Galaatiyaab 2
2
Baawlooswa weer linguumaawwa
1Tamna fadhig hawlaayi harꞌii, Barnaabaasi geeb masi Algudus abi. Ani Tiituus han amooraam. 2Laakiin Ukwaasana sooyiheeb akay beentooy adif. Usakana Udaayiib Ijintiilii dehaay bhaliiyeeb bareeh fassaran. Malya isuurkina daayiib iiktiin aree oodꞌooh tarootsaman. Aflaay aniib ishaga shꞌiika dꞌiyaab iiktiyeebwa harꞌook iidꞌeebwa mishiit biikaayeet toona ahariw. 3Tiituus geebu Algudus ibi. Baruuh Yoonaaniib iiktiyeek han, laakiin masi ginuuf aduuyii kwashaab kiiki. 4Gali aamananaab massalamiyaaniit ibitkeen jasaasaat shagaamiinayt, hinin beentooy nibi. Baraah Umasiih Yasuuꞌa hiiyyaayoon iiktiyeet tehirriyaay hoon iyayni jillaay yꞌaab iiktiin. Baraah hinin kishiyaayeehna iikwsiineet toona yhiriwna. 5Laakiin baraak usidki injiil timeerneet toona nhariw. Oon usabbii aree hinin bareeh attiyeewiyaab kinki.
6Gali bareesooh daayi suurkina iiktiineek han, ani baraah aayga iiktiineeb hooy halaag kaaki. Ukwaasana girad kiibari. Een bareeh daayi suurkina ittiyoodiin aniit tudiigwattiib naat han shaawaab kiikeen. 7Baraah, ani usakana udaayiinaay Ijintiilee dehaay diigwatamaab iiktiyeet toona iktiinna. Bitrus han toon tudiigwat tookna Iyahuudi sooyiiniyi jillaay diigwatamaab iiktiyeet toona iktiinna. 8Ukwaasana Bitrus ulinguumamaayt Iyahuudi istoob, oontꞌa aneeb Ijintiilee dehaay bhaliiyi jillaay ifdigeheeb.
9Yaaguubwa, Keefaaswa, Yuuhannaawwa suurkinaab iiktiina, Ukwaasana aneeb teen tinꞌima hiiyyaayu ikatiyeet toona ikanna. Baraah Barnaabaaswa aneebwa shoobiyaan hoon. Tuun tuuna aree hinin hiddaab Ijintiili geeb shagaamniyeet toona rhistini, aree baraah Iyahuudi geeb shagaamiineet toona rhistini. 10Baraah hinin oodehay yhamraab shꞌinayeet toona hoon yhariwna. Toon toona ani diimaab iidꞌeet toona ihiriw.
Baawloos Antiyookeeb Bitrus iitkwikw
11Keefaas Antaakiyaab eeyanihoob, ani baruuh halaag ikatiyeet toona suurii hadiidan. 12Yaaguub Yahuudi aamanana gal diigwatiyaneeb ookiik, Bitrus Wꞌankwana aamaniin Jintiili geeb tamiya. Baruuh Iyahuudi irkwiit willa Ijintiili geeb itamti ingad idꞌi. 13Iyahuudi aaraw han bariiyooh geeb wharaay yakiyaan, aflaay wharaayiisoohna Barnaabaas han kwakwidhisiyaan.
14Laakiin ani bareeh oosdik usakana udaayiinaay eefeeb sinaakraab biikaayneet toona rhanihoob, kasseeh oodehayi suurii Bitrusii dehaay, “Keefaas baruuk Yahuudiib tikatiya, laakiin Ijintiili tꞌiiteena kwarriya, aree Iyahuudiib kiiki. Aflaay Ijintiili kak akruurii Iyahuudiit aada eetriimneet toona harriiwa?” idi.
15Hinin Iyahuudiib akay faraya, aree Ijintiileet maagtikina kinki. 16Laakiin Ukwaasana oodehay Yasuuꞌa Umasiihiib aamaneen eebhat agbiliiniyeet toona nikteen. Whag ookna ramtiit Ukwaasana gaal han kiimidhidh. Aflaay wꞌiimaanoon Umasiih Yasuuꞌiib daasnaayt, wꞌiimaaniyoon sabbii aree Ukwaasana agbiliya hoon.
17Hinin Iyahuudi Umasiihi aamaniit Ukwaasanaay geeb takwakw nikatiyeet toona nhariwihoob, hinin han maagtikina niiktiyeet toona nikan. Aflaay tuun tuuna Umasiih uukna maagtikina ikwaas hoon miyaadu? Abadan, bak kiiki! 18Laakiin ani naat gaat katꞌaniyeek, aree malya masi andꞌiireek, whankaay maagtikina iiktiyeet toona asookiin. 19Whag uukna idirheeb, aree yꞌakrireesooh ifdigheeb, aflaay Ukwaasanaay dehaay akwarriib iikti. Ani Umasiihi geeb usaliibi kehii mismaraayee atoothꞌaabi. 20Ani Umasiihi geeb sallabaman aree shaawti ikwaar kaadi, laakiin Umasiih aniit tehooyteeb kwarri. Aree oontꞌa ani Ukwaasanaay Wꞌooriib wꞌiimaanii akwarri. Baruuh areeyaheeb, aree anii jillaay ugarooyooh nuuniya. 21Ukwaasanaayt tinꞌimaatee fidinti kanakaman. Whag sinaakirtiit Ukwaasana agbiliiniyuun, Umasiihiit tuuyat takweet teetniiwt miyaad ikati.
Currently Selected:
Galaatiyaab 2: BEJA
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT
Galaatiyaab 2
2
Baawlooswa weer linguumaawwa
1Tamna fadhig hawlaayi harꞌii, Barnaabaasi geeb masi Algudus abi. Ani Tiituus han amooraam. 2Laakiin Ukwaasana sooyiheeb akay beentooy adif. Usakana Udaayiib Ijintiilii dehaay bhaliiyeeb bareeh fassaran. Malya isuurkina daayiib iiktiin aree oodꞌooh tarootsaman. Aflaay aniib ishaga shꞌiika dꞌiyaab iiktiyeebwa harꞌook iidꞌeebwa mishiit biikaayeet toona ahariw. 3Tiituus geebu Algudus ibi. Baruuh Yoonaaniib iiktiyeek han, laakiin masi ginuuf aduuyii kwashaab kiiki. 4Gali aamananaab massalamiyaaniit ibitkeen jasaasaat shagaamiinayt, hinin beentooy nibi. Baraah Umasiih Yasuuꞌa hiiyyaayoon iiktiyeet tehirriyaay hoon iyayni jillaay yꞌaab iiktiin. Baraah hinin kishiyaayeehna iikwsiineet toona yhiriwna. 5Laakiin baraak usidki injiil timeerneet toona nhariw. Oon usabbii aree hinin bareeh attiyeewiyaab kinki.
6Gali bareesooh daayi suurkina iiktiineek han, ani baraah aayga iiktiineeb hooy halaag kaaki. Ukwaasana girad kiibari. Een bareeh daayi suurkina ittiyoodiin aniit tudiigwattiib naat han shaawaab kiikeen. 7Baraah, ani usakana udaayiinaay Ijintiilee dehaay diigwatamaab iiktiyeet toona iktiinna. Bitrus han toon tudiigwat tookna Iyahuudi sooyiiniyi jillaay diigwatamaab iiktiyeet toona iktiinna. 8Ukwaasana Bitrus ulinguumamaayt Iyahuudi istoob, oontꞌa aneeb Ijintiilee dehaay bhaliiyi jillaay ifdigeheeb.
9Yaaguubwa, Keefaaswa, Yuuhannaawwa suurkinaab iiktiina, Ukwaasana aneeb teen tinꞌima hiiyyaayu ikatiyeet toona ikanna. Baraah Barnaabaaswa aneebwa shoobiyaan hoon. Tuun tuuna aree hinin hiddaab Ijintiili geeb shagaamniyeet toona rhistini, aree baraah Iyahuudi geeb shagaamiineet toona rhistini. 10Baraah hinin oodehay yhamraab shꞌinayeet toona hoon yhariwna. Toon toona ani diimaab iidꞌeet toona ihiriw.
Baawloos Antiyookeeb Bitrus iitkwikw
11Keefaas Antaakiyaab eeyanihoob, ani baruuh halaag ikatiyeet toona suurii hadiidan. 12Yaaguub Yahuudi aamanana gal diigwatiyaneeb ookiik, Bitrus Wꞌankwana aamaniin Jintiili geeb tamiya. Baruuh Iyahuudi irkwiit willa Ijintiili geeb itamti ingad idꞌi. 13Iyahuudi aaraw han bariiyooh geeb wharaay yakiyaan, aflaay wharaayiisoohna Barnaabaas han kwakwidhisiyaan.
14Laakiin ani bareeh oosdik usakana udaayiinaay eefeeb sinaakraab biikaayneet toona rhanihoob, kasseeh oodehayi suurii Bitrusii dehaay, “Keefaas baruuk Yahuudiib tikatiya, laakiin Ijintiili tꞌiiteena kwarriya, aree Iyahuudiib kiiki. Aflaay Ijintiili kak akruurii Iyahuudiit aada eetriimneet toona harriiwa?” idi.
15Hinin Iyahuudiib akay faraya, aree Ijintiileet maagtikina kinki. 16Laakiin Ukwaasana oodehay Yasuuꞌa Umasiihiib aamaneen eebhat agbiliiniyeet toona nikteen. Whag ookna ramtiit Ukwaasana gaal han kiimidhidh. Aflaay wꞌiimaanoon Umasiih Yasuuꞌiib daasnaayt, wꞌiimaaniyoon sabbii aree Ukwaasana agbiliya hoon.
17Hinin Iyahuudi Umasiihi aamaniit Ukwaasanaay geeb takwakw nikatiyeet toona nhariwihoob, hinin han maagtikina niiktiyeet toona nikan. Aflaay tuun tuuna Umasiih uukna maagtikina ikwaas hoon miyaadu? Abadan, bak kiiki! 18Laakiin ani naat gaat katꞌaniyeek, aree malya masi andꞌiireek, whankaay maagtikina iiktiyeet toona asookiin. 19Whag uukna idirheeb, aree yꞌakrireesooh ifdigheeb, aflaay Ukwaasanaay dehaay akwarriib iikti. Ani Umasiihi geeb usaliibi kehii mismaraayee atoothꞌaabi. 20Ani Umasiihi geeb sallabaman aree shaawti ikwaar kaadi, laakiin Umasiih aniit tehooyteeb kwarri. Aree oontꞌa ani Ukwaasanaay Wꞌooriib wꞌiimaanii akwarri. Baruuh areeyaheeb, aree anii jillaay ugarooyooh nuuniya. 21Ukwaasanaayt tinꞌimaatee fidinti kanakaman. Whag sinaakirtiit Ukwaasana agbiliiniyuun, Umasiihiit tuuyat takweet teetniiwt miyaad ikati.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT