1 Samweli 7
7
1Okoro Kiriyati-Yarim bete bɛ waran bɛ bɛ ka Yahwe Dikola dɩɩ dɩdaka fɔ bɛ bʋn bɛ san Abinadabi wɔ dɩkpaara odon wuu koro. Gɛ bɛ sʋrʋ Abinadabi wobi Eleyasa bʋnɔ gɛtɛ ɛ̀ɛ̀ nya Yahwe Dikola dɩɩ dɩdaka fɔ.
Samweli e di Filisiti bete boo koro Misipa
2Yahwe Dikola dɩɩ dɩdaka fɔ dɩ sara Kiriyati-Yarim bɩkyan kpekpesi. Dɩ sara dʋkɔ bɩkyan dikpilin bilin. Gɛ Isareli bete powu be wula be kpele Yahwe.
3Ɛwʋ gɛ Samweli ɛ dɔ̀ Isareli dɩkpaara dɩɩ bɛnɩ powu alan, <<Gengyi i biri ɩɩ ba Yahwe wakʋn ma yiituru powu fɔ, ɛwʋ bɩrɛ i tiri yii koro i ye bekpen buru-buru, ma Asitaroti bɔɔ dɩsʋma daanɩ, fɔ yàà ka yii koro powu ɩ tɛ Yahwe, fɔ yàà sʋma gɛ woko, fɔ eè to yɩ e ye Filisiti bete baalɔ yaanɩ. 4Okoro Isareli bete be kere boo bekpen Bala ma Asitaroti bɔɔ gɛsʋma bɛ ya, gɛ bɛ sʋma Yahwe woko.
5Gɛ Samweli ɛ dɔ̀ alan, <<I kpèlè Isareli bete powu i tuma Misipa, fɔ nan yela yɩɩ gɩsɩrɩ n tiri onyun n fɔ Yahwe n tɛ yɩ.>> 6Ɔya gɛtɛ be tuma Misipa fɔ, bɛ kpà butu, gɛ bɛ daa bʋ be lù Yahwe bʋnʋn. Duwi dɩtɔkɔ bɛ ban onyun, gɛ be tiri baade-kpen bɛ dɔ̀ alan, <<Tɩ mɛ Yahwe ade-kpen.>> Fɔ Samweli n di Isareli bete boogyegeyelɛ gɛ ɛ̀ sa Misipa ditele daanɩ.
7Gɛtɛ Filisiti bete bɛ nʋn alɛ Isareli bete be tuma Misipa fɔ, Filisiti begyu-dɩrɛ bɛ bʋn bɛ maà tà bɩtà ma ɛbɛ. Gɛtɛ Isareli bete bɛ nʋn gɛlɛ fɔ, be gyu gɩsaa Filisiti bete boo koro. 8Bɛ dɔ̀ Samweli alan, <<Kara kere gewula-kpèlè Yahwe tii Wurubwarɛ fɔ ya tɛ tɩ, gɛlɛ fɔ eè wura e to tɩ e ye Filisiti bete baalɔ yaanɩ.>> 9Samweli e gye dɩyɛranbi, gɛ ɛ ka ɛ tɛ gekuma muruyo gii gedi ɛ tɛ Yahwe. Gɛ e yela Isareli bete boo didin ɛ gbɛrɛ afala ɛ tɛ Yahwe. Gɛ Yahwe ɛ nʋn wakʋn.
10Ɔkʋna gɛtɛ Samweli ɛɛ tɛ Yahwe gekuma gii gedi fɔ, Filisiti bete bɛ gbɛma gɛtɛ bàà ta bɩta ma Isareli bete. Mɔ duwi dɩtɔkɔ, Yahwe ɛ yɛ dɩkpaaba-dɩrɛ dɩ fa Filisiti bete boo koro, gɛ ɛ yɛ bɛ be gyu gɩsaa-dɩrɛ gɛ be serenti be biri. 11Isareli bete be serenti be ye Misipa gɛ bɛ kpa bɛ gyaga Filisiti bete boo koro. Be belen-belen bɛ ayu osele waanɩ gɛlɛɛ ma gyu Beti-Kari.
12Samweli ɛ ka dɩtaa gɛ e sere Misipa ma Sen boo getite. E kpèlè dɩ alɛ Ebenesa, gɛ ɛ dɔ̀ alan, <<Nfan gɛ Yahwe ɛ kpà tɩ e be ye.>> 13Okoro Isareli bete be di Filisiti bete boo koro, gɛ Filisiti bete ben mini biri to Isareli gɛtʋnkwaa bɛ nya. Samweli wɔ nkpa awi powu yaanɩ fɔ, Yahwe gʋlɔ gɩ tɔ gi yela Filisiti bete boo koro. 14Isareli bete be biri be to atele gɛtɛ ɩ̀ sa ye Ekuron san Gati gɛtɛ Filisiti bete be to bɛ nya fɔ. Gɛ olila wʋ ba Isareli bete ma Amori bete boo getite. 15Samweli ɛ mɛ Isareli wogyegeyelɛ wɔ nkpa awi powu yaanɩ. 16Gɩkyan-kamasɛ ee silin Isareli watele Beteli, ma Giligali, ma Misipa. Gɛ ɛɛ dɔ̀ bɔɔ gɔdɔ. 17Mɔ ee biri ɛ ba Rama, yema dʋkɔ n di wɔlɛ. Dʋkɔ mɔ ɛɛ dɔ̀ Isareli gɔdɔ, gɛ e sere gedi gɩɩ gɛtɛ̀kʋn dʋkɔ ɛ tɛ Yahwe.
Currently Selected:
1 Samweli 7: ADE
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation
1 Samweli 7
7
1Okoro Kiriyati-Yarim bete bɛ waran bɛ bɛ ka Yahwe Dikola dɩɩ dɩdaka fɔ bɛ bʋn bɛ san Abinadabi wɔ dɩkpaara odon wuu koro. Gɛ bɛ sʋrʋ Abinadabi wobi Eleyasa bʋnɔ gɛtɛ ɛ̀ɛ̀ nya Yahwe Dikola dɩɩ dɩdaka fɔ.
Samweli e di Filisiti bete boo koro Misipa
2Yahwe Dikola dɩɩ dɩdaka fɔ dɩ sara Kiriyati-Yarim bɩkyan kpekpesi. Dɩ sara dʋkɔ bɩkyan dikpilin bilin. Gɛ Isareli bete powu be wula be kpele Yahwe.
3Ɛwʋ gɛ Samweli ɛ dɔ̀ Isareli dɩkpaara dɩɩ bɛnɩ powu alan, <<Gengyi i biri ɩɩ ba Yahwe wakʋn ma yiituru powu fɔ, ɛwʋ bɩrɛ i tiri yii koro i ye bekpen buru-buru, ma Asitaroti bɔɔ dɩsʋma daanɩ, fɔ yàà ka yii koro powu ɩ tɛ Yahwe, fɔ yàà sʋma gɛ woko, fɔ eè to yɩ e ye Filisiti bete baalɔ yaanɩ. 4Okoro Isareli bete be kere boo bekpen Bala ma Asitaroti bɔɔ gɛsʋma bɛ ya, gɛ bɛ sʋma Yahwe woko.
5Gɛ Samweli ɛ dɔ̀ alan, <<I kpèlè Isareli bete powu i tuma Misipa, fɔ nan yela yɩɩ gɩsɩrɩ n tiri onyun n fɔ Yahwe n tɛ yɩ.>> 6Ɔya gɛtɛ be tuma Misipa fɔ, bɛ kpà butu, gɛ bɛ daa bʋ be lù Yahwe bʋnʋn. Duwi dɩtɔkɔ bɛ ban onyun, gɛ be tiri baade-kpen bɛ dɔ̀ alan, <<Tɩ mɛ Yahwe ade-kpen.>> Fɔ Samweli n di Isareli bete boogyegeyelɛ gɛ ɛ̀ sa Misipa ditele daanɩ.
7Gɛtɛ Filisiti bete bɛ nʋn alɛ Isareli bete be tuma Misipa fɔ, Filisiti begyu-dɩrɛ bɛ bʋn bɛ maà tà bɩtà ma ɛbɛ. Gɛtɛ Isareli bete bɛ nʋn gɛlɛ fɔ, be gyu gɩsaa Filisiti bete boo koro. 8Bɛ dɔ̀ Samweli alan, <<Kara kere gewula-kpèlè Yahwe tii Wurubwarɛ fɔ ya tɛ tɩ, gɛlɛ fɔ eè wura e to tɩ e ye Filisiti bete baalɔ yaanɩ.>> 9Samweli e gye dɩyɛranbi, gɛ ɛ ka ɛ tɛ gekuma muruyo gii gedi ɛ tɛ Yahwe. Gɛ e yela Isareli bete boo didin ɛ gbɛrɛ afala ɛ tɛ Yahwe. Gɛ Yahwe ɛ nʋn wakʋn.
10Ɔkʋna gɛtɛ Samweli ɛɛ tɛ Yahwe gekuma gii gedi fɔ, Filisiti bete bɛ gbɛma gɛtɛ bàà ta bɩta ma Isareli bete. Mɔ duwi dɩtɔkɔ, Yahwe ɛ yɛ dɩkpaaba-dɩrɛ dɩ fa Filisiti bete boo koro, gɛ ɛ yɛ bɛ be gyu gɩsaa-dɩrɛ gɛ be serenti be biri. 11Isareli bete be serenti be ye Misipa gɛ bɛ kpa bɛ gyaga Filisiti bete boo koro. Be belen-belen bɛ ayu osele waanɩ gɛlɛɛ ma gyu Beti-Kari.
12Samweli ɛ ka dɩtaa gɛ e sere Misipa ma Sen boo getite. E kpèlè dɩ alɛ Ebenesa, gɛ ɛ dɔ̀ alan, <<Nfan gɛ Yahwe ɛ kpà tɩ e be ye.>> 13Okoro Isareli bete be di Filisiti bete boo koro, gɛ Filisiti bete ben mini biri to Isareli gɛtʋnkwaa bɛ nya. Samweli wɔ nkpa awi powu yaanɩ fɔ, Yahwe gʋlɔ gɩ tɔ gi yela Filisiti bete boo koro. 14Isareli bete be biri be to atele gɛtɛ ɩ̀ sa ye Ekuron san Gati gɛtɛ Filisiti bete be to bɛ nya fɔ. Gɛ olila wʋ ba Isareli bete ma Amori bete boo getite. 15Samweli ɛ mɛ Isareli wogyegeyelɛ wɔ nkpa awi powu yaanɩ. 16Gɩkyan-kamasɛ ee silin Isareli watele Beteli, ma Giligali, ma Misipa. Gɛ ɛɛ dɔ̀ bɔɔ gɔdɔ. 17Mɔ ee biri ɛ ba Rama, yema dʋkɔ n di wɔlɛ. Dʋkɔ mɔ ɛɛ dɔ̀ Isareli gɔdɔ, gɛ e sere gedi gɩɩ gɛtɛ̀kʋn dʋkɔ ɛ tɛ Yahwe.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation