Mak 7
7
Farisi yoba God kamo kide kodo, kowano awano mabunono erikwa
(Matyu 15.1-9)
1 Ana igne i, Farisi yoba tau yeigo, God lomo beke teigwa yoba ama tau yeigo, dumo Jerusalem kide kodo, ede u Jisas moglmara mogl winabo didre, 2Jisas duglo beglkwa yagl tau kowano awano mabunono pamere erekre, ogono nigl koglkre, bret ake neigo, kanigwa. 3Farisi yoba ya te, Juda yoba pra pra ye kowano awano mabunono ake gi didre, ogono mabunono pamere nigl koglsre keme, kaya mokna neigwa. 4Ye maket wan mogl, ede ikne wigwa i, ama nigl padre keme, kaya mokna neigwa. Te, ye kowano awano mabunono pamere ama kap ya sin ya nigl migi nigl edigwa. Te, ye taragl ki yegl mere tau mere erikwa. 5Ana Farisi yoba ya God lomo beke teigwa yagl ye yegl erekrikwa kandre, Jisas kira pogl pre yegl digwa, Siragl eruko, ene duglo beglkwa yagl meglkwa i, kowano awano mabuno pamere ogono nigl koglkre, kaya mokna ake neime? digwa. 6Yegl digo, Jisas di ikne ede te, yegl dugwa, Ene ka didre, mabuno ta erikwa yoba meglkwa i, Aisaia ene pre God kamo ta kep ere, boglkwa i, kuno kaima erukwa. Ye ka ta ene pre boglkwa i, yegl paugwa,
Yoba i ye drano wagle na kagna kade narikwa ba ye deno muduno eglke yomiwa. 7Ye na kagna dagl, ake mina edigwa ba drano mina di yar edimiwa. Di yar edigwa i, i siragl pre ye yoba ka mabuno di tomne digwa i, kaima ta dikrisre, ye yoba lono i keme yoba di teimiwe#7.7 Aisaia 29.13
di, Aisaia yegl boglkwa. 8Kuno yegl, ene God lomo kide kodo, yoba mabunono ake gi dimiwe di, Jisas yegl dugwa.
9Jisas ka yegl di kodidre, ama yegl dugwa, Ene kowano awano mabuno pamere eramnedi God lomo kaima pamara si biglke digwa i, win paugwa. 10-13Moses dugwa i, Ene neno mano kano prisre, pre i mitna edio#7.10-13 Isip Kide Kodigwa 20.12, Lo 5.16 dugwa. Didre, ama yoba ta ye nem mo mam ka kide ta di tenan, ene ye si golo#7.10-13 Isip Kide Kodigwa 21.17, Tawa Teigwa 20.9 dugwa. God lomo yegl dugwa ba ene enene mabunono duglo boramnedi yoba ta ye nem mam pre i mitna edidre, taragl tau tenabuka pamara i, i eglke edidre, ye taragl i God tenaluwe dugwa i, ene kuno pamiwe digwa. Ye nem mam pre i mitna edidre, ake ple di tenabuka i, ene mane digwa mere yegl paugwa. Ene yegl dimara i, ene enene mabunono duglo boramnedi God lomo kide kodimiwe dugwa.
Siragl taragl yoba si deglbi yenabuka i pre Jisas dugwa
(Matyu 15.10-20)
14Ana Jisas aglke kor yoba mere magigl wio di, agle dugo, wigo, ye di te, yegl dugwa, Na ka ta erme dinaglka i, ene mudu prisre, nomane inaiglme dugwa. 15-16Taragl ta meda yogo, ne atne edigwa i, taragl i yoba ta si deglbi yeikrukwa ba taragl ta deno muduno mina yogo, ye drano mina ede meda ugwa i, taragl i kaima yoba si deglbi yomiwe dugwa.
17Ana Jisas ye duglo beglkwa yagl ikra bogl yoba mere kide meglkwa i kide kodidre, ede yugugl ta eigo, ye duglo beglkwa yagl Jisas ka ebrie dugwa ikra pre kira peglkwa. 18Kira peglko, Jisas yegl dugwa, Ene ama nomane ikrimo? Taragl ta meda yogo, yoba ta ne atne edigwa i, taragl i yoba ta si deglbi yeikrukwa i, ene prikrikwa paugwa. 19Taragl ta meda yogo, yoba ne atne edigwa i, ede kiano mina pikrukwa ba ede deno biglko mina pidre, okuo ede de mur yugu omiwe dugwa. (Jisas ka yegl dugwa i, yoba kaya mokna kane kane nenaiglkwa i, mawagl ta paikrabuka pre dugwa.) 20Ye ama yegl dugwa, Yoba deno muduno mina taragl ta pogglau boglko, nomano mina poglo di pre, mabuno erikwa ya ka digwa swara i, God gumuglo wagle yoba si deglbi yogwa. 21-22I siragl pre yoba nomane kide prikwa ya, kumugl abai mo yagl abu ta bogl kunogl neigwa ya, taragl kunogl neigwa ya, yoba si geglkwa ya, taragl bubuno geglkwa ya, mabuno kide kaima kane kane beglkwa ya, ka kibi digwa ya, taragl mane pamara nogugl erikwa ya, yoba kide pre teigwa ya, kenaglno sigwa ya, yene pre i mitna edigwa ya, nomane kide kane kane pamere erikwa i, yoba deno muduno mina padre, ede meda wigwa. 23Mabuno kide mudu i, yoba deno muduno mina yedre, ede meda ugo, ka kaima yoba si deglbi yeimiwe di, Jisas yegl dugwa.
Fonisia abu ta Jisas pre meduglkwa
(Matyu 15.21-28)
24Ana Jisas dumo i kide kodidre, ede pi dumo kebra ta ogwa. Dumo kebra i, taun Tair we dimara i magigl yogwa. Ye dumo i pidre, ede yugu ta yugugl ogwa. Pidre, ye yoba na magigl i umedi pre dinaiglmedi prukwa. Ye yegl prukwa ba ye teke ta panan, yoba pre kan erekraiglkwa mere yegl ta manga. Ye ugwa i, yoba prikwa. 25Yegl pre abu ta Jisas ume digo, prisre, oglade ye moglmara u kagle mina yage si, kobragai paugwa. Abu i, ye abuglo kebra moglmara murubuglo kide ta suna moglkwa. 26Te, abu i Juda abu ta moglkrukwa. Ye Fonisia abu ta mogl, ka Grik dugwa. Dumo Fonisia we digwa i, dumo kade ta Siria we dimara suna yogwa. Ana ye Jisas moglmara u yage kobragai padre, ye abuglo moglmara murubuglo kide ta suna moglkwa ikra Jisas ye di meda edenabedi kamage yei, di pre moglkwa. 27Di pre moglko, Jisas di ikne ede, yegl dugwa, Yoba ta gak kebra kaya mokna nenaiglmere tenaiglkwa i, ake towa si idre, agl ta tebi, wakai ta paikrabuka. Gak kebra komono kana nenaiglmiwe dugwa. 28Yegl dugwa ba abu i di ikne ede, yegl dugwa, Yagl Kade yo, ene kuno ere dinga ba agl kiglkwa yoba ta kaya mokna plet mina nebi, kebra yage maginagle sinabuka i, agl bogl atne moraiglkwa i nenaiglmiwe dugwa. 29Yegl dugo, Jisas di ikne ede, yegl dugwa, Ene ka di ikne edinga i, wakai dinga pre ene ede ikne yugunmugl po. Murubuglo kide ikra ene abutn moglmara kide kodo, ede meda omiwe di, yegl dugwa. 30Yegl dugo, abu ikra ede ikne yugomugl pi kanugwa, murubuglo kide ye abuglo moglmara ede meda ogo, ye bogl mina ugl pai moglko, kanugwa.
Yagl ta kina gi dugo, ama ka di kun erekrukwa ta Jisas ere wakai ere togwa
31Ana Jisas dumo kebra ta Tair yomara magigl moglkwa ikra kide kodo, ye ede pi taun Saidon pidre, aglke kor ede pi nigl nubun Galili we dimara i pidre, i kide kodo, aglke kor ede pi distrik ta 10-pela Taun we dimara i ogwa. 32Ogo, yoba ere mogl, yagl ta kina gi dugo, ka di kun erekrukwa ta auro yu Jisas moglmara edidre, Jisas ye ogo i pi yagl i akidre, ere wakai ere tenabedi kamage yeigwa. 33Kamage yeigo, Jisas yagl i agre idre, yoba mere kide meglmara i kide kodo, ede bina ta pi mogl, ye ogo mogo suo i pi yagl i kina kun mina koglo koglo edidre, eur si ogo mogo mina padigl, i pi yagl i drabie mina si baugwa. 34Drabie mina si badre, ye kan heven ibo ede, muru i meda edidre, yagl i di te, Efata! dugwa. Ye ka Efata dugwa i, Yauro edo! mere yegl dugwa. 35Yegl dugo, yagl i kina gi dugo, ka di kun erekrukwa ikra, erme ka pre, ka kuno di, erukwa. 36Yegl eruko, Jisas yoba mudu magigl meglkwa i di te, Yoba ta di tekrio! dugwa. Yegl dugwa ba ye yoba di te wan meglkwa. Jisas ye yoba ege mere Di tekrio! dugwa, ba ye dugwa i prikre, ye yoba di te keme erikwa. 37I siragl pre ye Jisas erukwa i kandre, nagino podo kogl, yegl digwa, Jisas ye taragl mudu wakai keme erume digwa. Ye yoba kinano gi digwa i, ka praiglmedi ersre, yoba ka dikrikwa i, ka dinaiglmedi erumiwe di, yegl digwa.
Currently Selected:
Mak 7: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Mak 7
7
Farisi yoba God kamo kide kodo, kowano awano mabunono erikwa
(Matyu 15.1-9)
1 Ana igne i, Farisi yoba tau yeigo, God lomo beke teigwa yoba ama tau yeigo, dumo Jerusalem kide kodo, ede u Jisas moglmara mogl winabo didre, 2Jisas duglo beglkwa yagl tau kowano awano mabunono pamere erekre, ogono nigl koglkre, bret ake neigo, kanigwa. 3Farisi yoba ya te, Juda yoba pra pra ye kowano awano mabunono ake gi didre, ogono mabunono pamere nigl koglsre keme, kaya mokna neigwa. 4Ye maket wan mogl, ede ikne wigwa i, ama nigl padre keme, kaya mokna neigwa. Te, ye kowano awano mabunono pamere ama kap ya sin ya nigl migi nigl edigwa. Te, ye taragl ki yegl mere tau mere erikwa. 5Ana Farisi yoba ya God lomo beke teigwa yagl ye yegl erekrikwa kandre, Jisas kira pogl pre yegl digwa, Siragl eruko, ene duglo beglkwa yagl meglkwa i, kowano awano mabuno pamere ogono nigl koglkre, kaya mokna ake neime? digwa. 6Yegl digo, Jisas di ikne ede te, yegl dugwa, Ene ka didre, mabuno ta erikwa yoba meglkwa i, Aisaia ene pre God kamo ta kep ere, boglkwa i, kuno kaima erukwa. Ye ka ta ene pre boglkwa i, yegl paugwa,
Yoba i ye drano wagle na kagna kade narikwa ba ye deno muduno eglke yomiwa. 7Ye na kagna dagl, ake mina edigwa ba drano mina di yar edimiwa. Di yar edigwa i, i siragl pre ye yoba ka mabuno di tomne digwa i, kaima ta dikrisre, ye yoba lono i keme yoba di teimiwe#7.7 Aisaia 29.13
di, Aisaia yegl boglkwa. 8Kuno yegl, ene God lomo kide kodo, yoba mabunono ake gi dimiwe di, Jisas yegl dugwa.
9Jisas ka yegl di kodidre, ama yegl dugwa, Ene kowano awano mabuno pamere eramnedi God lomo kaima pamara si biglke digwa i, win paugwa. 10-13Moses dugwa i, Ene neno mano kano prisre, pre i mitna edio#7.10-13 Isip Kide Kodigwa 20.12, Lo 5.16 dugwa. Didre, ama yoba ta ye nem mo mam ka kide ta di tenan, ene ye si golo#7.10-13 Isip Kide Kodigwa 21.17, Tawa Teigwa 20.9 dugwa. God lomo yegl dugwa ba ene enene mabunono duglo boramnedi yoba ta ye nem mam pre i mitna edidre, taragl tau tenabuka pamara i, i eglke edidre, ye taragl i God tenaluwe dugwa i, ene kuno pamiwe digwa. Ye nem mam pre i mitna edidre, ake ple di tenabuka i, ene mane digwa mere yegl paugwa. Ene yegl dimara i, ene enene mabunono duglo boramnedi God lomo kide kodimiwe dugwa.
Siragl taragl yoba si deglbi yenabuka i pre Jisas dugwa
(Matyu 15.10-20)
14Ana Jisas aglke kor yoba mere magigl wio di, agle dugo, wigo, ye di te, yegl dugwa, Na ka ta erme dinaglka i, ene mudu prisre, nomane inaiglme dugwa. 15-16Taragl ta meda yogo, ne atne edigwa i, taragl i yoba ta si deglbi yeikrukwa ba taragl ta deno muduno mina yogo, ye drano mina ede meda ugwa i, taragl i kaima yoba si deglbi yomiwe dugwa.
17Ana Jisas ye duglo beglkwa yagl ikra bogl yoba mere kide meglkwa i kide kodidre, ede yugugl ta eigo, ye duglo beglkwa yagl Jisas ka ebrie dugwa ikra pre kira peglkwa. 18Kira peglko, Jisas yegl dugwa, Ene ama nomane ikrimo? Taragl ta meda yogo, yoba ta ne atne edigwa i, taragl i yoba ta si deglbi yeikrukwa i, ene prikrikwa paugwa. 19Taragl ta meda yogo, yoba ne atne edigwa i, ede kiano mina pikrukwa ba ede deno biglko mina pidre, okuo ede de mur yugu omiwe dugwa. (Jisas ka yegl dugwa i, yoba kaya mokna kane kane nenaiglkwa i, mawagl ta paikrabuka pre dugwa.) 20Ye ama yegl dugwa, Yoba deno muduno mina taragl ta pogglau boglko, nomano mina poglo di pre, mabuno erikwa ya ka digwa swara i, God gumuglo wagle yoba si deglbi yogwa. 21-22I siragl pre yoba nomane kide prikwa ya, kumugl abai mo yagl abu ta bogl kunogl neigwa ya, taragl kunogl neigwa ya, yoba si geglkwa ya, taragl bubuno geglkwa ya, mabuno kide kaima kane kane beglkwa ya, ka kibi digwa ya, taragl mane pamara nogugl erikwa ya, yoba kide pre teigwa ya, kenaglno sigwa ya, yene pre i mitna edigwa ya, nomane kide kane kane pamere erikwa i, yoba deno muduno mina padre, ede meda wigwa. 23Mabuno kide mudu i, yoba deno muduno mina yedre, ede meda ugo, ka kaima yoba si deglbi yeimiwe di, Jisas yegl dugwa.
Fonisia abu ta Jisas pre meduglkwa
(Matyu 15.21-28)
24Ana Jisas dumo i kide kodidre, ede pi dumo kebra ta ogwa. Dumo kebra i, taun Tair we dimara i magigl yogwa. Ye dumo i pidre, ede yugu ta yugugl ogwa. Pidre, ye yoba na magigl i umedi pre dinaiglmedi prukwa. Ye yegl prukwa ba ye teke ta panan, yoba pre kan erekraiglkwa mere yegl ta manga. Ye ugwa i, yoba prikwa. 25Yegl pre abu ta Jisas ume digo, prisre, oglade ye moglmara u kagle mina yage si, kobragai paugwa. Abu i, ye abuglo kebra moglmara murubuglo kide ta suna moglkwa. 26Te, abu i Juda abu ta moglkrukwa. Ye Fonisia abu ta mogl, ka Grik dugwa. Dumo Fonisia we digwa i, dumo kade ta Siria we dimara suna yogwa. Ana ye Jisas moglmara u yage kobragai padre, ye abuglo moglmara murubuglo kide ta suna moglkwa ikra Jisas ye di meda edenabedi kamage yei, di pre moglkwa. 27Di pre moglko, Jisas di ikne ede, yegl dugwa, Yoba ta gak kebra kaya mokna nenaiglmere tenaiglkwa i, ake towa si idre, agl ta tebi, wakai ta paikrabuka. Gak kebra komono kana nenaiglmiwe dugwa. 28Yegl dugwa ba abu i di ikne ede, yegl dugwa, Yagl Kade yo, ene kuno ere dinga ba agl kiglkwa yoba ta kaya mokna plet mina nebi, kebra yage maginagle sinabuka i, agl bogl atne moraiglkwa i nenaiglmiwe dugwa. 29Yegl dugo, Jisas di ikne ede, yegl dugwa, Ene ka di ikne edinga i, wakai dinga pre ene ede ikne yugunmugl po. Murubuglo kide ikra ene abutn moglmara kide kodo, ede meda omiwe di, yegl dugwa. 30Yegl dugo, abu ikra ede ikne yugomugl pi kanugwa, murubuglo kide ye abuglo moglmara ede meda ogo, ye bogl mina ugl pai moglko, kanugwa.
Yagl ta kina gi dugo, ama ka di kun erekrukwa ta Jisas ere wakai ere togwa
31Ana Jisas dumo kebra ta Tair yomara magigl moglkwa ikra kide kodo, ye ede pi taun Saidon pidre, aglke kor ede pi nigl nubun Galili we dimara i pidre, i kide kodo, aglke kor ede pi distrik ta 10-pela Taun we dimara i ogwa. 32Ogo, yoba ere mogl, yagl ta kina gi dugo, ka di kun erekrukwa ta auro yu Jisas moglmara edidre, Jisas ye ogo i pi yagl i akidre, ere wakai ere tenabedi kamage yeigwa. 33Kamage yeigo, Jisas yagl i agre idre, yoba mere kide meglmara i kide kodo, ede bina ta pi mogl, ye ogo mogo suo i pi yagl i kina kun mina koglo koglo edidre, eur si ogo mogo mina padigl, i pi yagl i drabie mina si baugwa. 34Drabie mina si badre, ye kan heven ibo ede, muru i meda edidre, yagl i di te, Efata! dugwa. Ye ka Efata dugwa i, Yauro edo! mere yegl dugwa. 35Yegl dugo, yagl i kina gi dugo, ka di kun erekrukwa ikra, erme ka pre, ka kuno di, erukwa. 36Yegl eruko, Jisas yoba mudu magigl meglkwa i di te, Yoba ta di tekrio! dugwa. Yegl dugwa ba ye yoba di te wan meglkwa. Jisas ye yoba ege mere Di tekrio! dugwa, ba ye dugwa i prikre, ye yoba di te keme erikwa. 37I siragl pre ye Jisas erukwa i kandre, nagino podo kogl, yegl digwa, Jisas ye taragl mudu wakai keme erume digwa. Ye yoba kinano gi digwa i, ka praiglmedi ersre, yoba ka dikrikwa i, ka dinaiglmedi erumiwe di, yegl digwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission