Aduya 25
25
1 Solomɔn Aduya ŋaale Bela
1Kɛŋa yɛna Solomɔn aduya ŋaale bela, ŋan Yuda gyoo Hesekiya balaŋ ba bese ŋmarase nɛ.
2Wurubuarɛ gyoorobiiri yɛna waa weese kolo,
gyooneŋ gyoorobiiri yɛna baa kɛo kolo man.
3Mena keŋ adido korɛɛ te tɛɛle dana siiliŋ nɛ,
mena te ŋolo be tale gyeŋ keŋ doo gyooneŋ konɔɔse man ya.
4Lese ayimɛɛ lee kɔba wolom man,
na kɔba wolom luure kenyiŋ kpaakpaate keŋ mo yɛɛ kuruwaase.
5Lese akpanyanyaŋ kegyiise lee gyoo siaman,
na ɔ gyoori ke kyaa gbeli katenee man.
6Na gate n wose gyoo siaman ya,
te na mo n wose maana ɔ kegyiise baŋ ya.
7Dei nyi waa yako neŋ nyi, <<Gyeŋ kɔŋ kɛbo,>>
kela waa do neŋ desɛŋ ɔ kegyiise siaman.
Keŋ n be naa na n sia nɛ, 8na barase mo gyu nombia dedii ya,
nawolo nyi akpaa n dɔɔ da do neŋ desɛŋ ɔto man na,
sena te n ke yɛɛ?
9Akpaa ɛmɛɛ na n dɔɔ de nyiŋ nombia na ɛ kyaa na ɛ ke desina ya nsana,
na mena ya ɛ ka lese ɛ nombia aweeseŋ debɔɔ,
10nyi ŋolo de nyii na waa do neŋ desɛŋ,
na ka te dɔɔ n dɔɔ.
11Nombii keŋ be yako ke ka debaŋ man nɛ,
yɛɛ ŋgba kɔba yayam kolo keŋ bɔɔ mo do kɔba wolom kolo man nɛ.
12Mena keŋ kɔba yayam desomdee yaa kɔba yayam kpaakpaate kolo doo nɛ,
mena te siakaralate de kalena deŋele keŋ ne nyii dei nɛ doo.
13Mena keŋ loŋ ne fɛɛ dugbututɛɛ nɛ,
mena te kpilare anokoarete doo ɔ kpilare ŋon gyaŋ,
ɔ ne fɛɛ ɔ gbeŋgyoo konɔɔ.
14Mena keŋ ŋɔma ne biri na feliŋ te ɔga bɛɛ ŋɛɛ ya nɛ,
mena te ŋon ɔ na wola ɔ wose nyi waa fa abɔɔ mɔna ɔ bɛɛ faa ya nɛ doo,
15Konɔɔ kenyiŋ te bɛɛ mo kyɔlɛɛ gyoo te ɔ ne kyɛɛkee wa nyeempɔ,
te laakem dawoosa ne tale yɛlɛɛ ŋɔe.
16N nyiŋ teebɔɔ nɛ, na di ke beiŋ ya,
n di ke gbaa n wose na nyaŋ ke tɔe ke.
17Na gyu n dɔɔ dɛɛ agbaatee agbaatee ya,
n nombia de poro e na waa kɔla neŋ.
18Ŋon ɔ ne di adansɛɛkum tia ɔ dɔɔ nɛ,
yɛɛ ŋgba ɔ moo okpokpo yaa yoosila yaa baŋdaŋ nyeele baa gyu ɔ dɔɔ nɛ.
19Wose ka mo lɔ ŋon ɔ bee di anokoare ya dɔɔ wose kekyaŋ wee nɛ,
yɛɛ ŋgba keli keŋ be kyakare ka mo tao kolo yaa nae keŋ be siŋii dɔɔ keta nɛ.
20Ŋon ɔ ne kpee nɔɔneŋ fa walaŋ ŋon ɔ ne mutii nɛ,
yɛɛ ŋgba ŋon ɔ ba kpee abɔɔ waaretɛɛ,
yaa ŋgba soloŋ denyaŋesa keŋ bɔɔ mo woli gyam dɔɔ nɛ.
21Nyi tanam na ko n kɔlare na fa e weenɛɛ waa di,
nyi loŋboaneŋ na ko e na fa e loŋ waa nyɔɔ.
22N yɛɛ mena na n ta do e desɛŋ nideli,
te Degbeŋgyoo waa tɔ neŋ ka kom.
23Mena keŋ ado yenaŋ feliŋ na mo ɔga kɔŋ nɛ,
mena te laakem dekarate ne yele walaŋ ne nyaŋe ɔ sia.
24Debɔɔlɔɔ man kekyaa nyaageŋ dei,
kela ɛmɛɛ na alo kale gyaere ke kyaa dekpaŋalaŋ man.
25Mena keŋ loŋ defɛɛsa na ko loŋboaneŋ nɛ,
mena te nombia kpaakpaa ŋan ba lee lem nɛ doo.
26Mena keŋ loŋ deepue lee de kutu yaa detiribuŋ man loŋ de wɔlɛɛ nɛ,
mena te ŋon ɔ gbɛɛneŋ tenɛɛ de yale akpanyanyaŋte kɔta man nɛ doo.
27Be dei nyi nya di teebɔɔ beiŋ ya,
mena mɔ te na gyae nyi baa kɛlɛɛ neŋ beiŋ ya.
28Walaŋ ŋon ɔ bɛɛ tale kyaŋ ɔ wose ya nɛ,
yɛɛ ŋgba donɔɔ dinaa keŋ bɔɔ tekerii ka akyaŋse nɛ.
Currently Selected:
Aduya 25: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation
Aduya 25
25
1 Solomɔn Aduya ŋaale Bela
1Kɛŋa yɛna Solomɔn aduya ŋaale bela, ŋan Yuda gyoo Hesekiya balaŋ ba bese ŋmarase nɛ.
2Wurubuarɛ gyoorobiiri yɛna waa weese kolo,
gyooneŋ gyoorobiiri yɛna baa kɛo kolo man.
3Mena keŋ adido korɛɛ te tɛɛle dana siiliŋ nɛ,
mena te ŋolo be tale gyeŋ keŋ doo gyooneŋ konɔɔse man ya.
4Lese ayimɛɛ lee kɔba wolom man,
na kɔba wolom luure kenyiŋ kpaakpaate keŋ mo yɛɛ kuruwaase.
5Lese akpanyanyaŋ kegyiise lee gyoo siaman,
na ɔ gyoori ke kyaa gbeli katenee man.
6Na gate n wose gyoo siaman ya,
te na mo n wose maana ɔ kegyiise baŋ ya.
7Dei nyi waa yako neŋ nyi, <<Gyeŋ kɔŋ kɛbo,>>
kela waa do neŋ desɛŋ ɔ kegyiise siaman.
Keŋ n be naa na n sia nɛ, 8na barase mo gyu nombia dedii ya,
nawolo nyi akpaa n dɔɔ da do neŋ desɛŋ ɔto man na,
sena te n ke yɛɛ?
9Akpaa ɛmɛɛ na n dɔɔ de nyiŋ nombia na ɛ kyaa na ɛ ke desina ya nsana,
na mena ya ɛ ka lese ɛ nombia aweeseŋ debɔɔ,
10nyi ŋolo de nyii na waa do neŋ desɛŋ,
na ka te dɔɔ n dɔɔ.
11Nombii keŋ be yako ke ka debaŋ man nɛ,
yɛɛ ŋgba kɔba yayam kolo keŋ bɔɔ mo do kɔba wolom kolo man nɛ.
12Mena keŋ kɔba yayam desomdee yaa kɔba yayam kpaakpaate kolo doo nɛ,
mena te siakaralate de kalena deŋele keŋ ne nyii dei nɛ doo.
13Mena keŋ loŋ ne fɛɛ dugbututɛɛ nɛ,
mena te kpilare anokoarete doo ɔ kpilare ŋon gyaŋ,
ɔ ne fɛɛ ɔ gbeŋgyoo konɔɔ.
14Mena keŋ ŋɔma ne biri na feliŋ te ɔga bɛɛ ŋɛɛ ya nɛ,
mena te ŋon ɔ na wola ɔ wose nyi waa fa abɔɔ mɔna ɔ bɛɛ faa ya nɛ doo,
15Konɔɔ kenyiŋ te bɛɛ mo kyɔlɛɛ gyoo te ɔ ne kyɛɛkee wa nyeempɔ,
te laakem dawoosa ne tale yɛlɛɛ ŋɔe.
16N nyiŋ teebɔɔ nɛ, na di ke beiŋ ya,
n di ke gbaa n wose na nyaŋ ke tɔe ke.
17Na gyu n dɔɔ dɛɛ agbaatee agbaatee ya,
n nombia de poro e na waa kɔla neŋ.
18Ŋon ɔ ne di adansɛɛkum tia ɔ dɔɔ nɛ,
yɛɛ ŋgba ɔ moo okpokpo yaa yoosila yaa baŋdaŋ nyeele baa gyu ɔ dɔɔ nɛ.
19Wose ka mo lɔ ŋon ɔ bee di anokoare ya dɔɔ wose kekyaŋ wee nɛ,
yɛɛ ŋgba keli keŋ be kyakare ka mo tao kolo yaa nae keŋ be siŋii dɔɔ keta nɛ.
20Ŋon ɔ ne kpee nɔɔneŋ fa walaŋ ŋon ɔ ne mutii nɛ,
yɛɛ ŋgba ŋon ɔ ba kpee abɔɔ waaretɛɛ,
yaa ŋgba soloŋ denyaŋesa keŋ bɔɔ mo woli gyam dɔɔ nɛ.
21Nyi tanam na ko n kɔlare na fa e weenɛɛ waa di,
nyi loŋboaneŋ na ko e na fa e loŋ waa nyɔɔ.
22N yɛɛ mena na n ta do e desɛŋ nideli,
te Degbeŋgyoo waa tɔ neŋ ka kom.
23Mena keŋ ado yenaŋ feliŋ na mo ɔga kɔŋ nɛ,
mena te laakem dekarate ne yele walaŋ ne nyaŋe ɔ sia.
24Debɔɔlɔɔ man kekyaa nyaageŋ dei,
kela ɛmɛɛ na alo kale gyaere ke kyaa dekpaŋalaŋ man.
25Mena keŋ loŋ defɛɛsa na ko loŋboaneŋ nɛ,
mena te nombia kpaakpaa ŋan ba lee lem nɛ doo.
26Mena keŋ loŋ deepue lee de kutu yaa detiribuŋ man loŋ de wɔlɛɛ nɛ,
mena te ŋon ɔ gbɛɛneŋ tenɛɛ de yale akpanyanyaŋte kɔta man nɛ doo.
27Be dei nyi nya di teebɔɔ beiŋ ya,
mena mɔ te na gyae nyi baa kɛlɛɛ neŋ beiŋ ya.
28Walaŋ ŋon ɔ bɛɛ tale kyaŋ ɔ wose ya nɛ,
yɛɛ ŋgba donɔɔ dinaa keŋ bɔɔ tekerii ka akyaŋse nɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation