade kagie mina ye pre kamage eraiglkwa paugwa. 15Yoba ta kide sugwa i, Yagl Kade ye ere wakai ere tenabedi pre mediglsre, kamage eribi, Yagl Kade yoba ta kide sugwa i, ere wakai ere tenan, kidemo bu yenabuka. Te, yoba i tadaglme ta erukwa panan, Yagl Kade ye tadaglmemo kide kodo tenabuka. 16Yegl pre kide ene sinan, ene kideno bu yenabedi pribi, ene tadaglme erikwa i, ikne ikne di poglsre, kamage ikne ikne eraiglkwa paugwa. Yoba du ta morabuka i, kamage eran, ye kamagemo i, yobuglomo panabuka pre ye kamage erabara i, taragl podo plau dinabuka.
17Elaija okna moglkwa i, ene prio. Ye nono yoba munere mere kuno yegl moglkwa ba ye kamun si dinabedi kamage eruko, bugla yugu suota ya ba 6-pela kamun sikrukwa. 18Te, okuo ye aglke kor kamun sinabedi kamage eruko, kamun sugo, kaya mokna aglke kor boglkwa.
Agro ta konbo wakai kide kodinan, nono ye ake ple di tenamga paugwa
19Agrama abarama wagle, ene swarano ta God kamo kaima paugwa i kide kodo, ede eglke enan, ye agigle ta pi, ye auro i ede ikne unan, 20ye wakai erukwa. Ene prio. Ene agro ta tadaglme ere moran, yoba ta ye konbo kide duglo bogl moglmedi kandre, auro i ede ikne unan, ye agigle i gogl dinabedi ere yugwa. Te, ye agre ikne umara i mina ye agigle tadaglme mere kide erukwa i, God si bi di tedre, kide kodo tenabuka pre ye agre ikne umara i, wakai erukwa.
Currently Selected:
Jems 5: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Jems 5
5
Yoba tau erme mige moni mere kan neigwa i, okuo topo kide inaiglkwa
1Ana ene yoba mige moni mere kan neigwa i, prio! Ene okuo yubun podo inaiglkwa pre ene kai ersre, kai giglage sinaiglkwa paugwa. 2Ene bona ganano bugl kide eran, gunage ama ene kuguglno gaglno ne kodinaiglkwa. 3Te, ene gol ya silva kan neigwa i, ouno edidre, u marasin kide mere yegl enan, marasin kide i, doga mere yegl dedre, ene ogono nagino gagl tege erabuka. Taragl yegl plau dinan, ene mabunono kide nogugl kaima panan, yoba kanaiglkwa. Taragl mudu dudunabuka ege i, ede magigl ugo, ene moni ya bona gana makai si meglkwa pre ene aglau erikwa. 4Ene prio! Ene yoba tau di tedre, no makano mina kogon ere norio digo, ye ene kogono ere tedre, kaya mokna tau si yuigwa ba ene topo tenamne digwa i tekre, ye topono ene ake meglkwa i, Yagl Kade agle di moglkwa mere yegl paugo, kogon yoba i ama agle digo, Yagl Kade prukwa pre Yagl Kade, ye amimo mere kide meglkwa i prisre, ene kide erimara i, ere te ikne edenabuka paugwa. 5Ene makandigle mogl, taragl wakai wakai idre, ame wakai kaima digwa. God ene si gorabuka ege i, ede magigl ugwa ba ene enene nomano primere ere wan meglkwa. 6Yoba tau mabunono du paugwa i, ene ye kot ere tedre, si goglsre, erikwa ba ye ene si kegl dinamnedi erekre, yubun yoko igwa. Yegl pre ene yubun podo kaima inaiglkwa paugwa.
Yubun idre, adigl gigledi moramga paugwa
7Ana agrama abarama wagle, taragl yegl mere okuo plau dinabuka pre ene yubun ta inaiglmara i, adigl gigledi molo. Ene adigl gigledi mogl ebi, Yagl Kade unabuka. Yoba kaya mokna ere yaiglkwa igne, ye kaya mokna wakai borabedi sugl meglmere mere yegl, ene ama sugl moraiglkwa paugwa. Ade de, kamun si, erabedi ye sugl mogl eigo, kaya mokna okuo boglkwa. 8Kuno yegl mere ene ama adigl gigledi mogl, Yagl Kade unabedi sugl moraiglkwa paugwa. I siragl pre ye unabuka igne i ede magigl ugwa.
9Ana agrama abarama wagle, ene meglmara suna i, enene ikne ikne ka tedre, ka kane kane dikrio! Ene ka kane kane di meglbi, God ene jasno mere mogl, ene ka tage te dinabuka pre diga. Jasno ede magigl udre, yugu dua mina adigl moglkwa mere yegl paugwa.
10Agrama abarama wagle, God kamo kep yoba okna meglkwa i, ene prio. Ye Yagl Kade dra idre, ka dimara i yoba ye ere kide ere teigo, ye yubun igwa. Ye yubun igwa ba ye adigl gigledi meglkwa. Ene ye erikwa i poglo di prisre, erimere yegl ama erio. 11Ana yoba yubun idre, adigl gigledi meglkwa yobamo i pre nono yegl dumga, God ye erikwa i, wakai kanugwa pre gun yeimiwe dumga. Te, Jop kamo i, ene prikwa. Jop yubun idre, adigl gigledi moglko, okuo Yagl Kade ye mogl pai erukwa i, u wakai kaima enabedi ere togwa. I siragl pre Yagl Kade ye ege ege nono mitno goglsre, ere wakai ere norukwa yagle moglkwa.
Ka gigledi promis ta erekramga paugwa
12Agrama abarama wagle, ene taragl podo ta eraiglkwa paugwa i, yegl paugwa, ene owo ta dinaiglkwa panan, owo dio. Te, ene mane ta dinaiglkwa panan, ene mane dio. Ba ene yoba pere ka gigledi di te padiglkrio. Ene ka gigledi dumniwedi heven kagie daglsre, dumo makan kagie daglsre, taragl pere ta ama kagie daglkrio! Na ka dikrio diga i di meglbi, God ene ka tage te dinabuka pre diga.
God yobuglomo pre medigl moglsre, kamage eramga
13Ana ene meglmara suna i, yoba ta yubun inan, ye kamage erabuka paugwa. Te, yoba ta gun yenan, ye giglage didre, God di wakai yei tenabuka paugwa. 14Te, yoba ta kide sinan, ye ene suglno yoba ta moraiglkwa i agle dinan, ye udre, kugo nuglo tau toide bre mina edidre, Yagl Kade kagie mina ye pre kamage eraiglkwa paugwa. 15Yoba ta kide sugwa i, Yagl Kade ye ere wakai ere tenabedi pre mediglsre, kamage eribi, Yagl Kade yoba ta kide sugwa i, ere wakai ere tenan, kidemo bu yenabuka. Te, yoba i tadaglme ta erukwa panan, Yagl Kade ye tadaglmemo kide kodo tenabuka. 16Yegl pre kide ene sinan, ene kideno bu yenabedi pribi, ene tadaglme erikwa i, ikne ikne di poglsre, kamage ikne ikne eraiglkwa paugwa. Yoba du ta morabuka i, kamage eran, ye kamagemo i, yobuglomo panabuka pre ye kamage erabara i, taragl podo plau dinabuka.
17Elaija okna moglkwa i, ene prio. Ye nono yoba munere mere kuno yegl moglkwa ba ye kamun si dinabedi kamage eruko, bugla yugu suota ya ba 6-pela kamun sikrukwa. 18Te, okuo ye aglke kor kamun sinabedi kamage eruko, kamun sugo, kaya mokna aglke kor boglkwa.
Agro ta konbo wakai kide kodinan, nono ye ake ple di tenamga paugwa
19Agrama abarama wagle, ene swarano ta God kamo kaima paugwa i kide kodo, ede eglke enan, ye agigle ta pi, ye auro i ede ikne unan, 20ye wakai erukwa. Ene prio. Ene agro ta tadaglme ere moran, yoba ta ye konbo kide duglo bogl moglmedi kandre, auro i ede ikne unan, ye agigle i gogl dinabedi ere yugwa. Te, ye agre ikne umara i mina ye agigle tadaglme mere kide erukwa i, God si bi di tedre, kide kodo tenabuka pre ye agre ikne umara i, wakai erukwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission