Matyu 8
8
Jisas yagl ta leprosi erukwa ere wakai ere togwa
(Mak 1.40-44, Luk 5.12-14)
1Ana Jisas muglo meglbi kide kodo, ede atne ugo, yoba mere kide ye omara sika si ede eigwa. 2Ede eimara i, yagl ta kide leprosi paugwa ta Jisas moglmara gumamugl yage kobragai padre, kamage yei, yegl dugwa, Yagl Kade yo, ene na ere wakai ere naragledi pitn, ene eratnga kuno erumedi priwe dugwa. 3Yegl dugo, Jisas ye ogo i pi yagl i akidre, yegl dugwa, Kaima na ene ere wakai ere tenagledi prika. Ene kidenen aragan erabiwe di, yegl dugwa. Yegl dugo, yagl i ogo nagie tabre kaima u wakai ogwa. 4Yegl eruko, Jisas ye ka gigledi yegl di togwa, Na erika i, ene yoba swara ta di tekro! Ene yoba ta di tekre, Moses okna dumere mere tawa teigwa yoba kogon erimara ogon nagn obuno didre, tawa ta tenatnga. Ten, ye ene kidenen aragan erukwa pamedi kanaiglme dugwa.
Rom ami bitno yagl ta niglmo kogonmo yoba kide sugo, Jisas ye ere wakai ere togwa
(Luk 7.1-10)
5Ana ege swara ta Jisas ede dumo Kaperneam ogo, yagl ta Rom soldia 100 mere bitno moglkwa i, ye moglmara udre, kamage yei, 6yegl dugwa, Yagl Kade yo, na niglna kogona yagl ta kide podo sugo, bogl mina pai moglmiwa. Ye ogo kagle mawa sugo, giugl podo pre moglmiwe dugwa. 7Yegl dugo, Jisas di ikne ede, yegl dugwa, Na pidre, ye ere wakai ere tenaluwe dugwa. 8Ana Jisas yegl dugo, soldia bitno yagl i, di ikne ede yegl dugwa, Yagl Kade yo, ede yugugl unatnga i, ere enaba! Na yagl wakai ta moglbo, ene na kipaimara ede yugugl unatnga i, kuno ta erekrumiwa. Yegl pre ene yugugl ukre, ka keme din, na niglna kogona yagl i, aragan erabedi priwa. 9I siragl pre na moglka i, yoba ta na bitna moglko, te, na soldia tau mere ama bitno moliwa. Na soldia ta di tedre, Ede po! digo, ye ede ogo, te ta Ede wo! digo, ye ama ede umiwa. Te, na niglna kogona yoba ta Kogon yegl ero! diga i, ye erukwa. Yegl pre ene ka keme din, niglna kogona aragan erabedi prie dugwa. 10Ana yagl i yegl dugo, Jisas nagie koglsre, yoba ye duglo bogl wigwa i, yegl di togwa, Na ene kaima di teiga, yagl i pre meduglmere yegl Israel yoba swarano yegl ta pre mediglkrime dugwa.
11Na ene di teiga, Yoba tau mere ade umara ya ade beimara mogl udre, Abraham ya Aisak ya Jekop bogl akie God yoba kingno morabara kaya mokna nenamnedi ame dinaiglkwa. 12Ame dinaiglkwa ba ene tau Juda yoba God agai dumomo inaiglkwa kuno erukwa meglkwa i, igne i suna ta moglkraiglkwa. Moglkribi, God ene si meda ede, mim erumara edenabuka. Edinan, dumo i, kai podo ere, signo gikr eraiglmiwe dugwa.
13Ana Jisas ka yegl di kodidre, soldia bitno yagl i yegl di togwa, Ene ede po. Ene pre medigl dinere mere plau dinabiwe dugwa. Ka yegl dugo, ege swara i mina niglmo kogonmo yagl i, aragan erukwa.
Pita abu imakie kide sugo, Jisas ere wakai ere togwa
(Mak 1.29-31, Luk 4.38-39)
14Ana ege ta, Jisas ye Saimon kipamara ede yugugl ogwa. Ogo, Saimon ebie mam nagie niga podo dugo, bogl mina pai moglko, kanugwa. 15Jisas kandre, ye ogo akugo, ye kidemo bu yogwa. Ye kidemo bu yogo, abumo i tabre adiglsre, Jisas kaya mokna nenabedi ere wakai ere gaglkwa.
Jisas yoba mere kaima kideno ere wakai ere togwa
(Mak 1.32-34, Luk 4.40-41)
16Ana min paugo, yoba mere kide murubuglo kide ye meglmara suna meglkwa yu Jisas moglmara edigwa. Edigo, Jisas ka dumara i, murubuglo kide mudu di meda edidre, yoba kide sigwa i, ere wakai ere togwa. 17Jisas erukwa i, ka kep yagl Aisaia ka ta okna boglkwa i, pai inabedi erukwa. Aisaia yegl boglkwa,
Nono kideno kane kane paugwa i, ya guigl kane kane sugwa i, ye idre, ere wakai ere norume#8.17 Aisaia 53.4
di, yegl boglkwa.
Yoba siragl mere ersre, Jisas duglo boraiglkwa i pre Jisas dugwa
(Luk 9.57-60)
18Ana yoba mere kide Jisas moglmara u mogl winabo digo, Jisas kandre, ye duglo beglkwa yoba di te, Nono ede nigl koglo ibo enamniwe dugwa. 19Yegl dugo, ye enamnedi eriko, God lomo beke togwa yagl ta u Jisas yegl di togwa, Ene aglo mere ta enatnara i, na ene duglo boraluwe dugwa. 20Yegl dugo, Jisas di ikne ede yegl dugwa, Agl are meglkwa i, ye makan mur mina atne paigo, te, kua ama yene yuguno bagl paigwa ba na Yoba Wam moglka i, na dumo ta panaglka i ta yekrumiwe dugwa. 21Te, Jisas duglo boglkwa yagl ta ye yegl di togwa, Yagl Kade yo, ene pra we din, na ede ikne yugunamugl enagledi priwe dugwa. Na ede ikne ebo, nina goran, na ye maugl sidre, u ene duglo boragledi priwe dugwa. 22Yegl dugwa ba Jisas di ikne ede, yegl dugwa, Yoba geglkwa yugobunomo mina atne meglkwa i, ta geglbi, yene maugl sibi, kuno erabiwe dugwa.
Jisas ka dugo, ir waga kudu ta ugwa i, bu yogwa
(Mak 4.36-41, Luk 8.22-25)
23Ana Jisas okna kana ede baglkugl mina kuglo pi moglko, ye duglo beglkwa yoba okuo ede tebe eigo, ede nigl suna eigwa. 24Ye ede suna eigo, ir waga kudu podo ta udre, nigl si pepigl di, baglkugl mina suna edidre, baglkugl si kau sinagledi erukwa. Yegl erukwa ba Jisas ugl pai moglkwa. 25Ana Jisas duglo beglkwa yoba Jisas ugl pamara uglo yokidre, ye yegl di teigwa, Yagl Kade yo, no ere yo! No goramga pamiwe digwa. 26Yegl digo, Jisas yegl dugwa, Ene siragl pre kudugl geglme? Ene na pre mediglkwa i, kebra paugwa pamiwe dugwa. Ye yegl didre, adigl, ir waga kudu ya nigl pepigl dugwa i, ka togo, ir ugwa i dudugo, nigl ama kiede kaima moglkwa. 27Yegl eruko, Jisas duglo beglkwa yagl i nagino koglsre, yegl digwa, Yagl i ira moglme? Ye ir ya nigl akie ka togo, kamo pribriwe di, yegl digwa.
Murubuglo kide tau yagl suo miurara suna meglko, Jisas di meda edugwa
(Mak 5.1-17, Luk 8.26-37)
28Ana Jisas ye duglo beglkwa yagl bogl nigl koglo ibo Gadara yoba meglmara eigwa. Eigo, yagl suo ta gigl pene yomara pai mogl, u Jisas tegigl yeigwa. Te, yagl suo i murubuglo kide ye miurara suna meglkwa. Yagl suo i, ye yoba ege ege ere sibrika pre yoba ta pai miurara magigl i ta pikrikwa. 29Ana yagl suo i udre, ka podo yegl dibrika, Ene God Wam motnga i, ene siragl ere noragledi une? No giugl prabuglka egemo ta yeikrukwa ba ene magigl unga i, no tabre giugl noragledi uno? dibrika.
30Ana ye tegigl yeimara prak iro bugla mere kide yumun ne wan meglkwa. 31Ne meglko, murubuglo kide kamage yei, Jisas yegl di prikwa, Ene no di meda edenagledi pitn, no bugla meglmara suna iro no dedo, di yegl digwa. 32Yegl digo, Jisas Ede pio dugo, murubuglo kide i, ye yagl suo miurara kide kodo, ede pi bugla mere kide meglmara suna eigo, bugla mudu i, guglo ta yomara muku di ede atne pi, nigl nubun suna pidre, nigl ne geglkwa.
33Ana yoba bugla sugl meglkwa i, muku di ede pi taun suna pidre, yagl suo murubuglo kide miurara meglkwa ikra ye mina siragl taragl plau dugwa ya te siragl mudu kanigwa i, boglo kugl teigwa. 34Yegl di teigo, yoba taun suna meglkwa i, mudu ede pi Jisas kanamnedi eigwa. Ye Jisas kandre, Jisas dumono kide kodo, ede bage ta enabedi kamage yeigwa.
Currently Selected:
Matyu 8: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Matyu 8
8
Jisas yagl ta leprosi erukwa ere wakai ere togwa
(Mak 1.40-44, Luk 5.12-14)
1Ana Jisas muglo meglbi kide kodo, ede atne ugo, yoba mere kide ye omara sika si ede eigwa. 2Ede eimara i, yagl ta kide leprosi paugwa ta Jisas moglmara gumamugl yage kobragai padre, kamage yei, yegl dugwa, Yagl Kade yo, ene na ere wakai ere naragledi pitn, ene eratnga kuno erumedi priwe dugwa. 3Yegl dugo, Jisas ye ogo i pi yagl i akidre, yegl dugwa, Kaima na ene ere wakai ere tenagledi prika. Ene kidenen aragan erabiwe di, yegl dugwa. Yegl dugo, yagl i ogo nagie tabre kaima u wakai ogwa. 4Yegl eruko, Jisas ye ka gigledi yegl di togwa, Na erika i, ene yoba swara ta di tekro! Ene yoba ta di tekre, Moses okna dumere mere tawa teigwa yoba kogon erimara ogon nagn obuno didre, tawa ta tenatnga. Ten, ye ene kidenen aragan erukwa pamedi kanaiglme dugwa.
Rom ami bitno yagl ta niglmo kogonmo yoba kide sugo, Jisas ye ere wakai ere togwa
(Luk 7.1-10)
5Ana ege swara ta Jisas ede dumo Kaperneam ogo, yagl ta Rom soldia 100 mere bitno moglkwa i, ye moglmara udre, kamage yei, 6yegl dugwa, Yagl Kade yo, na niglna kogona yagl ta kide podo sugo, bogl mina pai moglmiwa. Ye ogo kagle mawa sugo, giugl podo pre moglmiwe dugwa. 7Yegl dugo, Jisas di ikne ede, yegl dugwa, Na pidre, ye ere wakai ere tenaluwe dugwa. 8Ana Jisas yegl dugo, soldia bitno yagl i, di ikne ede yegl dugwa, Yagl Kade yo, ede yugugl unatnga i, ere enaba! Na yagl wakai ta moglbo, ene na kipaimara ede yugugl unatnga i, kuno ta erekrumiwa. Yegl pre ene yugugl ukre, ka keme din, na niglna kogona yagl i, aragan erabedi priwa. 9I siragl pre na moglka i, yoba ta na bitna moglko, te, na soldia tau mere ama bitno moliwa. Na soldia ta di tedre, Ede po! digo, ye ede ogo, te ta Ede wo! digo, ye ama ede umiwa. Te, na niglna kogona yoba ta Kogon yegl ero! diga i, ye erukwa. Yegl pre ene ka keme din, niglna kogona aragan erabedi prie dugwa. 10Ana yagl i yegl dugo, Jisas nagie koglsre, yoba ye duglo bogl wigwa i, yegl di togwa, Na ene kaima di teiga, yagl i pre meduglmere yegl Israel yoba swarano yegl ta pre mediglkrime dugwa.
11Na ene di teiga, Yoba tau mere ade umara ya ade beimara mogl udre, Abraham ya Aisak ya Jekop bogl akie God yoba kingno morabara kaya mokna nenamnedi ame dinaiglkwa. 12Ame dinaiglkwa ba ene tau Juda yoba God agai dumomo inaiglkwa kuno erukwa meglkwa i, igne i suna ta moglkraiglkwa. Moglkribi, God ene si meda ede, mim erumara edenabuka. Edinan, dumo i, kai podo ere, signo gikr eraiglmiwe dugwa.
13Ana Jisas ka yegl di kodidre, soldia bitno yagl i yegl di togwa, Ene ede po. Ene pre medigl dinere mere plau dinabiwe dugwa. Ka yegl dugo, ege swara i mina niglmo kogonmo yagl i, aragan erukwa.
Pita abu imakie kide sugo, Jisas ere wakai ere togwa
(Mak 1.29-31, Luk 4.38-39)
14Ana ege ta, Jisas ye Saimon kipamara ede yugugl ogwa. Ogo, Saimon ebie mam nagie niga podo dugo, bogl mina pai moglko, kanugwa. 15Jisas kandre, ye ogo akugo, ye kidemo bu yogwa. Ye kidemo bu yogo, abumo i tabre adiglsre, Jisas kaya mokna nenabedi ere wakai ere gaglkwa.
Jisas yoba mere kaima kideno ere wakai ere togwa
(Mak 1.32-34, Luk 4.40-41)
16Ana min paugo, yoba mere kide murubuglo kide ye meglmara suna meglkwa yu Jisas moglmara edigwa. Edigo, Jisas ka dumara i, murubuglo kide mudu di meda edidre, yoba kide sigwa i, ere wakai ere togwa. 17Jisas erukwa i, ka kep yagl Aisaia ka ta okna boglkwa i, pai inabedi erukwa. Aisaia yegl boglkwa,
Nono kideno kane kane paugwa i, ya guigl kane kane sugwa i, ye idre, ere wakai ere norume#8.17 Aisaia 53.4
di, yegl boglkwa.
Yoba siragl mere ersre, Jisas duglo boraiglkwa i pre Jisas dugwa
(Luk 9.57-60)
18Ana yoba mere kide Jisas moglmara u mogl winabo digo, Jisas kandre, ye duglo beglkwa yoba di te, Nono ede nigl koglo ibo enamniwe dugwa. 19Yegl dugo, ye enamnedi eriko, God lomo beke togwa yagl ta u Jisas yegl di togwa, Ene aglo mere ta enatnara i, na ene duglo boraluwe dugwa. 20Yegl dugo, Jisas di ikne ede yegl dugwa, Agl are meglkwa i, ye makan mur mina atne paigo, te, kua ama yene yuguno bagl paigwa ba na Yoba Wam moglka i, na dumo ta panaglka i ta yekrumiwe dugwa. 21Te, Jisas duglo boglkwa yagl ta ye yegl di togwa, Yagl Kade yo, ene pra we din, na ede ikne yugunamugl enagledi priwe dugwa. Na ede ikne ebo, nina goran, na ye maugl sidre, u ene duglo boragledi priwe dugwa. 22Yegl dugwa ba Jisas di ikne ede, yegl dugwa, Yoba geglkwa yugobunomo mina atne meglkwa i, ta geglbi, yene maugl sibi, kuno erabiwe dugwa.
Jisas ka dugo, ir waga kudu ta ugwa i, bu yogwa
(Mak 4.36-41, Luk 8.22-25)
23Ana Jisas okna kana ede baglkugl mina kuglo pi moglko, ye duglo beglkwa yoba okuo ede tebe eigo, ede nigl suna eigwa. 24Ye ede suna eigo, ir waga kudu podo ta udre, nigl si pepigl di, baglkugl mina suna edidre, baglkugl si kau sinagledi erukwa. Yegl erukwa ba Jisas ugl pai moglkwa. 25Ana Jisas duglo beglkwa yoba Jisas ugl pamara uglo yokidre, ye yegl di teigwa, Yagl Kade yo, no ere yo! No goramga pamiwe digwa. 26Yegl digo, Jisas yegl dugwa, Ene siragl pre kudugl geglme? Ene na pre mediglkwa i, kebra paugwa pamiwe dugwa. Ye yegl didre, adigl, ir waga kudu ya nigl pepigl dugwa i, ka togo, ir ugwa i dudugo, nigl ama kiede kaima moglkwa. 27Yegl eruko, Jisas duglo beglkwa yagl i nagino koglsre, yegl digwa, Yagl i ira moglme? Ye ir ya nigl akie ka togo, kamo pribriwe di, yegl digwa.
Murubuglo kide tau yagl suo miurara suna meglko, Jisas di meda edugwa
(Mak 5.1-17, Luk 8.26-37)
28Ana Jisas ye duglo beglkwa yagl bogl nigl koglo ibo Gadara yoba meglmara eigwa. Eigo, yagl suo ta gigl pene yomara pai mogl, u Jisas tegigl yeigwa. Te, yagl suo i murubuglo kide ye miurara suna meglkwa. Yagl suo i, ye yoba ege ege ere sibrika pre yoba ta pai miurara magigl i ta pikrikwa. 29Ana yagl suo i udre, ka podo yegl dibrika, Ene God Wam motnga i, ene siragl ere noragledi une? No giugl prabuglka egemo ta yeikrukwa ba ene magigl unga i, no tabre giugl noragledi uno? dibrika.
30Ana ye tegigl yeimara prak iro bugla mere kide yumun ne wan meglkwa. 31Ne meglko, murubuglo kide kamage yei, Jisas yegl di prikwa, Ene no di meda edenagledi pitn, no bugla meglmara suna iro no dedo, di yegl digwa. 32Yegl digo, Jisas Ede pio dugo, murubuglo kide i, ye yagl suo miurara kide kodo, ede pi bugla mere kide meglmara suna eigo, bugla mudu i, guglo ta yomara muku di ede atne pi, nigl nubun suna pidre, nigl ne geglkwa.
33Ana yoba bugla sugl meglkwa i, muku di ede pi taun suna pidre, yagl suo murubuglo kide miurara meglkwa ikra ye mina siragl taragl plau dugwa ya te siragl mudu kanigwa i, boglo kugl teigwa. 34Yegl di teigo, yoba taun suna meglkwa i, mudu ede pi Jisas kanamnedi eigwa. Ye Jisas kandre, Jisas dumono kide kodo, ede bage ta enabedi kamage yeigwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission