Matyu 10
10
Jisas ye duglo beglkwa yagl 12-pela yobuglo togwa
(Mak 3.13-19, Luk 6.12-16)
1 Ana Jisas ye duglo beglkwa yagl 12-pela agle dugo, wigo, ye yobuglo ya namba togwa. Togwa i, ye murubuglo kide di meda edidre, te, giugl, yubun ya kide kane kane yoba sinaiglkwa i, ere wakai ere tenaiglmedi yobuglo togwa.
2Jisas dedugwa yagl 12-pela meglmara i, kagno yegl paugwa, komono kana Saimon moglkwa. Ye kagie ta Pita we digwa. Te, Andru, ye agigle moglkwa. Te, Jems ya Jon, ye agigle agigle moglsre, ye Sebedi wam suo miurka. 3Te, tau meglkwa i, Filip ya Bartolomyu ya Tomas ya Matyu, ye taks yugwa yagl moglkwa. Te, Jems ta, ye Alfius wam moglkwa ya Tadius 4ya Saimon, ye Selot yoba ta moglkwa#10.4 Selot yoba i, ye pati mere yegl ta meglkwa ba ye Rom yoba kuda bogl tedre, Israel yoba mogl pere edinamnedi prikwa yoba meglkwa. Saimon ye okna yugobuno i mina suna moglsre, erme Jisas duglo boglkwa yagl ta moglkwa. te, Judas Iskariot, ye okuo Jisas i pi kudamo ikne ogono mina yenabuka.
Jisas ye duglo beglkwa yagl 12-pela di bage bage edugwa
(Mak 6.7-13, Luk 9.1-5)
5Ana Jisas ye yagl 12-pela i dedidre, ka tau yegl di togwa, Ene ede enaiglkwa i, Jentail yoba meglmara pikrio. Te, Samaria yoba dumono ta suna pikraiglkwa. 6Ba Israel yoba tau sipsip wau beglkwa mere yegl meglkwa i keme meglmara pio. 7Ene pidre, ye yegl di tenaiglkwa, God yoba kingno mogl, suglno morabuka i, ede magigl u kodumiwe di teo. 8Ene yoba ta kide leprosi panabuka ya kide kane kane sinaiglkwa i, ere wakai ere tedre, yoba ta goraiglkwa i, ere i kor edidre, murubuglo kide yoba meglmara suna moraiglkwa i, di meda ede teo. Ene yoko yobuglo bogl teiga pre ene yoba yoko ake ple di teo dugwa.
9Ene konbauna wan enaiglmara i, ene taragl ta idre, pikraiglkwa. Ene mige gol mo, silva mo, mige gogl ta girsre, pikraiglkwa. 10Te, ene ama hanbek ki ikre, gagl suna suo ikre, muglbo ikre, kaglno towo tau ama akidre, pikrio. I siragl pre ene kogon eraiglmara i, yoba ene topo tedre, kaya mokna tenaiglkwa i, kuno erumiwe dugwa.
11Ana ene siti swara mo dumo swara ta ede suna enaiglmara i, ene dumo suna i, yugu nem yagl du ta morabuka i dokidre, ye kipamara swara i pai mogl, okuo dumo i kide kodo ede bage kor ta enaiglkwa. 12Te, ene ede yugu ta panaiglmara yugugl ebi, ene komono kana yoba wakai di teo. 13Ye ene di ibi, ye ama deno muduno wida dinabedi di teo. Ba ene di ikribi, ye deno muduno wida dinabedi di tekrio.
14Ana ene dumo swara ta ebi, yoba ene kano prikre, ta di ikribi, ene yuguno mo dumono i kide kodio. Te, ede enaiglkwa igne, kaglno kugane tama bagl ede, ede meda pio. 15Na ene kaima di teiga, Yoba i ene kano sedigwa pre God yoba ka tage tenabuka igne, Sodom ya Gomora yoba ka tage tenabuka i, kebra dagl tenabuka ba yoba i, ka podo tage tenabiwe di, Jisas yegl dugwa.
Jisas yubun tau okuo plau dinabuka pre dugwa
(Mak 13.9-13, Luk 21.12-17)
16Jisas yegl didre, ama yegl dugwa, Ene prio. Na ene dediga i, sipsip mere yegl moglsre, ede agl are meglmara suna enaiglkwa mere yegl paugwa. Yegl pre toki kan kun ere wan meglmere yegl, ene kan kun ere wan moglsre, te ama kua yumugl taragl swara ta ere sikrimere yegl, ene yoba ere sikre, ere kide ere tekraiglkwa paugwa.
17Te, ene yoba pre kan kun erio. Ye ene si kane sidre, kot ere tedre, ka mabuno yuguno yenabara ene duglnai sinaiglkwa. 18-19Yegl ersre, ene na duglo beglmedi ene gudu i pi king ya gavana moraiglmara edenaiglkwa. Edibi, na kana yoba kade wagle ya yugobuno pere pere ta moraiglkwa i, ama di tenaiglkwa. Ene di tenaiglkwa i, ene ka siragl mere didre, mem siragl mere dinaiglkwa i, pre yubun dekrio. I siragl pre ege i ene ka siragl mere dinaiglkwa i, beke tenaglka. 20Beke tebo, dinaiglkwa igne, ene digwa mere yegl ta paikrabuka ba Neno Kade Murubuglomo ene drano mina ka dugwa mere yegl panabiwe dugwa.
21Ana yegl panan, yoba yene agroma i pi kot wagle edibi, ye si goraiglkwa. Te, yoba gagroma ere mogl, yene neno mano kano sedidre, i pi kot wagle edibi, yoba ye si goraiglkwa. 22Te, ene na duglo beglmedi yoba mudu ene kide kanaiglkwa. Ba yoba ta ibun idre, adigl gigledi moraiglkwa i, ege kide i dudunabuka igne, God ye ere inabuka.
23Yoba dumo swara ta ene ere sinamnedi eraiglmara i, ene dumo i kide kodo, teke ede dumo ta pio. Yegl pre na ene kaima di teiga, ene Israel yoba dumono mudu ta pi kana beke te kodokribi, dumo tau yoko yenan, na Yoba Wam moglka i, ikne unaluwe dugwa.
24Skul gak ye tisamo egre atne edekraiglkwa. Te, yoba boi paigwa i, ye yaglno kade ta egre atne edekraiglkwa. 25Ba ye suo akie tisano ya yaglno kade ibun inaiglmere i, no ama beke inamga kuno erumedi praiglkwa. Yegl pre na yubun imere yegl, ene ama inaiglkwa paugwa. Na yugu nem mere yegl moglka i, yoba na Belsebul motne digwa pre ene na yobanama meglkwa i, ka kide kaima ene di tenaiglkwa pamiwe di, Jisas yegl dugwa.
Jisas ye duglo beglkwa yagl di te, God swara kuduglmo golo dugwa
(Luk 12.2-7)
26Ba ene yegl mere ere kide ere tenaiglkwa i, ye kuduglno goglkrio. I siragl pre ege ta unan, taragl kane kane ta atne teke yogwa i, mudu u nogugl enan, yoba pre pogl sinaiglkwa. 27Na erme ka tau mim erumara ene di teiga i, okuo ermine yoba di tenaiglkwa. Te, na ka nunu di teiga i, ene yugu idaugle moglsre, yoba di nogugl ede teo.
28Yoba ene ogono nagino keme si goraiglkwa i pre kuduglno goglkraiglkwa. Ye ogono nagino mina si goraiglkwa ba kiano ta ere kide erekraiglkwa. Yoba kuduglno goglkre, God swara kuduglmo goraiglkwa. Ye yoba ogono nagino si goglsre, kiano akie pia si doga kade mina edenabuka yagl moglkwa.
29 Jisas yegl didre, ama yegl dugwa, Yoba kua idada suo maket ere, mige gogl swara we digwa ba kua kebra yegl mere yage makandigle sigwa i, God pre kan eruko, keme yage sigwa. 30-31God kua kebra yegl mere sugl wakai moglkwa pre ene meglkwa i, taragl kade mungo, God no bitno yugo swara swarade wakai ere, kere kan kodumedi prisre, yoba swara ta kuduglmo goglkraiglmiwe dugwa.
Yoba Jisas agaimo goglkre, ye swara wakai kaima kanaiglkwa paugwa
(Luk 12.8-9)
32Ana Jisas yegl didre, ka ta ama yegl dugwa, Yoba ta ere mogl, yoba gumuglno mina Na Jisas duglo boluwe dinabuka i, na Nina heven ibo moglkwa i, moglmara di nogugl edidre, Yoba i na duglo boglkwa yoba ta moglmiwe dinaglka. 33Ba yoba ta yoba gumuglnomugl Na Jisas duglo boglkrie dinabuka i, na Nina heven ibo moglkwa i, moglmara ama di nogugl edidre, Yoba i na duglo boglkwa yoba ta moglkrume dinaluwe dugwa.
Na yoba si buno dinagledi wiga
(Luk 12.51-53, 14.26-27)
34Na makadigle wiga i, ene kuda bu yenabedi pre umedi prikrio. Na kuda bu yenabedi ukrika ba bainet ta yuiga mere yegl paugwa. 35I siragl pre na wiga i, yoba si buno di, ere pere pere edibo, wano ye nenoma kudano ikne meglbi, te, abro ye manoma kudano ikne meglbi, te, abu ye ebianoma kudano ikne moraiglkwa. 36Te, yoba bormai swara meglkwa i ye kudano ikne ikne kaima moraiglmiwe#10.36 Maika 7.6 dugwa.
37Yoba ta ye nem mam dem muduo podo tedre, na dem muduo kuri keme naran, ye na duglo boglkwa yoba ta moglkrabuka. Mo, yoba ta ye wam mo abuglo dem muduo podo tedre, na dem muduo kuri keme naran, ye na duglo boglkwa yoba morabuka i, ama kuno ta erekrabuka. 38Te, yoba ta na pre gorakiure, ye ede prak ta tebi, kakekragledi mane di pran, ye ama na duglo boglkwa yoba ta moglkrabiwe dugwa. 39Yoba ta na pre gorabuka i pra we dinan, ye kor kaima morabuka. Ba yoba erme keme kor mogl, wakai moragledi pran, ye u kide enabiwe dugwa.
Yoba ta Jisas kogonmo yoba ake ple dinaiglkwa i, topo wakai inaiglkwa
(Mak 9.41)
40Jisas yegl didre, ama yegl dugwa, Yoba ta ene di inan, ye na di idre, Nina na dedugwa i, ama di yugwa. 41Ka kep yoba ta ene meglmara udre, ka kep ere dinabuka pre ene di idre, ake ple di ten, ka kep yoba i, topo inabere mere ene ama inatnga. Te, yoba du ta ene meglmara udre, mabuno du erabara i ene di idre, ake ple di ten, ye topomo inabere mere ene ama kuno ere topo inatnga. 42Te, na duglo boglkwa yoba yoko kaima ta morabuka ba na duglo boglkwa pre ene nigl kor kap swara ta kogl tebi, na ene kaima di teiga, ene topono ta wau boglkrabuka. Topo inaiglmiwe di, Jisas yegl dugwa.
Currently Selected:
Matyu 10: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Matyu 10
10
Jisas ye duglo beglkwa yagl 12-pela yobuglo togwa
(Mak 3.13-19, Luk 6.12-16)
1 Ana Jisas ye duglo beglkwa yagl 12-pela agle dugo, wigo, ye yobuglo ya namba togwa. Togwa i, ye murubuglo kide di meda edidre, te, giugl, yubun ya kide kane kane yoba sinaiglkwa i, ere wakai ere tenaiglmedi yobuglo togwa.
2Jisas dedugwa yagl 12-pela meglmara i, kagno yegl paugwa, komono kana Saimon moglkwa. Ye kagie ta Pita we digwa. Te, Andru, ye agigle moglkwa. Te, Jems ya Jon, ye agigle agigle moglsre, ye Sebedi wam suo miurka. 3Te, tau meglkwa i, Filip ya Bartolomyu ya Tomas ya Matyu, ye taks yugwa yagl moglkwa. Te, Jems ta, ye Alfius wam moglkwa ya Tadius 4ya Saimon, ye Selot yoba ta moglkwa#10.4 Selot yoba i, ye pati mere yegl ta meglkwa ba ye Rom yoba kuda bogl tedre, Israel yoba mogl pere edinamnedi prikwa yoba meglkwa. Saimon ye okna yugobuno i mina suna moglsre, erme Jisas duglo boglkwa yagl ta moglkwa. te, Judas Iskariot, ye okuo Jisas i pi kudamo ikne ogono mina yenabuka.
Jisas ye duglo beglkwa yagl 12-pela di bage bage edugwa
(Mak 6.7-13, Luk 9.1-5)
5Ana Jisas ye yagl 12-pela i dedidre, ka tau yegl di togwa, Ene ede enaiglkwa i, Jentail yoba meglmara pikrio. Te, Samaria yoba dumono ta suna pikraiglkwa. 6Ba Israel yoba tau sipsip wau beglkwa mere yegl meglkwa i keme meglmara pio. 7Ene pidre, ye yegl di tenaiglkwa, God yoba kingno mogl, suglno morabuka i, ede magigl u kodumiwe di teo. 8Ene yoba ta kide leprosi panabuka ya kide kane kane sinaiglkwa i, ere wakai ere tedre, yoba ta goraiglkwa i, ere i kor edidre, murubuglo kide yoba meglmara suna moraiglkwa i, di meda ede teo. Ene yoko yobuglo bogl teiga pre ene yoba yoko ake ple di teo dugwa.
9Ene konbauna wan enaiglmara i, ene taragl ta idre, pikraiglkwa. Ene mige gol mo, silva mo, mige gogl ta girsre, pikraiglkwa. 10Te, ene ama hanbek ki ikre, gagl suna suo ikre, muglbo ikre, kaglno towo tau ama akidre, pikrio. I siragl pre ene kogon eraiglmara i, yoba ene topo tedre, kaya mokna tenaiglkwa i, kuno erumiwe dugwa.
11Ana ene siti swara mo dumo swara ta ede suna enaiglmara i, ene dumo suna i, yugu nem yagl du ta morabuka i dokidre, ye kipamara swara i pai mogl, okuo dumo i kide kodo ede bage kor ta enaiglkwa. 12Te, ene ede yugu ta panaiglmara yugugl ebi, ene komono kana yoba wakai di teo. 13Ye ene di ibi, ye ama deno muduno wida dinabedi di teo. Ba ene di ikribi, ye deno muduno wida dinabedi di tekrio.
14Ana ene dumo swara ta ebi, yoba ene kano prikre, ta di ikribi, ene yuguno mo dumono i kide kodio. Te, ede enaiglkwa igne, kaglno kugane tama bagl ede, ede meda pio. 15Na ene kaima di teiga, Yoba i ene kano sedigwa pre God yoba ka tage tenabuka igne, Sodom ya Gomora yoba ka tage tenabuka i, kebra dagl tenabuka ba yoba i, ka podo tage tenabiwe di, Jisas yegl dugwa.
Jisas yubun tau okuo plau dinabuka pre dugwa
(Mak 13.9-13, Luk 21.12-17)
16Jisas yegl didre, ama yegl dugwa, Ene prio. Na ene dediga i, sipsip mere yegl moglsre, ede agl are meglmara suna enaiglkwa mere yegl paugwa. Yegl pre toki kan kun ere wan meglmere yegl, ene kan kun ere wan moglsre, te ama kua yumugl taragl swara ta ere sikrimere yegl, ene yoba ere sikre, ere kide ere tekraiglkwa paugwa.
17Te, ene yoba pre kan kun erio. Ye ene si kane sidre, kot ere tedre, ka mabuno yuguno yenabara ene duglnai sinaiglkwa. 18-19Yegl ersre, ene na duglo beglmedi ene gudu i pi king ya gavana moraiglmara edenaiglkwa. Edibi, na kana yoba kade wagle ya yugobuno pere pere ta moraiglkwa i, ama di tenaiglkwa. Ene di tenaiglkwa i, ene ka siragl mere didre, mem siragl mere dinaiglkwa i, pre yubun dekrio. I siragl pre ege i ene ka siragl mere dinaiglkwa i, beke tenaglka. 20Beke tebo, dinaiglkwa igne, ene digwa mere yegl ta paikrabuka ba Neno Kade Murubuglomo ene drano mina ka dugwa mere yegl panabiwe dugwa.
21Ana yegl panan, yoba yene agroma i pi kot wagle edibi, ye si goraiglkwa. Te, yoba gagroma ere mogl, yene neno mano kano sedidre, i pi kot wagle edibi, yoba ye si goraiglkwa. 22Te, ene na duglo beglmedi yoba mudu ene kide kanaiglkwa. Ba yoba ta ibun idre, adigl gigledi moraiglkwa i, ege kide i dudunabuka igne, God ye ere inabuka.
23Yoba dumo swara ta ene ere sinamnedi eraiglmara i, ene dumo i kide kodo, teke ede dumo ta pio. Yegl pre na ene kaima di teiga, ene Israel yoba dumono mudu ta pi kana beke te kodokribi, dumo tau yoko yenan, na Yoba Wam moglka i, ikne unaluwe dugwa.
24Skul gak ye tisamo egre atne edekraiglkwa. Te, yoba boi paigwa i, ye yaglno kade ta egre atne edekraiglkwa. 25Ba ye suo akie tisano ya yaglno kade ibun inaiglmere i, no ama beke inamga kuno erumedi praiglkwa. Yegl pre na yubun imere yegl, ene ama inaiglkwa paugwa. Na yugu nem mere yegl moglka i, yoba na Belsebul motne digwa pre ene na yobanama meglkwa i, ka kide kaima ene di tenaiglkwa pamiwe di, Jisas yegl dugwa.
Jisas ye duglo beglkwa yagl di te, God swara kuduglmo golo dugwa
(Luk 12.2-7)
26Ba ene yegl mere ere kide ere tenaiglkwa i, ye kuduglno goglkrio. I siragl pre ege ta unan, taragl kane kane ta atne teke yogwa i, mudu u nogugl enan, yoba pre pogl sinaiglkwa. 27Na erme ka tau mim erumara ene di teiga i, okuo ermine yoba di tenaiglkwa. Te, na ka nunu di teiga i, ene yugu idaugle moglsre, yoba di nogugl ede teo.
28Yoba ene ogono nagino keme si goraiglkwa i pre kuduglno goglkraiglkwa. Ye ogono nagino mina si goraiglkwa ba kiano ta ere kide erekraiglkwa. Yoba kuduglno goglkre, God swara kuduglmo goraiglkwa. Ye yoba ogono nagino si goglsre, kiano akie pia si doga kade mina edenabuka yagl moglkwa.
29 Jisas yegl didre, ama yegl dugwa, Yoba kua idada suo maket ere, mige gogl swara we digwa ba kua kebra yegl mere yage makandigle sigwa i, God pre kan eruko, keme yage sigwa. 30-31God kua kebra yegl mere sugl wakai moglkwa pre ene meglkwa i, taragl kade mungo, God no bitno yugo swara swarade wakai ere, kere kan kodumedi prisre, yoba swara ta kuduglmo goglkraiglmiwe dugwa.
Yoba Jisas agaimo goglkre, ye swara wakai kaima kanaiglkwa paugwa
(Luk 12.8-9)
32Ana Jisas yegl didre, ka ta ama yegl dugwa, Yoba ta ere mogl, yoba gumuglno mina Na Jisas duglo boluwe dinabuka i, na Nina heven ibo moglkwa i, moglmara di nogugl edidre, Yoba i na duglo boglkwa yoba ta moglmiwe dinaglka. 33Ba yoba ta yoba gumuglnomugl Na Jisas duglo boglkrie dinabuka i, na Nina heven ibo moglkwa i, moglmara ama di nogugl edidre, Yoba i na duglo boglkwa yoba ta moglkrume dinaluwe dugwa.
Na yoba si buno dinagledi wiga
(Luk 12.51-53, 14.26-27)
34Na makadigle wiga i, ene kuda bu yenabedi pre umedi prikrio. Na kuda bu yenabedi ukrika ba bainet ta yuiga mere yegl paugwa. 35I siragl pre na wiga i, yoba si buno di, ere pere pere edibo, wano ye nenoma kudano ikne meglbi, te, abro ye manoma kudano ikne meglbi, te, abu ye ebianoma kudano ikne moraiglkwa. 36Te, yoba bormai swara meglkwa i ye kudano ikne ikne kaima moraiglmiwe#10.36 Maika 7.6 dugwa.
37Yoba ta ye nem mam dem muduo podo tedre, na dem muduo kuri keme naran, ye na duglo boglkwa yoba ta moglkrabuka. Mo, yoba ta ye wam mo abuglo dem muduo podo tedre, na dem muduo kuri keme naran, ye na duglo boglkwa yoba morabuka i, ama kuno ta erekrabuka. 38Te, yoba ta na pre gorakiure, ye ede prak ta tebi, kakekragledi mane di pran, ye ama na duglo boglkwa yoba ta moglkrabiwe dugwa. 39Yoba ta na pre gorabuka i pra we dinan, ye kor kaima morabuka. Ba yoba erme keme kor mogl, wakai moragledi pran, ye u kide enabiwe dugwa.
Yoba ta Jisas kogonmo yoba ake ple dinaiglkwa i, topo wakai inaiglkwa
(Mak 9.41)
40Jisas yegl didre, ama yegl dugwa, Yoba ta ene di inan, ye na di idre, Nina na dedugwa i, ama di yugwa. 41Ka kep yoba ta ene meglmara udre, ka kep ere dinabuka pre ene di idre, ake ple di ten, ka kep yoba i, topo inabere mere ene ama inatnga. Te, yoba du ta ene meglmara udre, mabuno du erabara i ene di idre, ake ple di ten, ye topomo inabere mere ene ama kuno ere topo inatnga. 42Te, na duglo boglkwa yoba yoko kaima ta morabuka ba na duglo boglkwa pre ene nigl kor kap swara ta kogl tebi, na ene kaima di teiga, ene topono ta wau boglkrabuka. Topo inaiglmiwe di, Jisas yegl dugwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission