Rom 4
4
God ye Abraham pre meduglmara yagl du moglmedi kanugwa
1Ana erme Abraham, no Juda yoba munga i, kowano awano moglkwa i pre dinaglka. God Abraham yagl du moglmedi kanugwa i, Abraham mabuno wakai ta boglkwa pre ye yagl du moglmedi kanumo mo konbauna pere ta yomo mo i, erme nono pramga. 2God Abraham mabuno wakai ta boglko, kandre, yagl du moglmedi kankrukwa. Ye mabuno wakai ta boglko, kandre, yagl du moglmedi kanuma, Abraham ye yene kagie ake mitna edenabuka i, kuno eruko. Ba Abraham pre meduglkwa swara i God kandre, Abraham yagl du moglmedi kanugwa pre Abraham ye yene kagie ake mitna edenabuka i, kuno erekrukwa. 3God kamo okna ibo beglkwa i yegl dugwa, Abraham ye God kamo pre meduglkwa pre God ye Abraham pre meduglkwa i kandre, yagl du moglmedi kanumiwe#4.3 Oknayene Ibo 15.6 di, God kamo yegl dugwa.
4Ana yoba ta mige kogon ersre, topo yugwa i, ye topo yoko ta ikrukwa. Kogon erumara i mina yugwa. 5Ba God mabunomo pere paugwa. God ye yoba kogon erikwa mo mabuno wakai ta beglkwa kandre, topo mere yegl tedre, yoba du meglmedi kankrukwa. Yoba kide ta mabuno wakai boglkrukwa ta morabuka ba ye God kamo pre meduglmara swara i mina God kandre, ye yoba du moglmedi kanabuka.
6Ana okna ibo King Devit mem swara i pre ka swara ta ama boglkwa. Ye ka boglkwa i, yoba ta gun podo yenabuka pre boglkwa. Yoba i mabuno wakai ta boglkrukwa ba God ye konbauna ta mina yoba i du moglmedi kanugwa pre ka yegl boglkwa,
7Yoba ta God lomo si biglke dinabuka ba God ye erukwa i gugl ede tenan, gun podo yenabuka.
Ye tadaglme erukwa i si bi di togwa i pre gun podo yenabuka.
8Yagl Kade ye yoba i tadaglmemo i aimadi pre moglkrabuka i pre
ye gun podo yenabiwe#4.8 Giglage 32.1-2
di, Devit okna ibo yegl boglkwa.
9Ana King Devit ka ta okna boglkwa i, yoba ta tadaglme erabuka i, God gugl ede tenan, gun podo yenabuka pre dugwa. Yegl dugwa i, Juda yoba, ye nagino puduo nagie beglkwa yoba i keme gun podo yenaiglkwa pre dumo mo yoba yugobuno pere, nagino puduo nagie boglkrikwa i ama gun podo yenaiglkwa pre dume? Nono pre pogl sinamga. God kamo Abraham pre dugo, nono prumga i, Abraham pre meduglmara i pre God ye yagl du moglmedi kanume dugwa. 10Ana God ye Abraham pre meduglkwa kandre, yagl du moglmedi kanugwa i, Abraham nagie puduo nagie boglkwa igne mo boglkrukwa igne kanugwa pre dume? Ye dugwa i, okna Abraham nagie puduo nagie boglkrukwa igne, God ye Abraham pre meduglkwa i kandre, yoba du moglmedi kanugwa pre dugwa.
11Ana God komono kana Abraham yagl du moglmedi kandre, okuo ye nagie puduo nagie borabedi di togwa i, muno gane mere yegl ere padrabuka pre dugwa. God ye komono kana Abraham pre meduglkwa i kandre, yagl du moglmedi kan kodugwa i, i nogugl edenabuka pre muno gane ere paduglo dugwa. Yegl pre yoba yugobuno pere pere meda mogl, nagino puduo nagie boglkrikwa ba ye God kamo pre mediglkwa pre God ye du meglmedi kanugwa i, Abraham ye yoba mudu i, kowano awano mere yegl moglkwa. 12Te, Abraham ye Juda yoba nagino puduo nagie bunga yoba munga i, ama kowano awano moglkwa. Ba Abraham ye Juda yoba mudu kowano awano kaima ta moglkrukwa. Juda yoba tau ye nagino puduo nagie beglkwa ba ye Abraham pre meduglmere yegl ta pre mediglkrikwa i, Abraham ye kowano awano kaima ta moglkrukwa ba Abraham nagie puduo boglkrukwa igne pre meduglmere yegl Juda yoba tau ye pre mediglkwa i keme ye kowano awano kaima moglkwa.
13Okna ibo, God ye Abraham ka kaima ta di te padigl, Ene ya ene gawanma okuo moraiglkwa i, dumo makan uglo kogl koglo yogwa i, inaiglmiwe dugwa. Ye Abraham yegl di togwa i, Abraham ye God lomo duglo boglkwa pre dikrukwa ba Abraham ye kamo pre meduglko, God ye yagl du moglmedi kandre, ye ka kaima yegl di te paduglkwa. 14Ana God ye yoba ka kaima di te paduglkwa i, yoba ye lomo duglo boglsre, ta inaiglkwa panan, yoba ta God kamo pre mediglkwa i mina ta ikraiglkwa mere paugwa pre ye pre mediglkwa i, ye ake ple di tekrukwa mere yegl panabuka. Ba mabuno yegl ta paikrukwa. Yoba swara ta God lomo duglo boglsre, God ka kaima di te paduglkwa i, ta ikrabuka. 15I siragl pre yoba God lomo duglo boramnedi erikwa i ye mudu lomo si biglke digwa. Si biglke digwa pre God ye dem kubro tenabuka keme paugwa. Lo ta paugwa igne, yoba si biglke digwa keme paugwa. Lo ta paikrukwa igne i swara yoba si biglke dikrikwa.
16Ana God ka kaima ta di te paduglkwa i, yoba ye lomo duglo boglsre keme inaiglkwa panan, God prukwa, yoba swara ta ikrabuka. Yegl pre ye ere mogl, yoba ta ye pre medraiglkwa i, inaiglme dugwa. Ye yegl dugwa i, ye yoba yoko kaima ere wakai ere tenan, Abraham gawama mudu ye ka kaima ta di te paduglkwa i, inaiglkwa pre dugwa. Juda yoba ye God lomo pre kan erimara i pre inaiglkwa pre dikrukwa ba yoba mudu Abraham pre meduglmere yegl ta pre medraiglkwa i, inaiglkwa pre dugwa. I siragl pre nono pre medunga yoba i, Juda yoba mo yugobuno pere ta munga ba Abraham nono mudu kowano awano mere yegl moglkwa. 17Mabuno yegl pre God kamo mina okna ibo yegl beglkwa, God ye Abraham di te,
Na ene gawanma mere kide moglsre, yugobuno pere pere moraiglmedi ere edinaluwe#4.17 Oknayene Ibo 17.5
di, yegl dumiwe di, yegl beglkwa. Yugobuno pere pere we dugwa i, nono pre medunga yoba mudu pre dugwa. Yegl pre God gumuglo mina Abraham nono mudu kowano awano moglkwa. Te, Abraham ye God pre meduglme dumga i, ye God wakai kaima ta moglkwa pre meduglkwa pre dumga. God we dumga i, ye yoba geglkwa ere i kor edidre, taragl ta paikrukwa igne i, ye ka dumara mina taragl mudu plau dugwa. God yegl mere moglkwa pre dumga.
18Ana God okna ibo ka ta Abraham di te, Ene gawanma kugl kuri mere yegl, mere kide moraiglmiwe#4.18 Oknayene Ibo 15.5 dugwa. God ka yegl dugwa ba igne i, Abraham kidagl yei kodugwa pre taragl yegl ye moglmara plau dinabuka kuno erekrukwa. Yegl paikrukwa ba Abraham ere mogl, ka i kaima na moglmara plau dinabiwedi prisre, pre meduglkwa pre ye gawama kaima u mere kide pi moglsre, yugobuno pere pere God moraiglme dumere kuno yegl meglkwa. 19Ana God ka ta Abraham di te paduglkwa igne i Abraham bugla yugu 100 mere yegl nogwa pre ye pre kan erukwa i, ye erme gak kurabuka mere yegl moglkrukwa. Ye prukwa i, Na ogona nagna mina gogl kodiga mere yegl moliwe di prukwa. Te, ye ebie Sara ama temne paugwa pre gak ta kuglkrumiwedi prukwa. Abraham yegl prukwa ba ye God kamo pre meduglkwa i, gigle dugwa. 20God ka kaima ta Abraham di te paduglkwa i, Abraham kina suo gu dikre, kaima plau dinabedi prukwa. Yegl prukwa pre ye pre meduglkwa i, pi gigle dugo, ye God kaima erabukra we di, kagie kade togwa. 21Abraham prukwa i, God ka kaima ta di nare paduglkwa i, ye yobuglomo podo paugwa pre ye ka kaima erabuka keme pamiwe di, yegl pre meduglkwa. 22Yegl pre meduglkwa pre God ere mogl, ye yagl du moglmedi kanugwa.
23Ana God ye Abraham pre meduglkwa i kandre, yagl du moglmedi kanumiwe di, God kamo yegl dugwa i, Abraham swara pre dikrukwa. 24Ka i nono pre ama akie dugwa. Nono Yaglno Kade Jisas goglko, God ye ere i kor edugwa. Nono God i pre medunga pre nono ama du meglmedi kanabuka i kuno erukwa. 25God ye Jisas gorabedi dedugwa i, nono tadaglmeno pre gorabedi dedugwa. Te, nono topono te kodugwa pre God gumuglo mina nono yoba du moraiglmedi ye Jisas ere i kor edugwa.
Currently Selected:
Rom 4: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Rom 4
4
God ye Abraham pre meduglmara yagl du moglmedi kanugwa
1Ana erme Abraham, no Juda yoba munga i, kowano awano moglkwa i pre dinaglka. God Abraham yagl du moglmedi kanugwa i, Abraham mabuno wakai ta boglkwa pre ye yagl du moglmedi kanumo mo konbauna pere ta yomo mo i, erme nono pramga. 2God Abraham mabuno wakai ta boglko, kandre, yagl du moglmedi kankrukwa. Ye mabuno wakai ta boglko, kandre, yagl du moglmedi kanuma, Abraham ye yene kagie ake mitna edenabuka i, kuno eruko. Ba Abraham pre meduglkwa swara i God kandre, Abraham yagl du moglmedi kanugwa pre Abraham ye yene kagie ake mitna edenabuka i, kuno erekrukwa. 3God kamo okna ibo beglkwa i yegl dugwa, Abraham ye God kamo pre meduglkwa pre God ye Abraham pre meduglkwa i kandre, yagl du moglmedi kanumiwe#4.3 Oknayene Ibo 15.6 di, God kamo yegl dugwa.
4Ana yoba ta mige kogon ersre, topo yugwa i, ye topo yoko ta ikrukwa. Kogon erumara i mina yugwa. 5Ba God mabunomo pere paugwa. God ye yoba kogon erikwa mo mabuno wakai ta beglkwa kandre, topo mere yegl tedre, yoba du meglmedi kankrukwa. Yoba kide ta mabuno wakai boglkrukwa ta morabuka ba ye God kamo pre meduglmara swara i mina God kandre, ye yoba du moglmedi kanabuka.
6Ana okna ibo King Devit mem swara i pre ka swara ta ama boglkwa. Ye ka boglkwa i, yoba ta gun podo yenabuka pre boglkwa. Yoba i mabuno wakai ta boglkrukwa ba God ye konbauna ta mina yoba i du moglmedi kanugwa pre ka yegl boglkwa,
7Yoba ta God lomo si biglke dinabuka ba God ye erukwa i gugl ede tenan, gun podo yenabuka.
Ye tadaglme erukwa i si bi di togwa i pre gun podo yenabuka.
8Yagl Kade ye yoba i tadaglmemo i aimadi pre moglkrabuka i pre
ye gun podo yenabiwe#4.8 Giglage 32.1-2
di, Devit okna ibo yegl boglkwa.
9Ana King Devit ka ta okna boglkwa i, yoba ta tadaglme erabuka i, God gugl ede tenan, gun podo yenabuka pre dugwa. Yegl dugwa i, Juda yoba, ye nagino puduo nagie beglkwa yoba i keme gun podo yenaiglkwa pre dumo mo yoba yugobuno pere, nagino puduo nagie boglkrikwa i ama gun podo yenaiglkwa pre dume? Nono pre pogl sinamga. God kamo Abraham pre dugo, nono prumga i, Abraham pre meduglmara i pre God ye yagl du moglmedi kanume dugwa. 10Ana God ye Abraham pre meduglkwa kandre, yagl du moglmedi kanugwa i, Abraham nagie puduo nagie boglkwa igne mo boglkrukwa igne kanugwa pre dume? Ye dugwa i, okna Abraham nagie puduo nagie boglkrukwa igne, God ye Abraham pre meduglkwa i kandre, yoba du moglmedi kanugwa pre dugwa.
11Ana God komono kana Abraham yagl du moglmedi kandre, okuo ye nagie puduo nagie borabedi di togwa i, muno gane mere yegl ere padrabuka pre dugwa. God ye komono kana Abraham pre meduglkwa i kandre, yagl du moglmedi kan kodugwa i, i nogugl edenabuka pre muno gane ere paduglo dugwa. Yegl pre yoba yugobuno pere pere meda mogl, nagino puduo nagie boglkrikwa ba ye God kamo pre mediglkwa pre God ye du meglmedi kanugwa i, Abraham ye yoba mudu i, kowano awano mere yegl moglkwa. 12Te, Abraham ye Juda yoba nagino puduo nagie bunga yoba munga i, ama kowano awano moglkwa. Ba Abraham ye Juda yoba mudu kowano awano kaima ta moglkrukwa. Juda yoba tau ye nagino puduo nagie beglkwa ba ye Abraham pre meduglmere yegl ta pre mediglkrikwa i, Abraham ye kowano awano kaima ta moglkrukwa ba Abraham nagie puduo boglkrukwa igne pre meduglmere yegl Juda yoba tau ye pre mediglkwa i keme ye kowano awano kaima moglkwa.
13Okna ibo, God ye Abraham ka kaima ta di te padigl, Ene ya ene gawanma okuo moraiglkwa i, dumo makan uglo kogl koglo yogwa i, inaiglmiwe dugwa. Ye Abraham yegl di togwa i, Abraham ye God lomo duglo boglkwa pre dikrukwa ba Abraham ye kamo pre meduglko, God ye yagl du moglmedi kandre, ye ka kaima yegl di te paduglkwa. 14Ana God ye yoba ka kaima di te paduglkwa i, yoba ye lomo duglo boglsre, ta inaiglkwa panan, yoba ta God kamo pre mediglkwa i mina ta ikraiglkwa mere paugwa pre ye pre mediglkwa i, ye ake ple di tekrukwa mere yegl panabuka. Ba mabuno yegl ta paikrukwa. Yoba swara ta God lomo duglo boglsre, God ka kaima di te paduglkwa i, ta ikrabuka. 15I siragl pre yoba God lomo duglo boramnedi erikwa i ye mudu lomo si biglke digwa. Si biglke digwa pre God ye dem kubro tenabuka keme paugwa. Lo ta paugwa igne, yoba si biglke digwa keme paugwa. Lo ta paikrukwa igne i swara yoba si biglke dikrikwa.
16Ana God ka kaima ta di te paduglkwa i, yoba ye lomo duglo boglsre keme inaiglkwa panan, God prukwa, yoba swara ta ikrabuka. Yegl pre ye ere mogl, yoba ta ye pre medraiglkwa i, inaiglme dugwa. Ye yegl dugwa i, ye yoba yoko kaima ere wakai ere tenan, Abraham gawama mudu ye ka kaima ta di te paduglkwa i, inaiglkwa pre dugwa. Juda yoba ye God lomo pre kan erimara i pre inaiglkwa pre dikrukwa ba yoba mudu Abraham pre meduglmere yegl ta pre medraiglkwa i, inaiglkwa pre dugwa. I siragl pre nono pre medunga yoba i, Juda yoba mo yugobuno pere ta munga ba Abraham nono mudu kowano awano mere yegl moglkwa. 17Mabuno yegl pre God kamo mina okna ibo yegl beglkwa, God ye Abraham di te,
Na ene gawanma mere kide moglsre, yugobuno pere pere moraiglmedi ere edinaluwe#4.17 Oknayene Ibo 17.5
di, yegl dumiwe di, yegl beglkwa. Yugobuno pere pere we dugwa i, nono pre medunga yoba mudu pre dugwa. Yegl pre God gumuglo mina Abraham nono mudu kowano awano moglkwa. Te, Abraham ye God pre meduglme dumga i, ye God wakai kaima ta moglkwa pre meduglkwa pre dumga. God we dumga i, ye yoba geglkwa ere i kor edidre, taragl ta paikrukwa igne i, ye ka dumara mina taragl mudu plau dugwa. God yegl mere moglkwa pre dumga.
18Ana God okna ibo ka ta Abraham di te, Ene gawanma kugl kuri mere yegl, mere kide moraiglmiwe#4.18 Oknayene Ibo 15.5 dugwa. God ka yegl dugwa ba igne i, Abraham kidagl yei kodugwa pre taragl yegl ye moglmara plau dinabuka kuno erekrukwa. Yegl paikrukwa ba Abraham ere mogl, ka i kaima na moglmara plau dinabiwedi prisre, pre meduglkwa pre ye gawama kaima u mere kide pi moglsre, yugobuno pere pere God moraiglme dumere kuno yegl meglkwa. 19Ana God ka ta Abraham di te paduglkwa igne i Abraham bugla yugu 100 mere yegl nogwa pre ye pre kan erukwa i, ye erme gak kurabuka mere yegl moglkrukwa. Ye prukwa i, Na ogona nagna mina gogl kodiga mere yegl moliwe di prukwa. Te, ye ebie Sara ama temne paugwa pre gak ta kuglkrumiwedi prukwa. Abraham yegl prukwa ba ye God kamo pre meduglkwa i, gigle dugwa. 20God ka kaima ta Abraham di te paduglkwa i, Abraham kina suo gu dikre, kaima plau dinabedi prukwa. Yegl prukwa pre ye pre meduglkwa i, pi gigle dugo, ye God kaima erabukra we di, kagie kade togwa. 21Abraham prukwa i, God ka kaima ta di nare paduglkwa i, ye yobuglomo podo paugwa pre ye ka kaima erabuka keme pamiwe di, yegl pre meduglkwa. 22Yegl pre meduglkwa pre God ere mogl, ye yagl du moglmedi kanugwa.
23Ana God ye Abraham pre meduglkwa i kandre, yagl du moglmedi kanumiwe di, God kamo yegl dugwa i, Abraham swara pre dikrukwa. 24Ka i nono pre ama akie dugwa. Nono Yaglno Kade Jisas goglko, God ye ere i kor edugwa. Nono God i pre medunga pre nono ama du meglmedi kanabuka i kuno erukwa. 25God ye Jisas gorabedi dedugwa i, nono tadaglmeno pre gorabedi dedugwa. Te, nono topono te kodugwa pre God gumuglo mina nono yoba du moraiglmedi ye Jisas ere i kor edugwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission