Rom 13
13
Gavman yoba moraiglmara mogl atne edinamga
1Ana yoba kade gavman meglkwa i, God prumere u nono bitno meglko, God yene no bitno moraiglmedi i edugwa pre ye meglmara mogl atne edidre, kano pramga paugwa. 2Yoba ta ye kano sedibi, ye ama God kamo sedigwa. Yoba mabuno yegl ta eribi, ye ka inaiglkwa.
3Yoba ta mabuno wakai erikwa i, ye gavman yoba ta kuduglno gogl tekraiglkwa. Yoba ta ye no sinaiglmedi kudugl geglkwa i, ye mabuno kide erikwa pre gavman yoba kuduglno gogl teigwa. Yegl pre ene ta kuduglno goglkramnedi pribi, mabuno wakai erio. Yegl eribi, gavman yoba ta ene ere sikraiglkwa. Ye kandre, ene wakai erimiwe dinaiglkwa. 4God ye ene wakai moraiglmedi gavman yoba kade ta meglkwa i, kogon dedugo, erikwa. Ba ene kano sedidre, mabuno kide ye mane dimara i eribi, ene kuduglno goraiglkwa i, kuno erukwa. I siragl pre God ye gavman yoba kogon ta ama togwa i, yoba mabuno kide ta eribi, ye ere te ikne edidre, ere sinaiglmedi kogon togwa. 5Yegl pre ene gavman yoba nono bitno meglkwa i kano praiglkwa paugwa i, mem suo paugwa. Ta we, ene ye kano sedibi, ka inaiglkwa. Te, ta we, ene ye kano duglo boraiglkwa i, mabuno du paugwa pre ene ye kano duglo boglsre, mabuno du eunedi prisre, wakai praiglkwa.
6Ana gavman yoba nono bitno meglkwa i, kano duglo boramga paugwa pre mige moni taks ta norio dinaiglkwa i, ama nono tenamga paugwa. God ye gavman yoba nono ake ple di noraiglmedi kogon dedugo, ye ege ege kogon i erikwa pre mige taks tenamga i, kuno erukwa. 7Yegl pre taks kane kane siragl mere ta norio dinaiglkwa i, ene teo. Tedre, gavman yoba i ama nono bitno meglmedi kuduglno goglsre, pre i mitna edio.
8Ene dina ta eribi, panabuka i, tabre te ikne edio. Mige moni ya ki ta dina erumun, panabuka i, te ikne edimun, dudunabuka. Yegl paugwa ba kogon swara ta ege ege eramga paugwa i, dina mere yegl ta paugwa. Kogon i, deno muduno yoba tenamga paugwa. Yegl eramga i, dina mere yegl aimadi aimadi pai morabuka. I ta dudumedi prikramga.Te, ene prio! Ene yoba pere deno muduno tebi, ene God lomo mudu pamere erikwa mere yegl panabuka. 9-10God lomo mina lo swara ta yegl dugwa, Ene enene wakai kanimere yegl, ene yoba ta magigl akie kipanaiglkwa i ama wakai kanio#13.9-10 Tawa Teigwa Yoba 19.18, Isip Kide Kodigwa 20.13-17 dugwa. Yoba ta lo swara i duglo boglsre, dem muduo yoba tenan, ye lomo tau mudu ama duglo boglkwa mere panabuka. Prio! God lomo tau dugwa i, Ene yagl abu ta bogl kunogl nekrio! didre, Yoba si goglkrio! didre, Yoba pere taraglno kunogl nekre, bubuno goglkrio! dugwa. Lo yegl paugwa i ya te, lo kane kane siragl mere paugwa i, yoba ta ye yoba pere wakai kanan, ye mabuno kide kane kane i ta ere, yoba ta tekrabuka paugwa. Mabuno kide kane kane yegl ta ere, yoba ta tenan, ye yoba i wakai kankrukwa mere yegl paugwa.
11Ene ebrie mabunono pre na ka mere ene di teiga i, nono ege erme siragl mere munga i, ene pre pogl sidre, duglo boraiglkwa paugwa. Ene erme ugl panaiglkwa ege yeikrukwa pre ene adilo! Nono Jisas koragle pre medunga igne, God nono agre ede heven ibo enabuka igne i tau eglke yei pai moglkwa ba erme ede magigl u kodugwa pre diga. 12Yoba eduer mabuno kide kane kane erikwa ba nono munara i, eduer dudugwa. Kamin tagenagledi erukwa pre nono kugugl gagl deglbi yogwa gugl edumnere yegl, mabuno kide i kide kodidre, soldia kuda kugugl gagl edimere mere yegl, nono abuglage sumara mogl pai ersre, mabuno wakai boramga. 13Ermine, abuglage sumara moramga kuno erabere mere mabuno boramga pre diga i, yegl mere paugwa, nono mabuno gua gua ersre, spak ere, yagl abu ta bogl kunogl nedre, agl erimere mere yegl ersre, yegl ta erekramga. Te, nono ama yoba deno kubro tedre, kigl nonga dikramga paugwa. 14Ka kaima ene deno muduno goglo pamara, mabuno kide kane kane pogglau borabuka i, agai tekre, Yaglno Kade Jisas Krais ene suglno morabedi mogl atne ede molo.
Currently Selected:
Rom 13: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Rom 13
13
Gavman yoba moraiglmara mogl atne edinamga
1Ana yoba kade gavman meglkwa i, God prumere u nono bitno meglko, God yene no bitno moraiglmedi i edugwa pre ye meglmara mogl atne edidre, kano pramga paugwa. 2Yoba ta ye kano sedibi, ye ama God kamo sedigwa. Yoba mabuno yegl ta eribi, ye ka inaiglkwa.
3Yoba ta mabuno wakai erikwa i, ye gavman yoba ta kuduglno gogl tekraiglkwa. Yoba ta ye no sinaiglmedi kudugl geglkwa i, ye mabuno kide erikwa pre gavman yoba kuduglno gogl teigwa. Yegl pre ene ta kuduglno goglkramnedi pribi, mabuno wakai erio. Yegl eribi, gavman yoba ta ene ere sikraiglkwa. Ye kandre, ene wakai erimiwe dinaiglkwa. 4God ye ene wakai moraiglmedi gavman yoba kade ta meglkwa i, kogon dedugo, erikwa. Ba ene kano sedidre, mabuno kide ye mane dimara i eribi, ene kuduglno goraiglkwa i, kuno erukwa. I siragl pre God ye gavman yoba kogon ta ama togwa i, yoba mabuno kide ta eribi, ye ere te ikne edidre, ere sinaiglmedi kogon togwa. 5Yegl pre ene gavman yoba nono bitno meglkwa i kano praiglkwa paugwa i, mem suo paugwa. Ta we, ene ye kano sedibi, ka inaiglkwa. Te, ta we, ene ye kano duglo boraiglkwa i, mabuno du paugwa pre ene ye kano duglo boglsre, mabuno du eunedi prisre, wakai praiglkwa.
6Ana gavman yoba nono bitno meglkwa i, kano duglo boramga paugwa pre mige moni taks ta norio dinaiglkwa i, ama nono tenamga paugwa. God ye gavman yoba nono ake ple di noraiglmedi kogon dedugo, ye ege ege kogon i erikwa pre mige taks tenamga i, kuno erukwa. 7Yegl pre taks kane kane siragl mere ta norio dinaiglkwa i, ene teo. Tedre, gavman yoba i ama nono bitno meglmedi kuduglno goglsre, pre i mitna edio.
8Ene dina ta eribi, panabuka i, tabre te ikne edio. Mige moni ya ki ta dina erumun, panabuka i, te ikne edimun, dudunabuka. Yegl paugwa ba kogon swara ta ege ege eramga paugwa i, dina mere yegl ta paugwa. Kogon i, deno muduno yoba tenamga paugwa. Yegl eramga i, dina mere yegl aimadi aimadi pai morabuka. I ta dudumedi prikramga.Te, ene prio! Ene yoba pere deno muduno tebi, ene God lomo mudu pamere erikwa mere yegl panabuka. 9-10God lomo mina lo swara ta yegl dugwa, Ene enene wakai kanimere yegl, ene yoba ta magigl akie kipanaiglkwa i ama wakai kanio#13.9-10 Tawa Teigwa Yoba 19.18, Isip Kide Kodigwa 20.13-17 dugwa. Yoba ta lo swara i duglo boglsre, dem muduo yoba tenan, ye lomo tau mudu ama duglo boglkwa mere panabuka. Prio! God lomo tau dugwa i, Ene yagl abu ta bogl kunogl nekrio! didre, Yoba si goglkrio! didre, Yoba pere taraglno kunogl nekre, bubuno goglkrio! dugwa. Lo yegl paugwa i ya te, lo kane kane siragl mere paugwa i, yoba ta ye yoba pere wakai kanan, ye mabuno kide kane kane i ta ere, yoba ta tekrabuka paugwa. Mabuno kide kane kane yegl ta ere, yoba ta tenan, ye yoba i wakai kankrukwa mere yegl paugwa.
11Ene ebrie mabunono pre na ka mere ene di teiga i, nono ege erme siragl mere munga i, ene pre pogl sidre, duglo boraiglkwa paugwa. Ene erme ugl panaiglkwa ege yeikrukwa pre ene adilo! Nono Jisas koragle pre medunga igne, God nono agre ede heven ibo enabuka igne i tau eglke yei pai moglkwa ba erme ede magigl u kodugwa pre diga. 12Yoba eduer mabuno kide kane kane erikwa ba nono munara i, eduer dudugwa. Kamin tagenagledi erukwa pre nono kugugl gagl deglbi yogwa gugl edumnere yegl, mabuno kide i kide kodidre, soldia kuda kugugl gagl edimere mere yegl, nono abuglage sumara mogl pai ersre, mabuno wakai boramga. 13Ermine, abuglage sumara moramga kuno erabere mere mabuno boramga pre diga i, yegl mere paugwa, nono mabuno gua gua ersre, spak ere, yagl abu ta bogl kunogl nedre, agl erimere mere yegl ersre, yegl ta erekramga. Te, nono ama yoba deno kubro tedre, kigl nonga dikramga paugwa. 14Ka kaima ene deno muduno goglo pamara, mabuno kide kane kane pogglau borabuka i, agai tekre, Yaglno Kade Jisas Krais ene suglno morabedi mogl atne ede molo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission