Nehemiya 12
12
Gedi gɩɩ bɛtɛlɛ ma Lefi bete baayere
1Gedi gɩɩ bɛtɛlɛ ma Lefi bete gɛtɛ be ye gisela gaanɩ bɛ ba, ma Setiyeli wobi Serubabeli ma Yesuwa fɔ baayere n tɛ ba lɛ.
Seraya, ma Yeremiya, ma Esira,
2ma Amariya, ma Maluki, ma Hatusi,
3ma Sekaniya, ma Rehum, ma Meremoti,
4ma Ido, ma Gineton, ma Abiya,
5ma Miyamin, ma Mowadiya, ma Biliga,
6ma Semaya, ma Yoyaribi, ma Yedaya,
7ma Salu, ma Amoki, ma Hilikiya ma Yedaya.
Bɛnɩ nyabɛ n di gedi gɩɩ bɛtɛlɛ bɔɔ bɛndɩrɛ ma bɔɔwɔlɔn ɛbɛ, Yesuwa wawi yaanɩ fɔ.
8Lefi bete fɔ baayere n di Yesuwa, ma Binuwi, ma Kadimiyeli, ma Serebiya, ma Yuda, ma Mataniya. Mataniya nyawɔ wɔwɔlɔn ɛbɛ n tɛ nya onyun wʋʋ gɛsa gɩɩ-ɩnʋn yaade yii koro fɔ. 9Bakibukiya, ma Uni gɛtɛ bè di bɔɔwɔlɔn ɛbɛ fɔ na gyegeye na tɛ bɛ tɛ ɩnʋn fɔ yɩɩ gɛmɛ.
10Yesuwa na wo Yoyakim, gɛ Yoyakim e wo Eliyasibi, gɛ Eliyasibi e wo Yoyada. 11Yeyada na wo Yonatan, gɛ Yonatan mɔ e wo Yaduwa.
12Ɔya gɛtɛ Yoyakim ɛ mɛ gedi gɩɩ bɛtɛlɛ bɔɔndɩrɛ fɔ, akpaara-akpaara yɩɩ gedi gɩɩ bɛtɛlɛ bɔɔ bɛndɩrɛ fɔ n tɛ ba lɛ.
Meraya na mɛ Seraya dɩkpaara dɩɩndɩrɛ.
Ananiya na mɛ Yeremiya dɩkpaara dɩɩndɩrɛ.
13Mesulam na mɛ Esira dɩkpaara dɩɩndɩrɛ.
Yehohanan na mɛ Amariya dɩkpaara dɩɩndɩrɛ.
14Maluki na mɛ Yonatan dɩkpaara dɩɩndɩrɛ.
Yosefu na mɛ Sekaniya dɩkpaara dɩɩndɩrɛ.
15Adina na mɛ Harim dɩkpaara dɩɩndɩrɛ.
Helikayi na mɛ Meremoti dɩkpaara dɩɩndɩrɛ.
16Sekariya na mɛ Ido dɩkpaara dɩɩndɩrɛ.
Mesulam na mɛ Gineton dɩkpaara dɩɩndɩrɛ.
17Sikiri na mɛ Abiya dɩkpaara dɩɩndɩrɛ.
Piletayi na mɛ Miniyamin ma Mowadiya baakpaara yɩɩ bɛndɩrɛ.
18Samuwa na mɛ Biliga dɩkpaara dɩɩndɩrɛ.
Yehonatan na mɛ Semaya dɩkpaara dɩɩndɩrɛ.
19Matenayi na mɛ Yoyaribi dɩkpaara dɩɩndɩrɛ.
Usi na mɛ Yedaya dɩkpaara dɩɩndɩrɛ.
20Kalayi na mɛ Salu dɩkpaara dɩɩndɩrɛ.
Eberi na mɛ Amoki dɩkpaara dɩɩndɩrɛ.
21Hasabiya na mɛ Hilikiya dɩkpaara dɩɩndɩrɛ.
Netaneli na mɛ Yedaya dɩkpaara dɩɩndɩrɛ.
22Perisiya wogyu-dɩrɛ Dariwusi boogyu buu gedi bʋʋya waanɩ gɛ bɛ ŋwara Lefi bete baakpaara yɩɩ bɛndɩrɛ Eliyasibi, ma Yoyada, ma Yohanan ma Yaduwa fɩya ma gedi gɩɩ bɛtɛlɛ fɔ baayere.
23Bɛ ŋwara Lefi wodu wʋʋ bɛnɩ baakpaara yɩɩ bɛndɩrɛ baayere bɛ sa ɩya-ɩya yaade yɩɩ gɩkpa gaanɩ ma sere Eliyasibi wobi Yohanan wɔya waanɩ. 24Lefi bete boo begyegeyelɛ n di, Hasabiya, ma Serebiya, ma Kadimiyeli wobi Yesuwa, ma bɔɔwɔlɔn ɛbɛ gɛtɛ be yela be fi bʋnʋn be ten ma bɔɔwɔlɔn bɛɛ nʋma gesila ma onyun wʋʋ gɛsa gɩɩ-ɩnʋn fɔ. Bɛkɩ bɛ̀ ka fɔ, bedo be yera, anlɛ gɛtɛ Wurubwarɛ wɔnɩ Dafidi e wùlà fɔ.
25Mataniya, ma Bakibukiya, ma Obadiya, ma Mesulam, ma Talimon ma Akubi n di otunu wʋʋ bɛdɩyɛlɛ. Ɛbɛ n tɛ dɩyɛ anyan yɩɩ gɛsɩ̀kʋn gɛtɛ ɩ̀ gbɛma itunu fɔ. 26Bɛ mɛ gʋtʋn Yoyakim gɛtɛ wote n di Yesuwa gɛ ɛwɔ mɔ wote n di Yosadaki fɔ wawi yaanɩ. Gɛ be biri bɛ mɛ gʋtʋn gɩfɩɩ gɩɩnyalɛ Nehemiya, ma gedi gɩɩtɛlɛ ma ade yiiwùlàlɛ Esira baawi yaanɩ.
Bɛ ka Yerusalem wɔpɔrɩ fɔ bɛ sa Wurubwarɛ gʋlɔ
27Gɛtɛ bɛɛ ka Yerusalem wɔpɔrɩ fɔ bɛ sa Wurubwarɛ gʋlɔ fɔ, be kpèlè Lefi bete powu gɛtɛ bɛ̀ sa ɔkʋn-kamasɛ fɔ bɛ ba Yerusalem tɛ duwi-dɩrɛ fɔ dii gedi ɔsɛ waanɩ. Baà sa Wurubwarɛ onyun, fɔ bàà ka akyaka, ma adʋlɛ ɛbɛ, ma adʋlɛ-dɩrɛ-dɩrɛ ɛbɛ nʋma ɩnʋn. 28Gɛlɛ ke gɛ be kpèlè ɩnʋn yɩɩ bɛnʋmalɛ gɛtɛ bɛ̀ sa ɩlanlan gɛtɛ i silin Yerusalem fɔ, ma ɛbɛ gɛtɛ bɛ̀ sa Netofati watelebi yaanɩ fɔ bɛ ba. 29Bedo mɔ be ye Beti-Giligali, ma Geba ma Asimafeti bɔɔ gɩlan. Yema ɩnʋn yɩɩ bɛnʋmalɛ fɔ be sere-sere atelebi be silin Yerusalem. 30Gɛtɛ gedi gɩɩ bɛtɛlɛ fɔ ma Lefi bete fɔ bɛ kpa koro dɩdɩɩ be were fɔ, bɛ kpa bɛnɩ fɔ mɔ dɩdɩɩ, gɛ bɛ kpa itunu fɔ ma ɩpɔrɩ fɔ dɩdɩɩ.
31Ɛwʋ gɛ na yɛ Yuda bete boo begyegeyelɛ bɛ bʋn ɔpɔrɩ fɔ wuu koro, gɛ na yo ɩnʋn yɩɩ bɛnʋmalɛ fɔ akpen anyɔɔ gɛtɛ bàà nʋma gesila gɩɩ-ɩnʋn. Dikpen fɔ dɩkɩ dɩ bʋn ɔpɔrɩ fɔ wuu koro dàà san nʋma ɩnʋn san ologyi wʋʋ gɩlan, gɛtɛ wʋ̀ sa Ditonton Diitunu wʋʋpɩ fɔ. 32Hosaya ma Yuda bɛndɩrɛbi fɔ ɔfan bɛ tɛrɛma bɛ, 33fɩya ma Asariya, ma Esira, ma Mesulam, 34ma Yuda, ma Benyamin, ma Semaya, ma Yeremiya, 35ka fɩya ma gedi gɩɩ bɛtɛlɛ bɛkɩ gɛtɛ bè de akantan bɛ̀ tɛrɛma bɛ, ma Sekariya gɛtɛ wote n di Yonatan fɔ. Yonatan wote n di Semaya, gɛ ɛwɔ mɔ wote n di Mataniya, gɛ Mataniya mɔ wote n di Mikaya, gɛ Mikaya wote n di Sakuri, gɛ Sakuri mɔ wote n di Asafu, 36fɩya ma bɔɔwɔlɔn ɛbɛ Semaya, ma Asareli, ma Milalayi, ma Gilalayi, ma Maayi, ma Netaneli, ma Yuda, ma Hanani, gɛtɛ bè de ɩnʋn yɩɩ gɛnʋma gaanyan, anlɛ gɛtɛ Wurubwarɛ wɔnɩ Dafidi e wùlà bɛ fɔ. Gɛ ewùlàlɛ Esira na mɛ egyegeyelɛ ɛ tɛ ɩnʋn yɩɩ bɛnʋmalɛ fɔ. 37Gɛtɛ be gyu Ditiribun Diitunu wʋʋpɩ fɔ, bɛ san tɩɩn bɛ bʋn akyikyabʋnkʋn bɛ san ɔkʋn gɛtɛ bee kpèlè Dafidi Ditele fɔ. Ye dʋkɔ fɔ, bɛ ma kààrà Dafidi dɩkpaara bɛ san Butu Buutunu wʋʋpɩ, gɛtɛ wʋ̀ sa ofila wʋʋ gɛtàkʋn wʋʋ gɩlan fɔ.
38Ɩnʋn yɩɩ bɛnʋmalɛ dikpen-nyɔɔfɛ fɔ bɛ ka dɩbɩyan-lɔ. Nmɩ ma bɛnɩ fɔ ɔfan gɛtɛ bɛ bʋn ɔpɔrɩ fɔ wuu koro fɔ tɩ tɛrɛma bɛ. Tɩ da ma Boroboro Dison dii dikwo-tɔlɛ fɔ dɩɩpɩ tɩ ma ye Ɔpɔrɩ ma Otin wʋʋpɩ. 39Wʋʋ gama fɔ, tɩ ma da ma Efrayim Wotunu, ma Otunu-Kuba, ma Bɛsʋ̀n Bootunu, ka ma ye Hananeli Dikwo-tɔlɛ ma Akpilin-ton yii Dikwo-tɔlɛ dɩɩpɩ, ka ma gyu Bɛyɛran Bootunu wʋʋpɩ, gɛ tɩ ma ten ti yela Bɛdɩyɛlɛ Bootunu wʋʋpɩ.
40Ɩnʋn yɩɩ bɛnʋmalɛ gɛtɛ bɛɛ sa Wurubwarɛ onyun fɔ baakpen anyɔɔ bɛ ma yela Wurubwarɛ dɩkpaara fɔ daanɩ. Gɛlɛ ke gɛ nmɩ ma bɛndɩrɛbi fɔ ɔfan tɩ ma yela dʋkɔ, 41fɩya ma gedi gɩɩ bɛtɛlɛ Eliyakim, ma Maaseya, ma Miniyamin, ma Mikaya, ma Eliyonayi, ma Sekariya ma Ananiya gɛtɛ bè de baakantan. 42Gɛlɛ ke gɛ Maaseya, ma Semaya, ma Eleyasa, ma Usi, ma Yehohanan, ma Malikiya, ma Elam ma Eseri mɔ bɛ bɛ fɩya ma ɛbɛ. Fɔ ɩnʋn yɩɩ bɛnʋmalɛ fɔ boogyegeyelɛ n di Yesirahiya. 43Gɛ duwi dɩtɔkɔ bɛ tɛ gedi gɛtɛ wʋn mɛ ɔkpɛɛran, gɛ be di ɔsɛ yema Wurubwarɛ ɛ ka ɔsɛ ɛ bɛ sa baanɩ. Bɛnanɩ ma bebi-sorobi mɔ be di ɔsɛ ma ɛbɛ. Ɔsɛ gɛtɛ be di Yerusalem fɔ wʋʋwʋlʋn wʋ san ɔfɔ.
44Duwi dɩtɔkɔ ke be tiri beteni bɛkɩ bɛ sɩ̀ gɛtɛ bàà nya anyan-tɛlɛ, ma oli waanyan-gyangbasɛlɛ, ma dikpen-fwofɛ daanyan-tɛlɛ fɔ yɩɩ gɛsɩ̀kʋn gaakwo fɔ yii koro. Bɔɔ gʋtʋn n di gɛtɛ bàà tì to anyan-tɛlɛ be ye atele gɛtɛ i silin bɛ i tuma fɔ yii-ili yaanɩ bɛ bɛ sa anyan yɩɩ gɛsɩ̀kʋn gaakwo fɔ yaanɩ bɛ tɛ gedi gɩɩ bɛtɛlɛ ma Lefi bete, anlɛ gɛtɛ Ose fɔ wuu wùlà fɔ. Yema gedi gɩɩ bɛtɛlɛ fɔ ma Lefi bete fɔ bɔɔ gʋtʋn gɛtɛ bɛ mɛ fɔ gi di Yuda bɛnɩ fɔ powu gʋnʋn. 45Bɛ mɛ boo Wurubwarɛ gʋtʋn fɔ, gɛ bɛ mɛ gɛkpa koro dɩdɩɩ gaade. Gɛlɛ ke gɛ ɩnʋn yɩɩ bɛnʋmalɛ fɔ, ma otunu wʋʋ bɛdɩyɛlɛ fɔ bɛ mɛ bɔɔ gʋtʋn anlɛ gɛtɛ Dafidi ma wobi Solomon be wùlà fɔ. 46Fɔ Dafidi ma Asafu baawi yaanɩ fɔ, ɩnʋn yɩɩ bɛnʋmalɛ boo begyegeyelɛ bɛ sara gɛtɛ bɛ mɛ begyegeyelɛ bɛ tɛ ɩnʋn yɩɩ bɛnʋmalɛ gɛtɛ bɛɛ nʋma gesila gɩɩnʋn ma onyun wʋʋ gɛsa wʋʋ-ɩnʋn bɛ tɛ Wurubwarɛ fɔ. 47Gɛ Serubabeli ma Nehemiya baawi yaanɩ fɔ, Isareli bete powu bɛɛ tɩ̀ tɛ anyan duwi n di duwi gɛtɛ bàà ka bɛ nya ɩnʋn yɩɩ bɛnʋmalɛ ma otunu wʋʋ bɛdɩyɛlɛ fɔ boo koro. Gɛ bee tiri Lefi bete boo gedikʋn bɛ tɛ bɛ, gɛ Lefi bete mɔ bee tiri Aaron wodu wʋʋ bɛnɩ boo gedikʋn fɔ bɛ tɛ bɛ.
Currently Selected:
Nehemiya 12: ADE
Highlight
Copy
Compare
Share
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation
Nehemiya 12
12
Gedi gɩɩ bɛtɛlɛ ma Lefi bete baayere
1Gedi gɩɩ bɛtɛlɛ ma Lefi bete gɛtɛ be ye gisela gaanɩ bɛ ba, ma Setiyeli wobi Serubabeli ma Yesuwa fɔ baayere n tɛ ba lɛ.
Seraya, ma Yeremiya, ma Esira,
2ma Amariya, ma Maluki, ma Hatusi,
3ma Sekaniya, ma Rehum, ma Meremoti,
4ma Ido, ma Gineton, ma Abiya,
5ma Miyamin, ma Mowadiya, ma Biliga,
6ma Semaya, ma Yoyaribi, ma Yedaya,
7ma Salu, ma Amoki, ma Hilikiya ma Yedaya.
Bɛnɩ nyabɛ n di gedi gɩɩ bɛtɛlɛ bɔɔ bɛndɩrɛ ma bɔɔwɔlɔn ɛbɛ, Yesuwa wawi yaanɩ fɔ.
8Lefi bete fɔ baayere n di Yesuwa, ma Binuwi, ma Kadimiyeli, ma Serebiya, ma Yuda, ma Mataniya. Mataniya nyawɔ wɔwɔlɔn ɛbɛ n tɛ nya onyun wʋʋ gɛsa gɩɩ-ɩnʋn yaade yii koro fɔ. 9Bakibukiya, ma Uni gɛtɛ bè di bɔɔwɔlɔn ɛbɛ fɔ na gyegeye na tɛ bɛ tɛ ɩnʋn fɔ yɩɩ gɛmɛ.
10Yesuwa na wo Yoyakim, gɛ Yoyakim e wo Eliyasibi, gɛ Eliyasibi e wo Yoyada. 11Yeyada na wo Yonatan, gɛ Yonatan mɔ e wo Yaduwa.
12Ɔya gɛtɛ Yoyakim ɛ mɛ gedi gɩɩ bɛtɛlɛ bɔɔndɩrɛ fɔ, akpaara-akpaara yɩɩ gedi gɩɩ bɛtɛlɛ bɔɔ bɛndɩrɛ fɔ n tɛ ba lɛ.
Meraya na mɛ Seraya dɩkpaara dɩɩndɩrɛ.
Ananiya na mɛ Yeremiya dɩkpaara dɩɩndɩrɛ.
13Mesulam na mɛ Esira dɩkpaara dɩɩndɩrɛ.
Yehohanan na mɛ Amariya dɩkpaara dɩɩndɩrɛ.
14Maluki na mɛ Yonatan dɩkpaara dɩɩndɩrɛ.
Yosefu na mɛ Sekaniya dɩkpaara dɩɩndɩrɛ.
15Adina na mɛ Harim dɩkpaara dɩɩndɩrɛ.
Helikayi na mɛ Meremoti dɩkpaara dɩɩndɩrɛ.
16Sekariya na mɛ Ido dɩkpaara dɩɩndɩrɛ.
Mesulam na mɛ Gineton dɩkpaara dɩɩndɩrɛ.
17Sikiri na mɛ Abiya dɩkpaara dɩɩndɩrɛ.
Piletayi na mɛ Miniyamin ma Mowadiya baakpaara yɩɩ bɛndɩrɛ.
18Samuwa na mɛ Biliga dɩkpaara dɩɩndɩrɛ.
Yehonatan na mɛ Semaya dɩkpaara dɩɩndɩrɛ.
19Matenayi na mɛ Yoyaribi dɩkpaara dɩɩndɩrɛ.
Usi na mɛ Yedaya dɩkpaara dɩɩndɩrɛ.
20Kalayi na mɛ Salu dɩkpaara dɩɩndɩrɛ.
Eberi na mɛ Amoki dɩkpaara dɩɩndɩrɛ.
21Hasabiya na mɛ Hilikiya dɩkpaara dɩɩndɩrɛ.
Netaneli na mɛ Yedaya dɩkpaara dɩɩndɩrɛ.
22Perisiya wogyu-dɩrɛ Dariwusi boogyu buu gedi bʋʋya waanɩ gɛ bɛ ŋwara Lefi bete baakpaara yɩɩ bɛndɩrɛ Eliyasibi, ma Yoyada, ma Yohanan ma Yaduwa fɩya ma gedi gɩɩ bɛtɛlɛ fɔ baayere.
23Bɛ ŋwara Lefi wodu wʋʋ bɛnɩ baakpaara yɩɩ bɛndɩrɛ baayere bɛ sa ɩya-ɩya yaade yɩɩ gɩkpa gaanɩ ma sere Eliyasibi wobi Yohanan wɔya waanɩ. 24Lefi bete boo begyegeyelɛ n di, Hasabiya, ma Serebiya, ma Kadimiyeli wobi Yesuwa, ma bɔɔwɔlɔn ɛbɛ gɛtɛ be yela be fi bʋnʋn be ten ma bɔɔwɔlɔn bɛɛ nʋma gesila ma onyun wʋʋ gɛsa gɩɩ-ɩnʋn fɔ. Bɛkɩ bɛ̀ ka fɔ, bedo be yera, anlɛ gɛtɛ Wurubwarɛ wɔnɩ Dafidi e wùlà fɔ.
25Mataniya, ma Bakibukiya, ma Obadiya, ma Mesulam, ma Talimon ma Akubi n di otunu wʋʋ bɛdɩyɛlɛ. Ɛbɛ n tɛ dɩyɛ anyan yɩɩ gɛsɩ̀kʋn gɛtɛ ɩ̀ gbɛma itunu fɔ. 26Bɛ mɛ gʋtʋn Yoyakim gɛtɛ wote n di Yesuwa gɛ ɛwɔ mɔ wote n di Yosadaki fɔ wawi yaanɩ. Gɛ be biri bɛ mɛ gʋtʋn gɩfɩɩ gɩɩnyalɛ Nehemiya, ma gedi gɩɩtɛlɛ ma ade yiiwùlàlɛ Esira baawi yaanɩ.
Bɛ ka Yerusalem wɔpɔrɩ fɔ bɛ sa Wurubwarɛ gʋlɔ
27Gɛtɛ bɛɛ ka Yerusalem wɔpɔrɩ fɔ bɛ sa Wurubwarɛ gʋlɔ fɔ, be kpèlè Lefi bete powu gɛtɛ bɛ̀ sa ɔkʋn-kamasɛ fɔ bɛ ba Yerusalem tɛ duwi-dɩrɛ fɔ dii gedi ɔsɛ waanɩ. Baà sa Wurubwarɛ onyun, fɔ bàà ka akyaka, ma adʋlɛ ɛbɛ, ma adʋlɛ-dɩrɛ-dɩrɛ ɛbɛ nʋma ɩnʋn. 28Gɛlɛ ke gɛ be kpèlè ɩnʋn yɩɩ bɛnʋmalɛ gɛtɛ bɛ̀ sa ɩlanlan gɛtɛ i silin Yerusalem fɔ, ma ɛbɛ gɛtɛ bɛ̀ sa Netofati watelebi yaanɩ fɔ bɛ ba. 29Bedo mɔ be ye Beti-Giligali, ma Geba ma Asimafeti bɔɔ gɩlan. Yema ɩnʋn yɩɩ bɛnʋmalɛ fɔ be sere-sere atelebi be silin Yerusalem. 30Gɛtɛ gedi gɩɩ bɛtɛlɛ fɔ ma Lefi bete fɔ bɛ kpa koro dɩdɩɩ be were fɔ, bɛ kpa bɛnɩ fɔ mɔ dɩdɩɩ, gɛ bɛ kpa itunu fɔ ma ɩpɔrɩ fɔ dɩdɩɩ.
31Ɛwʋ gɛ na yɛ Yuda bete boo begyegeyelɛ bɛ bʋn ɔpɔrɩ fɔ wuu koro, gɛ na yo ɩnʋn yɩɩ bɛnʋmalɛ fɔ akpen anyɔɔ gɛtɛ bàà nʋma gesila gɩɩ-ɩnʋn. Dikpen fɔ dɩkɩ dɩ bʋn ɔpɔrɩ fɔ wuu koro dàà san nʋma ɩnʋn san ologyi wʋʋ gɩlan, gɛtɛ wʋ̀ sa Ditonton Diitunu wʋʋpɩ fɔ. 32Hosaya ma Yuda bɛndɩrɛbi fɔ ɔfan bɛ tɛrɛma bɛ, 33fɩya ma Asariya, ma Esira, ma Mesulam, 34ma Yuda, ma Benyamin, ma Semaya, ma Yeremiya, 35ka fɩya ma gedi gɩɩ bɛtɛlɛ bɛkɩ gɛtɛ bè de akantan bɛ̀ tɛrɛma bɛ, ma Sekariya gɛtɛ wote n di Yonatan fɔ. Yonatan wote n di Semaya, gɛ ɛwɔ mɔ wote n di Mataniya, gɛ Mataniya mɔ wote n di Mikaya, gɛ Mikaya wote n di Sakuri, gɛ Sakuri mɔ wote n di Asafu, 36fɩya ma bɔɔwɔlɔn ɛbɛ Semaya, ma Asareli, ma Milalayi, ma Gilalayi, ma Maayi, ma Netaneli, ma Yuda, ma Hanani, gɛtɛ bè de ɩnʋn yɩɩ gɛnʋma gaanyan, anlɛ gɛtɛ Wurubwarɛ wɔnɩ Dafidi e wùlà bɛ fɔ. Gɛ ewùlàlɛ Esira na mɛ egyegeyelɛ ɛ tɛ ɩnʋn yɩɩ bɛnʋmalɛ fɔ. 37Gɛtɛ be gyu Ditiribun Diitunu wʋʋpɩ fɔ, bɛ san tɩɩn bɛ bʋn akyikyabʋnkʋn bɛ san ɔkʋn gɛtɛ bee kpèlè Dafidi Ditele fɔ. Ye dʋkɔ fɔ, bɛ ma kààrà Dafidi dɩkpaara bɛ san Butu Buutunu wʋʋpɩ, gɛtɛ wʋ̀ sa ofila wʋʋ gɛtàkʋn wʋʋ gɩlan fɔ.
38Ɩnʋn yɩɩ bɛnʋmalɛ dikpen-nyɔɔfɛ fɔ bɛ ka dɩbɩyan-lɔ. Nmɩ ma bɛnɩ fɔ ɔfan gɛtɛ bɛ bʋn ɔpɔrɩ fɔ wuu koro fɔ tɩ tɛrɛma bɛ. Tɩ da ma Boroboro Dison dii dikwo-tɔlɛ fɔ dɩɩpɩ tɩ ma ye Ɔpɔrɩ ma Otin wʋʋpɩ. 39Wʋʋ gama fɔ, tɩ ma da ma Efrayim Wotunu, ma Otunu-Kuba, ma Bɛsʋ̀n Bootunu, ka ma ye Hananeli Dikwo-tɔlɛ ma Akpilin-ton yii Dikwo-tɔlɛ dɩɩpɩ, ka ma gyu Bɛyɛran Bootunu wʋʋpɩ, gɛ tɩ ma ten ti yela Bɛdɩyɛlɛ Bootunu wʋʋpɩ.
40Ɩnʋn yɩɩ bɛnʋmalɛ gɛtɛ bɛɛ sa Wurubwarɛ onyun fɔ baakpen anyɔɔ bɛ ma yela Wurubwarɛ dɩkpaara fɔ daanɩ. Gɛlɛ ke gɛ nmɩ ma bɛndɩrɛbi fɔ ɔfan tɩ ma yela dʋkɔ, 41fɩya ma gedi gɩɩ bɛtɛlɛ Eliyakim, ma Maaseya, ma Miniyamin, ma Mikaya, ma Eliyonayi, ma Sekariya ma Ananiya gɛtɛ bè de baakantan. 42Gɛlɛ ke gɛ Maaseya, ma Semaya, ma Eleyasa, ma Usi, ma Yehohanan, ma Malikiya, ma Elam ma Eseri mɔ bɛ bɛ fɩya ma ɛbɛ. Fɔ ɩnʋn yɩɩ bɛnʋmalɛ fɔ boogyegeyelɛ n di Yesirahiya. 43Gɛ duwi dɩtɔkɔ bɛ tɛ gedi gɛtɛ wʋn mɛ ɔkpɛɛran, gɛ be di ɔsɛ yema Wurubwarɛ ɛ ka ɔsɛ ɛ bɛ sa baanɩ. Bɛnanɩ ma bebi-sorobi mɔ be di ɔsɛ ma ɛbɛ. Ɔsɛ gɛtɛ be di Yerusalem fɔ wʋʋwʋlʋn wʋ san ɔfɔ.
44Duwi dɩtɔkɔ ke be tiri beteni bɛkɩ bɛ sɩ̀ gɛtɛ bàà nya anyan-tɛlɛ, ma oli waanyan-gyangbasɛlɛ, ma dikpen-fwofɛ daanyan-tɛlɛ fɔ yɩɩ gɛsɩ̀kʋn gaakwo fɔ yii koro. Bɔɔ gʋtʋn n di gɛtɛ bàà tì to anyan-tɛlɛ be ye atele gɛtɛ i silin bɛ i tuma fɔ yii-ili yaanɩ bɛ bɛ sa anyan yɩɩ gɛsɩ̀kʋn gaakwo fɔ yaanɩ bɛ tɛ gedi gɩɩ bɛtɛlɛ ma Lefi bete, anlɛ gɛtɛ Ose fɔ wuu wùlà fɔ. Yema gedi gɩɩ bɛtɛlɛ fɔ ma Lefi bete fɔ bɔɔ gʋtʋn gɛtɛ bɛ mɛ fɔ gi di Yuda bɛnɩ fɔ powu gʋnʋn. 45Bɛ mɛ boo Wurubwarɛ gʋtʋn fɔ, gɛ bɛ mɛ gɛkpa koro dɩdɩɩ gaade. Gɛlɛ ke gɛ ɩnʋn yɩɩ bɛnʋmalɛ fɔ, ma otunu wʋʋ bɛdɩyɛlɛ fɔ bɛ mɛ bɔɔ gʋtʋn anlɛ gɛtɛ Dafidi ma wobi Solomon be wùlà fɔ. 46Fɔ Dafidi ma Asafu baawi yaanɩ fɔ, ɩnʋn yɩɩ bɛnʋmalɛ boo begyegeyelɛ bɛ sara gɛtɛ bɛ mɛ begyegeyelɛ bɛ tɛ ɩnʋn yɩɩ bɛnʋmalɛ gɛtɛ bɛɛ nʋma gesila gɩɩnʋn ma onyun wʋʋ gɛsa wʋʋ-ɩnʋn bɛ tɛ Wurubwarɛ fɔ. 47Gɛ Serubabeli ma Nehemiya baawi yaanɩ fɔ, Isareli bete powu bɛɛ tɩ̀ tɛ anyan duwi n di duwi gɛtɛ bàà ka bɛ nya ɩnʋn yɩɩ bɛnʋmalɛ ma otunu wʋʋ bɛdɩyɛlɛ fɔ boo koro. Gɛ bee tiri Lefi bete boo gedikʋn bɛ tɛ bɛ, gɛ Lefi bete mɔ bee tiri Aaron wodu wʋʋ bɛnɩ boo gedikʋn fɔ bɛ tɛ bɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation