2 Koorinteeneeb 1
1
1Baawloos, Ukwaasanaayt niyaatii Umasiih Yasuuꞌiib ulinguumaawwa, Tiimootiib usaniisoonwa, Koorinteeneeb teefeet Ukwaasanaayt tukaniisi beeti, Akhaaꞌiyaay eefeen Ukwaasanaay oodehay kasseeh hiddaab beeti kataab ujawaab.
2Ukwaasana Baabiisoonwa Wꞌankwana Yasuuꞌaab Umasiihiiwwa ikatiib umꞌasigwa tinꞌimaawwa geebookna baꞌiiktiin.
3Whamaad Ukwaasanaawwa Wꞌankwanaayoon Yasuuꞌaab Umasiihiib Ubaabaaywa baꞌiikti. Ubaaba inꞌakwmanaayana, kastuuh tushamaam hooy eetniyeeb Ukwaasana, 4kasseeh hineeb igwirhaayeeb eeshtiimoon, aflaay baliib gwirhaayeeb eefeen han hinin iknaayaan Ukwaasanaay nimriyeet tushamaam bareeh neeshtiim nikati. 5Umasiihiit tilhanay ishuukeeyoon kehii eetfiifneet toonaatiit, aflaay masi Umasiihi geebii Ukwaasanaayt tushamaam toowin nimꞌadhiidh. 6Hinin lhamnayeek, tuun batuuh bariitook shamaamwa midhhanwa tikati. Hinin aree shamaamt nimeereek, baruuk han shamaamt timriya, tarmuumaab marriyi jillaay aree akrir tittiyeewaaya. Aflaay baruuk han sabir dꞌiit oon hineet tilhanay tꞌiiteet lhanay haay timtariimi akrir tittiyeewaaya. 7Hinin usꞌaya bariiyook nibariyi aree akraabu, baruuk hineet tilhanay timꞌadhiidhi sabbii ikatiyeet toona nikteen. Aflaay masi baruuk hinin nimeereet tushamaamtiib han imꞌidhidh hoon tindiya.
8Isanaayaan, Aasiyaay whaashiib niibriyeeb igwirha shꞌiteeneet toona hookna nhariw. Hinin akra rabi kehoon daasamaa iifi, nimtirimee dehaay ootaad dehaay kinbari akay umidhhanoon yigwhaa niifi. 9Iginꞌaayeesoon yat dehoon haakamamtaneeb hiisna. Tuun tuuna aree igarooyeen dehaay binꞌadehamayeet toonaatu, laakiin Ukwaasanaay dehaay adehamnayeet toona sootni. Ukwaasana yꞌayaab ishidhhiin bariiyooh dehaay adehamnayeet toona sootni. 10Baruuh bak isoodiir gwirhaayee ishidhhan hoon, masi aree ishidhhin hoon indi. Hinin han usꞌaya bariiyooh kehii daasaaba, shaawti baruuh diimaab ishidhhin hoon indi. 11Baraak siileeltii hinin teeshtiimneet toonaatiit, aflaay gwida aree hinee jillaay Ukwaasana yhimid iyadna, hini jillaay tikatiit tuusileel aree agbilami tindi, Ukwaasana han baaraki hoon indi. 12Oontꞌa tuun tuuna hinin habnaab dehoon tikati: hinin iknaayaan toon tuduniyaatiib nidꞌiyeet toona beet iginꞌaayaan ibadehana, Ukwaasanaay ikatiint tigadasaawwa oosdikwa ibadehana. Hinin tuduniyaatiit fagarandiiteet hayꞌaatii dꞌiyaab kinki, laakiin Ukwaasanaayt tinꞌimaateet hayꞌaatii nidꞌi. 13Baraak bitꞌagriiyayneena tari bitꞌafhamayneena dehookna kinkitib. Baraak beet batooh daayiib afhamteeneet toona minniimani, 14baraak tarab gal hoon afhamtaaneet toonaatiit, yꞌeetiit daayiib timmiima afhami hoon tiyadna. Aflaay baraak Wꞌankwana Yasuuꞌiit tooyintiib hinee habnami tiyadna, hinin han bareesookna habnami niyad.
15Ani toon toona hooy akkadamaabu, aflaay malu doora rayiimteeni jillaay ani whankaay bareek rheesamtiib niyaaman. 16Ani Magadooniyaab ookiik iibaabee rheesamtiyookna niyaaman, Magadooniyaay agaree han wꞌaayookna ahariw, aree malya Yahuudaab ookiik tꞌiibaabtiib shamaamt hookna imiireet toona ahariw. 17Ani toon toona niyaamanihoob, eetehakee adꞌi han? Tari ani amankiirhoob tuduniyaatiit hayꞌaatiit dꞌiitiit aflaay gaat midda tooknaatiib, “Awooh, awooh” aree “Abadan, abadan.” andi han?
18Laakiin Ukwaasana sidik sidkiibu, hineet tudiigwat bareek beeti teebiit, “Awooh, Abadan” miyaad kitti. 19Ukwaasanaay Oor, Yasuuꞌa Umasiih, aneebwa Siilaaswa Tiimootiiwwa bareeyookna bitik bhaliinaneeb, baruuh “Awooh, abadan.” miyaad kiiki, laakiin bariiyooh geeb diimaab “Awooh” miyaad tikati. 20Ukwaasana naaka waadiya idꞌiyeeb hooy baagwibiina, baraah Umasiihiib “Awooh” miyaad ikatiin. Aree bariiyooh geebii aflaay “Aamiin” uumiyaad, Ukwaasanaay umatuunii dehaay hinee bhaliimiini. 21Oontꞌa Ukwaasana hininwa bareekwa kasseen Umasiihiib sꞌakirti isingiid hoon. Baruuh ishaamit hoon, 22baruuh ikinaamti khatim kehoon thꞌaabu, aree dibuuy akay Ishuukeeh hineeb iginꞌaayeeb idꞌi, gayii eetniit toona arbuuniya.
23Ukwaasana anii badehi ikatiyeet toona waliikani, baruuh aniib ooginꞌa ikteen. Ani bareekna ashidhhiini jillaay Koorinteen beeti agaar kaaki. 24Beet tuuna hinin wꞌiimaaniyookna kehii ankwanaamtiib kiiki, laakiin afirhiteeni jillaay geebookna shagaamnay. Baraakna wꞌiimaanii akirti tingadiinayt, geebookna shagaamnay.
Currently Selected:
2 Koorinteeneeb 1: BEJA
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT
2 Koorinteeneeb 1
1
1Baawloos, Ukwaasanaayt niyaatii Umasiih Yasuuꞌiib ulinguumaawwa, Tiimootiib usaniisoonwa, Koorinteeneeb teefeet Ukwaasanaayt tukaniisi beeti, Akhaaꞌiyaay eefeen Ukwaasanaay oodehay kasseeh hiddaab beeti kataab ujawaab.
2Ukwaasana Baabiisoonwa Wꞌankwana Yasuuꞌaab Umasiihiiwwa ikatiib umꞌasigwa tinꞌimaawwa geebookna baꞌiiktiin.
3Whamaad Ukwaasanaawwa Wꞌankwanaayoon Yasuuꞌaab Umasiihiib Ubaabaaywa baꞌiikti. Ubaaba inꞌakwmanaayana, kastuuh tushamaam hooy eetniyeeb Ukwaasana, 4kasseeh hineeb igwirhaayeeb eeshtiimoon, aflaay baliib gwirhaayeeb eefeen han hinin iknaayaan Ukwaasanaay nimriyeet tushamaam bareeh neeshtiim nikati. 5Umasiihiit tilhanay ishuukeeyoon kehii eetfiifneet toonaatiit, aflaay masi Umasiihi geebii Ukwaasanaayt tushamaam toowin nimꞌadhiidh. 6Hinin lhamnayeek, tuun batuuh bariitook shamaamwa midhhanwa tikati. Hinin aree shamaamt nimeereek, baruuk han shamaamt timriya, tarmuumaab marriyi jillaay aree akrir tittiyeewaaya. Aflaay baruuk han sabir dꞌiit oon hineet tilhanay tꞌiiteet lhanay haay timtariimi akrir tittiyeewaaya. 7Hinin usꞌaya bariiyook nibariyi aree akraabu, baruuk hineet tilhanay timꞌadhiidhi sabbii ikatiyeet toona nikteen. Aflaay masi baruuk hinin nimeereet tushamaamtiib han imꞌidhidh hoon tindiya.
8Isanaayaan, Aasiyaay whaashiib niibriyeeb igwirha shꞌiteeneet toona hookna nhariw. Hinin akra rabi kehoon daasamaa iifi, nimtirimee dehaay ootaad dehaay kinbari akay umidhhanoon yigwhaa niifi. 9Iginꞌaayeesoon yat dehoon haakamamtaneeb hiisna. Tuun tuuna aree igarooyeen dehaay binꞌadehamayeet toonaatu, laakiin Ukwaasanaay dehaay adehamnayeet toona sootni. Ukwaasana yꞌayaab ishidhhiin bariiyooh dehaay adehamnayeet toona sootni. 10Baruuh bak isoodiir gwirhaayee ishidhhan hoon, masi aree ishidhhin hoon indi. Hinin han usꞌaya bariiyooh kehii daasaaba, shaawti baruuh diimaab ishidhhin hoon indi. 11Baraak siileeltii hinin teeshtiimneet toonaatiit, aflaay gwida aree hinee jillaay Ukwaasana yhimid iyadna, hini jillaay tikatiit tuusileel aree agbilami tindi, Ukwaasana han baaraki hoon indi. 12Oontꞌa tuun tuuna hinin habnaab dehoon tikati: hinin iknaayaan toon tuduniyaatiib nidꞌiyeet toona beet iginꞌaayaan ibadehana, Ukwaasanaay ikatiint tigadasaawwa oosdikwa ibadehana. Hinin tuduniyaatiit fagarandiiteet hayꞌaatii dꞌiyaab kinki, laakiin Ukwaasanaayt tinꞌimaateet hayꞌaatii nidꞌi. 13Baraak bitꞌagriiyayneena tari bitꞌafhamayneena dehookna kinkitib. Baraak beet batooh daayiib afhamteeneet toona minniimani, 14baraak tarab gal hoon afhamtaaneet toonaatiit, yꞌeetiit daayiib timmiima afhami hoon tiyadna. Aflaay baraak Wꞌankwana Yasuuꞌiit tooyintiib hinee habnami tiyadna, hinin han bareesookna habnami niyad.
15Ani toon toona hooy akkadamaabu, aflaay malu doora rayiimteeni jillaay ani whankaay bareek rheesamtiib niyaaman. 16Ani Magadooniyaab ookiik iibaabee rheesamtiyookna niyaaman, Magadooniyaay agaree han wꞌaayookna ahariw, aree malya Yahuudaab ookiik tꞌiibaabtiib shamaamt hookna imiireet toona ahariw. 17Ani toon toona niyaamanihoob, eetehakee adꞌi han? Tari ani amankiirhoob tuduniyaatiit hayꞌaatiit dꞌiitiit aflaay gaat midda tooknaatiib, “Awooh, awooh” aree “Abadan, abadan.” andi han?
18Laakiin Ukwaasana sidik sidkiibu, hineet tudiigwat bareek beeti teebiit, “Awooh, Abadan” miyaad kitti. 19Ukwaasanaay Oor, Yasuuꞌa Umasiih, aneebwa Siilaaswa Tiimootiiwwa bareeyookna bitik bhaliinaneeb, baruuh “Awooh, abadan.” miyaad kiiki, laakiin bariiyooh geeb diimaab “Awooh” miyaad tikati. 20Ukwaasana naaka waadiya idꞌiyeeb hooy baagwibiina, baraah Umasiihiib “Awooh” miyaad ikatiin. Aree bariiyooh geebii aflaay “Aamiin” uumiyaad, Ukwaasanaay umatuunii dehaay hinee bhaliimiini. 21Oontꞌa Ukwaasana hininwa bareekwa kasseen Umasiihiib sꞌakirti isingiid hoon. Baruuh ishaamit hoon, 22baruuh ikinaamti khatim kehoon thꞌaabu, aree dibuuy akay Ishuukeeh hineeb iginꞌaayeeb idꞌi, gayii eetniit toona arbuuniya.
23Ukwaasana anii badehi ikatiyeet toona waliikani, baruuh aniib ooginꞌa ikteen. Ani bareekna ashidhhiini jillaay Koorinteen beeti agaar kaaki. 24Beet tuuna hinin wꞌiimaaniyookna kehii ankwanaamtiib kiiki, laakiin afirhiteeni jillaay geebookna shagaamnay. Baraakna wꞌiimaanii akirti tingadiinayt, geebookna shagaamnay.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT