Ka Di Poglkwa 3
3
Yagl Kade ye Sardis pre mediglkwa yoba ka di togwa
1Ana Yagl Kade ka yegl mere di narse, ama yegl di narukwa, Na ka erme di tenaglka i, ene bogl atne edidre, pre mediglkwa yoba dumo Sardis makai si meglkwa i, ye yagl ta dedigo, ugwa i, u plau dinan, ene ten, ye i pi Sardis yoba tenabiwe dugwa.
Ye yegl di kodidre, yegl dugwa, Na God Murubuglomo 7-pela i akidre, kugl kuri 7-pela ama akiga yagle moglka i, ene pre mediglkwa yoba dumo Sardis meglkwa i, yegl di teiwe dugwa, Ene mabuno siragl mere erikwa i, na pre kan eriwe dugwa. Yoba ene kanigwa i, kor mogl, wakai meglmedi kanigwa ba ene gogl kodigwa mere yegl meglkwa. 2Te, ene mabunono i, na Godna gumuglo mina kuno erekrukwa. Yoba ta doga ere gaglsre, ugl paugo, eduer suna doga i goginagledi erumere yegl mere, ene mabunono wakai i, ama goginagledi erukwa pre ene adiglsre, ede tau i tebe ede galo! 3Okna ene na kana siragl mere prisre, pre mediglkwa i, ene pre moglsre, nomano yake te, na kana i ake molo. Ene na dimere yegl erekre, ugl pai meglbi, na u ene sinaglka. Kunogl gogl yoba ta ede yugugl ugo, yugu nem kandre, wai kuglmere yegl, na aunake u ene sinaglka i, ene ta prikraiglkwa pre na wibo, ene ama wai kuraiglmiwe dugwa.
4Yagl Kade ye pre mediglkwa yoba dumo Sardis meglkwa i pre ka yegl didre, ama yegl dugwa, Ene tau mere meglkwa i, yoba kuguglno gaglno si deglbi yeimere mere yegl, ene mabuno deglbi yogwa i erikwa. Ba yoba tau ene meglmara suna i, mabuno kide yegl ta erekre, mabuno wakai erikwa pre ye kugugl gagl kruo edibi, ye na bogl si dakagl moramga i, kuno erukwa. Kuno erukwa pre kaima yegl mere moramga. 5Te, yoba ta kuda yobuglo erabuka i, kugugl gagl kruo yegl mere tebo, edenabuka. Ye kagie ama, yoba kor aimadi meglkwa bukmo mina God bogl atne edugwa yogwa i, na ka kaima ta ere edekraglka ba na Nina gumuglo mina ya te, ye angeloma gumuglno mina yoba i kagie di pogl tenaluwe di, yegl dugwa.
6Yagl Kade yegl didre, ama yegl dugwa, Ene pre mediglkwa yoba ta bage bage makai si meglkwa i, God Murubuglomo ene ka di togwa i ta pre pogl sinamnedi pribi, ene wakai ere kinano gudu praiglkwa pamiwe dugwa.
Yagl Kade ye Filadelfia pre mediglkwa yoba ka di togwa
7Ana Yagl Kade ka yegl mere di narse, ama yegl di narukwa, Na ka erme di tenaglka i, ene bogl atne edidre, pre mediglkwa yoba dumo Filadelfia makai si meglkwa i, ye yagl ta dedigo, ugwa i, u plau dinan, ene ten, ye i pi Filadelfia yoba tenabiwe dugwa.
Ye yegl di kodidre, yegl dugwa, Na moglka i, dena muduna pe kaima sugo, na ka dimara ege ege adigl moglka. Te, na Devit gawamo moglka pre God yoba kingno mogl, suglno morabara i, na ki ake moglka. Na taragl ta yauro edibo, yoba ta yogiglkraiglkwa. Te, na taragl ta yogiglbo, yoba ta yauro edekraiglkwa. Na yoba yegl moglka i, ene yegl di teiwe dugwa, 8Ene mabuno siragl mere erikwa i, na pre kan eriwe dugwa. Na pre kan erika i, ene yoba mere ta moglkrikwa te yobuglno podo paikrukwa ba ene na kana duglo beglkwa. Te, na kagna i ama ene mane dikre, mokono narekrikwa pre ene wakai erikwa. Yegl pre ene kanio! Ene na kogona eraiglmedi na dua ta ene yauro teiga. Yoba ta udre, dua i yogramnedi eribi, kuno ta erekrabuka. 9Te, ene prio! Juda yoba tau no Juda yoba munga pre God yobama muniwe digwa ba ye ka kibi digwa. Ye kaima God yobama ta moglkre, Satan ka mabuno yugumo makai sigwa yobama meglkwa. Ba ye u ene meglmara goglkono bodugl tedre, te na ene dena muduna teiga i, ye ama pre kan eraiglmedi eraliwe, di yegl dugwa.
10Yagl Kade ye pre mediglkwa yoba dumo Filadelfia makai si meglkwa i pre ka yegl didre, ama yegl dugwa, Yubun ta unan, ene adigl gigledi molo dimere yegl, ene erikwa pre ege kide ta makandigle yoba mudu meglmara unabuka i, ene suna mogl, yubun akie i dinaiglmedi ere tenaluwe dugwa. Makandigle yoba mudu ta eribi kanagledi ege kide i dedibo, ye mudu meglmara unabuka ba ene meglmara ta ukrabuka pre diga. 11Na ede ikne unaglka i, magigl erukwa pre ene na mabunona erikwa i, ake gi di molo. Ake gi di meglbi, yoba swara ta ene praisno i eglke edenaiglkwa i, kuno erekrabuka.
12Yagl Kade yegl didre, ama yegl dugwa, Yoba ta kuda yobuglo erabuka i, na ere mogl, ye na Godna yugumo mina yugu kauglage mere yegl morabedi eribo, ye God yugumo yomara keme moglsre, okuo ede meda ta pikrabuka. Te, na Godna kagie i, yoba i ogono nagino mina bogl atne edidre, na kagna kor yenabuka i ama ye mina bogl atne edidre, na Godna dumomo kagie ama ye mina bogl atne edenaglka. God dumomo we diga i, Jerusalem kor heven ibo, na Godna moglmara yei, ede atne unabuka i pre diwe dugwa.
13Yagl Kade yegl didre, ama yegl dugwa, Ene pre mediglkwa yoba ta bage bage makai si meglkwa i, God Murubuglomo ene ka di togwa i ta pre pogl sinamnedi pribi, ene wakai ere kinano gudu praiglkwa pamiwe dugwa.
Yagl Kade ye Laodisia pre mediglkwa yoba ka di togwa
14Ana Yagl Kade ka yegl mere di narse, ama yegl di narukwa, Na ka erme di tenaglka i, ene bogl atne edidre, pre mediglkwa yoba dumo Laodisia makai si meglkwa i, ye yagl ta dedigo, ugwa i, u plau dinan, ene ten, ye i pi Laodisia yoba tenabiwe dugwa.
Ye yegl di kodidre, yegl dugwa, Na moglka i, na ka kibi ta di kankre, ka kaima keme diga. Te, God kamo siragl mere dugwa i, na pamere keme ege ege ene di teiga. Te, God taragl kane kane mudu ere yogwa i, na taragl i, bitno moglka. Na yoba yegl moglka i, ene yegl di teiwe dugwa, 15-16Ene mabuno siragl mere erikwa i, na pre kan eriwe dugwa. Na prika i, ene na mabunona kaima eramnedi prikrikwa ba ene ama na mabunona mudu kide kodokrikwa. Ene suna suna mere yegl meglkwa. Ene yegl meglkwa i, ene nigl dogwa mere yegl moglkre, nigl kor mere yegl ama moglkrikwa ba ene nigl gagl i meda edigwa, bi yomere mere yegl meglkwa. Na prika i, ene na mabunona kaima eramnedi pribi, i wakai panabuka, te ta manan, ene mudu kide kodinaiglkwa paugwa. Ba ene suna suna meglkwa i, na kide prika pre yoba nigl kobugl kar simere mere yegl, na ene sedinaluwe dugwa.
17Yagl Kade ye Laodisia yoba pre ka yegl didre, ama yegl dugwa, Ene digwa i, No mige moni ya bona gana mere kide pai norukwa pre taragl swara ta inamga i ta paikrumiwe digwa. Ene yegl digwa ba ene goduglme mere yegl moglsre, yoba kide kaima meglkwa i, ene ta pre kan erekrikwa. Ene gumuglno ama kin yogo, yokoko meglkwa. 18Yegl pre na ene di teiga i, ene na moglmara udre, gol wakai, doga mina gaiglkwa, pe kaima sugwa i, topo sinaiglkwa paugwa. Ene na golna i ta topo sibi, ene goduglme moglkre, taragl wakai mere igwa mere yegl panabuka. Te, ene ama na moglmara udre, kugugl gagl kruo topo sidre, edibi, wakai panabuka. Ta manan, yoba ene yokoko meglmedi kanibi, ene agai goraiglkwa. Te, ene marasin tau topo si idre, gumuglno mina egribi, ene gumuglno wakai enan, aglke kor pene di kanaiglkwa paugwa. 19Ene prio! Na dena muduna teiga yoba i ta aglau erikwa igne, na ye ka tedre, ye ere si di iga. Yegl pre ene nomano yake tedre, na pre di yar edigwa i kide kodo, nigl dogwa mere yegl molo! dugwa.
20Ene prio! Na yugu dua mina adigl mogl, dua sidre, ene agle di moglka mere yegl paugwa. Yoba ta na agle diga i prisre, yugu dua yauro edenan, na ede yugugl unaglka. Wibo, na yoba i bogl ame di mogl, kaya mokna akie nenabuglka. 21Yoba ta kuda yobuglo erabuka i, na yoba i pra we di tebo, siana king mina akie ame dinabuglka. Na kuda mina yobuglo ersre, Nina siamo mina na Nina bogl akie ame dubuglere yegl, na yoba i bogl akie ame dinabuglka pre diwe di, Yagl Kade yegl dugwa.
22Yagl Kade yegl didre, ama yegl dugwa, Ene pre mediglkwa yoba ta bage bage makai si meglkwa i, God Murubuglomo ene ka di togwa i ta pre pogl sinamnedi pribi, ene wakai ere kinano gudu praiglkwa pamiwe dugwa.
Currently Selected:
Ka Di Poglkwa 3: KB
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission
Ka Di Poglkwa 3
3
Yagl Kade ye Sardis pre mediglkwa yoba ka di togwa
1Ana Yagl Kade ka yegl mere di narse, ama yegl di narukwa, Na ka erme di tenaglka i, ene bogl atne edidre, pre mediglkwa yoba dumo Sardis makai si meglkwa i, ye yagl ta dedigo, ugwa i, u plau dinan, ene ten, ye i pi Sardis yoba tenabiwe dugwa.
Ye yegl di kodidre, yegl dugwa, Na God Murubuglomo 7-pela i akidre, kugl kuri 7-pela ama akiga yagle moglka i, ene pre mediglkwa yoba dumo Sardis meglkwa i, yegl di teiwe dugwa, Ene mabuno siragl mere erikwa i, na pre kan eriwe dugwa. Yoba ene kanigwa i, kor mogl, wakai meglmedi kanigwa ba ene gogl kodigwa mere yegl meglkwa. 2Te, ene mabunono i, na Godna gumuglo mina kuno erekrukwa. Yoba ta doga ere gaglsre, ugl paugo, eduer suna doga i goginagledi erumere yegl mere, ene mabunono wakai i, ama goginagledi erukwa pre ene adiglsre, ede tau i tebe ede galo! 3Okna ene na kana siragl mere prisre, pre mediglkwa i, ene pre moglsre, nomano yake te, na kana i ake molo. Ene na dimere yegl erekre, ugl pai meglbi, na u ene sinaglka. Kunogl gogl yoba ta ede yugugl ugo, yugu nem kandre, wai kuglmere yegl, na aunake u ene sinaglka i, ene ta prikraiglkwa pre na wibo, ene ama wai kuraiglmiwe dugwa.
4Yagl Kade ye pre mediglkwa yoba dumo Sardis meglkwa i pre ka yegl didre, ama yegl dugwa, Ene tau mere meglkwa i, yoba kuguglno gaglno si deglbi yeimere mere yegl, ene mabuno deglbi yogwa i erikwa. Ba yoba tau ene meglmara suna i, mabuno kide yegl ta erekre, mabuno wakai erikwa pre ye kugugl gagl kruo edibi, ye na bogl si dakagl moramga i, kuno erukwa. Kuno erukwa pre kaima yegl mere moramga. 5Te, yoba ta kuda yobuglo erabuka i, kugugl gagl kruo yegl mere tebo, edenabuka. Ye kagie ama, yoba kor aimadi meglkwa bukmo mina God bogl atne edugwa yogwa i, na ka kaima ta ere edekraglka ba na Nina gumuglo mina ya te, ye angeloma gumuglno mina yoba i kagie di pogl tenaluwe di, yegl dugwa.
6Yagl Kade yegl didre, ama yegl dugwa, Ene pre mediglkwa yoba ta bage bage makai si meglkwa i, God Murubuglomo ene ka di togwa i ta pre pogl sinamnedi pribi, ene wakai ere kinano gudu praiglkwa pamiwe dugwa.
Yagl Kade ye Filadelfia pre mediglkwa yoba ka di togwa
7Ana Yagl Kade ka yegl mere di narse, ama yegl di narukwa, Na ka erme di tenaglka i, ene bogl atne edidre, pre mediglkwa yoba dumo Filadelfia makai si meglkwa i, ye yagl ta dedigo, ugwa i, u plau dinan, ene ten, ye i pi Filadelfia yoba tenabiwe dugwa.
Ye yegl di kodidre, yegl dugwa, Na moglka i, dena muduna pe kaima sugo, na ka dimara ege ege adigl moglka. Te, na Devit gawamo moglka pre God yoba kingno mogl, suglno morabara i, na ki ake moglka. Na taragl ta yauro edibo, yoba ta yogiglkraiglkwa. Te, na taragl ta yogiglbo, yoba ta yauro edekraiglkwa. Na yoba yegl moglka i, ene yegl di teiwe dugwa, 8Ene mabuno siragl mere erikwa i, na pre kan eriwe dugwa. Na pre kan erika i, ene yoba mere ta moglkrikwa te yobuglno podo paikrukwa ba ene na kana duglo beglkwa. Te, na kagna i ama ene mane dikre, mokono narekrikwa pre ene wakai erikwa. Yegl pre ene kanio! Ene na kogona eraiglmedi na dua ta ene yauro teiga. Yoba ta udre, dua i yogramnedi eribi, kuno ta erekrabuka. 9Te, ene prio! Juda yoba tau no Juda yoba munga pre God yobama muniwe digwa ba ye ka kibi digwa. Ye kaima God yobama ta moglkre, Satan ka mabuno yugumo makai sigwa yobama meglkwa. Ba ye u ene meglmara goglkono bodugl tedre, te na ene dena muduna teiga i, ye ama pre kan eraiglmedi eraliwe, di yegl dugwa.
10Yagl Kade ye pre mediglkwa yoba dumo Filadelfia makai si meglkwa i pre ka yegl didre, ama yegl dugwa, Yubun ta unan, ene adigl gigledi molo dimere yegl, ene erikwa pre ege kide ta makandigle yoba mudu meglmara unabuka i, ene suna mogl, yubun akie i dinaiglmedi ere tenaluwe dugwa. Makandigle yoba mudu ta eribi kanagledi ege kide i dedibo, ye mudu meglmara unabuka ba ene meglmara ta ukrabuka pre diga. 11Na ede ikne unaglka i, magigl erukwa pre ene na mabunona erikwa i, ake gi di molo. Ake gi di meglbi, yoba swara ta ene praisno i eglke edenaiglkwa i, kuno erekrabuka.
12Yagl Kade yegl didre, ama yegl dugwa, Yoba ta kuda yobuglo erabuka i, na ere mogl, ye na Godna yugumo mina yugu kauglage mere yegl morabedi eribo, ye God yugumo yomara keme moglsre, okuo ede meda ta pikrabuka. Te, na Godna kagie i, yoba i ogono nagino mina bogl atne edidre, na kagna kor yenabuka i ama ye mina bogl atne edidre, na Godna dumomo kagie ama ye mina bogl atne edenaglka. God dumomo we diga i, Jerusalem kor heven ibo, na Godna moglmara yei, ede atne unabuka i pre diwe dugwa.
13Yagl Kade yegl didre, ama yegl dugwa, Ene pre mediglkwa yoba ta bage bage makai si meglkwa i, God Murubuglomo ene ka di togwa i ta pre pogl sinamnedi pribi, ene wakai ere kinano gudu praiglkwa pamiwe dugwa.
Yagl Kade ye Laodisia pre mediglkwa yoba ka di togwa
14Ana Yagl Kade ka yegl mere di narse, ama yegl di narukwa, Na ka erme di tenaglka i, ene bogl atne edidre, pre mediglkwa yoba dumo Laodisia makai si meglkwa i, ye yagl ta dedigo, ugwa i, u plau dinan, ene ten, ye i pi Laodisia yoba tenabiwe dugwa.
Ye yegl di kodidre, yegl dugwa, Na moglka i, na ka kibi ta di kankre, ka kaima keme diga. Te, God kamo siragl mere dugwa i, na pamere keme ege ege ene di teiga. Te, God taragl kane kane mudu ere yogwa i, na taragl i, bitno moglka. Na yoba yegl moglka i, ene yegl di teiwe dugwa, 15-16Ene mabuno siragl mere erikwa i, na pre kan eriwe dugwa. Na prika i, ene na mabunona kaima eramnedi prikrikwa ba ene ama na mabunona mudu kide kodokrikwa. Ene suna suna mere yegl meglkwa. Ene yegl meglkwa i, ene nigl dogwa mere yegl moglkre, nigl kor mere yegl ama moglkrikwa ba ene nigl gagl i meda edigwa, bi yomere mere yegl meglkwa. Na prika i, ene na mabunona kaima eramnedi pribi, i wakai panabuka, te ta manan, ene mudu kide kodinaiglkwa paugwa. Ba ene suna suna meglkwa i, na kide prika pre yoba nigl kobugl kar simere mere yegl, na ene sedinaluwe dugwa.
17Yagl Kade ye Laodisia yoba pre ka yegl didre, ama yegl dugwa, Ene digwa i, No mige moni ya bona gana mere kide pai norukwa pre taragl swara ta inamga i ta paikrumiwe digwa. Ene yegl digwa ba ene goduglme mere yegl moglsre, yoba kide kaima meglkwa i, ene ta pre kan erekrikwa. Ene gumuglno ama kin yogo, yokoko meglkwa. 18Yegl pre na ene di teiga i, ene na moglmara udre, gol wakai, doga mina gaiglkwa, pe kaima sugwa i, topo sinaiglkwa paugwa. Ene na golna i ta topo sibi, ene goduglme moglkre, taragl wakai mere igwa mere yegl panabuka. Te, ene ama na moglmara udre, kugugl gagl kruo topo sidre, edibi, wakai panabuka. Ta manan, yoba ene yokoko meglmedi kanibi, ene agai goraiglkwa. Te, ene marasin tau topo si idre, gumuglno mina egribi, ene gumuglno wakai enan, aglke kor pene di kanaiglkwa paugwa. 19Ene prio! Na dena muduna teiga yoba i ta aglau erikwa igne, na ye ka tedre, ye ere si di iga. Yegl pre ene nomano yake tedre, na pre di yar edigwa i kide kodo, nigl dogwa mere yegl molo! dugwa.
20Ene prio! Na yugu dua mina adigl mogl, dua sidre, ene agle di moglka mere yegl paugwa. Yoba ta na agle diga i prisre, yugu dua yauro edenan, na ede yugugl unaglka. Wibo, na yoba i bogl ame di mogl, kaya mokna akie nenabuglka. 21Yoba ta kuda yobuglo erabuka i, na yoba i pra we di tebo, siana king mina akie ame dinabuglka. Na kuda mina yobuglo ersre, Nina siamo mina na Nina bogl akie ame dubuglere yegl, na yoba i bogl akie ame dinabuglka pre diwe di, Yagl Kade yegl dugwa.
22Yagl Kade yegl didre, ama yegl dugwa, Ene pre mediglkwa yoba ta bage bage makai si meglkwa i, God Murubuglomo ene ka di togwa i ta pre pogl sinamnedi pribi, ene wakai ere kinano gudu praiglkwa pamiwe dugwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission