Ka Di Poglkwa 5
5
Sipsip nagigle ye pepa ake pigla dugwa
1Ana na taragl yegl mere kan kodidre, taragl ta ama kaniga i, yoba ta sia king mina ame di moglkwa ikra, ye pepa ta ogo wo mina ake moglko, kaniga. Pepa i, ake persre, kendel nuglo bage 7-pela si dagigwa. Te, pepa i mina akit akit ka beglkwa paugwa. 2Ana na kan moglko, angelo gigledi ta moglkwa ka podo didre, yegl dugwa, Yoba ta kagie kade panan, ye pepa i idre, si dagimara i sada bogl ede, pepa i ake duglo sinabuka i, ira yegl erabe? dugwa. 3Ye yegl dugwa ba yoba swara ta heven ibo moglkwa mo makandigle moglkwa mo makan atne moglkwa i, pepa i ake duglo sidre, atne kanabuka i kuno ta erekrukwa.
4Ana yoba ta pepa i ake duglo si, atne kanabedi dokigwa ba ta moglkrukwa pre na kai podo erika. 5Kai podo ere moglko, bitno yagl 24-pela meglmara suna i, yagl swara ta na di narsre, Kai kodo dugwa. Kano! Devit gawamo i, ye Juda yugobunomo mina moglsre, laion mere yegl moglkwa ikra umiwe dugwa. Ye kudamo ikne mudu kuda bogl tedre, yobuglo erukwa pre kendel nuglo bage 7-pela pepa mina si dagigwa i, ye sada bogl ede, pepa ake duglo sinabuka i, kuno erume dugwa.
6Ana yagl i yegl dugo, na kaniga i, taragl 4-pela sia king yomara magigl meglkwa ikra meglmara ya bitno yagl 24-pela meglmara agai suna i, sipsip nagigle ta adigl moglko, kaniga. Sipsip nagigle i, yoba ye okna si geglkwa mere yegl moglmedi kaniga. Te, ye bre yogagle 7-pela paugo, gumuglo ama 7-pela paugwa. Ye bre yogagle 7-pela i ya gumuglo 7-pela i, God Murubuglomo 7-pela, ye ede uglo koglo koglo enaiglmedi God dedugwa ikra, i nogugl edigwa. 7Ana na sipsip nagigle i kanigo, ye pi yagl ta sia king mina ame di moglsre, pepa ta ogo wo mina akugwa ikra yugwa. 8Ye pepa ake yugo, taragl 4-pela meglkwa yeigo, bitno yagl 24-pela meglkwa i ama yeigo, ye gumamugl yage kobragai paigwa. Ye swara swarade taragl gita mere yegl ta yogwa i akidre, plet ta gol mina bekigwa ama ake meglkwa. Plet swara swarade i, ede nuglo ta gaiglko, demene wakai erukwa i atne moglkwa. Ede nuglo demene wakai erukwa i, God yobama kamage erikwa i, i nogugl edugwa.
9Ana taragl 4-pela i ya yagl 24-pela i yage kobragai padre, giglage kor ta yegl digwa,
Ene kagn kade paugwa pre ene pepa idre, kendel nuglo si dagimara ibo sada boratnga i, kuno erukwa.
Ene kagn kade yegl mere inga i, i siragl pre ene goglsre, bormainen mina yoba mere kide God yobama moraiglmedi topo singa.
Yoba topo singa i, yoba uglo koglo koglo mogl, yugobuno pere pere moglsre,
kantri pere pere meglko, kano ama pai pere pere edugwa i,
Yugobuno swara swarade meglmara ene yoba topo si ikne edinga.
10Te, ene yoba i, i pi God yoba kingno mogl, suglno moglmara i suna edinga, meglkwa.
Te, ene ama ye tawa teigwa yoba mere yegl God kogonmo eraiglmedi tengo,
Ye king moglsre, dumo makan sugl moraiglmiwe,
di, giglage yegl digwa.
11Ana na kan moglko, sia king ya taragl 4-pela ikra ya bitno yagl 24-pela meglmara angelo mere kide ere mogl, mogl winabo didre, ka podo digo, na prika. Angelo i, ye tausan ya milion mere kide kaima meglkwa pre na kerinaglka mere yegl moglkrikwa. 12Ye digwa i, yegl digwa,
Sipsip nagigle ta goglkwa i, kagie kade inabuka kuno erukwa.
Ye yobuglomo podo paugo, taragl wakai wakai ye moglmara kau sugo, nomanemo ama podo kide paugwa.
Nono ye di wakai yei tedre, kagie kade te, debie sinamga i, kuno erumiwe
di, yegl digwa.
13Ana angelo i ka yegl digo, God taragl kane kane ere yogwa meglkwa i, ama akie ka ta digo, prika. Taragl heven ibo meglkwa ya makandigle meglkwa ya makan atne meglkwa ya mudi nigl atne meglkwa i, ye mudu u swara pidre, yegl digwa,
Yagl ta sia king mina ame di moglkwa i ya sipsip nagigle i,
Ye kagno kade inabrika pamiwe digwa.
Ye yobuglno podo kide paugo, aimadi kamin taragl mudu bitno mogl, suglno morabrika.
Nono ye debino sidre, kagno kade aimadi kamin tenamga pamiwe
di, yegl digwa.
14Taragl mudu yegl digo, taragl 4-pela meglkwa ikra Kaima we! digo, Bitno yagl 24-pela ikra aglke kor yage kobragai padre, God ya sipsip nagigle i, kagno kade teigwa.
Currently Selected:
Ka Di Poglkwa 5: KB
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission
Ka Di Poglkwa 5
5
Sipsip nagigle ye pepa ake pigla dugwa
1Ana na taragl yegl mere kan kodidre, taragl ta ama kaniga i, yoba ta sia king mina ame di moglkwa ikra, ye pepa ta ogo wo mina ake moglko, kaniga. Pepa i, ake persre, kendel nuglo bage 7-pela si dagigwa. Te, pepa i mina akit akit ka beglkwa paugwa. 2Ana na kan moglko, angelo gigledi ta moglkwa ka podo didre, yegl dugwa, Yoba ta kagie kade panan, ye pepa i idre, si dagimara i sada bogl ede, pepa i ake duglo sinabuka i, ira yegl erabe? dugwa. 3Ye yegl dugwa ba yoba swara ta heven ibo moglkwa mo makandigle moglkwa mo makan atne moglkwa i, pepa i ake duglo sidre, atne kanabuka i kuno ta erekrukwa.
4Ana yoba ta pepa i ake duglo si, atne kanabedi dokigwa ba ta moglkrukwa pre na kai podo erika. 5Kai podo ere moglko, bitno yagl 24-pela meglmara suna i, yagl swara ta na di narsre, Kai kodo dugwa. Kano! Devit gawamo i, ye Juda yugobunomo mina moglsre, laion mere yegl moglkwa ikra umiwe dugwa. Ye kudamo ikne mudu kuda bogl tedre, yobuglo erukwa pre kendel nuglo bage 7-pela pepa mina si dagigwa i, ye sada bogl ede, pepa ake duglo sinabuka i, kuno erume dugwa.
6Ana yagl i yegl dugo, na kaniga i, taragl 4-pela sia king yomara magigl meglkwa ikra meglmara ya bitno yagl 24-pela meglmara agai suna i, sipsip nagigle ta adigl moglko, kaniga. Sipsip nagigle i, yoba ye okna si geglkwa mere yegl moglmedi kaniga. Te, ye bre yogagle 7-pela paugo, gumuglo ama 7-pela paugwa. Ye bre yogagle 7-pela i ya gumuglo 7-pela i, God Murubuglomo 7-pela, ye ede uglo koglo koglo enaiglmedi God dedugwa ikra, i nogugl edigwa. 7Ana na sipsip nagigle i kanigo, ye pi yagl ta sia king mina ame di moglsre, pepa ta ogo wo mina akugwa ikra yugwa. 8Ye pepa ake yugo, taragl 4-pela meglkwa yeigo, bitno yagl 24-pela meglkwa i ama yeigo, ye gumamugl yage kobragai paigwa. Ye swara swarade taragl gita mere yegl ta yogwa i akidre, plet ta gol mina bekigwa ama ake meglkwa. Plet swara swarade i, ede nuglo ta gaiglko, demene wakai erukwa i atne moglkwa. Ede nuglo demene wakai erukwa i, God yobama kamage erikwa i, i nogugl edugwa.
9Ana taragl 4-pela i ya yagl 24-pela i yage kobragai padre, giglage kor ta yegl digwa,
Ene kagn kade paugwa pre ene pepa idre, kendel nuglo si dagimara ibo sada boratnga i, kuno erukwa.
Ene kagn kade yegl mere inga i, i siragl pre ene goglsre, bormainen mina yoba mere kide God yobama moraiglmedi topo singa.
Yoba topo singa i, yoba uglo koglo koglo mogl, yugobuno pere pere moglsre,
kantri pere pere meglko, kano ama pai pere pere edugwa i,
Yugobuno swara swarade meglmara ene yoba topo si ikne edinga.
10Te, ene yoba i, i pi God yoba kingno mogl, suglno moglmara i suna edinga, meglkwa.
Te, ene ama ye tawa teigwa yoba mere yegl God kogonmo eraiglmedi tengo,
Ye king moglsre, dumo makan sugl moraiglmiwe,
di, giglage yegl digwa.
11Ana na kan moglko, sia king ya taragl 4-pela ikra ya bitno yagl 24-pela meglmara angelo mere kide ere mogl, mogl winabo didre, ka podo digo, na prika. Angelo i, ye tausan ya milion mere kide kaima meglkwa pre na kerinaglka mere yegl moglkrikwa. 12Ye digwa i, yegl digwa,
Sipsip nagigle ta goglkwa i, kagie kade inabuka kuno erukwa.
Ye yobuglomo podo paugo, taragl wakai wakai ye moglmara kau sugo, nomanemo ama podo kide paugwa.
Nono ye di wakai yei tedre, kagie kade te, debie sinamga i, kuno erumiwe
di, yegl digwa.
13Ana angelo i ka yegl digo, God taragl kane kane ere yogwa meglkwa i, ama akie ka ta digo, prika. Taragl heven ibo meglkwa ya makandigle meglkwa ya makan atne meglkwa ya mudi nigl atne meglkwa i, ye mudu u swara pidre, yegl digwa,
Yagl ta sia king mina ame di moglkwa i ya sipsip nagigle i,
Ye kagno kade inabrika pamiwe digwa.
Ye yobuglno podo kide paugo, aimadi kamin taragl mudu bitno mogl, suglno morabrika.
Nono ye debino sidre, kagno kade aimadi kamin tenamga pamiwe
di, yegl digwa.
14Taragl mudu yegl digo, taragl 4-pela meglkwa ikra Kaima we! digo, Bitno yagl 24-pela ikra aglke kor yage kobragai padre, God ya sipsip nagigle i, kagno kade teigwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission