Kesikpɛkpɛ 9
9
Owusoso Akaa Olugbù Nyanya nɛ̀ Noa
1Kidegbaa, Owusoso Akaa eyulà atɔɖɔ akɔ Noa nɛ̀ yɛ beyianyɛ pɛ etseɖe alɛ asɛ: "Nɔmɔ beeyi tɛ nokpe tɔɖɔ tɛ noyukù kesiakpa nabha. 2Kifù sisi bazã kesiakpa bagãhoeɛ mɛ nɛ wɔnɔ ishu, bɔzhɔɛ nɔ gɛ kpasɛ kɛlɛɛ nɔ mɛ petee, baagã nyɔ̃ɔ gɛetsì nɛ kesiakpa, nɛ̀ akpàa nɔ gɛ lakpasɛ kelikekpuɔ mɛ; ɛlɔkɔ kpɛ wɔnɔ ahɔɛ. 3Kɛkanyiaka gɛ lɛ nɛ̀ ɛkpã pɛ kɛhuanà ishuɔ bedzì kɛŋaŋã akɔ wɔnɔ. Aasɛ kanà gɛ ɛlɔkɔ tɛwa wɔwɔ kɔ wɔnɔɔ, otsiɛ nɔ ɛlɔkɔ kɛkanyiaka kɔ wɔnɔ.
4"Pɔ kɛma sɛ nɔŋã kɛdzya gɛ ɛkpã dzyosu akakpasɛ ɛlɛ mɛɛ. 5Kɛlɛ kɔ wɔnɔ̃ ɛkpã dzyosu nɔ shuɔ ɛba bisi akɔnta gɛ titsyitsyina ma. Ɛbà bisi akɔnta odenɔ agã kanyiaka gɛ abalɛ̀ anɔdzrame dzyosu ɔkɔ. Kanake ɛba bisi akɔnta odenɔ anɔdzrame ɔkɔ nɛ yɛɔhagbo anɔdzrame ɛkpã dzyosu shu.
6"Anɔnyianɔ gɛ abalɛ̀ anɔdzrame dzosu nɔ,
anɔdzrame yɛebebu yɛayɛ tsyɛ;
ɔmɔsɛ Owusoso Akaa tɛzazã mɛɛ,
Owusoso Akaa abhɛtɛ anɔdzrame.
7Wɔnɔ pɔ, nɔmɔ beeyì tɛ wɔnɔ tɛkakalà mɛ kpe tɔɖɔ; nɔmɔ̃ tɔɖɔ nɛ kesiakpa nabha tɛ nokpe nɛ kalɛ abha."
8Kidegbaa, Owusoso Akaa etseɖe Noa nɛ̀ yɛ beyianyɛ gɛazã yɛɔbha asɛ: 9"Otsialɛ ɛbhɛtɛ mɛ olugbù nyanyã nɛ̀ wɔnɔ nɛ̀ wɔnɔ bɔmɔɔ gɛ baba nɛ̀ wɔnɔ kihui nɔ 10nɛ̀ ɛkpã agã kanyiaka gɛazã wɔnɔ ɔbha-bɔzhɔɛ nɔ, kepi baagã, nɛ̀ ayakpa mɛ ayɛ tsyɛ petee, baagã alɛ petee gɛ bekoeyi aplɛnɔ wɔnɔ nɛ aɖaka ohuɔ mɛ-agã kanyiaka gɛ alɛ nɛkpã nɛ kesiakpa nabha. 11Ɛbhɛtɛ mɛ olugbù nyanyã ɔlɛ nɛ wɔnɔ asɛ; kɛzakà ba ɛlɛ mɛ oɖi ɔsɛ bebè bhui ɛkpã petee abha ɔganà budekelĩ yiyí mɛ; kɛza baɛlɛ mɛ oɖi ɔsɛ budekeli bazĩ kesiakpa."
12Kɛlɛ Owusoso akaa aɖɔ asɛ, "Kibui ɛlɛ kɛlɛinu kɛwɔ̃ ɔkɔ olugbù nyanyã gɛ ɛɛbhɛtɛ̀ nɛ mɛ nɛ̀ wɔnɔ nɛ̀ agã kanyiaka gɛ alɛ wɔnɔ ɔbha, olugbù nyanyã ɔkɔ wɔnɔ bɔmɔ̃ɔ petee gɛ babaa. 13Ɛtɛkpɛ mɛ enegeɛ nɛ ɔmɔlɔɔ̃ nɔ mɛ̀, kɛlɛ badzì kɛwɔ̃ ɔkɔ olugbù nyanyã nɛ mɛ nɛ̀ kesiakpa nɛishi. 14Kibenyiabe gɛ ɛmanà ɔmɔlɔ̃ nɛ kesiakpa nadamɛ pɛ enegeɛ ekoeyì nɛ ɔmɔlɔ̃ nɔ mɛɛ, 15ɛbà bakà mɛ olugbù nyanyã gɛɔkpasɛ mɛ nɛ̀ wɔnɔ kishiɛ nɛ̀ bagaã ediediɛ petee gɛalɛ nɛkpaã. Kɛzakà baɛlɛ mɛ oɖi ɔsɛ bulĩ batsyina edzì budekelĩ pɛ bɔbazĩ ɛkpã nyɔ̃ɔ. 16Kibenyiabe gɛ enegeɛ ekoeyi nɛ ɔmɔlɔ̃ nɔ mɛɛ, ɛbà mɔ yɛ, pɛ ɛba bakà olugbù nyanyã tihɔɔ nɔ gɛɔlɛ mɛ Owusoso Akaa nɛ̀ baagã ediediɛ petee gɛ alɛ nɛkpã nɛ kesiakpa nabha nɛishi."
17Kliso Owusoso Akaa etseɖe Noa asɛ, "Olugbũɔ gɛ nyã nɛ mɛ nɛ̀ ɛkpaã petee ishi nɛ kesiakpa nabha kɛlɛinu kɛwɔ̃ ɛlɛ gɛidzu esi."
Noa Yɛ Beyianyɛ
18Noa yɛ beyianyɛ gɛ bekoeyì nɛ aɖaka ohuɔ mɛ balɛenu, Shɛm, Xam nɛ̀ Yafɛti. (Xam yɛedzì aka akɔ Kana.) 19Banɔ alɛ balɛ edzì Noa yɛ beyianyɛ taata, kɛlɛ ɔgana balɛ abhaa banɔnɔ nyɔ̃ɔ gɛ bapɔ̃ɛ akanà nɛ kesiakpa nabha bede ekoeyi.
20Noa, anyɛ gɛedzì ayadɛ, avɛ ɛlɛ abha adɛ wuain bɔyà. 21Gɛ awɔ̃ɛ yɛɔyà mɛ wuain teliɛ, abadɔ bunù gɛ awɔsɔ̃ yɛ kɛpɔtɛ kagbaa mɛ gɛ azã zhyoliaa. 22Xam gɛedzì Kana yɛaka, amɔ̃ yɛaka yɛ zhyoliaa mɛ kɛlɛ editseɖe yɛadza alɛ taabha gɛeli ɔtɔɔ̃. 23Pɔ Shɛm nɛ̀ Yafɛti xɔnɔ badɛ lɔkɔ kɛpɔtɛ atɔɖɔ balɛ owũdɔ pɛ bagã kideedè pɛ balɔkɔ ekumù balɛ aka zhyoliaa nɔ abha. Betsyina balɛ amɛ akpɛ kɛwɔã ɔsɛ tɛ batɛmɔ balɛ aka zhyoliaa.
24Gɛ Noa anyɛmɛ odenɔ yɛ bunù dɔdɔɔ mɛ pɛ ebetì kɛgɛ yɛeyianyɛ bhala abhɛtɛ yɛishuɔ, 25aɖɔ asɛ,
"Baɖɔ kibui akpɛ wɔ Kana!
Banɔ dzidzi balɛ ebhului bhului nɔ
yɛebedzi ɔkɔ yɛadzya alɛ."
26Azaɖɔ tsyɛ asɛ,
"Beyulà atɔɖɔ akɔ Apaleteɛ, Shɛm yɛ Owusoso Akaa!
Tɛ Kana edzì anɔ dzidzì akɔ Shɛm.
27Tɛ̀ Owusoso Akaa akɔ Yafɛti kɛkɔtɔ mɛ anɛ atɔɖɔ;
tɛ̀ Yafɛti azã Shɛm yɛ kɛpɔtɛ bɔgbaa mɛ,
kɛlɛ tɛ̀ Kana edzì yɛanɔ dzidzì."
28Nɛ budekelĩ niedeɛ, Noa azazã nɛkpã agɔ alafa taata nɛ̀ afɛeti. 29Balɔkɔ yɛagɔ petee ɔplɛnɔ bagɔlɔɔ, Noa azã nɛkpã agɔ alafa teezhyita nɛ̀ afɛeti, kɛlɛ ebe tsí.
Currently Selected:
Kesikpɛkpɛ 9: NYB
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Languages, Literacy and Bible Translation GILLBT
Kesikpɛkpɛ 9
9
Owusoso Akaa Olugbù Nyanya nɛ̀ Noa
1Kidegbaa, Owusoso Akaa eyulà atɔɖɔ akɔ Noa nɛ̀ yɛ beyianyɛ pɛ etseɖe alɛ asɛ: "Nɔmɔ beeyi tɛ nokpe tɔɖɔ tɛ noyukù kesiakpa nabha. 2Kifù sisi bazã kesiakpa bagãhoeɛ mɛ nɛ wɔnɔ ishu, bɔzhɔɛ nɔ gɛ kpasɛ kɛlɛɛ nɔ mɛ petee, baagã nyɔ̃ɔ gɛetsì nɛ kesiakpa, nɛ̀ akpàa nɔ gɛ lakpasɛ kelikekpuɔ mɛ; ɛlɔkɔ kpɛ wɔnɔ ahɔɛ. 3Kɛkanyiaka gɛ lɛ nɛ̀ ɛkpã pɛ kɛhuanà ishuɔ bedzì kɛŋaŋã akɔ wɔnɔ. Aasɛ kanà gɛ ɛlɔkɔ tɛwa wɔwɔ kɔ wɔnɔɔ, otsiɛ nɔ ɛlɔkɔ kɛkanyiaka kɔ wɔnɔ.
4"Pɔ kɛma sɛ nɔŋã kɛdzya gɛ ɛkpã dzyosu akakpasɛ ɛlɛ mɛɛ. 5Kɛlɛ kɔ wɔnɔ̃ ɛkpã dzyosu nɔ shuɔ ɛba bisi akɔnta gɛ titsyitsyina ma. Ɛbà bisi akɔnta odenɔ agã kanyiaka gɛ abalɛ̀ anɔdzrame dzyosu ɔkɔ. Kanake ɛba bisi akɔnta odenɔ anɔdzrame ɔkɔ nɛ yɛɔhagbo anɔdzrame ɛkpã dzyosu shu.
6"Anɔnyianɔ gɛ abalɛ̀ anɔdzrame dzosu nɔ,
anɔdzrame yɛebebu yɛayɛ tsyɛ;
ɔmɔsɛ Owusoso Akaa tɛzazã mɛɛ,
Owusoso Akaa abhɛtɛ anɔdzrame.
7Wɔnɔ pɔ, nɔmɔ beeyì tɛ wɔnɔ tɛkakalà mɛ kpe tɔɖɔ; nɔmɔ̃ tɔɖɔ nɛ kesiakpa nabha tɛ nokpe nɛ kalɛ abha."
8Kidegbaa, Owusoso Akaa etseɖe Noa nɛ̀ yɛ beyianyɛ gɛazã yɛɔbha asɛ: 9"Otsialɛ ɛbhɛtɛ mɛ olugbù nyanyã nɛ̀ wɔnɔ nɛ̀ wɔnɔ bɔmɔɔ gɛ baba nɛ̀ wɔnɔ kihui nɔ 10nɛ̀ ɛkpã agã kanyiaka gɛazã wɔnɔ ɔbha-bɔzhɔɛ nɔ, kepi baagã, nɛ̀ ayakpa mɛ ayɛ tsyɛ petee, baagã alɛ petee gɛ bekoeyi aplɛnɔ wɔnɔ nɛ aɖaka ohuɔ mɛ-agã kanyiaka gɛ alɛ nɛkpã nɛ kesiakpa nabha. 11Ɛbhɛtɛ mɛ olugbù nyanyã ɔlɛ nɛ wɔnɔ asɛ; kɛzakà ba ɛlɛ mɛ oɖi ɔsɛ bebè bhui ɛkpã petee abha ɔganà budekelĩ yiyí mɛ; kɛza baɛlɛ mɛ oɖi ɔsɛ budekeli bazĩ kesiakpa."
12Kɛlɛ Owusoso akaa aɖɔ asɛ, "Kibui ɛlɛ kɛlɛinu kɛwɔ̃ ɔkɔ olugbù nyanyã gɛ ɛɛbhɛtɛ̀ nɛ mɛ nɛ̀ wɔnɔ nɛ̀ agã kanyiaka gɛ alɛ wɔnɔ ɔbha, olugbù nyanyã ɔkɔ wɔnɔ bɔmɔ̃ɔ petee gɛ babaa. 13Ɛtɛkpɛ mɛ enegeɛ nɛ ɔmɔlɔɔ̃ nɔ mɛ̀, kɛlɛ badzì kɛwɔ̃ ɔkɔ olugbù nyanyã nɛ mɛ nɛ̀ kesiakpa nɛishi. 14Kibenyiabe gɛ ɛmanà ɔmɔlɔ̃ nɛ kesiakpa nadamɛ pɛ enegeɛ ekoeyì nɛ ɔmɔlɔ̃ nɔ mɛɛ, 15ɛbà bakà mɛ olugbù nyanyã gɛɔkpasɛ mɛ nɛ̀ wɔnɔ kishiɛ nɛ̀ bagaã ediediɛ petee gɛalɛ nɛkpaã. Kɛzakà baɛlɛ mɛ oɖi ɔsɛ bulĩ batsyina edzì budekelĩ pɛ bɔbazĩ ɛkpã nyɔ̃ɔ. 16Kibenyiabe gɛ enegeɛ ekoeyi nɛ ɔmɔlɔ̃ nɔ mɛɛ, ɛbà mɔ yɛ, pɛ ɛba bakà olugbù nyanyã tihɔɔ nɔ gɛɔlɛ mɛ Owusoso Akaa nɛ̀ baagã ediediɛ petee gɛ alɛ nɛkpã nɛ kesiakpa nabha nɛishi."
17Kliso Owusoso Akaa etseɖe Noa asɛ, "Olugbũɔ gɛ nyã nɛ mɛ nɛ̀ ɛkpaã petee ishi nɛ kesiakpa nabha kɛlɛinu kɛwɔ̃ ɛlɛ gɛidzu esi."
Noa Yɛ Beyianyɛ
18Noa yɛ beyianyɛ gɛ bekoeyì nɛ aɖaka ohuɔ mɛ balɛenu, Shɛm, Xam nɛ̀ Yafɛti. (Xam yɛedzì aka akɔ Kana.) 19Banɔ alɛ balɛ edzì Noa yɛ beyianyɛ taata, kɛlɛ ɔgana balɛ abhaa banɔnɔ nyɔ̃ɔ gɛ bapɔ̃ɛ akanà nɛ kesiakpa nabha bede ekoeyi.
20Noa, anyɛ gɛedzì ayadɛ, avɛ ɛlɛ abha adɛ wuain bɔyà. 21Gɛ awɔ̃ɛ yɛɔyà mɛ wuain teliɛ, abadɔ bunù gɛ awɔsɔ̃ yɛ kɛpɔtɛ kagbaa mɛ gɛ azã zhyoliaa. 22Xam gɛedzì Kana yɛaka, amɔ̃ yɛaka yɛ zhyoliaa mɛ kɛlɛ editseɖe yɛadza alɛ taabha gɛeli ɔtɔɔ̃. 23Pɔ Shɛm nɛ̀ Yafɛti xɔnɔ badɛ lɔkɔ kɛpɔtɛ atɔɖɔ balɛ owũdɔ pɛ bagã kideedè pɛ balɔkɔ ekumù balɛ aka zhyoliaa nɔ abha. Betsyina balɛ amɛ akpɛ kɛwɔã ɔsɛ tɛ batɛmɔ balɛ aka zhyoliaa.
24Gɛ Noa anyɛmɛ odenɔ yɛ bunù dɔdɔɔ mɛ pɛ ebetì kɛgɛ yɛeyianyɛ bhala abhɛtɛ yɛishuɔ, 25aɖɔ asɛ,
"Baɖɔ kibui akpɛ wɔ Kana!
Banɔ dzidzi balɛ ebhului bhului nɔ
yɛebedzi ɔkɔ yɛadzya alɛ."
26Azaɖɔ tsyɛ asɛ,
"Beyulà atɔɖɔ akɔ Apaleteɛ, Shɛm yɛ Owusoso Akaa!
Tɛ Kana edzì anɔ dzidzì akɔ Shɛm.
27Tɛ̀ Owusoso Akaa akɔ Yafɛti kɛkɔtɔ mɛ anɛ atɔɖɔ;
tɛ̀ Yafɛti azã Shɛm yɛ kɛpɔtɛ bɔgbaa mɛ,
kɛlɛ tɛ̀ Kana edzì yɛanɔ dzidzì."
28Nɛ budekelĩ niedeɛ, Noa azazã nɛkpã agɔ alafa taata nɛ̀ afɛeti. 29Balɔkɔ yɛagɔ petee ɔplɛnɔ bagɔlɔɔ, Noa azã nɛkpã agɔ alafa teezhyita nɛ̀ afɛeti, kɛlɛ ebe tsí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Languages, Literacy and Bible Translation GILLBT