Ka Di Poglkwa 7
7
God ye Israel yoba 144,000 muno gane ere togwa
1Ana na taragl yegl mere kan kodidre, ta ama kaniga i, dumo makan yei pi, uglo yogwa i, bage 4-pela yogwa. Yomara i, angelo 4-pela adigl moglsre, ir ede suna u dinabedi ake kegl di meglko, kaniga. Ir ta ade umara mo ade beimara mo nigl bre beye mogl udre, dumo makan mo mudi nigl mo ede swara ta ir si dinabedi ake kegl digwa. 2-3Ana angelo 4-pela i, God ye dumo makan ya mudi nigl ere kide ere tenaiglmedi yobuglo togwa ba angelo pere ta ama ade umara ede egli udre, ka podo di, angelo 4-pela i yegl di togwa, Ene kan molo! No God niglmo kogonmo yoba meglkwa i, mabro mina muno gane ere padigl te kodumdre, ene dumo makan, mudi nigl, ya ede pra, okuo ere kide eraiglmiwe dugwa. Te, angelo i, taragl ta ake moglkwa i, God kor aimadi moglkwa i, ye yobama muno ganemo ere tenabuka taragl i, ake moglkwa.
4Ana angelo i yegl dugo, ye angelo tau bogl yoba muno gane ere padigl teigo, na yoba siramna mere muno gane igwa i, digo, prika. Ye digwa i, yoba 144,000 muno gane ime digwa. Yoba 144,000 muno gane igwa i, ye Israel yoba yugobunono swara swarade mina meglkwa. 5Juda yoba yugobunono i mina 12,000 meglko, te, Ruben yoba yugobunono mina 12,000 meglko, Gat yoba yugobunono mina 12,000 ama meglkwa. 6Te, Aser yoba yugobunono mina 12,000 meglko, Naptali yoba yugobunono mina 12,000 meglko, Manase yoba yugobunono mina 12,000 meglkwa. 7Yegl meglko, te, Simeon yoba yuguobunono mina 12,000 meglko, Livai yoba yugobunono mina 12,000 meglko, Isakar yoba yugobunono mina 12,000 ama meglkwa. 8Te, Sebulun yoba yugobunono mina 12,000 meglko, Josep yoba yugobunono mina 12,000 meglko, Benjamin yoba yugobunono mina 12,000 ama meglkwa. Israel yoba yegl mere, yugobuno 12-pela meglkwa i, i swara ede, 144,000 muno gane igwa.
9Ana na taragl yegl mere kan kodidre, ta ama kaniga i, sia king yomara ya sipsip nagigle moglmara gumanomugl i, yoba mere kide kaima, yoba ta keribi, kuno erekrabuka mere yegl meglko, na kaniga. Kantri swara swarade ya yugubono swara swarade ya te, tok ples swara swarade paugwa i, yoba tau ede u yoba mere kide meglmara suna i, meglkwa. Ye kugugl gagl kruo edidre, ede pam tri yaudo ake mogl, 10ka podo yegl digwa, Nono Godno, sia king mina ame di moglkwa i ya te, sipsip nagigle i, ye suo i keme no ere ibriwe digwa.
11Ana yoba mere kide kaima i yegl digo, sia king yomara i, taragl 4-pela i ya bitno yagl 24-pela i ama meglko, angelo mudu bina mogl winabo digwa. Angelo i mudu kan sia king yomara edidre, yage kobragai pai, God kagie kade teigwa. 12Ye God kagie kade tedre, yegl digwa, Ka kaima, nono Godno aimadi kamin kagie kade tenamga paugwa. Ye swara nomanemo podo paugo, yobuglomo ama podo kide paugwa. Nono aimadi kamin ye di wakai yei tedre, debie si, kagie kade tenamga paugwa. Kaima we di, yegl digwa.
13Ana angelo i yegl di kodigo, bitno yagl 24-pela meglmara suna ikra swara ta na kira pogl prisre, yegl dugwa, Yoba kugugl gagl kruo edigwa meglkwa i, ye yoba ira moglsre, aglo mogl, wimedi pitne? dugwa. 14Yegl dugo, na di ikne ede te, Yagl kade yo, na ta pre kan erekrika ba ene pre kan etnedi prie diga. Na yegl digo, ye ere mogl, yegl di narukwa, Yoba i, ye ege kide, yubun podo kide ta erme plau dugwa igne i suna mogl, ede meda wigwa yobamo meglmiwe dugwa. Ye kugugl gagl kruo edigwa i, sipsip nagigle bormaimo mina kuguglno gaglno nigl edidre, ere i kruo edigwa. 15Yegl pre ye God siamo king yomara magigl moglsre, etne ya eduer ye yugumo yomara magigl i yugugl mogl, ye kogonmo ere teigwa. God, ye sia king mina ame di moglkwa i, ye sel yugumo ye meglmara tebe i, kei padran, 16ye ege swara ta kidan goglsre, nigl goglsre, erekraiglkwa. Te, ye ama ade dekre, niga dikrabuka. 17I siragl pre sipsip nagigle ye suna, sia king yomara moglkwa i, yoba sipsip suglno meglmere yegl mere, ye suglno morabuka. Ye suglno moglsre, ama ye nigl ta nedre, kor aimadi moraiglkwa i, ogo beimara obuno di tenan, nenaiglkwa.#7.17 Aisaia 49.10 Te, God yoba i kai erekraiglmedi erabuka. Kai ta eribi, God yene kai nuglo koko ede tenabiwe#7.17 Aisaia 25.8 di, yagl i yegl di narukwa.
Currently Selected:
Ka Di Poglkwa 7: KB
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission
Ka Di Poglkwa 7
7
God ye Israel yoba 144,000 muno gane ere togwa
1Ana na taragl yegl mere kan kodidre, ta ama kaniga i, dumo makan yei pi, uglo yogwa i, bage 4-pela yogwa. Yomara i, angelo 4-pela adigl moglsre, ir ede suna u dinabedi ake kegl di meglko, kaniga. Ir ta ade umara mo ade beimara mo nigl bre beye mogl udre, dumo makan mo mudi nigl mo ede swara ta ir si dinabedi ake kegl digwa. 2-3Ana angelo 4-pela i, God ye dumo makan ya mudi nigl ere kide ere tenaiglmedi yobuglo togwa ba angelo pere ta ama ade umara ede egli udre, ka podo di, angelo 4-pela i yegl di togwa, Ene kan molo! No God niglmo kogonmo yoba meglkwa i, mabro mina muno gane ere padigl te kodumdre, ene dumo makan, mudi nigl, ya ede pra, okuo ere kide eraiglmiwe dugwa. Te, angelo i, taragl ta ake moglkwa i, God kor aimadi moglkwa i, ye yobama muno ganemo ere tenabuka taragl i, ake moglkwa.
4Ana angelo i yegl dugo, ye angelo tau bogl yoba muno gane ere padigl teigo, na yoba siramna mere muno gane igwa i, digo, prika. Ye digwa i, yoba 144,000 muno gane ime digwa. Yoba 144,000 muno gane igwa i, ye Israel yoba yugobunono swara swarade mina meglkwa. 5Juda yoba yugobunono i mina 12,000 meglko, te, Ruben yoba yugobunono mina 12,000 meglko, Gat yoba yugobunono mina 12,000 ama meglkwa. 6Te, Aser yoba yugobunono mina 12,000 meglko, Naptali yoba yugobunono mina 12,000 meglko, Manase yoba yugobunono mina 12,000 meglkwa. 7Yegl meglko, te, Simeon yoba yuguobunono mina 12,000 meglko, Livai yoba yugobunono mina 12,000 meglko, Isakar yoba yugobunono mina 12,000 ama meglkwa. 8Te, Sebulun yoba yugobunono mina 12,000 meglko, Josep yoba yugobunono mina 12,000 meglko, Benjamin yoba yugobunono mina 12,000 ama meglkwa. Israel yoba yegl mere, yugobuno 12-pela meglkwa i, i swara ede, 144,000 muno gane igwa.
9Ana na taragl yegl mere kan kodidre, ta ama kaniga i, sia king yomara ya sipsip nagigle moglmara gumanomugl i, yoba mere kide kaima, yoba ta keribi, kuno erekrabuka mere yegl meglko, na kaniga. Kantri swara swarade ya yugubono swara swarade ya te, tok ples swara swarade paugwa i, yoba tau ede u yoba mere kide meglmara suna i, meglkwa. Ye kugugl gagl kruo edidre, ede pam tri yaudo ake mogl, 10ka podo yegl digwa, Nono Godno, sia king mina ame di moglkwa i ya te, sipsip nagigle i, ye suo i keme no ere ibriwe digwa.
11Ana yoba mere kide kaima i yegl digo, sia king yomara i, taragl 4-pela i ya bitno yagl 24-pela i ama meglko, angelo mudu bina mogl winabo digwa. Angelo i mudu kan sia king yomara edidre, yage kobragai pai, God kagie kade teigwa. 12Ye God kagie kade tedre, yegl digwa, Ka kaima, nono Godno aimadi kamin kagie kade tenamga paugwa. Ye swara nomanemo podo paugo, yobuglomo ama podo kide paugwa. Nono aimadi kamin ye di wakai yei tedre, debie si, kagie kade tenamga paugwa. Kaima we di, yegl digwa.
13Ana angelo i yegl di kodigo, bitno yagl 24-pela meglmara suna ikra swara ta na kira pogl prisre, yegl dugwa, Yoba kugugl gagl kruo edigwa meglkwa i, ye yoba ira moglsre, aglo mogl, wimedi pitne? dugwa. 14Yegl dugo, na di ikne ede te, Yagl kade yo, na ta pre kan erekrika ba ene pre kan etnedi prie diga. Na yegl digo, ye ere mogl, yegl di narukwa, Yoba i, ye ege kide, yubun podo kide ta erme plau dugwa igne i suna mogl, ede meda wigwa yobamo meglmiwe dugwa. Ye kugugl gagl kruo edigwa i, sipsip nagigle bormaimo mina kuguglno gaglno nigl edidre, ere i kruo edigwa. 15Yegl pre ye God siamo king yomara magigl moglsre, etne ya eduer ye yugumo yomara magigl i yugugl mogl, ye kogonmo ere teigwa. God, ye sia king mina ame di moglkwa i, ye sel yugumo ye meglmara tebe i, kei padran, 16ye ege swara ta kidan goglsre, nigl goglsre, erekraiglkwa. Te, ye ama ade dekre, niga dikrabuka. 17I siragl pre sipsip nagigle ye suna, sia king yomara moglkwa i, yoba sipsip suglno meglmere yegl mere, ye suglno morabuka. Ye suglno moglsre, ama ye nigl ta nedre, kor aimadi moraiglkwa i, ogo beimara obuno di tenan, nenaiglkwa.#7.17 Aisaia 49.10 Te, God yoba i kai erekraiglmedi erabuka. Kai ta eribi, God yene kai nuglo koko ede tenabiwe#7.17 Aisaia 25.8 di, yagl i yegl di narukwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2015 New Tribes Mission