Dɩtʋm 6
6
Chɔnara lɩkarɛ baa
1Gɩyɩɛnɩŋ ŋina naŋ gʋ kpalɛnara baa a bɔlɛ na, Yudatina baa baa tawɩ Giriki dɩtawɩ sɛ ba wɩɛ ba tɩba na, a fʋlʋ baa baŋ Yudatina baa tɩŋtɩŋ akala takɩɛ ba pɩɛsɛ ba bakulapuna ala wɩɩ kʋma adiya ŋii baa kparɛ na. 2Dɩmʋŋ dʋɔ gifi bala baa sɩla kpalɛnara baa kpiniŋ, sɛ ba tawɩ ba sɛ, <<Dɩ n daga na dɩɩ pɩɛ Ɩsʋɔ wɩɛ tawɩ na dɩɩ gaa kpara adiya a. 3Dɩmʋŋ dʋɔ ma dɔŋa Isiralitina, n kɩɛ amɩɛ tɩba na ɩ lɩsɛ baala lɩkarɛ baa ɩ jiŋ gʋ baa tawɩ ba wʋsɛ dʋɔ wɩɛ abama, sɛ Ɩsʋɔ Feliŋ na kpiŋjim su ba tɩba na dɩɩ mʋ dɩmʋŋ dɩtʋm gana dʋ ba pamɩɛ naŋ, 4sɛ daa bɩrɛ dɩɩ mʋ daa wʋsɛ fa dɩga jʋɔ na Ɩsʋɔ wɩɛ ŋii tawɩ.>>
5Sɛ dikpeŋ gaa kpiniŋ asadi ba wɩɛ ŋina dʋɔ. Sɛ ba lɩsɛ Sitifiŋ, baalɛ wʋŋ lɩɛdi na Ɩsʋɔ Feliŋ su wʋ tɩba, na Filipo, na Pokorosi, na Nikanɔ, na Timoŋ, na Pamenasi na Nikolasi wʋŋ wʋ lɩɩ Antiyokiya sɛ wʋ bɩrɩŋsɛ gaa tʋŋ Yudatina tʋm na. 6Ba mʋ dɩmʋŋ bakpa bana ga sɩŋ kpirida baa asanaŋ, sɛ ba mʋ ba pamɩɛ jaga ba dʋɔ jɔ dɩga fa ba.
7Dɩmʋŋ dʋɔ Ɩsʋɔ wɩɛ ŋii yalagi, sɛ kpalɛnara baa ba wɩɛ Yerusalem na bɔla fɔɩ, sɛ Ɩsʋɔ seina fɔɩ lɩɛ Yesu di.
Ba chaŋ Sitifiŋ
8Sɛ Sitifiŋ wʋŋ Ɩsʋɔ wɩɩ na doŋ su wʋ tɩba na, yɩɛ mamachi janɛ na adaŋgana daasɛ bakpa baa tɩba. 9Ama Yudatina tʋm danɛ naŋ bakpa baa barɛ baa ba yu ba wʋsɛ [takɩɛ ganaŋkʋ baa yagɛ ga na]. Baa n nyina Yudatina baa ba lɩɩ Kireni, Alesandiriya, Kilikiya na Asiya tibi dʋɔ na kpiniŋ kʋlʋ sɩŋ Sitifiŋ dʋɔ. Dɩmʋŋ bakpa bana fara baa di Sitifiŋ noro, 10ama kpiŋjim na Ɩsʋɔ Feliŋ ŋii ŋɩ yela sɛ wʋ tawɩ wɩɛ na dʋɔ, ba n dɩlɛ di ɩ noro o.
11Sɛ ba wɩsɛ ga tawɩ bakpa barɛ sɛ ba n tawɩ sɛ, <<Dɩ nyii gʋ Sitifiŋ tawɩ mbusu wɩɛ wʋ a baŋ Mosesi na Ɩsʋɔ.>>
12Dɩmʋŋ dʋɔ ba fuosi dʋ bakpa baa, dɩɛ bɩnɩɛ baa na Mosesi mbara bakalaasa baa. Sɛ ba chaŋ Sitifiŋ mʋ ɩ kɔŋ gaa sɩŋ dɩɛnaŋ bɩnɩɛ naŋ bɩnɩɛ dikpeŋ gaa asanaŋ. 13Ba kɔna akarɩɛ seriyatina gaa di seriya sɛ, <<Baalɛ wina taŋ wʋ a yela mbusu wɩɛ tawɩ baŋ dɩmʋŋ chɩrɩchɩrɩ diele gana na Mosesi mbara ŋii i. 14Sɛ dɩ ti nyii gʋ wʋ tawɩ sɛ dɩmʋŋ Yesu Nasarati wʋkpa wina aja salɩɛ Ɩsʋɔ tʋm danɛ na wʋ a biliŋi daa ayɩɛsa ŋii Mosesi mʋ fa daa na.>>
15Baa ba chaɩ dɩɛnaŋ bɩnɩɛ naŋ bɩnɩɛ dikpeŋ gaa tɩba na kpiniŋ kɩɛ Sitifiŋ na dieli, sɛ ba na gʋ wʋ asanaŋ kɩɛna takɩɛ Ɩsʋɔ gabʋɔ asanaŋ.
Currently Selected:
Dɩtʋm 6: CLL
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy amp Bible Translation
Dɩtʋm 6
6
Chɔnara lɩkarɛ baa
1Gɩyɩɛnɩŋ ŋina naŋ gʋ kpalɛnara baa a bɔlɛ na, Yudatina baa baa tawɩ Giriki dɩtawɩ sɛ ba wɩɛ ba tɩba na, a fʋlʋ baa baŋ Yudatina baa tɩŋtɩŋ akala takɩɛ ba pɩɛsɛ ba bakulapuna ala wɩɩ kʋma adiya ŋii baa kparɛ na. 2Dɩmʋŋ dʋɔ gifi bala baa sɩla kpalɛnara baa kpiniŋ, sɛ ba tawɩ ba sɛ, <<Dɩ n daga na dɩɩ pɩɛ Ɩsʋɔ wɩɛ tawɩ na dɩɩ gaa kpara adiya a. 3Dɩmʋŋ dʋɔ ma dɔŋa Isiralitina, n kɩɛ amɩɛ tɩba na ɩ lɩsɛ baala lɩkarɛ baa ɩ jiŋ gʋ baa tawɩ ba wʋsɛ dʋɔ wɩɛ abama, sɛ Ɩsʋɔ Feliŋ na kpiŋjim su ba tɩba na dɩɩ mʋ dɩmʋŋ dɩtʋm gana dʋ ba pamɩɛ naŋ, 4sɛ daa bɩrɛ dɩɩ mʋ daa wʋsɛ fa dɩga jʋɔ na Ɩsʋɔ wɩɛ ŋii tawɩ.>>
5Sɛ dikpeŋ gaa kpiniŋ asadi ba wɩɛ ŋina dʋɔ. Sɛ ba lɩsɛ Sitifiŋ, baalɛ wʋŋ lɩɛdi na Ɩsʋɔ Feliŋ su wʋ tɩba, na Filipo, na Pokorosi, na Nikanɔ, na Timoŋ, na Pamenasi na Nikolasi wʋŋ wʋ lɩɩ Antiyokiya sɛ wʋ bɩrɩŋsɛ gaa tʋŋ Yudatina tʋm na. 6Ba mʋ dɩmʋŋ bakpa bana ga sɩŋ kpirida baa asanaŋ, sɛ ba mʋ ba pamɩɛ jaga ba dʋɔ jɔ dɩga fa ba.
7Dɩmʋŋ dʋɔ Ɩsʋɔ wɩɛ ŋii yalagi, sɛ kpalɛnara baa ba wɩɛ Yerusalem na bɔla fɔɩ, sɛ Ɩsʋɔ seina fɔɩ lɩɛ Yesu di.
Ba chaŋ Sitifiŋ
8Sɛ Sitifiŋ wʋŋ Ɩsʋɔ wɩɩ na doŋ su wʋ tɩba na, yɩɛ mamachi janɛ na adaŋgana daasɛ bakpa baa tɩba. 9Ama Yudatina tʋm danɛ naŋ bakpa baa barɛ baa ba yu ba wʋsɛ [takɩɛ ganaŋkʋ baa yagɛ ga na]. Baa n nyina Yudatina baa ba lɩɩ Kireni, Alesandiriya, Kilikiya na Asiya tibi dʋɔ na kpiniŋ kʋlʋ sɩŋ Sitifiŋ dʋɔ. Dɩmʋŋ bakpa bana fara baa di Sitifiŋ noro, 10ama kpiŋjim na Ɩsʋɔ Feliŋ ŋii ŋɩ yela sɛ wʋ tawɩ wɩɛ na dʋɔ, ba n dɩlɛ di ɩ noro o.
11Sɛ ba wɩsɛ ga tawɩ bakpa barɛ sɛ ba n tawɩ sɛ, <<Dɩ nyii gʋ Sitifiŋ tawɩ mbusu wɩɛ wʋ a baŋ Mosesi na Ɩsʋɔ.>>
12Dɩmʋŋ dʋɔ ba fuosi dʋ bakpa baa, dɩɛ bɩnɩɛ baa na Mosesi mbara bakalaasa baa. Sɛ ba chaŋ Sitifiŋ mʋ ɩ kɔŋ gaa sɩŋ dɩɛnaŋ bɩnɩɛ naŋ bɩnɩɛ dikpeŋ gaa asanaŋ. 13Ba kɔna akarɩɛ seriyatina gaa di seriya sɛ, <<Baalɛ wina taŋ wʋ a yela mbusu wɩɛ tawɩ baŋ dɩmʋŋ chɩrɩchɩrɩ diele gana na Mosesi mbara ŋii i. 14Sɛ dɩ ti nyii gʋ wʋ tawɩ sɛ dɩmʋŋ Yesu Nasarati wʋkpa wina aja salɩɛ Ɩsʋɔ tʋm danɛ na wʋ a biliŋi daa ayɩɛsa ŋii Mosesi mʋ fa daa na.>>
15Baa ba chaɩ dɩɛnaŋ bɩnɩɛ naŋ bɩnɩɛ dikpeŋ gaa tɩba na kpiniŋ kɩɛ Sitifiŋ na dieli, sɛ ba na gʋ wʋ asanaŋ kɩɛna takɩɛ Ɩsʋɔ gabʋɔ asanaŋ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy amp Bible Translation