Jona 1
1
God ere mogl, Jona ede pi Ninive yoba meglmara pidre, ye kamo di tenabedi dedugwa
1 Yagl ta moglkwa kagie Jona we digwa. Te, Jona nem kagie Amitai we digwa. Ana aglke ta Yawe ere mogl, Jona di te, yegl dugwa, 2Yoba taun kade Ninive we dimara meglkwa we, ye mabuno kide kaima beglko, kaniga. Yegl pre ene ede pi dumo Ninive i pidre, Ninive yoba ka inaiglkwa i, ye di tenatniwe di, yegl dugwa. 3Yawe yegl dugwa ba Jona ere mogl, Yawe moglmara kide kodinagledi teke ede pi dumo Tarsis we dimara i, enagledi prukwa. Yegl prisre, ye dumo kebra ta Jopa we dimara, mudi nigl bina yogwa i pidre, sip ta ede Tarsis enabuka doko kandre, topo tedre, Yawe moglmara kide kodo, sip i mina teke ede enagledi ede sip bolamugl pi moglkwa.
4Ana Jona yegl ere, sip i mina ede ogwa ba Yawe ere mogl, ir waga podo ta dedugo, ugwa. Ir waga podo ugo, mudi nigl si pepigl di, si tobuno yake togo, sip buko dinagledi erukwa. 5Yegl eruko, yagl sip wagle kogon erikwa i, ye kudugl podo goglsre, ye swara swarade god pere pere kamage ere teigwa i, ye no ere inaiglmedi agle di prisre, sip yubun dekrabedi bonagana pia si nigle edigwa. Yegl erikwa ba Jona we, ye sip yugugl mogl, ugl du paugwa. 6Ugl du paugwa pre sip sugl moglkwa yagl i ye moglmara udre, uglo yokidre, ye ka te, yegl dugwa, Siragl eruko, ene ugl pane? Ene ugl paikre, godnen agle di pro! Ye nono mitno ta goran, nono ta goglkramniwe di, yegl dugwa.
7Ana yagl sip mina kogon erikwa i we, yene di iboria ede, yegl digwa, Nono yoba ira aglau eruko, ir waga podo ugwa i doko kanamga pre kobuglo pere pere mak si yedre, swara ta gudu i meda ede kanamga. Yoba ta kobuglomo kanamga i, aglau erumedi pramniwe di, yegl digwa. Yegl didre, ye dimere yegl ersre, Jona kobuglomo kanigwa. 8Ye Jona kobuglomo kandre, Jona yegl di prikwa, No yubun podo yumga i, ira aglau erume? digwa. Ene kogon siragl mere ere motnga ya te, dumo aglo nem motnga ya te, siragl yugobuno mina motnga i, di noro! di, yegl digwa.
9Ana yagl sip mina kogon erikwa i yegl digo, Jona di ikne ede, yegl dugwa, Na Hibru yagl moglsre, Yawe kuduglmo goglsre, kamage ere teiga. Yawe ye God heven ibo moglsre, mudi nigl ya dumo makan ere yome dugwa. 10Ye yegl didre, ka ta ama yegl dugwa, Na Yawe moglmara kide kodinagledi teke ede wiwe di, yegl dugwa. Yegl dugo, ye kudugl podo goglsre, Jona di pre, Ene siragl pre etne? di, yegl digwa.
11Ana mudi nigl we, si pepigl di, si tobuno yake te, podo kaima eruko, yagl sip mina kogon erikwa i ere mogl, Jona yegl di prikwa, No ene siragl ere tomun, mudi nigl konade morabe? digwa. 12Yegl digo, Jona di ikne ede, yegl dugwa, Nono yubun podo erme yumga i, na mabuno moledi prika. Yegl pre ene na pia si mudi nigl atne edibi, mudi nigl aglke kor konade morabiwe dugwa.
13Ana Jona yegl dugwa ba yagl i ye dumere erekre, yobuglo ere, ede mudi nigl bina enamnedi buglo aware mina nigl aware si ida edigo, manugwa. Mudi nigl podo kide kaima si pepigl di, si tobuno yake togwa pre kuno erekrukwa. 14Kuno erekruko, ye Yawe agle di, yegl digwa, Yawe yo, no yagl i pia si nigl atne edemun, ene ere kide ere ikne ede noragledi no si goglkro! Yoba swara ta aglau erekruko, yoba ta ere mogl, ye si goglko, ene ka tage tenere yegl ta ere norokratniwa. Enene pitnere ere edingo, taragl i plau dugwa pre dumniwe di, yegl digwa. 15Yegl didre, ye Jona boglo ere, pia si nigl atne edigo, ir waga dudugo, mudi nigl konade moglkwa. 16Yegl eruko, yagl sip mina kogon erikwa i, Yawe kuduglmo podo goglsre, tawa tedre, ye taragl tau ama Yawe tenamnedi ka gigledi di teigwa.
17Ana ye Jona pia si nigl atne edigo, ye ede atne ogo, Yawe buglo bagle podo ta dedugo, buglo bagle i u Jona pemgo edugwa. Pemgo edugo, Jona ege suota etne ya eduer buglo bagle dane wagle pai moglkwa.
Currently Selected:
Jona 1: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Jona 1
1
God ere mogl, Jona ede pi Ninive yoba meglmara pidre, ye kamo di tenabedi dedugwa
1 Yagl ta moglkwa kagie Jona we digwa. Te, Jona nem kagie Amitai we digwa. Ana aglke ta Yawe ere mogl, Jona di te, yegl dugwa, 2Yoba taun kade Ninive we dimara meglkwa we, ye mabuno kide kaima beglko, kaniga. Yegl pre ene ede pi dumo Ninive i pidre, Ninive yoba ka inaiglkwa i, ye di tenatniwe di, yegl dugwa. 3Yawe yegl dugwa ba Jona ere mogl, Yawe moglmara kide kodinagledi teke ede pi dumo Tarsis we dimara i, enagledi prukwa. Yegl prisre, ye dumo kebra ta Jopa we dimara, mudi nigl bina yogwa i pidre, sip ta ede Tarsis enabuka doko kandre, topo tedre, Yawe moglmara kide kodo, sip i mina teke ede enagledi ede sip bolamugl pi moglkwa.
4Ana Jona yegl ere, sip i mina ede ogwa ba Yawe ere mogl, ir waga podo ta dedugo, ugwa. Ir waga podo ugo, mudi nigl si pepigl di, si tobuno yake togo, sip buko dinagledi erukwa. 5Yegl eruko, yagl sip wagle kogon erikwa i, ye kudugl podo goglsre, ye swara swarade god pere pere kamage ere teigwa i, ye no ere inaiglmedi agle di prisre, sip yubun dekrabedi bonagana pia si nigle edigwa. Yegl erikwa ba Jona we, ye sip yugugl mogl, ugl du paugwa. 6Ugl du paugwa pre sip sugl moglkwa yagl i ye moglmara udre, uglo yokidre, ye ka te, yegl dugwa, Siragl eruko, ene ugl pane? Ene ugl paikre, godnen agle di pro! Ye nono mitno ta goran, nono ta goglkramniwe di, yegl dugwa.
7Ana yagl sip mina kogon erikwa i we, yene di iboria ede, yegl digwa, Nono yoba ira aglau eruko, ir waga podo ugwa i doko kanamga pre kobuglo pere pere mak si yedre, swara ta gudu i meda ede kanamga. Yoba ta kobuglomo kanamga i, aglau erumedi pramniwe di, yegl digwa. Yegl didre, ye dimere yegl ersre, Jona kobuglomo kanigwa. 8Ye Jona kobuglomo kandre, Jona yegl di prikwa, No yubun podo yumga i, ira aglau erume? digwa. Ene kogon siragl mere ere motnga ya te, dumo aglo nem motnga ya te, siragl yugobuno mina motnga i, di noro! di, yegl digwa.
9Ana yagl sip mina kogon erikwa i yegl digo, Jona di ikne ede, yegl dugwa, Na Hibru yagl moglsre, Yawe kuduglmo goglsre, kamage ere teiga. Yawe ye God heven ibo moglsre, mudi nigl ya dumo makan ere yome dugwa. 10Ye yegl didre, ka ta ama yegl dugwa, Na Yawe moglmara kide kodinagledi teke ede wiwe di, yegl dugwa. Yegl dugo, ye kudugl podo goglsre, Jona di pre, Ene siragl pre etne? di, yegl digwa.
11Ana mudi nigl we, si pepigl di, si tobuno yake te, podo kaima eruko, yagl sip mina kogon erikwa i ere mogl, Jona yegl di prikwa, No ene siragl ere tomun, mudi nigl konade morabe? digwa. 12Yegl digo, Jona di ikne ede, yegl dugwa, Nono yubun podo erme yumga i, na mabuno moledi prika. Yegl pre ene na pia si mudi nigl atne edibi, mudi nigl aglke kor konade morabiwe dugwa.
13Ana Jona yegl dugwa ba yagl i ye dumere erekre, yobuglo ere, ede mudi nigl bina enamnedi buglo aware mina nigl aware si ida edigo, manugwa. Mudi nigl podo kide kaima si pepigl di, si tobuno yake togwa pre kuno erekrukwa. 14Kuno erekruko, ye Yawe agle di, yegl digwa, Yawe yo, no yagl i pia si nigl atne edemun, ene ere kide ere ikne ede noragledi no si goglkro! Yoba swara ta aglau erekruko, yoba ta ere mogl, ye si goglko, ene ka tage tenere yegl ta ere norokratniwa. Enene pitnere ere edingo, taragl i plau dugwa pre dumniwe di, yegl digwa. 15Yegl didre, ye Jona boglo ere, pia si nigl atne edigo, ir waga dudugo, mudi nigl konade moglkwa. 16Yegl eruko, yagl sip mina kogon erikwa i, Yawe kuduglmo podo goglsre, tawa tedre, ye taragl tau ama Yawe tenamnedi ka gigledi di teigwa.
17Ana ye Jona pia si nigl atne edigo, ye ede atne ogo, Yawe buglo bagle podo ta dedugo, buglo bagle i u Jona pemgo edugwa. Pemgo edugo, Jona ege suota etne ya eduer buglo bagle dane wagle pai moglkwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission