Ka Di Poglkwa 13
13
Agl bugla are suo plau dibrika
1Ana okuo, na kaniga i, agl bugla are ta mudi nigl ede meda ugo, na kaniga. Agl bugla are i, bre 7-pela koglsre, te, bre yogagle 10-pela ama ugwa. Bre yogagle 10-pela i mina, king bitno gagl 10-pela edugwa. Te, ye bre 7-pela i mina, kagie swara swarade bogl atne edigo, paugwa. Ye kagie swara swarade i, ka kide, God di kide yei teigwa paugwa. 2Agl bugla are i, ye pusi are podo kide, lepat we digwa i moglmere moglkwa ba ye ogo kagle bea ogono kaglno keglmere mere yegl koglko, te ye dra, laion drano keglmere mere koglkwa. Ye yegl mere moglko, toki podo ikra na agl bugla are i sia kingna mina ame di mogl, yoba mere kide bitno morabedi yobuglna teiwe dugwa.
3Ana na yegl kandre, ama kaniga i, agl bugla are i, bre 7-pela paimara suna i swara ta yoba sigo, podo boglkwa pre ye gorabuka paugwa ba ye goglkrukwa. Yoba ye bre mina sigo, boglmara i, kor yogo, ye ede u kor ogwa. Ede u kor ogo, yoba uglo koglo koglo meglkwa i nagino koglsre, agl bugla are i, kamo duglo bogl meglkwa. 4Ye kamo duglo boglsre, te toki podo ye yobuglomo agl bugla are togwa ikra pre yoba toki i kagie kade teigwa. Tedre, agl bugla are i ama kagie kade te, yegl digwa, Yoba swara ta mogl mitna ede, agl bugla are i ta tekrime digwa. Te, yoba swara kaima ta ye kuda bogl tenabuka ama kuno ta erekrumiwe di, yegl digwa.
5Ana God ye agl bugla are i ka kide kane kane di narsre, ba 42-pela yene prumere erabedi kanige eruko, 6ye God di kide yei tedre, kagie ere kide ere togwa. Ye God kagie ere kide ere tedre, te, God sel yugumo heven ibo yogwa i di kide yei tedre, yoba heven ibo meglkwa i ama di kide yei togwa. 7Te, God ama agl bugla are i na yobanama kuda bogl tedre, yobuglo erabedi kanige ersre, ye yoba uglo koglo koglo mogl, yugobuno pere pere moglsre, ka pere pere digwa i mudu bitno morabedi ama togwa. 8Bitno morabedi togo, makandigle yoba tau kagno kor aimadi moraiglkwa buk i mina paikrukwa meglkwa i, ye agl bugla are i kagie kade teigwa. Kor aimadi moraiglkwa buk i, sipsip nagigle, yoba ye okna si geglkwa ikra, bukmo yogwa. Buk i God okna ibo, dumo makan ere yeikrukwa igne, yoba ta kor aimadi moraiglkwa i, kagno bogl atne ede kodugwa.
9Ana ka magigl paugwa i, yoba ta pre pogl sinagledi pran, ye wakai ere kina gudu prabuka paugwa. 10God yoba ta ede kane yugu enabedi di paduglkwa i, kaima ede kane yugu enabuka. Te, yoba ta, bainet mina si goraiglmedi di paduglkwa i, ye kaima si goraiglkwa.#13.10 Jeremaia 15.2 Taragl yegl plau dinabuka pre God yobama ta moraiglkwa i pre medigl pai moglsre, adigl gigledi moraiglkwa paugwa.
11Ana okuo agl bugla are ta ama makan atne mogl, ede egli ugo, na kaniga. Agl bugla are okuo ugwa i, bre yogagle suo, sipsip nagigle bre yogagle pamere mere yegl paugwa, ba ye ka dugwa i, toki podo ta ka dinabere mere kuno yegl dugwa. 12Ana agl bugla are ta okna moglkwa ikra kan moglko, agl bugla are kor ta ugwa i, namba podo yugwa. Agl bugla are ta komono mogl, yoba mudu bitno moglmere mere yegl, ye ama u yoba mudu bitno moglkwa. Te, ye ere mogl, yoba uglo koglo koglo meglkwa i mudu agl bugla are ta komono moglkwa i kagie kade tenaiglmedi erukwa. Agl bugla are komono i, yoba okna ye sigwa, gorabuka paugwa ba ye goglkre, ede u kor pi moglkwa ikra pre diga.
13Ana agl bugla are ta okuo ugwa i, ye kimagl tau podo podo mere ersre, yoba gumuglnomugl kamun mitna ibo doga drabie yage makandigle sinabedi eruko, doga drabie kaima yage makandigle sugwa. 14-15Ye agl bugla are ta komono moglkwa ikra yoba kagie kade tenaiglmedi kimagl tau mere ersre, makandigle yoba bakagl togwa. Ye bakagl tedre, ama ye di te, Agl bugla are ta yoba bainet mina sigo, goglkre, ede u kor ogwa i, ene ye kiamo ta bekio dugwa. Dugo, yoba bekigo, agl bugla are i, ye taragl kia beke yeigwa i ir pipode idre, ka dinabedi eruko, ka dugwa. Kiamo ka dugwa i, yegl dugwa, Yoba ira ta na kagna kade narekrabuka i, ene si golo dugwa. Agl bugla are taragl kane kane yegl erukwa i, God ye erabedi kanige eruko, ye erukwa.
16Ana agl bugla are ta okuo ugwa i ere mogl, yoba mudu muno gane ta ogono wo mina mo mabro mina inaiglmiwe dugwa. Yoba yoko meglkwa mo kade meglkwa i ya te, mige moni podo kan neigwa mo goduglme meglkwa i, ya te, yene kogono erikwa mo yoba pere boino pai teigwa i pra, ye mudu muno gane inaiglmiwe dugwa. 17Te, ye di paduglkwa i, yoba muno gane i ta ikrabuka yobamo i, taragl ta topo sikre, taragl maket ama erekrabedi di paduglkwa. Muno gane i, agl bugla are ta komono ugwa i kagie mo ye kagie nambamo paugwa.#13.17 Okna ibo, yoba ka Grik beglkwa igne, ye namba ta boraiglkwa i ta yeikrukwa pre ye 1 boramnedi prikwa i, a mere yegl beglkwa. Te, 2 boramnedi prikwa i, b mere yegl beglkwa. Yegl pre yoba kagie leta swara swarade keribi, namba ta yenabuka. 18Yegl pre yoba kinano gudu praiglkwa paugwa. Yoba ta nomanemo panan, ye agl bugla are nambamo kerenabuka i kuno erabuka. Nambamo i, yoba nambano paugwa. Ye nambamo i, 666 paugwa.
Currently Selected:
Ka Di Poglkwa 13: KB
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission
Ka Di Poglkwa 13
13
Agl bugla are suo plau dibrika
1Ana okuo, na kaniga i, agl bugla are ta mudi nigl ede meda ugo, na kaniga. Agl bugla are i, bre 7-pela koglsre, te, bre yogagle 10-pela ama ugwa. Bre yogagle 10-pela i mina, king bitno gagl 10-pela edugwa. Te, ye bre 7-pela i mina, kagie swara swarade bogl atne edigo, paugwa. Ye kagie swara swarade i, ka kide, God di kide yei teigwa paugwa. 2Agl bugla are i, ye pusi are podo kide, lepat we digwa i moglmere moglkwa ba ye ogo kagle bea ogono kaglno keglmere mere yegl koglko, te ye dra, laion drano keglmere mere koglkwa. Ye yegl mere moglko, toki podo ikra na agl bugla are i sia kingna mina ame di mogl, yoba mere kide bitno morabedi yobuglna teiwe dugwa.
3Ana na yegl kandre, ama kaniga i, agl bugla are i, bre 7-pela paimara suna i swara ta yoba sigo, podo boglkwa pre ye gorabuka paugwa ba ye goglkrukwa. Yoba ye bre mina sigo, boglmara i, kor yogo, ye ede u kor ogwa. Ede u kor ogo, yoba uglo koglo koglo meglkwa i nagino koglsre, agl bugla are i, kamo duglo bogl meglkwa. 4Ye kamo duglo boglsre, te toki podo ye yobuglomo agl bugla are togwa ikra pre yoba toki i kagie kade teigwa. Tedre, agl bugla are i ama kagie kade te, yegl digwa, Yoba swara ta mogl mitna ede, agl bugla are i ta tekrime digwa. Te, yoba swara kaima ta ye kuda bogl tenabuka ama kuno ta erekrumiwe di, yegl digwa.
5Ana God ye agl bugla are i ka kide kane kane di narsre, ba 42-pela yene prumere erabedi kanige eruko, 6ye God di kide yei tedre, kagie ere kide ere togwa. Ye God kagie ere kide ere tedre, te, God sel yugumo heven ibo yogwa i di kide yei tedre, yoba heven ibo meglkwa i ama di kide yei togwa. 7Te, God ama agl bugla are i na yobanama kuda bogl tedre, yobuglo erabedi kanige ersre, ye yoba uglo koglo koglo mogl, yugobuno pere pere moglsre, ka pere pere digwa i mudu bitno morabedi ama togwa. 8Bitno morabedi togo, makandigle yoba tau kagno kor aimadi moraiglkwa buk i mina paikrukwa meglkwa i, ye agl bugla are i kagie kade teigwa. Kor aimadi moraiglkwa buk i, sipsip nagigle, yoba ye okna si geglkwa ikra, bukmo yogwa. Buk i God okna ibo, dumo makan ere yeikrukwa igne, yoba ta kor aimadi moraiglkwa i, kagno bogl atne ede kodugwa.
9Ana ka magigl paugwa i, yoba ta pre pogl sinagledi pran, ye wakai ere kina gudu prabuka paugwa. 10God yoba ta ede kane yugu enabedi di paduglkwa i, kaima ede kane yugu enabuka. Te, yoba ta, bainet mina si goraiglmedi di paduglkwa i, ye kaima si goraiglkwa.#13.10 Jeremaia 15.2 Taragl yegl plau dinabuka pre God yobama ta moraiglkwa i pre medigl pai moglsre, adigl gigledi moraiglkwa paugwa.
11Ana okuo agl bugla are ta ama makan atne mogl, ede egli ugo, na kaniga. Agl bugla are okuo ugwa i, bre yogagle suo, sipsip nagigle bre yogagle pamere mere yegl paugwa, ba ye ka dugwa i, toki podo ta ka dinabere mere kuno yegl dugwa. 12Ana agl bugla are ta okna moglkwa ikra kan moglko, agl bugla are kor ta ugwa i, namba podo yugwa. Agl bugla are ta komono mogl, yoba mudu bitno moglmere mere yegl, ye ama u yoba mudu bitno moglkwa. Te, ye ere mogl, yoba uglo koglo koglo meglkwa i mudu agl bugla are ta komono moglkwa i kagie kade tenaiglmedi erukwa. Agl bugla are komono i, yoba okna ye sigwa, gorabuka paugwa ba ye goglkre, ede u kor pi moglkwa ikra pre diga.
13Ana agl bugla are ta okuo ugwa i, ye kimagl tau podo podo mere ersre, yoba gumuglnomugl kamun mitna ibo doga drabie yage makandigle sinabedi eruko, doga drabie kaima yage makandigle sugwa. 14-15Ye agl bugla are ta komono moglkwa ikra yoba kagie kade tenaiglmedi kimagl tau mere ersre, makandigle yoba bakagl togwa. Ye bakagl tedre, ama ye di te, Agl bugla are ta yoba bainet mina sigo, goglkre, ede u kor ogwa i, ene ye kiamo ta bekio dugwa. Dugo, yoba bekigo, agl bugla are i, ye taragl kia beke yeigwa i ir pipode idre, ka dinabedi eruko, ka dugwa. Kiamo ka dugwa i, yegl dugwa, Yoba ira ta na kagna kade narekrabuka i, ene si golo dugwa. Agl bugla are taragl kane kane yegl erukwa i, God ye erabedi kanige eruko, ye erukwa.
16Ana agl bugla are ta okuo ugwa i ere mogl, yoba mudu muno gane ta ogono wo mina mo mabro mina inaiglmiwe dugwa. Yoba yoko meglkwa mo kade meglkwa i ya te, mige moni podo kan neigwa mo goduglme meglkwa i, ya te, yene kogono erikwa mo yoba pere boino pai teigwa i pra, ye mudu muno gane inaiglmiwe dugwa. 17Te, ye di paduglkwa i, yoba muno gane i ta ikrabuka yobamo i, taragl ta topo sikre, taragl maket ama erekrabedi di paduglkwa. Muno gane i, agl bugla are ta komono ugwa i kagie mo ye kagie nambamo paugwa.#13.17 Okna ibo, yoba ka Grik beglkwa igne, ye namba ta boraiglkwa i ta yeikrukwa pre ye 1 boramnedi prikwa i, a mere yegl beglkwa. Te, 2 boramnedi prikwa i, b mere yegl beglkwa. Yegl pre yoba kagie leta swara swarade keribi, namba ta yenabuka. 18Yegl pre yoba kinano gudu praiglkwa paugwa. Yoba ta nomanemo panan, ye agl bugla are nambamo kerenabuka i kuno erabuka. Nambamo i, yoba nambano paugwa. Ye nambamo i, 666 paugwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission