Mak 2
2
Jisas yagl ta ogo kagle mawa sugwa ere wakai erukwa
(Matyu 9.1-8, Luk 5.17-26)
1Jisas ege tau wan mogl, aglke ede ikne u taun Kaperneam we dimara ugwa. Ugo, yoba ere mogl, Jisas kipamara ikne ume digo, ka wai dugo, 2yoba mere kide prisre, ede u Jisas yugugl moglmara ikra wigwa. U yugugl ya yugu dramugl i kau si kodigwa. Kau si kodigo, Jisas ye ka mabuno di togwa. 3Ka mabuno di te moglko, yagl 4-pela ere mogl, yagl ta kagle goglkwa gagle ersre, boglo ere i pi Jisas moglmara eigwa. 4Boglo ere i pi yugugl enamnedi eigo, yugugl ya yugu dramugl i yoba kau si, gagno bolamugl kaima meglkwa pre ye aglke ede u idaule pidre, idaule taragl tau terke i eglke edidre, yagl i gagle bogl ede atne Jisas moglmara edigwa. 5Ede atne edigo, yagl wagle Jisas pre mediglkwa i, Jisas kandre, yagl kagle goglkwa i di te, Wana yo, ene tadaglmenen gugl ede teiwe dugwa.
6Ana Jisas ka yegl dugo, God lomo beke teigwa yagl tau yugugl ame di meglkwa i, prisre, ye nomano wagle yegl di prikwa, 7Yagl i siragl pre ka yegl dume? Ye God agaimo idre, kagie ere kide erukwa. God swara yoba tadaglmeno gugl edenabiwe di, yegl di prikwa. 8Yegl priko, Jisas ye deno muduno mina prikwa i, ye nomane mina kwade kandre, yegl dugwa, Ene siragl pre nomano mina yegl di pre meglme? dugwa. 9Na siragl ka dibo yuwaglke panabedi prime? Yagl kagle goglkwa i di tedre, Tadaglmenen gugl ede teie dibo, yuwaglke panabo mo yagl i di tedre, adigl kuguglnen akidre, konbauna ede po dibo, yuwaglke panabedi prime? 10Na ene yoba tadaglmeno gugl ede tekrabedi prikwa ba na Yoba Wam moglka i, yoba tadaglmeno gugl ede tenaglka i, kagna paugwa pre erme taragl ta eribo, kan pogl sinaiglmiwe dugwa. Jisas yegl didre, yagl ta ogo kagle goglkwa i yegl di togwa, 11Na ene di teiga, ene adigl, kuguglnen akidre, ede kipanara po! dugwa. 12Yegl dugo, yagl i tabre kaima yoba gumuglno mina adigl, kuguglmo akidre, ede meda ogo, yoba kan meglkwa i, gagno koglsre, God kagie kade tedre, yegl digwa, Nono taragl yegl mere okna ta kankrumnere kamniwe di, yegl digwa.
Jisas Livai agle didre, Na duglo boglo dugwa
(Matyu 9.9-13, Luk 5.27-32)
13Ana Jisas ere mogl, aglke ede ikne pi nigl nubun Galili we dimara bina pi moglko, yoba mere kide ye moglmara ede eigwa. Eigo, Jisas ye ka mabuno di togwa. 14Di te kodidre, ye konbauna wan pidre, taks yugwa yagl ta taks imara ame di moglko, kanugwa. Yagl i, kagie Livai we digo, Alfius wam moglkwa. Ana Jisas yagl i kandre, ye di te, Na duglo boglo dugo, Livai adiglsre, Jisas omara duglo bogl ede ogwa.
15Ana okuo Jisas ede Livai kipamara pidre, kaya mokna nenagledi ame di moglko, taks igwa yoba yeigo, tadaglme erikwa yoba ama yeigo, Jisas duglo beglkwa yagl bogl akie kaya mokna neigwa. I siragl pre Jisas ye aglo mere ta ogwa i, taks igwa yagl ya ka mabuno prikrikwa yoba tau mere ege ege sika sigwa. 16Ne meglko, Farisi tau yeigo, Farisi yoba God lomo beke teigwa i, i ama u ne meglkwa kandre, Jisas duglo beglkwa yagl yegl di prikwa, Siragl pre Jisas taks igwa yoba ya tadaglme yoba bogl kaya mokna akie neime? digwa. 17Yegl digo, Jisas prisre, di ikne ede yegl dugwa, Yoba kide sikrukwa i, ye dokta moglmara enaiglkwa kuno erekrumiwa. Ba yoba kide sigwa i keme dokta moglmara enaiglkwa kuno erukwa. Kuno yegl mere na yoba du munedi prikwa i, agle dinagledi ukrika ba na tadaglme yoba agle dinagledi wiwe dugwa.
Yoba kaya mokna mawagl erikwa pre kira peglkwa
(Matyu 9.14-17, Luk 5.33-39)
18Ana igne i Jon duglo beglkwa yagl ya Farisi yoba ye God we di pre, kaya mokna mawagl ere meglkwa. Kaya mokna mawagl ere meglkwa pre yoba tau Jisas moglmara udre, yegl digwa, Jon duglo beglkwa yagl ya Farisi duglo beglkwa yagl bogl kaya mokna mawagl erikwa ba siragl eruko, ene duglo beglkwa yoba kaya mokna mawagl erekrime? digwa. 19Yegl digo, Jisas ka ebrie ta ama yegl dugwa, Yagl abu ta bogl ibr, yagl kabaglemo ye bogl akie gun yei moraiglkwa igne i, kaya mokna mawagl eraiglmo? Ta erekraiglkwa. I siragl pre ye abu yugwa yagl bogl akie mogl, kaya mokna nenaiglkwa ege yogwa. 20Ba abu yugwa yagl i auro ede enaiglkwa igne i, ege i ye kabaglemo kaya mokna mawagl eraiglmiwe dugwa.
Mabuno okna ya mabuno kor u swara pikrabuka pre Jisas dugwa.
21Ana Jisas yegl didre, ka ebrie ama yegl dugwa, Yoba kuguglmo gaglmo goglo ta argla dinan, ye lap kor ta bogl i pi si boglkrabuka. I siragl pre lap kor i gugl sidre, argla di ede podo kaima enabuka. 22Te, yoba nigl wain kor ta morabuka i, ta i pi toide nigl mige goglo mina atne edekrabuka. Toide atne edenan, nigl wain kor i, poia didre, nigl mige goglo i si bla dinabuka. Yegl eran, nigl wain toide ede meda enan, nigl mige i ama ere kide erabuka. Yegl pre nigl wain kor ta morabuka i, yoba i pi toide nigl mige kor mina atne edinaiglmiwe dugwa.
Farisi yoba wakan kade pre kira peglkwa
(Matyu 12.1-8, Luk 6.1-5)
23Ana wakan kade ege ta, Jisas ye duglo beglkwa yagl bogl konbauna ta wan ede pi yoba kugl mogo ere yaiglmara suna eigwa. Ye ede suna eigo, ye duglo beglkwa yagl kidan gogl, kugl mogo tau ake digl di idre, nedre, nedre, ede eigwa. 24Ake digl di i neigo, Farisi yoba tau kandre, ye di te, yegl digwa, Ene duglo beglkwa yagl erima, kano! Siragl pre Wakan Kade ege mawagl pamara kugl mogo si yuime? digwa. 25Yegl digo, Jisas di ikne ede, yegl dugwa, Okna ibo Devit ya yoba tau ye bogl akie meglkwa i, kaya mokna yeikruko, kidan geglko, Devit siragl mere erukwa i, ene kerimo mo kerekrime? 26Yagl Abiatar ye tawa teigwa yoba bitno moglkwa igne, Devit God yugumo yomara ede yugugl pidre, bret tau God gumuglo mina yeigwa i tau i nedre, yoba ye bogl akie meglkwa i ama tau togo, neigwa. 27God wakan kade i pere edugwa i, ye yoba mawagl pamara atne kane panaiglkwa pre i pere edekrukwa. Yoba wakan meglbi, ame wakai dinaiglkwa pre i pere edugwa. 28Kuno yegl mere na Yoba Wam moglka i, Wakan Kade ege i, na Nem Yagl moliwe dugwa.
Currently Selected:
Mak 2: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Mak 2
2
Jisas yagl ta ogo kagle mawa sugwa ere wakai erukwa
(Matyu 9.1-8, Luk 5.17-26)
1Jisas ege tau wan mogl, aglke ede ikne u taun Kaperneam we dimara ugwa. Ugo, yoba ere mogl, Jisas kipamara ikne ume digo, ka wai dugo, 2yoba mere kide prisre, ede u Jisas yugugl moglmara ikra wigwa. U yugugl ya yugu dramugl i kau si kodigwa. Kau si kodigo, Jisas ye ka mabuno di togwa. 3Ka mabuno di te moglko, yagl 4-pela ere mogl, yagl ta kagle goglkwa gagle ersre, boglo ere i pi Jisas moglmara eigwa. 4Boglo ere i pi yugugl enamnedi eigo, yugugl ya yugu dramugl i yoba kau si, gagno bolamugl kaima meglkwa pre ye aglke ede u idaule pidre, idaule taragl tau terke i eglke edidre, yagl i gagle bogl ede atne Jisas moglmara edigwa. 5Ede atne edigo, yagl wagle Jisas pre mediglkwa i, Jisas kandre, yagl kagle goglkwa i di te, Wana yo, ene tadaglmenen gugl ede teiwe dugwa.
6Ana Jisas ka yegl dugo, God lomo beke teigwa yagl tau yugugl ame di meglkwa i, prisre, ye nomano wagle yegl di prikwa, 7Yagl i siragl pre ka yegl dume? Ye God agaimo idre, kagie ere kide erukwa. God swara yoba tadaglmeno gugl edenabiwe di, yegl di prikwa. 8Yegl priko, Jisas ye deno muduno mina prikwa i, ye nomane mina kwade kandre, yegl dugwa, Ene siragl pre nomano mina yegl di pre meglme? dugwa. 9Na siragl ka dibo yuwaglke panabedi prime? Yagl kagle goglkwa i di tedre, Tadaglmenen gugl ede teie dibo, yuwaglke panabo mo yagl i di tedre, adigl kuguglnen akidre, konbauna ede po dibo, yuwaglke panabedi prime? 10Na ene yoba tadaglmeno gugl ede tekrabedi prikwa ba na Yoba Wam moglka i, yoba tadaglmeno gugl ede tenaglka i, kagna paugwa pre erme taragl ta eribo, kan pogl sinaiglmiwe dugwa. Jisas yegl didre, yagl ta ogo kagle goglkwa i yegl di togwa, 11Na ene di teiga, ene adigl, kuguglnen akidre, ede kipanara po! dugwa. 12Yegl dugo, yagl i tabre kaima yoba gumuglno mina adigl, kuguglmo akidre, ede meda ogo, yoba kan meglkwa i, gagno koglsre, God kagie kade tedre, yegl digwa, Nono taragl yegl mere okna ta kankrumnere kamniwe di, yegl digwa.
Jisas Livai agle didre, Na duglo boglo dugwa
(Matyu 9.9-13, Luk 5.27-32)
13Ana Jisas ere mogl, aglke ede ikne pi nigl nubun Galili we dimara bina pi moglko, yoba mere kide ye moglmara ede eigwa. Eigo, Jisas ye ka mabuno di togwa. 14Di te kodidre, ye konbauna wan pidre, taks yugwa yagl ta taks imara ame di moglko, kanugwa. Yagl i, kagie Livai we digo, Alfius wam moglkwa. Ana Jisas yagl i kandre, ye di te, Na duglo boglo dugo, Livai adiglsre, Jisas omara duglo bogl ede ogwa.
15Ana okuo Jisas ede Livai kipamara pidre, kaya mokna nenagledi ame di moglko, taks igwa yoba yeigo, tadaglme erikwa yoba ama yeigo, Jisas duglo beglkwa yagl bogl akie kaya mokna neigwa. I siragl pre Jisas ye aglo mere ta ogwa i, taks igwa yagl ya ka mabuno prikrikwa yoba tau mere ege ege sika sigwa. 16Ne meglko, Farisi tau yeigo, Farisi yoba God lomo beke teigwa i, i ama u ne meglkwa kandre, Jisas duglo beglkwa yagl yegl di prikwa, Siragl pre Jisas taks igwa yoba ya tadaglme yoba bogl kaya mokna akie neime? digwa. 17Yegl digo, Jisas prisre, di ikne ede yegl dugwa, Yoba kide sikrukwa i, ye dokta moglmara enaiglkwa kuno erekrumiwa. Ba yoba kide sigwa i keme dokta moglmara enaiglkwa kuno erukwa. Kuno yegl mere na yoba du munedi prikwa i, agle dinagledi ukrika ba na tadaglme yoba agle dinagledi wiwe dugwa.
Yoba kaya mokna mawagl erikwa pre kira peglkwa
(Matyu 9.14-17, Luk 5.33-39)
18Ana igne i Jon duglo beglkwa yagl ya Farisi yoba ye God we di pre, kaya mokna mawagl ere meglkwa. Kaya mokna mawagl ere meglkwa pre yoba tau Jisas moglmara udre, yegl digwa, Jon duglo beglkwa yagl ya Farisi duglo beglkwa yagl bogl kaya mokna mawagl erikwa ba siragl eruko, ene duglo beglkwa yoba kaya mokna mawagl erekrime? digwa. 19Yegl digo, Jisas ka ebrie ta ama yegl dugwa, Yagl abu ta bogl ibr, yagl kabaglemo ye bogl akie gun yei moraiglkwa igne i, kaya mokna mawagl eraiglmo? Ta erekraiglkwa. I siragl pre ye abu yugwa yagl bogl akie mogl, kaya mokna nenaiglkwa ege yogwa. 20Ba abu yugwa yagl i auro ede enaiglkwa igne i, ege i ye kabaglemo kaya mokna mawagl eraiglmiwe dugwa.
Mabuno okna ya mabuno kor u swara pikrabuka pre Jisas dugwa.
21Ana Jisas yegl didre, ka ebrie ama yegl dugwa, Yoba kuguglmo gaglmo goglo ta argla dinan, ye lap kor ta bogl i pi si boglkrabuka. I siragl pre lap kor i gugl sidre, argla di ede podo kaima enabuka. 22Te, yoba nigl wain kor ta morabuka i, ta i pi toide nigl mige goglo mina atne edekrabuka. Toide atne edenan, nigl wain kor i, poia didre, nigl mige goglo i si bla dinabuka. Yegl eran, nigl wain toide ede meda enan, nigl mige i ama ere kide erabuka. Yegl pre nigl wain kor ta morabuka i, yoba i pi toide nigl mige kor mina atne edinaiglmiwe dugwa.
Farisi yoba wakan kade pre kira peglkwa
(Matyu 12.1-8, Luk 6.1-5)
23Ana wakan kade ege ta, Jisas ye duglo beglkwa yagl bogl konbauna ta wan ede pi yoba kugl mogo ere yaiglmara suna eigwa. Ye ede suna eigo, ye duglo beglkwa yagl kidan gogl, kugl mogo tau ake digl di idre, nedre, nedre, ede eigwa. 24Ake digl di i neigo, Farisi yoba tau kandre, ye di te, yegl digwa, Ene duglo beglkwa yagl erima, kano! Siragl pre Wakan Kade ege mawagl pamara kugl mogo si yuime? digwa. 25Yegl digo, Jisas di ikne ede, yegl dugwa, Okna ibo Devit ya yoba tau ye bogl akie meglkwa i, kaya mokna yeikruko, kidan geglko, Devit siragl mere erukwa i, ene kerimo mo kerekrime? 26Yagl Abiatar ye tawa teigwa yoba bitno moglkwa igne, Devit God yugumo yomara ede yugugl pidre, bret tau God gumuglo mina yeigwa i tau i nedre, yoba ye bogl akie meglkwa i ama tau togo, neigwa. 27God wakan kade i pere edugwa i, ye yoba mawagl pamara atne kane panaiglkwa pre i pere edekrukwa. Yoba wakan meglbi, ame wakai dinaiglkwa pre i pere edugwa. 28Kuno yegl mere na Yoba Wam moglka i, Wakan Kade ege i, na Nem Yagl moliwe dugwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission