Yagl Kade Wagle 2
2
Josua goglkwa
6 Ana Josua ere mogl, Israel yoba Ede pio! dugo, yugobuno swara swarade ede pi ye makano yubu si tomara inamnedi eigwa. 7Ye pi, makano idre, Josua kor mogl pai moglkwa igne ye Yawe kagie kade teigwa. Te, Josua goglko, yagl kade tau yene gumuglno wagle Yawe taragl podo Israel ere togo, kanigwa i, kor mogl pai meglkwa igne, ye ama Yawe kagie kade teigwa. 8Ana Nun wam Josua we, ye Yawe nigl kogonmo yagl moglkwa. Ye bugla yugu 110 nedre, goglkwa. 9Goglko, ye dumo Timnat Sera we dimara maugl sigwa. Dumo Timnat Sera i, Josua yene makanmo yogwa. Makan i, Efraim yoba makano muglo paimara suna yedre, muglo meglbi Gas we dimara i nigl bre kra yogwa. 10Josua goglko, ye maugl sigo, yoba ye akie mogl, ere wigwa i ama ere mogl, gogl kodigwa. Gogl kodigo, yugobuno okuo meglkwa we, ye Yawe pre kan erekre, ye taragl podo Israel yoba okna ere togwa i, ama pre kan erekrikwa.
Israel yoba Yawe mokono teigwa
11-13Ana Israel yoba ere mogl, Yawe gumuglo wagle mabuno kide erikwa. Yawe ye neno mano Godno moglsre, Israel yoba dumo Isip kide kodinaiglmedi agre i ede meda ugwa ba ye Yawe mokono tedre, yoba pere magigl akie kipaigwa, god kibi kane kane bekigwa i, ye goglkono bodugl tedre, kagno kade teigwa. Ye god kibi kagno Bal ya Astarot we digwa i, kagno kade teigwa pre Yawe dem kubrukwa. 14Ye dem podo kubro Israel yoba tedre, kunogl yoba ye taraglno kunogl inaiglmedi kanige ersre, kuda ikne ye yobuglo ere tenaiglmedi erukwa. Eruko, Israel yoba ye kuda ikne kuda bogl tedre, yobuglo erekrikwa. 15Ye kuda boramnedi eigwa igne, Yawe ege ege ye okna ka giglede di paduglmere ere, ye kuda ikne yobuglo eraiglmedi erukwa. Eruko, Israel yoba mogl pai erikwa i, u kide kaima ogwa.
16Ana Israel yoba mogl pai erikwa i, u kide kaima ogo, Yawe yagl kade tau ye ake ple dinaiglmedi kere yugo, ye kunogl yoba ya kuda ikne kubun ere tedre, ye Israel yoba ere igwa. 17Yegl erikwa ba Israel yoba yagl kade i kano prikre, Yawe mokono tedre, god kibi goglkono bodugl tedre, kamage ere teigwa. Ye kowano awano Yawe ka giglede di togwa duglo beglkwa mabuno i tabre kide kodidre, mabuno kide beglkwa. 18Ana Yawe yagl kade swara swarade kere idre, yagl kade i kor meglkwa igne, ye yagl kade i ake ple di tedre, Israel yoba kudano ikne kubun ere te, ye ere yugwa. Kudano ikne ye yubun podo tedre, mabuno kide ere teigo, Israel yoba kide pre, gign akin digwa i, Yawe prukwa pre ye mitno goglsre, yegl erukwa. 19Yegl erukwa ba yagl kade i swara swarade geglkwa igne, Israel yoba aglke kor mabuno kide boglsre, god kibi duglo bogl, goglkono bodugl tedre, kagno kade teigwa. Ye neno mano mabuno kide beglkwa i, egre atne ede, mabuno kide kaima beglkwa. Te, ye mabunono kide i kide kodokramnedi nomano kobuglo mere gigle dugwa.
Currently Selected:
Yagl Kade Wagle 2: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Yagl Kade Wagle 2
2
Josua goglkwa
6 Ana Josua ere mogl, Israel yoba Ede pio! dugo, yugobuno swara swarade ede pi ye makano yubu si tomara inamnedi eigwa. 7Ye pi, makano idre, Josua kor mogl pai moglkwa igne ye Yawe kagie kade teigwa. Te, Josua goglko, yagl kade tau yene gumuglno wagle Yawe taragl podo Israel ere togo, kanigwa i, kor mogl pai meglkwa igne, ye ama Yawe kagie kade teigwa. 8Ana Nun wam Josua we, ye Yawe nigl kogonmo yagl moglkwa. Ye bugla yugu 110 nedre, goglkwa. 9Goglko, ye dumo Timnat Sera we dimara maugl sigwa. Dumo Timnat Sera i, Josua yene makanmo yogwa. Makan i, Efraim yoba makano muglo paimara suna yedre, muglo meglbi Gas we dimara i nigl bre kra yogwa. 10Josua goglko, ye maugl sigo, yoba ye akie mogl, ere wigwa i ama ere mogl, gogl kodigwa. Gogl kodigo, yugobuno okuo meglkwa we, ye Yawe pre kan erekre, ye taragl podo Israel yoba okna ere togwa i, ama pre kan erekrikwa.
Israel yoba Yawe mokono teigwa
11-13Ana Israel yoba ere mogl, Yawe gumuglo wagle mabuno kide erikwa. Yawe ye neno mano Godno moglsre, Israel yoba dumo Isip kide kodinaiglmedi agre i ede meda ugwa ba ye Yawe mokono tedre, yoba pere magigl akie kipaigwa, god kibi kane kane bekigwa i, ye goglkono bodugl tedre, kagno kade teigwa. Ye god kibi kagno Bal ya Astarot we digwa i, kagno kade teigwa pre Yawe dem kubrukwa. 14Ye dem podo kubro Israel yoba tedre, kunogl yoba ye taraglno kunogl inaiglmedi kanige ersre, kuda ikne ye yobuglo ere tenaiglmedi erukwa. Eruko, Israel yoba ye kuda ikne kuda bogl tedre, yobuglo erekrikwa. 15Ye kuda boramnedi eigwa igne, Yawe ege ege ye okna ka giglede di paduglmere ere, ye kuda ikne yobuglo eraiglmedi erukwa. Eruko, Israel yoba mogl pai erikwa i, u kide kaima ogwa.
16Ana Israel yoba mogl pai erikwa i, u kide kaima ogo, Yawe yagl kade tau ye ake ple dinaiglmedi kere yugo, ye kunogl yoba ya kuda ikne kubun ere tedre, ye Israel yoba ere igwa. 17Yegl erikwa ba Israel yoba yagl kade i kano prikre, Yawe mokono tedre, god kibi goglkono bodugl tedre, kamage ere teigwa. Ye kowano awano Yawe ka giglede di togwa duglo beglkwa mabuno i tabre kide kodidre, mabuno kide beglkwa. 18Ana Yawe yagl kade swara swarade kere idre, yagl kade i kor meglkwa igne, ye yagl kade i ake ple di tedre, Israel yoba kudano ikne kubun ere te, ye ere yugwa. Kudano ikne ye yubun podo tedre, mabuno kide ere teigo, Israel yoba kide pre, gign akin digwa i, Yawe prukwa pre ye mitno goglsre, yegl erukwa. 19Yegl erukwa ba yagl kade i swara swarade geglkwa igne, Israel yoba aglke kor mabuno kide boglsre, god kibi duglo bogl, goglkono bodugl tedre, kagno kade teigwa. Ye neno mano mabuno kide beglkwa i, egre atne ede, mabuno kide kaima beglkwa. Te, ye mabunono kide i kide kodokramnedi nomano kobuglo mere gigle dugwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission