Dɩtʋm 13
13
Ba lɩsɛ Banabasi na Sɔɔlʋ kpiri ba
1Ɩsʋɔ bajana na bakalaasa barɛ wɩɛ lɩɛdɩra dikpeŋ gaa ga wɩɛ Antiyokiya na naŋ. Baa n nyina Banabasi, Simiyoŋ wʋŋ baa yagɛ ɩ sɛ Niga, Lusiyosi wʋŋ wʋ lɩɩ Kireni, Manayeŋ [wʋŋ Hɛrɔdɩ Teteraki bɩsɛ ɩ] na Sɔɔlʋ. 2Gʋ baa tʋŋ Ɩsʋɔ yela baa chaŋ nʋɔ pɔgʋ na, Ɩsʋɔ Feliŋ tawɩ ba sɛ, <<Ba n lɩsɛ Banabasi na Sɔɔlʋ fa maŋ na baa ga yɩɛ dɩtʋm gaa ga dʋɔ sɛ ma yagɛ ba na.>> 3Dɩmʋŋ dʋɔ gʋ ba chaŋ nʋɔ pɔgʋ sɛ ba jɔ dɩga taŋ na, ba mʋ ba pamɩɛ jaga ba dʋɔ lɩsɛ ba gbɩɛ.
Banabasi na Sɔɔlʋ wɩɛ Kipurosi dɩɛ naŋ
4Sɛ Ɩsʋɔ Feliŋ kpiri Banabasi na Sɔɔlʋ sɛ ba n ju Selusiya, sɛ ba mʋna lɩŋ dʋɔ lɩɩ dɩmaŋ ju Kipurosi dɩchafɩya dʋɔ. 5Gʋ ba tala Salamisi na, ba tawɩ Ɩsʋɔ wɩɛ abama ŋii Yudatina tʋm danɩŋ naŋ. Yohane cha wʋ wɩɛ ba jaŋ takɩɛ ba Chɔnarɛ.
6Ba keleŋsi dɩchafɩya gaa kpiniŋ dʋɔ hali ba gaa tala Pafosi. Dɩmaŋ sɛ ba ga mɩɛna Yuda wʋkpa wʋrʋ wʋŋ wʋ yɩɛ majigi-tɛ na akarɩɛ ɔja, baa yagɛ ɩ sɛ Baa-Yesu. 7Wʋ wɩɛ Roma tibi dʋɔ kɩɛra Segiyosi Pɔɔlʋ jaŋ. Roma tibi dʋɔ kɩɛrɛ cha wʋ yɩɛ wɩɛ jɩmɩrɛ bɛ. Wʋ kpiri yagɛ Banabasi na Sɔɔlʋ akala takɩɛ wʋ ja sɛ wʋ a nyii Ɩsʋɔ wɩɛ. 8Ama Elimasi, majigi-tɛ wʋŋ [ganaŋkʋ wʋ yɩrɛ tie a kalaa na mɩnaŋ] kʋlʋ gaa ba gbɩɛ sɛ wʋ aa ja sɛ Roma tibi dʋɔ kɩɛrɛ wʋŋ a lɩɛdi i. 9Sɛ Sɔɔlʋ wʋŋ ba ti baa yagɛ ɩ sɛ Pɔɔlʋ wʋŋ Ɩsʋɔ Feliŋ su wʋ tɩba na, kɩɛ Elimasi surumm sɛ wʋ tawɩ ɩ sɛ, 10<<Nya yɩɛ Ɩsʋɔ ɔdʋŋ bu na bʋrʋkʋma gaa ga wɩɛ dieli na ɔdʋŋ bɛ. Bakpa pɩna na sisi n su n tɩba sɛ nyaa ja sɛ nyaa biliŋi Ɩsʋɔ chirigi gbɩɛ mʋ yɩɛ akarɩɛ. 11Dɩtɩɛna Ɩsʋɔ a ja fɔŋɩ n dɩla. Nya asa aja salɩɛ sɛ nya aa ti na wiita ga tala saŋa garɛ ɛ.>>
Gabʋanaŋ sɛ giteŋteŋbiri kɔŋ wʋ asa dʋɔ, sɛ wʋ dɔŋ wʋ a logo wʋ a ja wʋŋ wʋ a chaŋ wʋ pam naŋ kalaa ɩ gbɩɛ.
12Gʋ Roma tibi dʋɔ kɩɛrɛ wʋŋ na bʋrʋ gaa ga tibi na, wʋ lɩɛ di, akala takɩɛ Kpaŋjuo wʋsɛ dʋɔ wɩɛ kalaa ŋii yɩɛ ɩ doba.
Pɔɔlʋ wɩɛ Antiyokiya gaa ga wɩɛ Pisidiya dɩɛ naŋ
13Sɛ Pɔɔlʋ na wʋ dɔŋa baa lɩɩ Pafosi mʋna lɩŋ dʋɔ kɔŋ Pɛgɩ dɩɛ gaa ga wɩɛ Pamfiliya tibi dʋɔ. Dɩmaŋ sɛ Yohane yela ba sɛ wʋ bɔrɛ ju Yerusalem. 14Ba lɩɩ Pɛgɩ ju Antiyokiya gaa ga wɩɛ Pisidiya tibi dʋɔ. Gʋ Fɩɛsɛ wɩɩ talɛ na, ba ju Yudatina tʋm danɛ gaa naŋ ga cha. 15Gʋ ba karaŋ lɩɩ Mosesi mbara na Ɩsʋɔ bajana tanɛ naŋ taŋ na, Yudatina tʋm danɛ asanaŋtina baa kpiri sɛ ba n gaa tawɩ ba sɛ, <<Daa dɔŋa Yudatina, sɛ ɩ wɩɛna wɩɛ ŋarɛ ɩ tawɩ dʋ bakpa bana na, n tawɩ.>>
16Sɛ Pɔɔlʋ kʋlʋ ŋɩrɛ ba pam sɛ wʋ tawɩ sɛ, <<Ma dɔŋa Isiralitina na amɩɛ baa ɩ ba yɩɛ Yudatina sɛ ɩɩ tʋm Ɩsʋɔ, n nyii ma jaŋ. 17Isiralitina Ɩsʋɔ lɩsɛ daa duluŋ sɛ wʋ yela sɛ ba yɩɛ dieli saŋa gaa ba wɩɛ Ijipiti tibi dʋɔ, sɛ wʋ mʋ wʋ doŋ janɛ lɩsɛ ba lɩɩ dɩmʋŋ tibi gana dʋɔ. 18Ŋɩ wɩɛ tɩba takɩɛ ba kʋlʋ sɩŋ Ɩsʋɔ dʋɔ bɩrɛ, ama wʋ kɩɛ ba dʋɔ bɩŋsɛ ŋɩla ifuli dʋɔ. 19Ɩsʋɔ yela sɛ ba yuo di atawɩ yɩrɩ lɩkarɛ Kana tibi dʋɔ sɛ wʋ mʋ ba tibi fa wʋ bakpa takɩɛ ba gapatɩɛ.>> 20Ŋina kpiniŋ di aja yɩɛ takɩɛ bɩŋsɛ gafisi sɩ nara na ŋɩla na sala (450).
Ŋina wʋrʋgbɩɛ na, Ɩsʋɔ fa ba wɩɛ dira ga tala Ɩsʋɔ ɔja Samuweli saŋa.
21Dɩmaŋ sɛ bakpa baa tasɛ ɩ sɛ wʋ n fa ba juo, sɛ wʋ fa ba Kisi bu Sɔɔlʋ wʋŋ wʋ lɩɩ Benyamiŋ buonɔ. Sɛ wʋ di juori bɩŋsɛ ŋɩla (40). 22Gʋ Ɩsʋɔ kʋna Sɔɔlʋ juori dʋɔ na, wʋ mʋ Dawidi si ba juo. Sɛ wʋ di wʋ wʋsɛ dʋɔ seriya sɛ, <<Ma na Yese bu Dawidi takɩɛ wʋ yɩɛ baalɛ wʋŋ maa ja wʋ wɩɛ ma digela naŋ, wʋŋ aaŋ ja wʋ a yɩɛ bʋrʋkʋma gaa maa ja sɛ wʋ n yɩɛ na.>>
23Sɛ Petero ju dʋɔ tawɩ sɛ, <<Lɩɩ dɩmʋŋ baalɛ wina gananabisi naŋ sɛ Ɩsʋɔ lɩsɛ Yesu Mɔlɔgɩrɛ wʋŋ fa Isiralitina takɩɛ ganaŋkʋ wʋ tawɩ si na. 24Pɔɩ na Yesu a kɔŋ na, Yohane cha tawɩ biliŋi lɩɩ dɩsʋbʋ naŋ na Ɩsʋɔ sɔ wɩɛ fa Isiralitina kpiniŋ. 25Gʋ Yohane a taŋ wʋ dɩtʋm na, wʋ tawɩ sɛ Mmʋɔ sɛ ɩɩ fa nfɩɛrɛ sɛ ma yɩɛ? Ma ba yɩɛ ɩ ɩ. Ama wʋŋ wʋ a kɔŋ ma wʋrʋgbɩɛ na, ma n daga na maa luuŋ buoli wʋ asibita ganyasɛ ɛ.>>
26Sɛ wʋ tawɩ sɛ, <<Ma dɔŋa Isiralitina Abiraham gananabisi, na amɩɛ baa ɩ ba yɩɛ Yudatina sɛ ɩɩ se Ɩsʋɔ na, daa sɛ ba kɔna nkpa mɔlɔgɩ wɩɛ ŋina. 27Yerusalemtina na ba asanaŋtina n jiŋ Yesu u, ama dɩpʋɛ gaa ba fu ɩ na yela sɛ Ɩsʋɔ bajana baa wɩɛ ŋii baa karaŋ Fɩɛsɛ wɩɩ kʋma na, kɔŋ tɩba 28Ŋɩ wɩɛ tɩba takɩɛ ba n yu bʋrʋ garɛ gba sɩŋ dʋɔ na ba fu ɩ sɩŋ dɩpʋɛ ɛ, ama ba tawɩ Pilato sɛ wʋ n kʋ ɩ. 29Gʋ ba yɩɛ bʋrʋ gaa ba sabɩɛ lɩɩ wʋ wʋsɛ dʋɔ kpiniŋ taŋ na, ba tibi na ɩ lɩɩ daŋ gasagasa gaa dʋɔ mʋ ɩ ga wuu bʋɔ naŋ, 30Ama Ɩsʋɔ feŋsi ɩ lɩɩ sɩŋ naŋ, 31sɛ gɩyɩɛnɩŋ fɔɩ ŋina naŋ na, baa wʋ na ba cha pala lɩɩ Galaliya ju Yerusalem na na ɩ. Dɩtɩɛna, baa n nyina wʋ seriya dira fa daa bakpa.>>
32Sɛ wʋ ju dʋɔ tawɩ sɛ dɩɩ tawɩ wɩɛ abama ŋii Ɩsʋɔ cha tawɩ si fa daa duluŋ na fa amɩɛ, 33wʋ yela sɛ ŋɩ kɔŋ tɩba fa daa baa dɩ yɩɛ ba gananabisi sɛ wʋ feŋsi Yesu takɩɛ ganaŋkʋ ba sabɩɛ Numba alatɛ naŋ sɛ,
<<Nya yɩɛ mabu,
jaŋ ma yɩɛ Njuo.>>#Num 2:7.
34Ɩsʋɔ feŋsi Yesu lɩɩ sɩŋ naŋ, na wʋ n baa ti bɔrɛ sɩŋ. Ganaŋkʋ Ɩsʋɔ tawɩ sɛ,
<<Maa yɩɛ amɩɛ kusee chɩrɩchɩrɩ gaa ma tawɩ si sɛ maa mʋ fa Dawidi na.>>#Yis 55:3.
35Sɛ ba ti sabɩɛ Numba naŋ gatʋŋgʋrʋ sɛ,
<<Nya aa yela na nbu dɩchɩrɩchɩrɩtɛ wʋŋ a dara a.>>#Num 16:10.
36<<Akala takɩɛ gʋ Dawidi tʋŋ wʋ tɩŋtɩŋ wʋ saŋa ŋii Ɩsʋɔ a jawʋ na, wʋ sɩŋ sɛ ba wuu ɩ wʋ duluŋ jaŋ sɛ wʋ wʋsɛ darɛ. 37Ama wʋŋ Ɩsʋɔ feŋsi ɩ lɩɩ sɩŋ naŋ bɩrɛ, wʋ n dara a.>>
38Dɩmʋŋ dʋɔ ma dɔŋa Isiralitina, maa ja sɛ ɩ jiŋ gʋ lɩɩna Yesu dʋɔ dɩ tawɩ dɩsʋbʋ mʋ chɩɛ wɩɛ fa amɩɛ. 39Lɩɩna wʋ dʋɔ sɛ wʋkʋma wʋŋ wʋ lɩɛ di na, wʋ chirigi Ɩsʋɔ asanaŋ lɩɩ bʋrʋkʋma gaa Mosesi mbara ŋii n dɩlɛ yela na wʋ a chirigi Ɩsʋɔ asanaŋ na. 40N kɩɛ na dieli na bʋrʋ gaa Ɩsʋɔ bajana baa tawɩ na, n baa kɔŋ amɩɛ dʋɔ takɩɛ,
41<<N nyii, amɩɛ jabira,
ŋii yɩɛ amɩɛ mamachi na ɩ sɩŋ,
akala takɩɛ maa yɩɛ bʋrʋ garɛ amɩɛ saŋa
hali wʋrʋ tawɩ amɩɛ gba
ɩ ɩɩ lɩɛ ɩ di i.>>#Haba 1:5.
42Gʋ Pɔɔlʋ na Banabasi a lɩɩ Yudatina tʋm danɛ gaa naŋ na, bakpa baa sʋlʋ ba sɛ ba n bɔrɛ kɔŋ Fɩɛsɛ wɩɩ gaa gaa kɔŋ na, na baa ti gaa tawɩ lɩɩna dɩmʋŋ wɩɛ ŋina dʋɔ. 43Gʋ bakpa baa lɩɩ dijaŋitiŋ gaa na, Yudatina baa na baa ba bɩrɩŋsɛ gaa tʋŋ Yudatina tʋm fɔɩ kpamɩna Pɔɔlʋ na Banabasi. Sɛ ba tawɩ fa ba sɛ ba n ju dʋɔ cha Ɩsʋɔ wɩɩ ŋii naŋ.
44Gʋ Fɩɛsɛ wɩɩ gaa ga kpamɩna talɛ na, dɩɛ janɛ gaa kpiniŋ jaŋi na baa nyii Ɩsʋɔ wɩɛ. 45Gʋ Yudatina baa na jama baa na, dɩsɛchɩbɛ su ba sɛ ba di wɩɛ kʋma ŋii Pɔɔlʋ tawɩ na noro, sɛ ba ti ɩ.
46Dɩmaŋ sɛ Pɔɔlʋ na Banabasi mʋ digela tawɩ ba sɛ, <<Dɩ daga na dɩɩ chɩŋkpɩɛ tawɩ Ɩsʋɔ wɩɛ ŋii fa amɩɛ. Ama gʋ ɩ pɩɛ ŋɛ sɛ ɩŋ kɩɛ amɩɛ wʋsɛ takɩɛ ɩ daga nkpa ŋii ŋɩ taŋ gɩtɛ. Ŋina dʋɔ, dɩtɩɛna dɩɩ yela amɩɛ na dɩɩ ju baa ba ba yɩɛ Yudatina na jaŋ. 47Akala takɩɛ ŋina n nyina ŋii Kpaŋjuo Ɩsʋɔ dʋ daa takɩɛ,
<<Ma yɩɛ amɩɛ ŋmaŋi fa baa ba ba yɩɛ Yudatina,
ganaŋkʋ ɩɩ kɔna nkpa mɔlɔgɩ tibi dʋɔ gapɩlɛkʋma.>>#Yis 49:6.
48Gʋ baa ba ba yɩɛ Yudatina nyii ŋina na, dɩ yɩɛ ba jʋŋ sɛ ba mʋ jilima fa Ɩsʋɔ wɩɛ ŋii, na baa ba lɩsɛ ba na kpiniŋ sɛ ba n yu nkpa ŋii ŋɩ taŋ gɩtɛ sɛ lɩɛ di.
49Sɛ Kpaŋjuo wʋŋ wɩɛ ŋii yalagi tibi gaa dʋɔ gapɩlɛkʋma. 50Ama Yudatina baa fuosi dʋ dɩɛ janɛ gaa asanaŋtina na ala baa baa se Ɩsʋɔ sɛ ba yɩɛ ba kpari na. Sɛ ba yela sɛ bakpa nyala Pɔɔlʋ na Banabasi, sɛ ba geŋ ba lɩɩ ba tibi dʋɔ. 51Dɩmʋŋ dʋɔ ba kpisi ba nafara tie dibuu wʋrʋgɩ na ŋii chicha ba. Sɛ ba ju Ikoniyom dɩɛ naŋ. 52Sɛ asadi na Ɩsʋɔ Feliŋ su kpalɛnara baa tɩba.
Currently Selected:
Dɩtʋm 13: CLL
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy amp Bible Translation
Dɩtʋm 13
13
Ba lɩsɛ Banabasi na Sɔɔlʋ kpiri ba
1Ɩsʋɔ bajana na bakalaasa barɛ wɩɛ lɩɛdɩra dikpeŋ gaa ga wɩɛ Antiyokiya na naŋ. Baa n nyina Banabasi, Simiyoŋ wʋŋ baa yagɛ ɩ sɛ Niga, Lusiyosi wʋŋ wʋ lɩɩ Kireni, Manayeŋ [wʋŋ Hɛrɔdɩ Teteraki bɩsɛ ɩ] na Sɔɔlʋ. 2Gʋ baa tʋŋ Ɩsʋɔ yela baa chaŋ nʋɔ pɔgʋ na, Ɩsʋɔ Feliŋ tawɩ ba sɛ, <<Ba n lɩsɛ Banabasi na Sɔɔlʋ fa maŋ na baa ga yɩɛ dɩtʋm gaa ga dʋɔ sɛ ma yagɛ ba na.>> 3Dɩmʋŋ dʋɔ gʋ ba chaŋ nʋɔ pɔgʋ sɛ ba jɔ dɩga taŋ na, ba mʋ ba pamɩɛ jaga ba dʋɔ lɩsɛ ba gbɩɛ.
Banabasi na Sɔɔlʋ wɩɛ Kipurosi dɩɛ naŋ
4Sɛ Ɩsʋɔ Feliŋ kpiri Banabasi na Sɔɔlʋ sɛ ba n ju Selusiya, sɛ ba mʋna lɩŋ dʋɔ lɩɩ dɩmaŋ ju Kipurosi dɩchafɩya dʋɔ. 5Gʋ ba tala Salamisi na, ba tawɩ Ɩsʋɔ wɩɛ abama ŋii Yudatina tʋm danɩŋ naŋ. Yohane cha wʋ wɩɛ ba jaŋ takɩɛ ba Chɔnarɛ.
6Ba keleŋsi dɩchafɩya gaa kpiniŋ dʋɔ hali ba gaa tala Pafosi. Dɩmaŋ sɛ ba ga mɩɛna Yuda wʋkpa wʋrʋ wʋŋ wʋ yɩɛ majigi-tɛ na akarɩɛ ɔja, baa yagɛ ɩ sɛ Baa-Yesu. 7Wʋ wɩɛ Roma tibi dʋɔ kɩɛra Segiyosi Pɔɔlʋ jaŋ. Roma tibi dʋɔ kɩɛrɛ cha wʋ yɩɛ wɩɛ jɩmɩrɛ bɛ. Wʋ kpiri yagɛ Banabasi na Sɔɔlʋ akala takɩɛ wʋ ja sɛ wʋ a nyii Ɩsʋɔ wɩɛ. 8Ama Elimasi, majigi-tɛ wʋŋ [ganaŋkʋ wʋ yɩrɛ tie a kalaa na mɩnaŋ] kʋlʋ gaa ba gbɩɛ sɛ wʋ aa ja sɛ Roma tibi dʋɔ kɩɛrɛ wʋŋ a lɩɛdi i. 9Sɛ Sɔɔlʋ wʋŋ ba ti baa yagɛ ɩ sɛ Pɔɔlʋ wʋŋ Ɩsʋɔ Feliŋ su wʋ tɩba na, kɩɛ Elimasi surumm sɛ wʋ tawɩ ɩ sɛ, 10<<Nya yɩɛ Ɩsʋɔ ɔdʋŋ bu na bʋrʋkʋma gaa ga wɩɛ dieli na ɔdʋŋ bɛ. Bakpa pɩna na sisi n su n tɩba sɛ nyaa ja sɛ nyaa biliŋi Ɩsʋɔ chirigi gbɩɛ mʋ yɩɛ akarɩɛ. 11Dɩtɩɛna Ɩsʋɔ a ja fɔŋɩ n dɩla. Nya asa aja salɩɛ sɛ nya aa ti na wiita ga tala saŋa garɛ ɛ.>>
Gabʋanaŋ sɛ giteŋteŋbiri kɔŋ wʋ asa dʋɔ, sɛ wʋ dɔŋ wʋ a logo wʋ a ja wʋŋ wʋ a chaŋ wʋ pam naŋ kalaa ɩ gbɩɛ.
12Gʋ Roma tibi dʋɔ kɩɛrɛ wʋŋ na bʋrʋ gaa ga tibi na, wʋ lɩɛ di, akala takɩɛ Kpaŋjuo wʋsɛ dʋɔ wɩɛ kalaa ŋii yɩɛ ɩ doba.
Pɔɔlʋ wɩɛ Antiyokiya gaa ga wɩɛ Pisidiya dɩɛ naŋ
13Sɛ Pɔɔlʋ na wʋ dɔŋa baa lɩɩ Pafosi mʋna lɩŋ dʋɔ kɔŋ Pɛgɩ dɩɛ gaa ga wɩɛ Pamfiliya tibi dʋɔ. Dɩmaŋ sɛ Yohane yela ba sɛ wʋ bɔrɛ ju Yerusalem. 14Ba lɩɩ Pɛgɩ ju Antiyokiya gaa ga wɩɛ Pisidiya tibi dʋɔ. Gʋ Fɩɛsɛ wɩɩ talɛ na, ba ju Yudatina tʋm danɛ gaa naŋ ga cha. 15Gʋ ba karaŋ lɩɩ Mosesi mbara na Ɩsʋɔ bajana tanɛ naŋ taŋ na, Yudatina tʋm danɛ asanaŋtina baa kpiri sɛ ba n gaa tawɩ ba sɛ, <<Daa dɔŋa Yudatina, sɛ ɩ wɩɛna wɩɛ ŋarɛ ɩ tawɩ dʋ bakpa bana na, n tawɩ.>>
16Sɛ Pɔɔlʋ kʋlʋ ŋɩrɛ ba pam sɛ wʋ tawɩ sɛ, <<Ma dɔŋa Isiralitina na amɩɛ baa ɩ ba yɩɛ Yudatina sɛ ɩɩ tʋm Ɩsʋɔ, n nyii ma jaŋ. 17Isiralitina Ɩsʋɔ lɩsɛ daa duluŋ sɛ wʋ yela sɛ ba yɩɛ dieli saŋa gaa ba wɩɛ Ijipiti tibi dʋɔ, sɛ wʋ mʋ wʋ doŋ janɛ lɩsɛ ba lɩɩ dɩmʋŋ tibi gana dʋɔ. 18Ŋɩ wɩɛ tɩba takɩɛ ba kʋlʋ sɩŋ Ɩsʋɔ dʋɔ bɩrɛ, ama wʋ kɩɛ ba dʋɔ bɩŋsɛ ŋɩla ifuli dʋɔ. 19Ɩsʋɔ yela sɛ ba yuo di atawɩ yɩrɩ lɩkarɛ Kana tibi dʋɔ sɛ wʋ mʋ ba tibi fa wʋ bakpa takɩɛ ba gapatɩɛ.>> 20Ŋina kpiniŋ di aja yɩɛ takɩɛ bɩŋsɛ gafisi sɩ nara na ŋɩla na sala (450).
Ŋina wʋrʋgbɩɛ na, Ɩsʋɔ fa ba wɩɛ dira ga tala Ɩsʋɔ ɔja Samuweli saŋa.
21Dɩmaŋ sɛ bakpa baa tasɛ ɩ sɛ wʋ n fa ba juo, sɛ wʋ fa ba Kisi bu Sɔɔlʋ wʋŋ wʋ lɩɩ Benyamiŋ buonɔ. Sɛ wʋ di juori bɩŋsɛ ŋɩla (40). 22Gʋ Ɩsʋɔ kʋna Sɔɔlʋ juori dʋɔ na, wʋ mʋ Dawidi si ba juo. Sɛ wʋ di wʋ wʋsɛ dʋɔ seriya sɛ, <<Ma na Yese bu Dawidi takɩɛ wʋ yɩɛ baalɛ wʋŋ maa ja wʋ wɩɛ ma digela naŋ, wʋŋ aaŋ ja wʋ a yɩɛ bʋrʋkʋma gaa maa ja sɛ wʋ n yɩɛ na.>>
23Sɛ Petero ju dʋɔ tawɩ sɛ, <<Lɩɩ dɩmʋŋ baalɛ wina gananabisi naŋ sɛ Ɩsʋɔ lɩsɛ Yesu Mɔlɔgɩrɛ wʋŋ fa Isiralitina takɩɛ ganaŋkʋ wʋ tawɩ si na. 24Pɔɩ na Yesu a kɔŋ na, Yohane cha tawɩ biliŋi lɩɩ dɩsʋbʋ naŋ na Ɩsʋɔ sɔ wɩɛ fa Isiralitina kpiniŋ. 25Gʋ Yohane a taŋ wʋ dɩtʋm na, wʋ tawɩ sɛ Mmʋɔ sɛ ɩɩ fa nfɩɛrɛ sɛ ma yɩɛ? Ma ba yɩɛ ɩ ɩ. Ama wʋŋ wʋ a kɔŋ ma wʋrʋgbɩɛ na, ma n daga na maa luuŋ buoli wʋ asibita ganyasɛ ɛ.>>
26Sɛ wʋ tawɩ sɛ, <<Ma dɔŋa Isiralitina Abiraham gananabisi, na amɩɛ baa ɩ ba yɩɛ Yudatina sɛ ɩɩ se Ɩsʋɔ na, daa sɛ ba kɔna nkpa mɔlɔgɩ wɩɛ ŋina. 27Yerusalemtina na ba asanaŋtina n jiŋ Yesu u, ama dɩpʋɛ gaa ba fu ɩ na yela sɛ Ɩsʋɔ bajana baa wɩɛ ŋii baa karaŋ Fɩɛsɛ wɩɩ kʋma na, kɔŋ tɩba 28Ŋɩ wɩɛ tɩba takɩɛ ba n yu bʋrʋ garɛ gba sɩŋ dʋɔ na ba fu ɩ sɩŋ dɩpʋɛ ɛ, ama ba tawɩ Pilato sɛ wʋ n kʋ ɩ. 29Gʋ ba yɩɛ bʋrʋ gaa ba sabɩɛ lɩɩ wʋ wʋsɛ dʋɔ kpiniŋ taŋ na, ba tibi na ɩ lɩɩ daŋ gasagasa gaa dʋɔ mʋ ɩ ga wuu bʋɔ naŋ, 30Ama Ɩsʋɔ feŋsi ɩ lɩɩ sɩŋ naŋ, 31sɛ gɩyɩɛnɩŋ fɔɩ ŋina naŋ na, baa wʋ na ba cha pala lɩɩ Galaliya ju Yerusalem na na ɩ. Dɩtɩɛna, baa n nyina wʋ seriya dira fa daa bakpa.>>
32Sɛ wʋ ju dʋɔ tawɩ sɛ dɩɩ tawɩ wɩɛ abama ŋii Ɩsʋɔ cha tawɩ si fa daa duluŋ na fa amɩɛ, 33wʋ yela sɛ ŋɩ kɔŋ tɩba fa daa baa dɩ yɩɛ ba gananabisi sɛ wʋ feŋsi Yesu takɩɛ ganaŋkʋ ba sabɩɛ Numba alatɛ naŋ sɛ,
<<Nya yɩɛ mabu,
jaŋ ma yɩɛ Njuo.>>#Num 2:7.
34Ɩsʋɔ feŋsi Yesu lɩɩ sɩŋ naŋ, na wʋ n baa ti bɔrɛ sɩŋ. Ganaŋkʋ Ɩsʋɔ tawɩ sɛ,
<<Maa yɩɛ amɩɛ kusee chɩrɩchɩrɩ gaa ma tawɩ si sɛ maa mʋ fa Dawidi na.>>#Yis 55:3.
35Sɛ ba ti sabɩɛ Numba naŋ gatʋŋgʋrʋ sɛ,
<<Nya aa yela na nbu dɩchɩrɩchɩrɩtɛ wʋŋ a dara a.>>#Num 16:10.
36<<Akala takɩɛ gʋ Dawidi tʋŋ wʋ tɩŋtɩŋ wʋ saŋa ŋii Ɩsʋɔ a jawʋ na, wʋ sɩŋ sɛ ba wuu ɩ wʋ duluŋ jaŋ sɛ wʋ wʋsɛ darɛ. 37Ama wʋŋ Ɩsʋɔ feŋsi ɩ lɩɩ sɩŋ naŋ bɩrɛ, wʋ n dara a.>>
38Dɩmʋŋ dʋɔ ma dɔŋa Isiralitina, maa ja sɛ ɩ jiŋ gʋ lɩɩna Yesu dʋɔ dɩ tawɩ dɩsʋbʋ mʋ chɩɛ wɩɛ fa amɩɛ. 39Lɩɩna wʋ dʋɔ sɛ wʋkʋma wʋŋ wʋ lɩɛ di na, wʋ chirigi Ɩsʋɔ asanaŋ lɩɩ bʋrʋkʋma gaa Mosesi mbara ŋii n dɩlɛ yela na wʋ a chirigi Ɩsʋɔ asanaŋ na. 40N kɩɛ na dieli na bʋrʋ gaa Ɩsʋɔ bajana baa tawɩ na, n baa kɔŋ amɩɛ dʋɔ takɩɛ,
41<<N nyii, amɩɛ jabira,
ŋii yɩɛ amɩɛ mamachi na ɩ sɩŋ,
akala takɩɛ maa yɩɛ bʋrʋ garɛ amɩɛ saŋa
hali wʋrʋ tawɩ amɩɛ gba
ɩ ɩɩ lɩɛ ɩ di i.>>#Haba 1:5.
42Gʋ Pɔɔlʋ na Banabasi a lɩɩ Yudatina tʋm danɛ gaa naŋ na, bakpa baa sʋlʋ ba sɛ ba n bɔrɛ kɔŋ Fɩɛsɛ wɩɩ gaa gaa kɔŋ na, na baa ti gaa tawɩ lɩɩna dɩmʋŋ wɩɛ ŋina dʋɔ. 43Gʋ bakpa baa lɩɩ dijaŋitiŋ gaa na, Yudatina baa na baa ba bɩrɩŋsɛ gaa tʋŋ Yudatina tʋm fɔɩ kpamɩna Pɔɔlʋ na Banabasi. Sɛ ba tawɩ fa ba sɛ ba n ju dʋɔ cha Ɩsʋɔ wɩɩ ŋii naŋ.
44Gʋ Fɩɛsɛ wɩɩ gaa ga kpamɩna talɛ na, dɩɛ janɛ gaa kpiniŋ jaŋi na baa nyii Ɩsʋɔ wɩɛ. 45Gʋ Yudatina baa na jama baa na, dɩsɛchɩbɛ su ba sɛ ba di wɩɛ kʋma ŋii Pɔɔlʋ tawɩ na noro, sɛ ba ti ɩ.
46Dɩmaŋ sɛ Pɔɔlʋ na Banabasi mʋ digela tawɩ ba sɛ, <<Dɩ daga na dɩɩ chɩŋkpɩɛ tawɩ Ɩsʋɔ wɩɛ ŋii fa amɩɛ. Ama gʋ ɩ pɩɛ ŋɛ sɛ ɩŋ kɩɛ amɩɛ wʋsɛ takɩɛ ɩ daga nkpa ŋii ŋɩ taŋ gɩtɛ. Ŋina dʋɔ, dɩtɩɛna dɩɩ yela amɩɛ na dɩɩ ju baa ba ba yɩɛ Yudatina na jaŋ. 47Akala takɩɛ ŋina n nyina ŋii Kpaŋjuo Ɩsʋɔ dʋ daa takɩɛ,
<<Ma yɩɛ amɩɛ ŋmaŋi fa baa ba ba yɩɛ Yudatina,
ganaŋkʋ ɩɩ kɔna nkpa mɔlɔgɩ tibi dʋɔ gapɩlɛkʋma.>>#Yis 49:6.
48Gʋ baa ba ba yɩɛ Yudatina nyii ŋina na, dɩ yɩɛ ba jʋŋ sɛ ba mʋ jilima fa Ɩsʋɔ wɩɛ ŋii, na baa ba lɩsɛ ba na kpiniŋ sɛ ba n yu nkpa ŋii ŋɩ taŋ gɩtɛ sɛ lɩɛ di.
49Sɛ Kpaŋjuo wʋŋ wɩɛ ŋii yalagi tibi gaa dʋɔ gapɩlɛkʋma. 50Ama Yudatina baa fuosi dʋ dɩɛ janɛ gaa asanaŋtina na ala baa baa se Ɩsʋɔ sɛ ba yɩɛ ba kpari na. Sɛ ba yela sɛ bakpa nyala Pɔɔlʋ na Banabasi, sɛ ba geŋ ba lɩɩ ba tibi dʋɔ. 51Dɩmʋŋ dʋɔ ba kpisi ba nafara tie dibuu wʋrʋgɩ na ŋii chicha ba. Sɛ ba ju Ikoniyom dɩɛ naŋ. 52Sɛ asadi na Ɩsʋɔ Feliŋ su kpalɛnara baa tɩba.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy amp Bible Translation