Ɩya-ɩya 14
14
Dafidi dɩkpaara ma wɔsɔ ɛbɛ ma wo bebi
1Wʋʋ gama fɔ, Tire wogyu-dɩrɛ Hiram ɛ sa bɛnɩ Dafidi wakʋn ma seda wo-iyon, ma akwo yii beserelɛ, ma iyon yɩɩ bɛsalɩlɛ bàà ma sere digyu-kpaara tɛ Dafidi. 2Okoro Dafidi e we ɛ nyɩnla gɛtɛ Yahwe na sɩ̀ wɔ bugyu fɔ ɛ tɛ Isareli, gɛ ɛɛ yɛ wo bugyu fɔ bʋʋ san bʋnʋn wɔ bɛnɩ Isareli bete fɔ boo koro.
3Dafidi e to bɛna kpekpesi Yerusalem dʋkɔ, gɛ be wo bebi-teni ma bebi-nanɩ kpekpesi bɛ tɛ wɔ. 4Bebi gɛtɛ be wo bɛ tɛ wɔ dʋkɔ fɔ n di Samuwa, ma Sobabi, ma Natan, ma Solomon, 5ma Ibihari, ma Elisuwa, ma Elipeleti, 6ma Noga, ma Nefegi, ma Yafiya, 7ma Elisama, ma Beeliyada, ma Elifeleti.
Dafidi e di Filisiti bete boo koro
( 2 Samuweli 5.17-25)
8Gɛtɛ Filisiti bete bɛ nʋn gɛtɛ bɛ sʋrʋ Dafidi bʋnɔ bɛ sɩ̀ bugyu bɛ tɛ Isareli powu fɔ, bɛ ka bɔɔkɛma powu bɛ san bàà ma gye wɔ. Mɔ gɛtɛ Dafidi ɛ nʋn ade fɔ, e ye ɛ san ɛ̀ɛ̀ ma ten ma ɛbɛ. 9Ɛwʋ gɛ Filisiti bete bɛ san Refayim dɩtagba daanɩ, gɛ bɛ kya Refayim bete baanyan yii gekpila. 10Ɛwʋ gɛ Dafidi ɛ lila Yahwe alan, <<Wù di gɛtɛ nan san n ma kpà ma Filisiti bete fɔ? Aà ka bɛ a sa mɩɩn gʋlɔ gaanɩ?
Gɛ Yahwe e tiri wuunyun alan, <<San, nan ka bɛ n sa aa gʋlɔ!>> 11Okoro Dafidi ma wɔ bɩtà bʋʋ bɛtàlɛ bɛ tɔ bɛ san Baali-Perasim, gɛ e di boo koro dʋkɔ. Ɛ dɔ̀ alan, <<Wurubwarɛ ɛ da ma miin koro ɛ yasɩ mɩɩn bɛkyʋnlɛ anlɛ gɛtɛ getu-yonlɛ gii butu bʋʋ nyʋn fɔ. Okoro gɛ bee kpèlè dʋkɔ alɛ Baali-Perasim fɔ. 12Gɛtɛ Filisiti bete fɔ be serenti be kere boo bekpen bɛ ya fɔ, Dafidi ɛ yɛ be kuma bɛ.
13Wʋʋ gama fɔ, Filisiti bete be biri bɛ ba dɩtagba fɔ daanɩ bee kpila anyan. 14Okoro Dafidi e biri e lila Wurubwarɛ ade gɛtɛ ɛɛ̀ mɛ, gɛ Wurubwarɛ e tiri wuunyun alan, <<Ɩ kara bʋn tɩɩn ɩ ma tàmà bɛ, mɔ fɔ, ɩ kya bɛ ɩ sa getite, fɔ yàà kya bɛ bɩtà bʋʋ gɛtà i ye balisam wo-iyon yɩɩ gɩlan. 15Gengyi à bɔ a nʋn bɩsɩrɩ baagingin balisam wo-iyon fɔ yaayu yaanɩ fɔ, sere bɩtà bʋʋ gɛtà, yema ɛwʋ nan wùlà alɛ nmɩ Wurubwarɛ ǹ san aa bʋnʋn gɛtɛ nte di Filisiti bete bɔɔ bɩtà bʋʋ bɛtàlɛ boo koro.>> 16Ɛwʋ gɛ Dafidi ɛ mɛ anlɛ gɛtɛ Wurubwarɛ ɛ dɔ̀ wɔ fɔ, gɛ be wolo Filisiti bɩtà bʋʋ bɛtàlɛ, ye Gibeyon ma sere Geseri.
17Okoro Dafidi diyere dɩ yasɩ gɛtʋnkwaa-kamasɛ gaanɩ, gɛ Yahwe ɛ yɛ bɩfɩɩ powu bu serenti Dafidi.
Currently Selected:
Ɩya-ɩya 14: ADE
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation
Ɩya-ɩya 14
14
Dafidi dɩkpaara ma wɔsɔ ɛbɛ ma wo bebi
1Wʋʋ gama fɔ, Tire wogyu-dɩrɛ Hiram ɛ sa bɛnɩ Dafidi wakʋn ma seda wo-iyon, ma akwo yii beserelɛ, ma iyon yɩɩ bɛsalɩlɛ bàà ma sere digyu-kpaara tɛ Dafidi. 2Okoro Dafidi e we ɛ nyɩnla gɛtɛ Yahwe na sɩ̀ wɔ bugyu fɔ ɛ tɛ Isareli, gɛ ɛɛ yɛ wo bugyu fɔ bʋʋ san bʋnʋn wɔ bɛnɩ Isareli bete fɔ boo koro.
3Dafidi e to bɛna kpekpesi Yerusalem dʋkɔ, gɛ be wo bebi-teni ma bebi-nanɩ kpekpesi bɛ tɛ wɔ. 4Bebi gɛtɛ be wo bɛ tɛ wɔ dʋkɔ fɔ n di Samuwa, ma Sobabi, ma Natan, ma Solomon, 5ma Ibihari, ma Elisuwa, ma Elipeleti, 6ma Noga, ma Nefegi, ma Yafiya, 7ma Elisama, ma Beeliyada, ma Elifeleti.
Dafidi e di Filisiti bete boo koro
( 2 Samuweli 5.17-25)
8Gɛtɛ Filisiti bete bɛ nʋn gɛtɛ bɛ sʋrʋ Dafidi bʋnɔ bɛ sɩ̀ bugyu bɛ tɛ Isareli powu fɔ, bɛ ka bɔɔkɛma powu bɛ san bàà ma gye wɔ. Mɔ gɛtɛ Dafidi ɛ nʋn ade fɔ, e ye ɛ san ɛ̀ɛ̀ ma ten ma ɛbɛ. 9Ɛwʋ gɛ Filisiti bete bɛ san Refayim dɩtagba daanɩ, gɛ bɛ kya Refayim bete baanyan yii gekpila. 10Ɛwʋ gɛ Dafidi ɛ lila Yahwe alan, <<Wù di gɛtɛ nan san n ma kpà ma Filisiti bete fɔ? Aà ka bɛ a sa mɩɩn gʋlɔ gaanɩ?
Gɛ Yahwe e tiri wuunyun alan, <<San, nan ka bɛ n sa aa gʋlɔ!>> 11Okoro Dafidi ma wɔ bɩtà bʋʋ bɛtàlɛ bɛ tɔ bɛ san Baali-Perasim, gɛ e di boo koro dʋkɔ. Ɛ dɔ̀ alan, <<Wurubwarɛ ɛ da ma miin koro ɛ yasɩ mɩɩn bɛkyʋnlɛ anlɛ gɛtɛ getu-yonlɛ gii butu bʋʋ nyʋn fɔ. Okoro gɛ bee kpèlè dʋkɔ alɛ Baali-Perasim fɔ. 12Gɛtɛ Filisiti bete fɔ be serenti be kere boo bekpen bɛ ya fɔ, Dafidi ɛ yɛ be kuma bɛ.
13Wʋʋ gama fɔ, Filisiti bete be biri bɛ ba dɩtagba fɔ daanɩ bee kpila anyan. 14Okoro Dafidi e biri e lila Wurubwarɛ ade gɛtɛ ɛɛ̀ mɛ, gɛ Wurubwarɛ e tiri wuunyun alan, <<Ɩ kara bʋn tɩɩn ɩ ma tàmà bɛ, mɔ fɔ, ɩ kya bɛ ɩ sa getite, fɔ yàà kya bɛ bɩtà bʋʋ gɛtà i ye balisam wo-iyon yɩɩ gɩlan. 15Gengyi à bɔ a nʋn bɩsɩrɩ baagingin balisam wo-iyon fɔ yaayu yaanɩ fɔ, sere bɩtà bʋʋ gɛtà, yema ɛwʋ nan wùlà alɛ nmɩ Wurubwarɛ ǹ san aa bʋnʋn gɛtɛ nte di Filisiti bete bɔɔ bɩtà bʋʋ bɛtàlɛ boo koro.>> 16Ɛwʋ gɛ Dafidi ɛ mɛ anlɛ gɛtɛ Wurubwarɛ ɛ dɔ̀ wɔ fɔ, gɛ be wolo Filisiti bɩtà bʋʋ bɛtàlɛ, ye Gibeyon ma sere Geseri.
17Okoro Dafidi diyere dɩ yasɩ gɛtʋnkwaa-kamasɛ gaanɩ, gɛ Yahwe ɛ yɛ bɩfɩɩ powu bu serenti Dafidi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation