Matiyo 18
18
Mmʋɔ n nyina wʋjaŋ-janɛ Ɩsʋɔ Juori naŋ
Maakɩ 9:33-37; Luka 9:46-48
1Dɩmʋŋ saŋa gana na, Yesu kpalɛnara baa kɔŋ wʋ jaŋ gaa tasɛ ɩ sɛ, <<Mmʋɔ n nyina wʋjan-janɛ Ɩsʋɔ Juori gaa naŋ?>>
2Sɛ Yesu yagɛ wʋchaa pii gaa sɩŋ ba asanaŋ. 3Sɛ wʋ tawɩ ba sɛ, <<Maa tawɩ sɛ n nyii na dieli sɛ ɩŋ biliŋi amɩɛ nfɩɛrɛ na ɩ yɩɛ takɩɛ bachaasɛ bisi na, ɩɩ dɩlɛ jʋʋ Ɩsʋɔ Juori gana naŋ ŋ. 4Dɩmʋŋ dʋɔ wʋkʋma wʋŋ wʋ kɔna wʋ wʋsɛ tie takɩɛ wʋchaa wina na, wʋŋ n nyina wʋjan-janɛ Ɩsʋɔ Juori gaa naŋ.>>
5Wʋkʋma wʋŋ wʋ lɩɛ wʋchaa pii wina ma yɩrɛ naŋ na lɩɛ maŋ. 6Ama wʋkʋma wʋŋ wʋ a yela na bachaasɛ buruburu baa ba lɩɛ maŋ di na tɩba wʋrʋ a yɩɛ dɩsʋbʋ na, ŋɩ wɩɛ dieli fa ɩ takɩɛ gʋ ba mʋ bʋɩ ganamsa janɛ pɔgʋ wʋ lafu tie, na baa lɔ ɩ dʋ ɔpʋ dɩkɩŋ diele.
7Dulunya naŋ bakpa amɩɛ lakʋ akala takɩɛ bʋrʋ gaa gaa yela sɛ bakpa a yɩɛ dɩsʋbʋ na aja kɔŋ. Ama wʋŋ aja pala na wʋ dʋɔ kɔŋ na, wʋŋ lakʋ. 8Sɛ n pam yaa n nafarɛ aja yela na nyaa yɩɛ dɩsʋbʋ na, kara ga tʋsʋ. Ŋɩ wɩɛ dieli fa nyaŋ takɩɛ nyaa mʋ pam garɛ yaa nafarɛ garɛ ju nkpa ŋii ŋɩ taŋ gɩtɛ naŋ kii gʋ nya mʋ pamɩɛ ala yaa nafara ala ju bʋala gaa gaa dum na naŋ. 9Sɛ n dɩsɛ aja yela na nyaa yɩɛ dɩsʋbʋ na, chɔla ga tʋsʋ. Ŋɩ wɩɛ dieli fa nyaŋ takɩɛ nyaa mʋ dɩsɛ garɛ ju nkpa ŋii ŋɩ taŋ gɩtɛ na naŋ kii gʋ nyaa mʋ asa ala ju awʋrʋfʋɔ bʋala gaa gaa dum na naŋ.
Fie wʋ tʋsʋsa dʋɔ diduu
Luka 15:3-7
10Sɛ Yesu tawɩ ba sɛ, <<N kɩɛ na dieli na n baa kɩɛ ba buruburu bana tɩba wʋrʋ kpakpuo. Akala takɩɛ maa tawɩ amɩɛ sɛ ba Ɩsʋɔ adugbe gabʋɔsɛ wɩɛ Majuo asanaŋ saŋa kʋma. 11Wʋkpa Bu wʋŋ kɔŋ na wʋ a gaa mɔlɔgɩ baa ba tʋsʋ na bɛ.>>#18:11 Naa Sabɩɛwɩɛ ŋii kpiniŋ n wɩɛna kparatɩba gana a
12Sɛ Yesu tawɩ ba sɛ, <<Amɩɛ nfɩɛrɛ n nyina sɩnɛ lɩɩna wɩɛ ŋina dʋɔ? Wʋkpa wɩɛna feŋ gafie (100) sɛ ba tɩba wʋrʋ tʋsʋ na, wʋ aa yela ŋɩnara sala na saŋgʋ (99) baa si bʋrɔŋ bisi dʋɔ dɩmaŋ, na wʋ a ju ga ja wʋŋ wʋ tʋsʋ naa? 13Maa tawɩ sɛ n nyii na dieli sɛ wʋ na ɩ na wʋ asa aja lɩɛ wʋ dʋɔ kii ŋɩnara sala na saŋgʋ baa ba n tʋsʋ na. 14Dɩmʋŋ sɛ amɩɛ Juo wʋŋ wʋ wɩɛ Ɩsʋɔ adugbe na gba baa ja ba buruburu bana tɩba wʋrʋ n tʋsʋ ʋ.>>
N dʋɔ yɩɛ nyaŋ dɩsʋbʋ na
15Sɛ Yesu ju dʋɔ tawɩ sɛ, <<N dʋɔ lɩɛdɩrɛ yɩɛ nyaŋ dɩsʋbʋ na, ju wʋ jaŋ ga tawɩ ɩ wʋ dɩsʋbʋ nyaŋ na ɩ bala. Wʋ nyii wʋ dɩsʋbʋ tie na, na ɩ ti yɩɛ dɔŋa lɩɛdɩra. 16Ama sɛ wʋ n nyii wʋ dɩsʋbʋ tie na, mʋ wʋkpa wʋrʋ yaa bakpa bala kpi n wʋsɛ dʋɔ ju wʋ jaŋ ganaŋkʋ aja yɩɛ na Sabɩɛwɩɛ ŋii ŋɩ tawɩ sɛ, <Wɩɛ kʋma ŋii baa mʋ pʋɩ wʋrʋ na aja tiri (seriyatina bala yaa batoro) bakpa bala yaa batoro seriya.>#Ditiro 19:15. 17Sɛ wʋ pɩɛ wʋ n nyii ba jaŋ na, n tawɩ Kirisito lɩɛdɩra dikpeŋ asanaŋ, sɛ wʋ n nyii ba jaŋ na, mʋ ɩ takɩɛ wʋ yɩɛ wʋŋ wʋ ba jiŋ Ɩsʋɔ na yaa lampo lɩɛrɛ.>>
18Sɛ Yesu tawɩ sɛ, <<Maa tawɩ sɛ n nyii na dieli sɛ wɩɛ kʋma ŋii ɩ pɔgʋ ŋɛ tibi dʋɔ na, baa pɔgʋ ŋɛ Ɩsʋɔ adugbe. Sɛ wɩɛ kʋma ŋii ɩ pɩɛ ŋɛ tibi dʋɔ na, baa pɩɛ ŋɛ Ɩsʋɔ adugbe.>>
19Sɛ Yesu tawɩ sɛ, <<Ma ti bɔrɛ maa tawɩ amɩɛ sɛ bakpa bala tawɩ kpa sɛ ba jɔ dɩga tasɛ bʋrʋ garɛ na, Majuo wʋŋ wʋ wɩɛ Ɩsʋɔ adugbe na aja yɩɛ fa ba. 20Akala takɩɛ diele gaa bakpa bala yaa batoro jaŋi ma yɩrɛ naŋ na, ma kpi ba dʋɔ.>>
Tʋmɩrɛ nyinaŋ doŋ-tɛ wʋrʋ dʋɔ diduu
21Sɛ Petero kɔŋ Yesu jaŋ gaa tasɛ ɩ sɛ, <<Kpaŋjuo, ma dʋɔ yɩɛ maŋ dɩsʋbʋ na, gbɩɛta bʋŋmaŋ sɛ ma n mʋ chɩɛ ɩ? Gbɩɛta lɩkaarɛ?>>
22Sɛ Yesu lɩsɛ ɩ nʋɔ sɛ, <<Maa tawɩ amɩɛ sɛ, naa gbɩɛta lɩkaarɛ ɛ, ama gbɩɛta ŋitoro sala na lɩkaarɛ.>>
23<<Dɩmʋŋ dʋɔ Ɩsʋɔ Juori gaa kɩɛna bɛ takɩɛ Juo wʋrʋ wʋŋ wʋ yagɛ wʋ tʋmɩra sɛ ba n gaa kalaa ɩ wʋ aterembie nʋɔ. 24Gʋ wʋ fara wʋ a yɩɛ ŋina na, ba mʋ baalɛ wʋrʋ wʋŋ wʋ chamɩna ɩ kɩm diterembi talɛntɩ kɔrʋɔsɛ gifi na kɔna ɩ. 25Gʋ wʋ n dɩlɛ tɔ kɩm gaa na dʋɔ, wʋ kpaŋjuo wʋŋ dʋ sɛ ba n yaa ɩ, wʋ alʋ, wʋ bie na bʋrʋkʋma gaa wʋ wɩɛna na, na baa mʋ gaa tɔ kɩm gaa.>>
26Sɛ tʋmɩrɛ wʋŋ luuŋ wʋ dʋna dʋɔ wʋ kpaŋjuo asanaŋ sʋlʋ ɩ sɛ, <<Yu digela fa maŋ, maa tɔ nyaŋ kɩm gaa kpiniŋ.>> 27Sɛ wʋ kpaŋjuo wʋŋ wɩɩ wʋ gɩyɔŋ, sɛ wʋ mʋ kɩm gaa chɩɛ ɩ sɛ wʋ yela sɛ wʋ lam.
28Sɛ Yesu ju dʋɔ tawɩ sɛ, <<Gʋ tʋmɩrɛ wʋŋ a ju na, wʋ ga na wʋ dʋɔ tʋmɩrɛ wʋrʋ wʋ chamɩna ɩ kɩm aterembie dinari#18:28 Dinari gafie yɩɛ dɩtʋm yɩɛrɛ wiitabi kɩmtʋɔ bɛ gafie. Sɛ wʋ chaŋ wʋ lofu tie tawɩ ɩ sɛ tɔ maŋ kɩm gaa n chamɩna maŋ na.>>
29Sɛ Yesu ju dʋɔ tawɩ sɛ, <<Wʋ dʋɔ tʋmɩrɛ wʋŋ luuŋ wʋ dʋna dʋɔ wʋ asanaŋ sʋlʋ ɩ sɛ, yu digela fa maŋ maa tɔ nyaŋ kɩm gaa kpiniŋ.>>
30<<Ama wʋŋ bɩrɛ wʋ pɩɛ, sɛ wʋ mʋ ɩ ga tɔ danɛ dɩtʋɔtɩŋ ga tala saŋa gaa wʋ a gaa tɔ kɩm gaa.>> 31Gʋ tʋmɩra ba baŋbaŋ baa na ŋii ŋɩ tibi na, ba asa n lɩɛ ɛ sɛ ba ju ga tawɩ ŋii ŋɩ tibi na kpiniŋ fa ba kpaŋjuo wʋŋ.
32Sɛ kpaŋjuo wʋŋ yagɛ tʋmɩrɛ wʋŋ tawɩ ɩ sɛ, <<Nyaŋ tʋmɩrɛ nyinaŋ doŋ-tɛ, nya sʋlʋ maŋ dʋɔ ma mʋ n kɩm kpiniŋ chɩɛ nyaŋ. 33Be dʋɔ sɛ nya n dɩlɛ wɩɩ n dʋɔ gɩyɔŋ takɩɛ ganaŋkʋ ma wɩɩ n gɩyɔŋ naa?>> 34Sɛ wʋ kpaŋjuo wʋŋ kara biŋbira sɛ wʋ tawɩ fa danɛ tʋɔra sɛ ba n nyala ɩ ga tala gʋ wʋ a tɔ kɩm gaa kpiniŋ.
35Sɛ Yesu ju dʋɔ tawɩ sɛ, <<N na sɛ Majuo wʋŋ wʋ wɩɛ Ɩsʋɔ adugbe na aja yɩɛ amɩɛ wʋkʋma wʋŋ wʋ n lɩɩ wʋ digela naŋ mʋ wʋ dʋɔ dɩsʋbʋ chɩɛ ɩ na.>>
Currently Selected:
Matiyo 18: CLL
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy amp Bible Translation
Matiyo 18
18
Mmʋɔ n nyina wʋjaŋ-janɛ Ɩsʋɔ Juori naŋ
Maakɩ 9:33-37; Luka 9:46-48
1Dɩmʋŋ saŋa gana na, Yesu kpalɛnara baa kɔŋ wʋ jaŋ gaa tasɛ ɩ sɛ, <<Mmʋɔ n nyina wʋjan-janɛ Ɩsʋɔ Juori gaa naŋ?>>
2Sɛ Yesu yagɛ wʋchaa pii gaa sɩŋ ba asanaŋ. 3Sɛ wʋ tawɩ ba sɛ, <<Maa tawɩ sɛ n nyii na dieli sɛ ɩŋ biliŋi amɩɛ nfɩɛrɛ na ɩ yɩɛ takɩɛ bachaasɛ bisi na, ɩɩ dɩlɛ jʋʋ Ɩsʋɔ Juori gana naŋ ŋ. 4Dɩmʋŋ dʋɔ wʋkʋma wʋŋ wʋ kɔna wʋ wʋsɛ tie takɩɛ wʋchaa wina na, wʋŋ n nyina wʋjan-janɛ Ɩsʋɔ Juori gaa naŋ.>>
5Wʋkʋma wʋŋ wʋ lɩɛ wʋchaa pii wina ma yɩrɛ naŋ na lɩɛ maŋ. 6Ama wʋkʋma wʋŋ wʋ a yela na bachaasɛ buruburu baa ba lɩɛ maŋ di na tɩba wʋrʋ a yɩɛ dɩsʋbʋ na, ŋɩ wɩɛ dieli fa ɩ takɩɛ gʋ ba mʋ bʋɩ ganamsa janɛ pɔgʋ wʋ lafu tie, na baa lɔ ɩ dʋ ɔpʋ dɩkɩŋ diele.
7Dulunya naŋ bakpa amɩɛ lakʋ akala takɩɛ bʋrʋ gaa gaa yela sɛ bakpa a yɩɛ dɩsʋbʋ na aja kɔŋ. Ama wʋŋ aja pala na wʋ dʋɔ kɔŋ na, wʋŋ lakʋ. 8Sɛ n pam yaa n nafarɛ aja yela na nyaa yɩɛ dɩsʋbʋ na, kara ga tʋsʋ. Ŋɩ wɩɛ dieli fa nyaŋ takɩɛ nyaa mʋ pam garɛ yaa nafarɛ garɛ ju nkpa ŋii ŋɩ taŋ gɩtɛ naŋ kii gʋ nya mʋ pamɩɛ ala yaa nafara ala ju bʋala gaa gaa dum na naŋ. 9Sɛ n dɩsɛ aja yela na nyaa yɩɛ dɩsʋbʋ na, chɔla ga tʋsʋ. Ŋɩ wɩɛ dieli fa nyaŋ takɩɛ nyaa mʋ dɩsɛ garɛ ju nkpa ŋii ŋɩ taŋ gɩtɛ na naŋ kii gʋ nyaa mʋ asa ala ju awʋrʋfʋɔ bʋala gaa gaa dum na naŋ.
Fie wʋ tʋsʋsa dʋɔ diduu
Luka 15:3-7
10Sɛ Yesu tawɩ ba sɛ, <<N kɩɛ na dieli na n baa kɩɛ ba buruburu bana tɩba wʋrʋ kpakpuo. Akala takɩɛ maa tawɩ amɩɛ sɛ ba Ɩsʋɔ adugbe gabʋɔsɛ wɩɛ Majuo asanaŋ saŋa kʋma. 11Wʋkpa Bu wʋŋ kɔŋ na wʋ a gaa mɔlɔgɩ baa ba tʋsʋ na bɛ.>>#18:11 Naa Sabɩɛwɩɛ ŋii kpiniŋ n wɩɛna kparatɩba gana a
12Sɛ Yesu tawɩ ba sɛ, <<Amɩɛ nfɩɛrɛ n nyina sɩnɛ lɩɩna wɩɛ ŋina dʋɔ? Wʋkpa wɩɛna feŋ gafie (100) sɛ ba tɩba wʋrʋ tʋsʋ na, wʋ aa yela ŋɩnara sala na saŋgʋ (99) baa si bʋrɔŋ bisi dʋɔ dɩmaŋ, na wʋ a ju ga ja wʋŋ wʋ tʋsʋ naa? 13Maa tawɩ sɛ n nyii na dieli sɛ wʋ na ɩ na wʋ asa aja lɩɛ wʋ dʋɔ kii ŋɩnara sala na saŋgʋ baa ba n tʋsʋ na. 14Dɩmʋŋ sɛ amɩɛ Juo wʋŋ wʋ wɩɛ Ɩsʋɔ adugbe na gba baa ja ba buruburu bana tɩba wʋrʋ n tʋsʋ ʋ.>>
N dʋɔ yɩɛ nyaŋ dɩsʋbʋ na
15Sɛ Yesu ju dʋɔ tawɩ sɛ, <<N dʋɔ lɩɛdɩrɛ yɩɛ nyaŋ dɩsʋbʋ na, ju wʋ jaŋ ga tawɩ ɩ wʋ dɩsʋbʋ nyaŋ na ɩ bala. Wʋ nyii wʋ dɩsʋbʋ tie na, na ɩ ti yɩɛ dɔŋa lɩɛdɩra. 16Ama sɛ wʋ n nyii wʋ dɩsʋbʋ tie na, mʋ wʋkpa wʋrʋ yaa bakpa bala kpi n wʋsɛ dʋɔ ju wʋ jaŋ ganaŋkʋ aja yɩɛ na Sabɩɛwɩɛ ŋii ŋɩ tawɩ sɛ, <Wɩɛ kʋma ŋii baa mʋ pʋɩ wʋrʋ na aja tiri (seriyatina bala yaa batoro) bakpa bala yaa batoro seriya.>#Ditiro 19:15. 17Sɛ wʋ pɩɛ wʋ n nyii ba jaŋ na, n tawɩ Kirisito lɩɛdɩra dikpeŋ asanaŋ, sɛ wʋ n nyii ba jaŋ na, mʋ ɩ takɩɛ wʋ yɩɛ wʋŋ wʋ ba jiŋ Ɩsʋɔ na yaa lampo lɩɛrɛ.>>
18Sɛ Yesu tawɩ sɛ, <<Maa tawɩ sɛ n nyii na dieli sɛ wɩɛ kʋma ŋii ɩ pɔgʋ ŋɛ tibi dʋɔ na, baa pɔgʋ ŋɛ Ɩsʋɔ adugbe. Sɛ wɩɛ kʋma ŋii ɩ pɩɛ ŋɛ tibi dʋɔ na, baa pɩɛ ŋɛ Ɩsʋɔ adugbe.>>
19Sɛ Yesu tawɩ sɛ, <<Ma ti bɔrɛ maa tawɩ amɩɛ sɛ bakpa bala tawɩ kpa sɛ ba jɔ dɩga tasɛ bʋrʋ garɛ na, Majuo wʋŋ wʋ wɩɛ Ɩsʋɔ adugbe na aja yɩɛ fa ba. 20Akala takɩɛ diele gaa bakpa bala yaa batoro jaŋi ma yɩrɛ naŋ na, ma kpi ba dʋɔ.>>
Tʋmɩrɛ nyinaŋ doŋ-tɛ wʋrʋ dʋɔ diduu
21Sɛ Petero kɔŋ Yesu jaŋ gaa tasɛ ɩ sɛ, <<Kpaŋjuo, ma dʋɔ yɩɛ maŋ dɩsʋbʋ na, gbɩɛta bʋŋmaŋ sɛ ma n mʋ chɩɛ ɩ? Gbɩɛta lɩkaarɛ?>>
22Sɛ Yesu lɩsɛ ɩ nʋɔ sɛ, <<Maa tawɩ amɩɛ sɛ, naa gbɩɛta lɩkaarɛ ɛ, ama gbɩɛta ŋitoro sala na lɩkaarɛ.>>
23<<Dɩmʋŋ dʋɔ Ɩsʋɔ Juori gaa kɩɛna bɛ takɩɛ Juo wʋrʋ wʋŋ wʋ yagɛ wʋ tʋmɩra sɛ ba n gaa kalaa ɩ wʋ aterembie nʋɔ. 24Gʋ wʋ fara wʋ a yɩɛ ŋina na, ba mʋ baalɛ wʋrʋ wʋŋ wʋ chamɩna ɩ kɩm diterembi talɛntɩ kɔrʋɔsɛ gifi na kɔna ɩ. 25Gʋ wʋ n dɩlɛ tɔ kɩm gaa na dʋɔ, wʋ kpaŋjuo wʋŋ dʋ sɛ ba n yaa ɩ, wʋ alʋ, wʋ bie na bʋrʋkʋma gaa wʋ wɩɛna na, na baa mʋ gaa tɔ kɩm gaa.>>
26Sɛ tʋmɩrɛ wʋŋ luuŋ wʋ dʋna dʋɔ wʋ kpaŋjuo asanaŋ sʋlʋ ɩ sɛ, <<Yu digela fa maŋ, maa tɔ nyaŋ kɩm gaa kpiniŋ.>> 27Sɛ wʋ kpaŋjuo wʋŋ wɩɩ wʋ gɩyɔŋ, sɛ wʋ mʋ kɩm gaa chɩɛ ɩ sɛ wʋ yela sɛ wʋ lam.
28Sɛ Yesu ju dʋɔ tawɩ sɛ, <<Gʋ tʋmɩrɛ wʋŋ a ju na, wʋ ga na wʋ dʋɔ tʋmɩrɛ wʋrʋ wʋ chamɩna ɩ kɩm aterembie dinari#18:28 Dinari gafie yɩɛ dɩtʋm yɩɛrɛ wiitabi kɩmtʋɔ bɛ gafie. Sɛ wʋ chaŋ wʋ lofu tie tawɩ ɩ sɛ tɔ maŋ kɩm gaa n chamɩna maŋ na.>>
29Sɛ Yesu ju dʋɔ tawɩ sɛ, <<Wʋ dʋɔ tʋmɩrɛ wʋŋ luuŋ wʋ dʋna dʋɔ wʋ asanaŋ sʋlʋ ɩ sɛ, yu digela fa maŋ maa tɔ nyaŋ kɩm gaa kpiniŋ.>>
30<<Ama wʋŋ bɩrɛ wʋ pɩɛ, sɛ wʋ mʋ ɩ ga tɔ danɛ dɩtʋɔtɩŋ ga tala saŋa gaa wʋ a gaa tɔ kɩm gaa.>> 31Gʋ tʋmɩra ba baŋbaŋ baa na ŋii ŋɩ tibi na, ba asa n lɩɛ ɛ sɛ ba ju ga tawɩ ŋii ŋɩ tibi na kpiniŋ fa ba kpaŋjuo wʋŋ.
32Sɛ kpaŋjuo wʋŋ yagɛ tʋmɩrɛ wʋŋ tawɩ ɩ sɛ, <<Nyaŋ tʋmɩrɛ nyinaŋ doŋ-tɛ, nya sʋlʋ maŋ dʋɔ ma mʋ n kɩm kpiniŋ chɩɛ nyaŋ. 33Be dʋɔ sɛ nya n dɩlɛ wɩɩ n dʋɔ gɩyɔŋ takɩɛ ganaŋkʋ ma wɩɩ n gɩyɔŋ naa?>> 34Sɛ wʋ kpaŋjuo wʋŋ kara biŋbira sɛ wʋ tawɩ fa danɛ tʋɔra sɛ ba n nyala ɩ ga tala gʋ wʋ a tɔ kɩm gaa kpiniŋ.
35Sɛ Yesu ju dʋɔ tawɩ sɛ, <<N na sɛ Majuo wʋŋ wʋ wɩɛ Ɩsʋɔ adugbe na aja yɩɛ amɩɛ wʋkʋma wʋŋ wʋ n lɩɩ wʋ digela naŋ mʋ wʋ dʋɔ dɩsʋbʋ chɩɛ ɩ na.>>
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy amp Bible Translation